AASTU-ECSF

#Last_message

³³ ንጉሡም እጅግ ዐዘነ፤ በቅጽር በሩ ዐናት ላይ ወዳለችው ቤት ወጥቶ አለቀሰ፤ ሲሄድም፣ “ልጄ አቤሴሎም ሆይ! ልጄ አቤሴሎም! በአንተ ፈንታ ምነው እኔ በሞትሁ ኖሮ! አቤሴሎም ሆይ፤ ልጄን! ወየው ልጄን!” ይል ነበር። 2ኛ ሳሙ 18:33

👉በዚህ ቁጥር ላይ ዳዊት ነፍሱን በእጅጉ ሲያስጨንቅ በነበረው እና ባሳደደው በልጁ አቤሴሎም ሞት ምክንያት የሀዘኑን ጥልቀት እናያለን። 👉ዳዊት " ምነው ሞቱን በወሰድኩለት " የሚልለትን የልጁን አቤሴሎም ማንነት ለወቀው ግን፤ የዳዊት በዚህ መጠን ማዘን በእጅጉ ግር የሚያሰኝ ይመስለኛል፡፡ ምክንያቱም አቤሴሎም ማለት ንግስናን ለመውሰድ ሲል አባቱን በድፍረት ያሳደደ፤ ነፍሱን እስከሞት ያስጨነቀ፤ አባቱን ያከብር ዘንድ እግዚአብሄር ለእስራኤል የሰጠውን ህግ የተላለፈ፤ እናም ይህ እቅዱ ይሳካለት ዘንድ ደግሞ የተሻለውን ምክር ከሌላው ምክር እያስተያየ አባቱን ለመግደል የተቻለው በሙሉ ያደረገ ፀመፀኛ ልጅ ነበር። 👉ታድያ አባቱ ዳዊት እንዴት በዚህ ልክ ያዝንለታል? እንዲያው እፎይ ሊል አይገባውም ነበር ወይ? ለሚለው ጥያቄ መልሱ አንድ ይመስለኛል። ጥልቅ የሆነ የአባትነት ፍቅር እንዲሁም ርኅራሄ!! ይገርማል!! 👉 ይህ አስደናቂ ፍቅር ፣ በብዙ በደላችን ብዛት የማይሻርብንን ብርቱውን የእግዚአብሔርን  ፍቅር እንዳስብ አደረገኝ። በደልማ ከተባለ የሠማዩን አባታችንን አብልጠን የበደልን እኛ ነን፤ በፀመፅ ብዛት ከመንገድ የራቅን እኛን በፍቅሩ የመለሠ እግዚያብሄር ግን ጥልቅ የአባትነት ፍቅሩ ያስደንቃል። ክርስቶስ በእርግጥም ለኛ ለዓመፀች የተገባንን ሞት ወስዶ በምህረቱ ተቤዠን!! ታዲያ በክርስቶስ የተገለጠው ይህ ፍቅር አያስደንቅም?!! ለኛ ላልተገባን ስለገለጠው ፍቅር እግዚያብሄር ይመስገን!! 👉 ነገር ግን አቤሴሎም እንዲህ የሚወደውን የአባቱን ልብ የራሱን መንገድ ሲከተል አሳዝኖ አለፈ። እኛም ደግሞ የአቤሴሎምን መንገድ መከተል እንዳይሆንብን፤ የአፍቃሪያችንን ልብ የገዛ መንገዳችን በመምረጥ መስበር እንዳይሆንብን ፀጋው ይደግፈን!! ተባረኩ🙌 !! #እግዚአብሔርን_መፈለግ #በመመለስ #በፅድቅ_ኑሮ #በመታመን Follow AASTU ECSF On : Telegram | YouTube | Instagram | TikTok | CounselingBot | I4UBot