Amina’s archive ~.~

لابغيتو كاش نهار تدعولي ، ادعولي ربي يعافيني من ال anger issues اللي عندي 🤡 it’s getting serious 🫪🤖🤖

دايما نقولها ونعاودها : Hopelessness is for lazy losers , In a world full of hopelessness; being hopefull (مع كل مايقتضيه من عمل ) is a form of resistance .

و حاجة أخرى : فقدان الأمل وإعلان اليأس والاستسلام هو أسهل حاجة على عقل الإنسان . الشيء الأصعب هو الأمل ، لأن يخليك تدركي بلي مساحات التغيير بزاف كبيرة ، وبلي مساحات الأشياء اللي تقدري تعملي عليها بزاف كبييرة ، بصح تِبعا لذلك = يحب عليك العمل ! >> هذا الشي اللي ميحبوش العقل الكسول .

ماشي منطقية انتيا نهارك كامل تعقبيه في الانستا ومباعد تجي تشكي من المجتمع ؟ مع أنك انتيا اللي راكي تضيعي في حياتك بيدك ؟ روحي عيشي ، اقراي ، جربي، احفظي قرآن ، توبي ، اتضرعي لربي ، اقراي تفاسير ، تاريخ ، برامج ، هوايات ، ،.. الخ قبل ما تقرري أنو خلاص راكي "باغية تهبلي من واش راه صاري" .

And the REAL advice = put the phone down. !!! حطي التيليفون شوية ، حطي الفايسبوك والانستا اللي معمرين بالاخبار الشنيعة ، وروحي عيشي حياتك كيما يرضاها ربي ، روحي اقراي كتاب ، روحي اقراي قرآن ، روحي ديري الحوايج اللي كنتي تأجلي فيها .. تفيقي بلي هذي الخطوة الأولى لتغيير المجتمع للأفضل = أنك تغيير نفسك وتديري اللي عليك ، فقط .

« فمن زُحزِح عن النّارِ وأُدخِل الجنّة فقد فاز »

Guys relax .. ربي قال « لايضركم من ضل إذا اهتديتم» ، يعني هي صح الواحد نورمال يغيضو الحال على واش راه صاري ، ونورمال مايعجبوهش الحوايج اللي ميش مليحة في المجتمع، بصح ماشي على حساب حياته ونفسه ، كون يلتا الواحد يبني نفسه ويدير الحوايج اللي علابالو لازم يديرها ، ويدير واش عليه (في نطاق حياته الخاصة ودائرته المجتمعية اللي يقدر يغير فيها) ، خلاص ماراحش يضيع وقتو في اهلاك نفسيته ، لأنه يدرك بلي في الأخير حنموتو وكل واحد راح يتحاسب على واش دار ، يعني ماكانش ظلم لأنه في النهاية عند ربي راح يوفي كل الحقوق يوم القيامة "وإنما توفون أجوركم يوم القيامة" . مايهمكش في المجتمع كون تلتاي بروحك وإصلاحها . مايهمكش في المجتمع لما تدركي بلي كلش بيد ربي ، وتعرفي بلي ماتحتاجيش تعزلي روحك جسديا ، تحتاجي برك تنعزلي عن قبضة المجتمع نفسيا ومتخليهش يتحكم في نفسك وحياتك ، وتحتاجي برك تسلمي لربي وحده، وتتذكري حتى وتتأذاي من المجتمع (بعد مادرتي كل واش عليك طبعا) ، حتى وكشما يصرالك بسبب النذالات اللي فيه ، في النهاية معيار النجاة ماهوش النجاة من مصائب المجتمع بل النجاة من النار !

I am really not sure :(

لاه يعني تسقسيو في هذي الأسئلة اللي معندهاش إجابة ؟ 💔

Day 0 : 🤡🤡

وتنساي المليون احتمالية الأخرى الممكنة ، مثل : - أن هذا رجل صالح بصح قادر يكون ماهوش زوج صالح - أنه قادر يكون زوج صالح بصح ماشي صالح ليك - أن قادر يكون صلاحو ظاهري فقط .. الى آخره من الاحتمالات الناتجة عن الخصوصية الشخصية لكل إنسان ، اللي أنتي باسقاطك ليها كأنك تقومي باسقاط خاصية "الإنسانية" من الرجل !

وينعكس هذا على نظرتك للرجال كامل ؛ بحيث تُسقِطي الخصوصية الشخصية -الإنسانية- لجميع الرجال وتولي تشوفيهم كامل غير من زاوية "هذا ناس ملاح = يعجبني = يصلح زوج " و "هذا ماهوش ناس ملاح = مايعجبنيش = مايصلحش زوج". تولي المعادلة -في عقلك- كالتالي : " رجل صالح = زوج صالح لي " و تولي متقدريش تفصلي أي إعجاب بصلاح رجل عن إعجابك بيه كزوج

No but seriously , أنا نشوف بلي المشكل الأساسي هو -كيما قلت من قبل- أنك تنظري لنفسك على أنك "زوجة مُحتملة لأحدهم" . علاش ؟ : لأن كونك تعاملي نفسك على أساس أنك "زوجة محتملة لأحدهم" قبل أنك "إنسان" يخليك -بالضرورة المنطقية- تعاملي أي رجل تشوفيه على أنه "زوج محتمل " ليك ،

ولا لازمها هدرة ؟ 😀