OFFICIAL DBUECSF CHANNEL

#Counseling ✨Week 8 በመጠበቅ ውስጥ መታመን እግዚአብሔር ለሁሉም ነገር የራሱ ጊዜ አለው።

📖 “ለሁሉ ዘመን አለው፥ ከሰማይ በታችም ለሆነ ነገር ሁሉ ጊዜ አለው።”   — መክብብ 3፥1

አንዳንድ ጊዜ መልሱ ለምን እንደዘገየ አንረዳም። ለምን የምንፈልገው ነገር እንደማይሆን፣ ለምን ሌሎች እኛ ከምንጠብቀው በፊት እንደሚያገኙ እንጠይቃለን። ነገር ግን መጽሐፍ ቅዱስ የሚያሳየን መጠበቅ ማለት እግዚአብሔር ትቶናል ማለት አይደለም ነው። 🌿 አብርሃም እግዚአብሔር ለአብርሃም ተስፋ ሰጠው፤ ነገር ግን ተስፋው ወዲያውኑ አልተፈጸመም።

📖 ““እንዲሁም እርሱ ከታገሰ በኋላ ተስፋውን አገኘ።”   — ዕብራውያን 6፥15

👉 መጠበቅ ማለት ተስፋው ተረሳ ማለት አይደለም። 🌿 ዮሴፍ ዮሴፍ ከእግዚአብሔር ሕልም አገኘ፤ ነገር ግን ከሕልሙ በኋላ ወዲያውኑ ወደ ክብር አልገባም። ወንድሞቹ ጠሉት፣ በባርነት ተሸጠ፣ በእስር ቤትም ገባ። ነገር ግን በመጨረሻ እግዚአብሔር ወደ ከፍተኛ ሥልጣን አደረሰው። 💡 የሂደቱ መንገድ ከተስፋው መንገድ የተለየ ቢመስልም፣ እግዚአብሔር አላቆመም። 🌿 ዳዊት ዳዊት ንጉሥ እንዲሆን ተቀባ፤ ነገር ግን በዚያኑ ቀን ዙፋኑ ላይ አልተቀመጠም። 👉 መቀባቱ ከመጣ በኋላ የመጠበቅ ዘመን ነበረው። ይህም ያስተምረናል፦ እግዚአብሔር ወደምንሄድበት ቦታ ብቻ አያዘጋጀንም፤ ለዚያ ቦታ የሚገባንን ሰው ያደርገናል። 📖 መጠበቅ ምን ያስተምረናል? “

ይህም ብቻ አይደለም፥ ነገር ግን መከራ ትዕግሥትን እንዲያደርግ፥ ትዕግሥትም ፈተናን ፈተናም ተስፋን እንዲያደርግ እያወቅን፥ በመከራችን ደግሞ እንመካለን፤”   — ሮሜ 5፥3-4

ስለዚህ የመጠበቅ ዘመን ባዶ ጊዜ አይደለም። በዚህ ጊዜ እግዚአብሔር ትዕግሥትን፣ እምነትን፣ ባሕርይንና ተስፋን በውስጣችን ሊያሳድግ ይችላል። እግዚአብሔር በሂደቱም ውስጥ እየሠራ ነው። 💙 ጊዜው ቢዘገይም፣ እግዚአብሔር አልዘገየም! #openEYEandEAR #Counseling #Dbuecsf