مَـرثَـد بنُ قَسْـوَرة

لما تروح تحرر أسرى فتتأسر معاهم:

يعني لما حصل والنادي الأهلي أعلن دعمه لبعض المُنتجات اللي هي المفروض مُقاطعة، فلقينا رد فعل من الناس قوي، وإننا هنقاطع النادي ومش هنشوف ماتشات له تاني و.. الخ. أنا شخصيًا مُقتنع إن ذاكرة العوام ثلاثة أيام، ولازم اللي يقول يثبت بفعل، لأن الكلام مافيش أسهل منه. ماعدتش إلا فترة صغيرة وكتير من الناس اتفرجت على الماتشات وبتحرق نفسها لما جول يضيع ولا هجمة ماكملتش. عارف؟ أنا مش المُشكلة عندي إن الناس تشجع ولا لا، المُشكلة عندي إننا كبشر خارج حدود أرض المعركة الحقيقية في غزة، وبعيد تمامًا عن الجهاد الحقيقي اللي هو بالسلاح ومُلاقاة العدو، واحنا مطلوب مننا حاجات بسيطة في إننا نقاطع كُل حاجة تخصهم ومش عارفين نعمل دا حتى!! احنا وصلنا لدرجة قليلة أوي قدام نفسنا وقدام عدونا للأسف، حتى مُعظم الناس بقت ترجع تاني لكُل حاجة مُقاطعة وعادي برغم إن فيه مُنتجات محلية كويسة وتؤدي الغرض نفسه، بس إحنا لا عارفين نجاهد بمالنا، ولا بمُقاطعتنا، ولا بنفسنا، ولا حتى بالكلام. هو شوية كلام وفرقعة إعلامية إننا هنقاطع، والعدو نفسه دارسنا أكتر مما تتخيل وعارف إن فيه ناس كتير هتنسى، وفيه ناس مش هتقدر تكمل مقاطعة حُبًا في المنتجات. وخلي بالك هو بيختار الأشخاص أو الحاجات اللي لها تأثير كبير على الناس، زي النادي الأهلي مثلاً عارفين إن فيه كتير بيشجعوه، فيخليه يدعم مُنتجات المُقاطعة عشان يحطك في صراع نفسي بين تقاطع النادي نفسه ولا لا، بس أنت هتقول في الآخر: دي كورة يعني مش هتقف الدنيا على إني أتفرج على ماتش تسلية، بس حابب أقول إننا كدا وقعنا في فخهم. أبسط الحاجات مش عارفين نجاهد بها، فماحدش من الناس دي تيجي تقول: - أنا نفسي أروح أجاهد في غزة. - أنا لو شوفت يهودي هقطعه... الخ. أنت نفسك مش عارف تجاهد نفسك، ولو يهودي وقف قدامك بس فأقسم بالله هتخاف ترفع في وشه قصافة. ربنا بيكشف حقيقة كل واحد فينا قدام نفسه.

اللهم آمين ❤

أقل من ألف رطل فمافيش مشكلة عندنا 💕

عاجل | بلينكن: أكدنا أن أي هجوم على #رفح باستخدام القنابل الكبيرة التي تزن أكثر من ألف رطل ستكون له تداعيات خطيرة

مش فاهم ليه الناس عملت أغضبني على البوسط؟ ببساطة كدا: طالما الموضوع كان in public ومافيش أي feelings .. يبقى so what؟ 🥹💕

بس طالما الموضوع كان in public ومافيش أي feelings .. يبقى so what؟ 🥹💕

محمد صلاح (القُدوة) 💕

عيب لما يكون اختبارك في كيس شيبسي وازازة بيبسي .. ومش عارف تنجح فيه! - من أجمل ما قرأت.