Ormilitarism

Rusiya Silahlı Qüvvələrinin Pilotsuz Sistemlər Qoşunlarının tərkibində geniş tanınan 50-ci “Varyaq” əlahiddə pilotsuz sistemlər briqadasından əlavə, ötən müddət ərzində briqada səviyyəsində daha beş birləşmə yaradılıb: 19-cu əlahiddə pilotsuz sistemlər briqadası (19-cu OBpBS); 25-ci əlahiddə pilotsuz sistemlər briqadası (25-ci OBpBS); ▪️ 26-cı əlahiddə desant-hava qoşunlarının pilotsuz sistemlər briqadası (26-cı OBpBS VDV); 27-ci əlahiddə pilotsuz sistemlər briqadası (27-ci OBpBS); 40-cı əlahiddə pilotsuz sistemlər briqadası (40-cı OBpBS). Bundan əlavə, “Rubikon” və “BARS-Sarmat” mərkəzləri, 7-dən çox ayrıca polk və onlarla əlahiddə batalyon da Pilotsuz Sistemlər Qoşunlarının tərkibinə daxil edilib.

Bu raketlər klassik ballistik raketlərin təxminən 500 kq-lıq döyüş başlıqları ilə müqayisədə daha böyük dağıntılar törətmək qabiliyyətinə malikdir. Ehtimal olunur ki, bu raket Rusiyaya sınaqların keçirilməsi çərçivəsində təhvil verilib.

Ukrayna Baş Kəşfiyyat İdarəsinin Rusiyanın raket ehtiyatları ilə bağlı qiymətləndirmələrində Şimali Koreyanın KN-30 ballistik raketi (Nato : Hwasong-11C) siyahılarda yer alıb. Bu raket Rusiya Silahlı Qüvvələrinin istifadə etdiyi KN-23 və KN-24 raketlərinin (Nato: Hwasong-11A və Hwasong-11B) daha ağır modifikasiyasıdır. KXDR-in açıqlamalarına görə, KN-30 2500 kq-a qədər olan döyüş başlığı daşıya və 600-900 km məsafədəki hədəfləri vura bilər. Həmçinin 4500 kq-lıq döyüş başlığı ilə təchiz edilmiş raketlərin sınaqdan keçirildiyi də bildirilib. Uzatılmış KN-30 ballistik raketlərinin buraxılış qurğularını vizual olaraq fərqləndirən əsas xüsusiyyət beşinci oxun olmasıdır. “İsgəndər” və KN-23 raketlərinin buraxılış qurğularında isə dörd ox var. Əgər Ukrayna kəşfiyyatı bu məlumatları uydurmayıbsa, Rusiya Silahlı Qüvvələrinin sərəncamında qısa mənzilli ağır ballistik raketlər peyda ola bilər.

Həm ABŞ prezidenti, həm də Cənubi Koreyanın müdafiə naziri KXDR-in nüvə arsenalının həcmi ilə bağlı qiymətləndirmələrini açıqlayıblar. Donald Tramp KXDR-in 57 nüvə başlığına malik olduğunu bildirib. Cənubi Koreyanın qiymətləndirməsi isə əhəmiyyətli dərəcədə yüksəkdir — 80-120 nüvə başlığı. Beləliklə, KXDR-in nüvə potensialı ilə bağlı xarici qiymətləndirmələr getdikcə daha yüksək rəqəmlər göstərir. Onlar nüvə arsenalının həcminə görə sürətlə Pakistan və Hindistana yaxınlaşır.

Kiyev və ətraf ərazilərlə yanaşı, Rusiya ordusu Nikolayev vilayətinin Oçakov şəhərinə, Krivoy Roqa, Çerniqov, Xarkov, Çerkassı və Kirovoqrad vilayətlərinə də zərbələr endirib.

Kiyev ötən gecə

Bütün sosial platformalarda əxlaqsız botlar yayıldığı üçün “Ormilitarism Müzakirə” qrupuna giriş üçün müraciət edən adsız, “silinen hesab”, emojili ümumən real insan görüntüsü verməyən profillər qəbul edilmir.

Çin mübahisəli Cənubi Çin dənizində Antelope Reef ərazisində tikintinin ilk mərhələsini başa çatdırıb. Burada uzunluğu təxminən 6 km olan süni ada, dərin sulu liman və gələcəkdə uçuş-enmə zolağına çevrilə biləcək ərazi yaradılıb. Pekin ərazinin mülki fəaliyyətləri dəstəkləyəcəyini bildirir. Lakin analitiklər hesab edirlər ki, bu obyekt Çinin regiondakı hərbi mövcudluğunu və müşahidə imkanlarını əhəmiyyətli dərəcədə gücləndirə bilər. Bu imkanların mümkün Tayvan münaqişəsi zamanı da istifadə oluna biləcəyi bildirilir.

İsrail 190-cı Apache helikopter eskadrilyasını Negev səhrasındakı Ramon aviabazasından Hayfa yaxınlığındakı Ramat David aviabazasına köçürüb. Köçürülmə çərçivəsində təxminən 15 ədəd AH-64A Apache döyüş helikopteri şimala yerləşdirilib.

Suriya Əsəd rejimindən qalan nüvə materiallarına sahib olduğunu rəsmən təsdiqləyib. MAQATE-nin baş direktoru Rafael Qrossi bildirib ki, pis məqsədlərlə istifadə oluna biləcək tonlarla nüvə materialı aşkarlanıb. Suriya iyul ayında könüllü şəkildə MAQATE-ni bu barədə məlumatlandırıb və müfəttişlərin obyektə girişinə icazə verib. Xarici işlər naziri Əsəd əl-Şeybani bildirib ki, material MAQATE-nin təminat tədbirləri çərçivəsində Suriya nəzarətində qalacaq. Materialın 2007-ci ildə İsrail tərəfindən məhv edilən Əl-Kibar reaktoru ilə əlaqəli olduğu bildirilir. Reaktorun Şimali Koreyanın köməyi ilə inşa edildiyi güman edilirdi.

Bolqarıstanın ikinci partiya üzrə sifariş etdiyi 8 ədəd F-16 Block 70 qırıcısının tədarükü yenidən gecikdirilib. Tədarük 2030-cu ilin ikinci rübünə təxirə salınıb. Lockheed Martin gecikmənin Greenville zavodunda istehsal çətinlikləri ilə bağlı olduğunu bildirib. İlk 8 ədəd F-16 2025-ci ilin dekabrına qədər Bolqarıstana təhvil verilib və onların 2027-ci ildə döyüş növbəsinə çıxması gözlənilir.

Rusiya ABŞ və İsrailin zərbələri nəticəsində zədələnmiş ehtiyatları bərpa etməyə kömək etmək üçün Xəzər dənizi vasitəsilə İrana PUA komponentləri, sursat və TNT göndərir.

Rusiya ABŞ-ın səhiyyə naziri Robert F. Kennedi Jr.-ın oğlu və Con Kennedinin nəvəsi Conor Kennedini axtarışa verib. O, 2022-ci ildə Ukraynanın Beynəlxalq Legionunun tərkibində Rusiya qüvvələrinə qarşı döyüşüb. Rusiya qanunvericiliyinə əsasən, onu 7–10 ilədək həbs cəzası gözləyir. Kennedi Ukraynada xidmət etdiyini açıq şəkildə açıqlamış və belə yazmışdı: “Mən orada ölməyə hazır idim.” O, həmçinin müharibəni “bu əsrdə demokratiyanın taleyini müəyyən edəcək” müharibə kimi qiymətləndirib. Onun əvvəllər hərbi təcrübəsi olmayıb. Moskva onu muzdlu döyüşçü kimi fəaliyyət göstərməkdə ittiham edib.

Ukrayna cəbhədəki PUA qruplarına Rusiya mövqeləri barədə dəqiq məlumat vermək kommersiya peyk görüntülərindən getdikcə daha çox istifadə edir. Əvvəllər əsgərlərə çatması günlər çəkən peyk görüntüləri indi 15 dəqiqədən bir neçə saata qədər müddətdə əldə edilə bilir. Bu isə PUA qruplarına Rusiya hərbçilərini, texnikasını, təchizat marşrutlarını və gizli mövqelərini daha sürətli müəyyənləşdirməyə imkan verir. Bu imkan zərbələrin daha dəqiq həyata keçirilməsinə gətirib və Rusiyanın mövqelərini gizlətməsini çətinləşdirib. Həmçinin Ukraynaya hava hücumundan müdafiə sistemlərini, radioelektron mübarizə vasitələrini, logistika obyektlərini, Krımdakı və işğal olunmuş ərazilərdəki mövqeləri hədəfə almaqda kömək edib. Peyk kəşfiyyatı yalnız yüksək səviyyəli komandirlər üçün məlumat mənbəyi olmaqdan çıxaraq birbaşa cəbhədə istifadə olunan əməliyyat vasitəsinə çevrilib.

Ukraynanın 3-cü Xüsusi Əməliyyatlar Alayı Donetsk vilayətindəki Andriivka-Klevtsove yaşayış məntəqəsini azad edib və təxminən 30 rusiyalı hərbçini əsir götürüb. Müqaviməti davam etdirən rusiyalı hərbçilərin isə öldürüldüyü bildirilir.

CNN ilk dəfə Ukraynadakı Patriot buraxılış qurğusuna giriş əldə edib. Kiyev yaxınlığındakı qarğıdalı tarlasında yerləşən qurğunun16 raket buraxılış yuvasının hamısı boşdur. Qurğu təxminən 10 həftədir atəş açmayıb.

Cənubi Koreya qüvvələri ötən həftə Şərqi Demilitarizasiya Zonasında (DMZ) bir neçə Şimali Koreya əsgərinin Hərbi Demarkasiya Xəttini (MDL) keçməsindən sonra xəbərdarlıq atəşi açıb. Şimali Koreya hərbçiləri dərhal geri çəkiliblər. Hadisə zamanı ölən və ya yaralanan olmayıb, tərəflər arasında qarşılıqlı atəş açılmayıb. Bu, 2026-cı ildə qeydə alınan ilk MDL pozuntusudur. Şimali Koreya hərbçiləri 2025-ci ildə 17 dəfə demarkasiya xəttini keçiblər. Bu hallar əsasən istehkam işləri aparılarkən baş verir. Hadisənin qəsdən törədilmiş təxribatdan daha çox, rutin patrul zamanı baş vermiş təsadüfi insident olduğu qiymətləndirilir.

İdarəolunan raketlərlə təchiz edilmiş USS Benfold esminesi iyulun 24-də generatorun sıradan çıxmasından sonra Cənubi Çin dənizində dörd gün ərzində tamamilə enerjisiz qalıb. Təxminən 300 nəfərlik ekipaj ekstremal isti şəraitdə işlək tualet, kondisioner, mətbəx və su sistemləri olmadan yaşayıb. Gəmi enerjisiz vəziyyətdə sürüklənib və daha sonra yedək gəmiləri tərəfindən Filippindəki Subic Bay limanına aparılıb. Enerji yalnız altı gün sonra bərpa edilib. Təyyarədaşıyan gəmi qrupundakı digər döyüş gəmilərindən biri ekipaj üçün hazır yeməklər təmin etməli olub. Bu, ABŞ-ın Hind-Sakit okean regionunda bu il enerji təchizatında nasazlıq yaşayan ikinci esminesidir.

Rusiya NATO ərazisinin dərinliklərindəki hədəfləri vurmaq qabiliyyətinə malik qabaqcıl uzunmənzilli zərbə PUA-ları ilə təchiz edilmiş 10 gizli buraxılış bazasından ibarət şəbəkə yaradıb.

RTX şirkətinin Raytheon bölməsi ABŞ Hərbi Dəniz Qüvvələri ilə Tomahawk qanadlı raketlərinin istehsalı üçün 22,9 milyard dollar dəyərində müqavilə imzalayıb. Müqavilə çərçivəsində illik 1000-dən çox Tomahawk raketinin istehsalı hədəflənir.