پښتو شعرونه

ته دې خپل غرور دومره اسمان ته پورته کړی یې زه خو لا څه چې ان د خدای کیسه کې هم نه یې استغفرالله 🫠

څوک چې نوم د مينې واخلي، کيسه واړوم په بله زه پخپل احساس ملنډې، هره ورځ وهم پخپله جدايي خو نڅا نه ده، چې زده نه شي نه به کیږي يو ګام تا واخيست بل ما، بیا سره ورک شو تل تر تله حفیظ همیم

پخوانی غزل! په دوا باندې ونشوه نو په څۀ یې سړی وکړي داسې سمې چارې نشته چې په زړۀ یې سړی وکړي؟ څه باور خو داسې نه دی لکه کاڼی چې مات نشي نو چې دغه شانتې نه دی باید نۀ یې سړی وکړي داسې نیمو نیمو لارو کې څوک نه سره بېلیږي محبت د چې کولو خو لږ ښۀ یې سړی وکړي زه د ډېره کړم حیرانه اوس به کوم مطلب ترې اخلم؟ چې په ژېړ ګل د ګذار کاوۀ په سرۀ یې سړی وکړي زما حال خو داسې دی چې د پوښتلو بیخي نه دی داسې ښه خبره نشته چې په خولۀ یې سړی وکړي شرافت

مه کوئ ما په زیارتونو باندې مه ګرځوئ زما کیسه د ښاپیري ده د پیري خو نهٔ ده منلی🍁

ملامت نه دي چې د درک کولو حس نلري ملامت موږ يو چې احساس څرګندوو هر چاته #رياض_بهشت 🍁🥀

يو ورځ به داسې راشي چې بېخي به رانه هېر شې دا امکان به بېخي لږ وي چې په زړه کې مې را تېر شی زه به ټول يم بدل شوی لکه وا چې وړي کالونه نه به زنګ زما له خوا وي نه به کړی شم مسجونه ما به هر څه وي هېر کړي که څهرې دي که نامونه تنهايي به مې وي خوښه نه به اورمه غږونه دا هر څه به ناڅاپي وي له هر چا به وهم منډې د غزل زړه به هم مات وي د خيال دښتې به وي شنډې بې حسي به را سره شي! که تکيې مې شولې ړنګې اضطراب به رانه تاو وي ما به نه نيسي بيا بنګې عصمت تمیم

د لويو لويو قدرتونو ربه يو تمنا ده اورېدی شې که نه ؟ ستا د سکڼي سکڼي ماښام نه لوګی د چا د زړه لوګی ليدی شې که نه ؟ ستا د سېليو طوفانونو په مخ يو اسوېلی دی درلېږل يې غواړم ستا د څپو څپو سيندونو په نوم لېمه راډک شول څڅول يې غواړم

غزلـ څه په پلمه روان شې، څه په بهانو درېږې زه به تر څو چیغې وهم، ته به تر څو درېږې؟ مسلمانۍ کې دې شکمن یمه سنګ دله جینۍ نه په قرآن درېږې، نه دې په وعدو درېږې ژونده! د ژوبلو ارمانونو پور مې نه غواړمه ژونده! بخښم دې؛ که د هغه تر راتلو درېږې په دغو ماتو ښېښو څومره مزل نور پاتې دی؟ ژوبله وطنه! ښه نو کله به په پښو درېږې؟ مړ شې صمیمه! خو د بل تر احسان لاندې مه شې لوېدلی ښه یې که د نورو پر اوږو درېږې صمیم پاچا

غزلغزل که همدغسې مغرور وي په ځان پاتې بس نو وبوله له مانه ياران پاتې کعبه مخې سپين وجودې غلاف پوشې ستا لمنه کې د ډېرو ايمان پاتې لا مئين يم لا مې ژوند ته تمه شته دى لا په ښار کې د نکريزو دکان پاتې که زه مړ شومه له لوږې نه بچيه د څو ورځو مزدوري مې په خان پاتې نه يار پاتې نه ته پاتې بهسودواله نه هغه يې نه دې هاغه دوران پاتې

زهٔ مړ کېږم! غږ مې اورې!؟ ــــ اندامونهٔ مې لړزیږي زړهٔ مې ډوبه درابه باسي د بېلتون تبې راګیر یم عزرایل رانه ساه باسي د خولې خوند مې خاورې خاورې زهٔ مړ کېږم! غږ مې اورې!؟ ــــ ګزي مزي مې په سترګو پستې سرې شونډې مې وچې کورکمن غوندې تک ژېړ یم خفه شوی یم بې کچې د خولې خوند مې خاورې خاورې زهٔ مړ کېږم! غږ مې اورې!؟ ـــ یو درجن تارونهٔ لاس کې تعویزونهٔ مې په غاړه زیارتونهٔ مې تک شنهٔ کړل له هر قبر نه یې غواړه د خولې خوند مې خاورې خاورې زهٔ مړ کېږم! غږ مې اورې!؟ ــــ زهٔ له ځانه اوس وېریږم کتی نهٔ شمه هیندارې زړهٔ مې ډک له انسانانو وبه کړم د وینو دارې د خولې خوند مې خاورې خاورې زهٔ مړ کېږم! غږ مې اورې!؟ ــــ عکس دې ګورم ورته ژاړم ډکوم له سر منګولې له ژړا غټې جټکې خورم لیونی دې کړمه ګلې د خولې خوند مې خاورې خاورې زهٔ مړ کېږم! غږ مې اورې!؟ ــــ راشه! راشه! راشه! راشه! اخري چیغه وهمه جدایي دې د زغم نهٔ ده ښهٔ قوي چیغه وهمه درته وایم درنه مرمه د خولې خوند مې خاورې خاورې زهٔ مړ کېږم! غږ مې اورې!؟ ـــــ رایادیږې راته راشه یو اطاق دی یو منلی خودکشي ممکن شي پیښه ټول خفګان یمه خوړلی د خولې خوند مې خاورې خاورې زهٔ مړ کېږم! غږ مې اورې!؟ ــــ منلی🥹

وي که نه وي یوه چاره باید وشي ستا د زړه حرم ته لاره باید وشي نیمايي لاره د مینې اصول نه دي تر سنګساره او تر داره باید وشي د چا یاد راغی ته ځه ښاغلیه خوبه شبګیره ده، تر سهاره باید وشي غزل غوږ کې راته غلي غلي وايي تبصره په ګناهګاره باید وشي نیمه شپه ده غږ تر لرې لرې تلای شي نو خبرې په قراره باید وشي صرف خپله مینه مه غواړه ګوګله دعا هر سړي لپاره باید وشي

تقاضې دې عشق ؤ حسن څومره بیلې زه ګلان درباندې شیندم او ته ڪاڼي.! 💔🥺

‏زه لکه په دښته کې ولاړه وچه ونه هیلې دومره ډېرې دي چې مه کوه پوښتنه ژوند د دې بازار په یوه لاره کې هم نشته دومره خاموشي خو به مې ورک کړي له وطنه ځمه چې وعده د بيا ليدو يې پوره شوې بيا به راته وايي چې دا ولې دروغجنه خاورې د ولس په اننګو باندې پرتې دي ګرځي ډلې ډلې رهبران سپینه لمنه چا چې ښايستونه درته وښودل درځاره تا له هغو سترګو نه هم ونه کړه مننه

#بیت بیا مې په زړه وریږې ښه نه یمه یو زنګ را ووهه چې غږ د واورم

بس لالیه زهٔ مرغی نهٔ یم، کاش وای چې ستا له کوره به اوس څو داورې راتاو وای 😏🫣

ته ورته دعا وايي لاسونه دې اوچت کړل زه ورته ګيلې وايم مولا ته يې کوې خدای خبر دا چاته دې زړه ډک دې له خبرو هلته يې څوک نه اوري نو ماته يی کوې