Ormilitarism

NATO avqustun 18-də Rusiyanın Kalininqrad eksklavı yaxınlığında, ABŞ və Norveç qırıcıları, AWACS, EA-37B Compass Call elektron müharibə təyyarəsi və Apache hücum helikopterləri də daxil olmaqla, təxminən 25 hava vasitəsi cəmləşdirib. Qrup Kalininqrad ətrafındakı elektromaqnit siqnallara fokuslanaraq Polşanın şimal-şərqi üzərində dövrə uçuşları həyata keçirib.

Ukrayna kəşfiyyatının rəhbəri Skibitskinin CNN-ə müsahibəsində bildirdiyinə görə, Şimali Koreya Rusiyaya 400-ü dron operatoru olmaqla 8500 yeni hərbçi göndərib. Dron bölməsinin Rusiya ərazisindən Ukrayna daxilindəki hədəflərə qarşı kəşfiyyat və zərbə əməliyyatları həyata keçirəcəyi gözlənilir. Qalan şəxsi heyətə Rusiyanın Kursk vilayətində arxa mövqeləri gücləndirəcək 1000 mühəndis və istehkamçı daxildir. 2024-cü ilin oktyabrından etibarən təxminən 25000 Şimali Koreyalı hərbçi rotasiya yolu ilə Rusiyaya göndərilib. Ukrayna kəşfiyyatı hesab edir ki, Putin sentyabr ayında Kim Çen Inla görüşü zamanı əlavə olaraq 50 000-ə qədər hərbçi göndərilməsini tələb edə bilər.

Rusiya istehsalı 9M723 “İsgəndər-M” kompleksinin ballistik raketi ilə “Military Russia” nəşrinin təqdim etdiyi Ukraynanın FP-9 ballistik raketinin maketinin ölçülərinin müqayisəsi. Ukraynanın FP-9 raketi daha böyük ölçülərdə hazırlanır. Onun uzunluğu təxminən üçdə bir, diametri isə təxminən dörddə bir daha böyükdür. Bu isə gövdənin daxili həcminin təxminən 1,7–1,8 dəfə artmasına imkan verir. Bu həcmə çəkisi 800 kq-a qədər olan döyüş başlığı yerləşdirilir. Müqayisə üçün, 9M723-də döyüş başlığının çəkisi təxminən 480 kq-dır. Bundan əlavə, FP-9-un uçuş məsafəsini 800 km-ə qədər artırmaq üçün təxminən 4,6 ton yanacaq tələb etdiyi bildirilir. 9M723-də isə bu göstərici təxminən 2,6 tondur və raketin maksimal uçuş məsafəsi 500 km-ə qədərdir.

Təkərli 155 mm-lik K9MH özüyeriyən artilleriya qurğusu Cənubi Koreyanın K9 özüyeriyən haubitsasının modifikasiyasıdır. K9 sistemi Cənubi Koreya, Avstraliya, Misir, Estoniya, Finlandiya, Hindistan, Norveç, Polşa və Türkiyə ordularının silahlanmasında yer alır. Bildirilir ki, K9MH maksimal 60 km məsafədəki hədəfləri vura bilir, döyüş vəziyyətinə təxminən 30 saniyəyə gətirilir və özü ilə 40 mərmiyədək döyüş sursatı daşıya bilir. K9MH hazırda 155 mm-lik tırtıllı M109 özüyeriyən artilleriya sistemlərini əvəz etmək üçün deyil, M777 yedəkli haubitsalarını əvəz etmək üçün nəzərdən keçirilir. Bu seçim Ukraynadakı müharibə təcrübəsinin nəticəsi hesab olunur.

ABŞ ordusu yeni özüyeriyən artilleriya qurğusunun seçilməsi üzrə müsabiqədə qalibi müəyyən edib. 2015-ci ildən davam edən bu uzun prosesdə qalib Cənubi Koreyanın Hanwha şirkətinin K9MH (K9A2) təkərli özüyeriyən artilleriya qurğusu olub. O, İsveçin FH77BW L52 Archer, İsrailin SIGMA və Almaniyanın RCH 155 sistemləri də daxil olmaqla dünyanın müxtəlif ölkələrindən olan rəqiblərini geridə qoyub. İlkin mərhələdə ABŞ tərəfindən 18 ədəd özüyeriyən artilleriya qurğusunun alınması nəzərdə tutulub. Müqavilənin ümumi nominal dəyəri 262 milyon ABŞ dollarından çoxdur və müddəti 4 ildir. Müqaviləyə prototiplərin hazırlanması, sınaqların keçirilməsi və hərbçilərin iştirakı ilə təlimlərin təşkili daxildir. Buna görə də yeni özüyeriyən artilleriya sisteminin ABŞ ordusunda kütləvi şəkildə istifadəyə verilməsi ən tez 5 ildən sonra mümkün olacaq. Bu müddət ərzində isə prosesdə yenidən hər hansı problem yarana bilər.

Təlimlər zamanı anti-dron “mangal” konstruksiyaları ilə təchiz edilmiş Tayvanın M1A2T Abrams tankları nümayiş etdirilib. Han Kuang 42 təlimlərində Çinin Taybey hava limanına mümkün desant əməliyyatından müdafiə ssenarisi məşq edilib. Ssenari Ukraynadakı Qostomel əməliyyatına bənzər mümkün desant hücumunu nəzərdə tutub.

Ukrayna İlon Maskdan Starlink ilə təchiz edilmiş dronların Rusiya ərazisinin 200 kilometr dərinliyində yerləşən raket buraxılış qurğularına zərbələr endirməsinə icazə verməsini istəyir. Məqsəd məhdud sayda olan Patriot raketləri ilə raketləri havada ələ keçirmək əvəzinə, onların buraxılış qurğularını birbaşa məhv etməkdir.

USS Abraham Lincoln doqquz aylıq missiyadan sonra cümə axşamı San-Diyeqoya qayıtmaq üçün yola çıxıb. Missiyanın böyük hissəsi ABŞ-ın İrana qarşı əməliyyatlarına dəstək verməklə keçib. Təxminən 5000 dənizçi 272 günlük missiyanın demək olar ki, hamısını dənizdə keçirib. Bu müddət ərzində təchizat çatışmazlığı, su və santexnika problemləri, eləcə də aviadaşıyıcıda şəraitin getdikcə pisləşməsi barədə məlumatlar yayılıb. Yaponiyada yerləşən USS George Washington aviadaşıyıcısı Yaxın Şərqdə Lincoln-u əvəz edib. Lincoln indi təxminən 13 000 mil məsafə qət edərək vətənə qayıtmalıdır. Səfərin dörd-beş həftə davam edəcəyi gözlənilir.

ABŞ Ordusu pilotsuz müharibə konsepsiyasını sınaqdan keçirmək üçün yanvar ayında yaradılmış 600 hərbçidən ibarət xüsusi dron hücum batalyonunun fəaliyyətini dayandıracaq və bölməni əsas hava-desant piyada missiyasına qaytaracaq.

CENTCOM: “George Washington” aviadaşıyıcı zərbə qrupu CENTCOM-un məsuliyyət zonasına daxil olduqdan sonra planlaşdırılmış yerləşdirmə çərçivəsində Yaxın Şərqdə fəaliyyət göstərir.

Almaniya Bundesveri Berlində dönər paketlərindən işə qəbul reklamı kimi istifadə edir. Kamuflyaj rənglərində hazırlanmış paketlərin üzərində Bundesverin karyera saytına yönləndirən QR kodlar yerləşdirilib. Dönərxanalara bu cür paketlər pulsuz təqdim olunur. Bundesverin bildirdiyinə görə, kampaniya əsasən gəncləri, karyera dəyişikliyi etmək istəyənləri və ixtisaslı işçi qüvvəsini hədəfləyir.

Bu gün, avqustun 22-də USQ PUA-lar ilə ilk dəfə Samara vilayətinin Çapayevsk şəhərində Ozon şirkətinin logistika mərkəzinə hücum edib. Şirkətin məlumatına görə, PUA hücumu nəticəsində anbarda yanğın başlayıb və 500-dən çox əməkdaş təxliyə olunub.

Modern hərb tarixindən Səudiyyə Ordusunu silsəniz dünyada heçnə dəyişməz. Bu insanlar bütün dünyada baş verən hadisələri görmürlərmi başa düşmürlərmi adi kamazın üstünə indi qoruyucu tor/mazqal yığılır ki drondan 50/50 qorunsun.

Husilərə məxsus dron Səudiyyə Ərəbistanına məxsus M1A2S Abrams tankının qülləsinin arxa hissəsində yerləşən sursat bölməsinə dəqiq zərbə endirib. Nəticədə tankdakı döyüş sursatları yanaraq məhv olub.

Ukraynanın FP-2 (FP-1) kamikadze dronu İstanbul sahillərinə qədər gəlib çıxıb.

Danimarka hökuməti tərəfindən dondurulan Fire Point şirkəti ilə bağlı müqavilə yenidən qüvvəyə minib. Müqavilə bərk raket yanacağının istehsalı üçün zavodun tikintisini nəzərdə tutur. Layihə Ukraynadakı baş şirkətə tabe olan Fire Point Rocket Technologies şirkətinin Danimarka filialı tərəfindən həyata keçirilir. Zavodun ilkin tikinti dəyəri 50 milyon avro qiymətləndirilirdi. Sonradan layihənin ümumi dəyəri artaraq 150 milyon avronu keçib.

Ruslar yenə bir yerə yığılıb. Ukrayna ordusunun kəşfiyyat dronu tərəfindən Rusiya Silahlı Qüvvələrinə məxsus onlarla yük maşını cəbhə xəttindən 100 kilometr məsafədə, ağaclıq zolaqlarda yerləşən xüsusi sığınacaqlarda görüntülənib. Ehtimal olunur ki, gələcəkdə bu sığınacaqların üzəri də örtüləcək. Bu, texnikanın havadan tam görünməməsinə və yuxarıdan endirilən zərbələrdən qorunmasına imkan verəcək.

Rumıniyanın Neptun Alpha qaz platformasına yaxınlaşaraq sahilə doğru sürüklənən həmin pilotsuz kater. Məlumatlara görə, hadisə ilə bağlı iki fərqli versiya var. Birinci versiyaya əsasən, ərazidə iki pilotsuz kater olub və onlardan biri Rumıniyanın F-16 qırıcısının açdığı atəş nəticəsində məhv edilib. Digər versiyaya görə isə, ərazidə yalnız bir pilotsuz kater olub və Rumıniya F-16-sı ona atəş açsa da, katerə dəqiq zərbə endirə bilməyib.

Rumıniya F-16 qırıcısı 20 mm-lik M61A1 Vulcan avtomat topundan atəş açaraq Rumıniyanın müstəsna iqtisadi zonasında yerləşən Neptun Alpha qaz platformasına yaxınlaşan naməlum pilotsuz katerini məhv edib. Rumıniyanın müdafiə naziri Radu Mirusə bildirib ki, Ukrayna insidentlə heç bir əlaqəsinin olmadığını təsdiqləyib.