👫𝘽𝙄𝙕𝙄𝙈 𝘼𝙎𝙃𝙆 𝙃𝙄𝙆𝘼𝙔𝘼𝙈𝙄𝙕🦋❤️‍🩹

🥰🥰🩵🥰🥰

زولفونده نه لازیم گؤزلیم! شانه دولانسین؟! قویما او حرمخانه‌نی بیگانه دولانسین! عیب ائیله‌مه کویوندا دولانسام گئجه-گوندوز! شمعین گرک اطرافینه پروانه دولانسین ساقی دولانیم باشینا، مئی جامینی گزدیر! سر مست اولوم، باشیما میخانه دولانسین "اول زولفه کؤنول وئرمه!"دئییرلر منه "ال چک!" اونسوز نئجه بس بو دل دیوانه دولانسین؟! مجنون نه برابر منه، صحرالره قاچدی عشق اهلی اودور عرصه‌ده مردانه دولانسین اغیار ایله اؤز یارینی همدم گؤرن عاشیق دوشسون او گرک دشت و بیابانه دولانسین سرخوشلوق ایله‌عؤمرونو صرف ائیله‌مه"واحید"! عاریف اونا دئییرلر کی حکیمانه دولانسین علی آقا واحید @gamli_canim🦋 ─═༅𖣔𖤐⃟♥️░⃟‌‌‎‌‌‌‎‌‌𖤐⃟░⃟‌‌‎‌‌‌‎‌‌‌‌‌‌‌‌‌‌‎‌‌‌‎‌‌‌‌‌‌‌‌‎‌‌‌‎‌‌‌‌‌‌

ای مَلک سیما کی سندن اؤزگه حیران‌دیر سنه حق بیلیر انسان دئمز هر کیم کی انسان‌دیر سنه وئرمه‌ین جانین سنه بوُلماز حیاتِ جاودان زنده‌ی جاوید اوْنا دئرلر کی قرباندیر سنه عالمی‌  پروانه‌ی شمعِ جمالین قیلدی عشق جانِ عالمسن  فدا هر لحظه مین جاندیر سنه عاشِقه شوقونلا جان وئرمک سنه مُشکِل دگیل چون مسیحِ وقت‌سن  جان وئرمک آسان‌دیر سنه چیخما یاریم گئجه‌لر  اغیار طعنیندن ساقین سن مهِ اوجِ ملاحت‌سن  بو نقصان‌دیر سنه پادشاهیم  ظلم ائدیب عاشق سنه ظالم دئمیش خوبرولاردان یامان گلمز  بو بهتان‌دیر سنه ای  فضولی  خوبرولاردان تغافُل‌دور یامان گر جفا هم گلسه اوْنلاردان بیر احساندیر سنه @gamli_canim🦋 ─═༅𖣔𖤐⃟♥️░⃟‌‌‎‌‌‌‎‌‌𖤐⃟░⃟‌‌‎‌‌‌‎‌‌‌‌‌‌‌‌‌‌‎‌‌‌‎‌‌‌‌‌‌‌‌‎‌‌‌‎‌‌‌‌‌‌‌‌‌‌‌‎‌‌‌‎‌𖣔࿐

⭕️ائششک نئجه یاراندێ؟ ✍یازار: گۆلزار ابراهیم‌اوْوا کؤچۆردۆ: #شبنم_توحیدی بیرینجی بؤلۆم قدیم زمانلاردا داغلاردا، مئشه‌لرده، چایلاردا آنجاق بؤیۆک حیوانلار، بؤیۆک بالێقلار، بؤیۆک قۇشلار یاشایێردێ. داغلاردا دایناسوْرلار، دنیزده دلفین‌لر، چایدا بؤیۆک تِمساحلار، قۇشلاردان ایسه قارتاللار اوْلاردێ. آما دنیا دَڲیشدیکجه، بالاجا حیوانلار، قوشلار دا یاراندێ. روایته گؤره، قدیم زمانلاردا چوْخ بیلیکلی، سِحیرلی بیر عالیم وارمێش. آدێنا «عالِم بابا» دییرمیشلر. عالیم بابا همیشه چالێشارمێش انسانلار یاخشێ یاشاسێن. وار- دولت اۆستۆنده، یئمک اۆستۆنده بیر- بیرلری ایله دالاشماسێنلار. اوْنا گؤره گئجه- گۆندۆز چالێشار، انسانلارا بیلیک وئرر، عِلم اؤڲردردی. بیر گۆن عالیم بابا «سِحر مکتبی» آچدێ. انسانلارێ باشا سالدێ کی، «اگر گؤزل یاشاماق ایسته‌ییرسینیزسه، بالالارێنێزێ مکتبه گؤندرین، عِلم اؤڲردیم!» جماعت عالیم بابایا ایناندێ. عالیم بابانێن مکتبینه چوْخلو اوشاق گلدی. اوْ، اوشاقلارا عِلم اؤڲرتمَـڲه باشلادێ. بیر درس، اوشاقلارا هر هانسێ بیتکینی أکیب، میوه‌نی یێغێپ قۇرۇتماغێ اؤڲرتدی. بۆتۆن بۇنلاردان فایدا گؤرَن شاگردلر، داها سعی ایله درسلره گلیر، عالیم بابادان هر شئی اؤڲرنیردیلر. حتّی اۇزاق مملکتلردن اوْنۇن یانێنا عِلم اؤڲرنمـڲه گلنلر وار ایدی. بیر دفعه عالیم بابانێن یانێنا «سی» آدلێ بیر کیشی گلدی. اوْنۇن اۆچ اوْغلو وار ایدی. «سی» اوْغلانلارێنێ عالیم بابانێن یانێنا قوْیدو کی، عِلم اؤڲرنسینلر. اوْنلارێن اۆچۆنۆن ده آدێ «چان» ایدی! اوْنا گؤره ده، عالیم بابا اوْنلارێ نمره‌لَدی: چان ۱، چان ۲، چان ۳. اوْغلانلار چوْخ جَلد ایدیلر. بیر یئرده اوْتۇرا بیلمیردیلر. بۆتۆن گۆنۆ آغاجلارا دێرماشێر، اوْردا- بۇردا بیر شئی تاپێب ییییر، کیمی ایسه وۇرۇپ قاچێب گیزلَنیر، دعوا سالێر، درسی پوْزۇردولار. «چان»لارێن آتالارێ، اوْغلانلارێنێ عالیم بابانێن یانێنا قوْیوب، اۇزاق مملکتینه قایێتمێشدێ. بۇنا گؤره ده، عالیم بابا بۇ بالاجا اوْغلانلارێ درسدن قوْوا دا بیلمیردی. آخێردا عالیم بابا اوْ قدر بئزدی کی، سِحر قوْیۇب «چان»لارێن اۆچۆنۆ ده بالاجا بیر حیوانا دؤندردی، آدلارێنێ دا سیچان قوْیدو. سیچانلارێ قفسه سالێب، آغزێنێ باغلادێ. سوْنرا راحت درسینی اوْ بیری اۇشاقلارا اؤڲرتمَـڲه باشلادێ. عالیم بابانێن بیر سِحیرلی کتابێ وار ایدی. اوْردا بۆتۆن قیمتلی داشلارێن دۆزلدیلمه‌سی‌نین یوْللارێ گؤستریلمیشدی. عالیم بابا بیر گۆن شاگردلرینه داش دۆزلتمَـڲی اؤڲرتمـڲه باشلادێ. مصر آدلێ بیر اوْغلان، داش دۆزلتمـڲی چوْخ تئز اؤڲرندی. ایسته‌نیلن داشێ، مَرمر، گرانیت حتّی ماگنیت (مغناطیس) ده دۆزلده بیلدی. داش دۆزلتمَـڲی اؤڲرنن کیمی وطنینه گئتدی. عالیم بابا بیر ده ائشیتدی کی، مصر وطنینده داشدان هۆندۆر ستۇنلار، اَهراملار دۆزلدیر. اَهراملارێ دا ائیله قۇرور کی، گۆنشین دۆشمه شعاعلارێ ایله اۆست- اۆسته دۆشۆر. ناخوْش آداملار همین اَهراملارا قالخاندا شفا تاپێرلار. عالیم بابا، بۇندان هوسله‌نیب شاگردلرینه قیمتلی الماس داشێ دۆزلتمـڲی اؤڲرتدی. الماس داشێ دۆزلتمک اۇشاقلارێن چوْخ خوْشۇنا گلدی. کیم بیرینجی الماس داشێ دۆزلتدی، الماس داشێ اوْنا باغێشلادێ. اما سوْنرا پشیمان اوْلدۇ. ائشیتدی کی، اۇشاغێ یوْلدا دؤڲۆب، الماسێ ألیندن آلێبلار. عالیم بابا حرصلندی. داها هیچ کیمه الماس داشێ دۆزلتمـڲی اؤڲرتمه‌دی. الماس دۆزلتمه یوْلونو اؤڲردن کتابێ ایسه سۇ قۇیوسونا آتدێ. #دوامی_وار... @gamli_canim🦋 ─═༅𖣔𖤐⃟♥️░⃟‌‌‎‌‌‌‎‌‌𖤐⃟░⃟‌‌‎‌‌‌‎‌‌‌‌‌‌‌‌‌‌‎‌‌‌‎‌‌‌‌‌‌‌‌‎‌‌‌‎‌‌‌‌‌‌‌‌‌‌‌‎‌‌‌‎‌𖣔࿐