معلومات وكتب صيدلانية💊📚 ( Pharmacists Students🧑‍⚕️)

جاتلي روشتة مكتوب فيها دوستينكس واقراص فيروجلوبين ف اللي خطر ف بالي ان دي روشتة نسا لواحدة بترضع عاوز توقف رضاعة وواخدة حديد عادي ف روشتات النسا ف العميل بيسألني ع الدوا بتاع ايه واستخدامه ازاي .. لسه بقوله ده علشان تثبيط الرضاعة بصيت ع الروشتة لقيتها تخصص مخ واعصاب ↩️ابص ع اسم المريض الاقيه راجل ... ف خطر ف بالي انها حالة hyperprolactinemia .. بس بصيت ع الجرعة لقيتها 0.5mg مرتين ف الاسبوع ونزود الجرعة كل اسبوع لحد ما توصل 2mg ↩️ف قلت يبقى اكيد prolactinoma وانا حقيقي مكنتش فاكر الجرعة بتاعتها .. ف سألت المريض انت بتشتكي من ايه؟ .....عرض المزيد

فأنهيت الصلاة وصرخت كالملسوع مثل أرشميدس حينما اكتشف قانون الطفو فخرج كالمجنون يجرى ويصرخ " يوريكا يوريكا وجدتها .. وجدتها "... ولم أستطع أن أنام بعدها حتى بلغت الساعه الثامنه واتصلت بالنائب لأخبره بالسر الأغرب .. الأغرب على الإطلاق ... ***** ‏Trichenosis يا محمد ..... الحالة اللى عندك دى Trichenilla spiralis infection أو عدوى دودة ترايكينيلاّ ... - ......! جمّع الخيوط كلها من الآخر للأول ... إيه اللى يعمل خراريج أو emboli فى العضلات بالمنظر ده فى طفل حالته العامه كويسه ؟؟ مستحيل تكون خراريج بكتيرية septic emboli ... بالتأكيد هيا خراريج طفيلية parasitic emboli ... متنساش كمان إن التورم حوالين العين ده لو سببه عدوى فهوا من الحاجات المتسجله باسم نوعين طفيليات بس ، واحده فى مصر وهيا الترايكينيلاّ ، والتانيه فى أمريكا وهيا التريبانوسوما أو chagas disease .. - طب والمغص والإسهال ووجع البطن اللى فى الأول ؟!! ما هو دى دورة حياة الدوده دى ، بتبدأ لما المريض ياكل لحم غير مطهى كويس ، بعدين تتكاثر فى الأمعاء وتعمل الأعراض دى فى المرحلة المعويه intestinal phase ؛ بعد كده الجسم بيطلع أجسام مضاده ونتيجة الخناقة بين الجسم والدوده بتظهر على هيئة ورم عين ، شويه شويه الدوده تُمتص وتنتشر عن طريق الدم وتسكن فى الأنسجة والعضلات .. - عشان كده لما راحت لعضلة السمانه كان بيعرج !! أردفت فى حماس : وعشان كده برضه فجأة لقينا كيس مؤلم فى عضلة البطن فجأه .. انتا هتبدأ دوا الديدان ده دلوقتى حالاً متستناش ،، وبلغنى بالنتيجه أول بأول .. **** لم يحتجْ الطفل إلا ٤ جرعات فقط من الدواء ، و مع الجرعه الرابعه بفضل الله كانت الحراره اختفت وكأن لم يكن به شئ !! وتم إكمال الدواء لأربعة عشر يوماً للتخلص من أى بقايا للديدان .. نظرت للسماء بارتياح وامتنان لتوفيق الله عز وجل .. و ظللت أتفكر فى عجيب صنع الله و أقداره ... وأتدبّر ... —————— د.أحمد الخطيب

"دكتور أحمد عندنا حاله عاوزين ناخد رأى حضرتك فيها " بهذه الجمله المقتضبه ، و بحماس و سرعه أخبرنى نائب طب الأطفال بالأمر ، فى المستشفى الجامعى الذى أناوب فيه . " حالة إيه يا دكتور ؟ " ... حالة حراره مستمره بقالها ٣ شهور مبتنزلش . - طيب هات زمايلك الدكاترة وطلبة الامتياز وتعالى نشوفها سوا . دخلت الغرفه ، فإذا بطفل ١١ سنه ، يبدو طبيعياً وبصحة جيدة ، لا توجد علامات ضعف أو هزال أو أعراض ظاهرة لمرض معين . بهدوء تكلمت : " بصو يا دكاتره ؛ أهم حاجه فى الكشف كله التاريخ المرضى ، اه الفحص مهم ، و التحاليل مطلوبه ، لكن لو خيرتنى أسيب كل ده و اعمل حاجه واحده ،، هسمع الشكوى بالتفصيل الممل ، الحل يكمن فى التفصيل " ثم أردفت باهتمام : " اتفضلى يا أمى إحكى اللى حصل بالتفصيل .." الولد يا دكتور بقاله ٣ شهور بيسخن ،، الموضوع بدأ بمغص ووجع بطن ، إسهال ، بعد كده حراره عاليه مبتنزلش غير بالخافض ، شويه وترفع تانى .. المهم ، رحنا كشفنا وقالولنا حمى تيفود ، وبدأنا كورس إبر مجابش أى نتيجة خالص . على تالت إسبوع والحراره مستمره بدأ يظهر حاجه غريبه جداً ..!! حوالين عينه الشمال بدأ يورم جامد ، و بعدين انتقل لليمين ، وبعدين الوش كله ورم .. - ضيقت عينى بتركيز وأنا أسألها محاولاً استبعاد الأسباب " " طيب لون البول مبقاش غامق ولا البول قلّ ولا اتقرص في عينه ولا الورم انتشر للجسم مثلاً ؟؟؟ ! " أبداً يا دكتور .. " مكانش بيوجعه جامد الورم ؟ " لأ ... بس الدكاتره عملو تحاليل لمرض بيورم الجسم و طلع معندوش * ... أومأت برأسى محفزاً إياها على إكمال الروايه : المهم رحنا لدكتور تانى و مع استمرار الحراره شخصها حمى بحر متوسط وبدأنا كولشيسين قاطعتها قائلا : " رغم إن الحراره كانت مستمره ومش بتيجى أيام آه وأيام لأ ؟؟ " بالضبط يا دكتور بالعكس ده وجع البطن بعد ما كان بدأ يهدا رجع تانى مع الكولشيسين و عملنا الجين الوراثى طلع معندوش حمى . " طيب و كل ده الحراره شغاله !!!" احنا كده وصلنا للشهر التانى للحراره والله ما خفت يوم يا دكتور !! ظهر بعدها شئ غريب .. بدأ الولد يعرج على رجله ، بيمشى بالعافيه ،، وبقاله كده شهر كامل !! أُرهق مخى بشدة وأنا أعتصر ذهنى للبحث عن سبب ..: " أيوا يعنى المفاصل ورمت ؟؟ ظهر طفح جلدى ؟؟ ركبه وجعته ؟؟... - لا يادكتور والله هوا بدأ يعرج بس و الحراره ى ما هيا عاليه !! قلت فى نفسى : حتى الحمى الروماتيزمية فى الأطفال اللى كنت ناوى أعتمد عليها طلعت مش معانا .. الحاله صعبه فعلاً .. فى خفوت أردفت "طيب وبعدين ... ؟" أجابت بنفاد أمل .. ولا قبلين يا دكتور وحاله زى مانتا شايف لغاية دلوقتى حراره مبتنزلش و بيعرج بقاله شه ... قاطعها الطبيب النائب بحزم : " بص يا دكتور أحمد ؛ احنا عملنا رنين لقينا ان في خراج متجمع عند رأس عضلة السمانه هوا اللى عامل العرجه دي . " سألته باهتمام : طيب يا دكتور عملتو تحاليل الحراره المجهوله ، عملتو تحاليل الدرن و صور الدم وسرعة الترسيب مزرعة الدم و سونار البطن و وتحاليل البول والبراز و .. " عملنا كل ده و الوحيد اللى طالع عالى جداً سرعة الترسيب .. الباقى كله طبيعي " طيب نام كده يا حبيبي على السرير أكشف عليك . استلقى الطفل ذو الإحدى عشرة ربيعا على سريرالفحص ، و قد بدا عليه علامات الترقب ، الفحص سليم ، لا شئ يثير الاهتمام ، و مع فحص البطن وجدت أغرب شئ يمكن تخيله ... على الإطلاق .. ******* انطلق ذهنى فى التفكير بسرعة البرق ... ما هذا التجمع الكيسي المؤلم الذى أتحسسه تحت يدى .. لحظه .. ثم ما هذا المكان ! عضلة البطن العلوية تحت عظمة القصّ left rectus abdominus أبداً ليس بمكان معهود لتكوين صديد ؛ إلا إذا كان الطفل مصاباً بتسمم دم و خراريج صديدية ، وقتها ، الحاله العامة للطفل تكون غاية السوء وهذا الطفل ليس كذلك هو يتحرك ويلعب والوزن لم يتأثر ! إذن فلا بد من تفسير يجمع بين التجمع الصديدى فى السمانه ، مع هذا التجمع الكيسي في عضلة البطن . أعيانى التفكير ، فطلبت من النائب أخذ عينة من الكتله و تحليلها ، لعلها تساعدنا فى التشخيص ؛ ونظرت لعينى الأم و بوضوح قلت : " شوفى يا مدام. إحنا لغاية دلوقتى موصلناش لتشخيص ، مفيش حاجه واضحة تجمع بين كل الأعراض دي بسهوله ، هنعمل عينة من "الكتله " ونشوف هتطلع إيه .." - ......... " ادعى بس وربنا الشافى ".... خرجت من غرفة الطفل وأنا أضرب أخماساً فى أسداس لصعوبة الحاله ،، كنت أعانى من قلة النوم ليلتها ، ولا أدرى وقتها أخذت أتمتم بكلمات غير مفهومه وانا أحدق فى الفراغ " علامة رومانا ،، علامة رومانا romana sign ". ثم تبادلت الحديث مع الأطباء عن الحاله و عدت للبيت . .............. مضى يوم ثم جاء اليوم الذى بعده و خلدت للنوم و لم ألبث إلا وأنا أصلى الفجر على خاطر غريب عن الحالة !!!

بوست طويل بس تقرأه كده وانت متمزج روووعة❤️❤️❤️👇 https://t.me/Pharmacists_Students/45

💢نقص فيتامين D ✔️✔️ - ضعف العظام (مثل هشاشة العظام) - آلام العضلات - التعب - ضعف المناعة - مشاكل في الجهاز الهضمي - مشاكل في النوم - الاكتئاب - مشاكل في الجهاز التنفسي 💢فوائد فيتامين D - يحافظ على صحة العظام - يعزز المناعة - يساعد في امتصاص الكالسيوم - يساعد في الحفاظ على صحة الأسنان - يساعد في الحفاظ على صحة القلب - يساعد في الحفاظ على صحة الجهاز التنفسي - يساعد في الوقاية من بعض الأمراض (مثل السرطان والسكري) 💢مصادر فيتامين D - أشعة الشمس (أفضل مصدر) ويفضل ان يكون في اول ساعة للشروق ان تتعرض للشمس من ١٠ دقائق الي ١٥ - الأسماك الدهنية (مثل السلمون والسردين) - الحليب ومشتقاته - البيض - الكبد - الفطر (مثل الشامبينون) - الحبوب الكاملة (مثل القمح والشوفان) - بعض أنواع الزبادي 💢نسألك الدعاء لأبي بالرحمة والمغفرة 👏🌷 #شير https://t.me/Pharmacists_Students https://t.me/Yousef_pharmacy

#كورس_OTC_مجاني_لاشهر_الحالات_اللي_هتقابلك_فالصيدلية #شرح_سهل_جدا_ومبسط وانت قاعد كده اسمع الفيديوهات 😍دول من اشهر ١٧ حالة هتتعامل معاهم هيفيدوك جدا علشان نكمل باقي السلسلة🥰 الفيديوهات صغير مش كبيرة ف حدود ٥ دقايق مش هتاخد منكم وقت 😁 ............... ............. #شرح_قرحة_المعدة_والاثني_عشر https://youtu.be/FDfHrJ8o7Ps #شرح_الكحة_بنوعيها بلغم وناشفة https://youtu.be/SI22eDazSZw #المغص_والانتفاخ_للرضع_والاطفال https://youtu.be/HPd3uJCUqhg #الديدان https://youtu.be/1_flePpXdiY #السمنة_(زيادة_الوزن)_والنحافة https://youtu.be/q-paeXSSXl0 #النقرس (داء الملوك ) Gout https://youtu.be/bbqk-btiZVM #الانيميا Anemia https://youtu.be/ua0nEJvLu-s #الارق (عدم القدرة علي النوم ) Insomnia https://youtu.be/PxxWnCqje20 #الحساسية وحمو النيل https://youtu.be/0cpGlYkBCOw #القولون العصبي | IBS https://youtu.be/jygRAt6RWaY #الالتهابات المهبلية لدي السيدات والانسات https://youtu.be/bBbon9NVQP8 #قرح والتهابات الفم واللثة https://youtu.be/FqMmrGHNTbk #البواسير بانواعه |Hemorrhoids https://youtu.be/LpJfNDJIPC4 #عملية البواسر بشكل 3D Enimation كانك في غرفة العمليات https://youtu.be/8hHj-n904dQ #حب الشباب https://youtu.be/Zcejb38sqe0 #تسلخات والتهابات الحفاض https://youtu.be/rnxf_1LZRpw #الام اسفل الضهر https://youtu.be/g6kqdKX4dJ4 🔹️وابعتها لاصحابك علشان الجميع يستفاد👍 ف ناس طلبت مني اعملها ف شكل تجميعة 🤝ادخل اسمع علشان نكمل عليهم هتستفاد جدا 🥳و متنساش تشترك ف القناة لو مشتركتش وشير ف الجروبات علشان تصل لعدد اكبر 🤓 💠Join to channel 👇 https://t.me/Yousef_pharmacy 💠To discussion 👇 https://t.me/courses_pharmacists #لاتنسي_الاشتراك_بالقناة_ليصلك_كل_جديد #دمتم_موفقين

#شرح_قرحة_المعدة_والاثني_عشر https://youtu.be/FDfHrJ8o7Ps

اللي مش عارف، Body packing هو طريقة بيستخدمها مهرّبي المخدّرات علشان يخبّوا المواد جوّه الجهاز الهضمي… يا إما يبلعوها، يا إما يدخلوا الباكيتات من ناحية تانية واحدة واحدة. المريض ده اتقبض عليه في مطار دولي بعد ما اشتبهوا إنه بيهرّب مخدّرات. اتعملت له أشعة، وفعلاً ظهرت علامة معروفة عند الأطباء اسمها Tic-Tac Sign بتدل إن فيه باكيتات جوّه الأمعاء. المفاجأة إنه خلال ٣ أيام بس، خرج ٨٤ باكتة كوكايين كاملة! المصدر: Japanese Journal of Radiology – Suzana Ab Hamid et al., 2012 #شير https://t.me/Pharmacists_Students https://t.me/Yousef_pharmacy

😂

🦠 دور البرد المنتشر اليومين دول مش مجرد "برد عادي"، ده Cold Virus سريع الإنتشار (ممكن فرد يعدي البيت كله ) قوي شوية واعراضه ممكن تطول مع ناس كتير لكنه بياخد أيامه ويروح إن شاء الله أغلب الأعراض اللي بيشتكي منها الناس: 😷 رشح وسيلان 🤧 زكام وسد في الأنف 🌡️ حرارة أو إحساس بسخونية 🤕 صداع وتكسير في الجسم 🗣️ التهاب في الحلق 😮‍💨 كحة جافة أو ببلغم ✅💡إيه التعامل الصح لو أصابك الفيروس: ▪️ترتاح كويس ▪️شرب سوائل كتير ▪️غسول للأنف (Saline) ▪️مسكنات وخافض حرارة لو محتاج (Paracetamol) ▪️أقراص مزيلة للاحتقان لو مناسب لحالتك ▪️عسل ولمون وزنجبيل ممكن يساعدوا 🚫طيب امتى نروح لدكتور؟ ▪️لو الحرارة مستمرة أكتر من ٣ أيام ▪️صعوبة في التنفس ▪️ألم شديد في الجيوب الأنفية ▪️كحة بترجع أسوأ بعد ما بدأت تتحسن 💬و خليك فاكر: المضاد الحيوي (Antibiotic) مالوش لازمة مع دور البرد لأنه فيروس، إلا لو الدكتور قال غير كده. 🚥🚥🚥🚥🚥🚥🚥🚥🚥🚥🚥🚥 🛡️ ازاي تحمي نفسك وأولادك من دور البرد المنتشر؟ مع انتشار دور البرد اليومين دول، مهم ناخد شوية خطوات بسيطة تقلّل فرص العدوى وتحافظ على مناعتنا ومناعة أولادنا 👇 👶🧑‍🦰 ١. غسيل إيدين باستمرار استخدموا صابون وميه 20 ثانية… ده أهم وأقوى خطوة للوقاية من أي Viral Infection. 😷 ٢. تجنبوا القرب من أي حد عنده أعراض لو حد بيكح أو عنده رشح… خليه يحافظ على مسافة أمان شوية، خصوصًا مع الأطفال. 🧴 ٣. المطهرات (Sanitizer) نستخدمه وقت الخروج أو في الأماكن الزحمة. 🌬️ ٤. تهوية البيت كويس يوميًا الهواء المتجدد يقلل تركيز الفيروسات في الجو. 🥗 ٥. دعم المناعة بالأكل فيتامين C طبيعي: برتقال ليمون جوافة فلفل ألوان وكمان العسل مفيد جدًا للأطفال فوق ١ سنة. 🛏️ ٦. نوم كفاية قلة النوم بتقلل المناعة وبتخلي العدوى أسهل. 🚫 ٧. علّمي أولادك يبعدوا إيديهم عن وشّهم العين والأنف والفم هما أسرع طريقة لدخول الفيروس للجسم. 🧼 ٨. تنظيف الأسطح المشتركة زي مقابض الأبواب، ريموت، المكاتب، والتليفونات. 🏫 ٩. لو ابنك تعبان… خليه يرتاح في البيت عشان يحمي أصحابه وماينقلش العدوى، وكمان يتعالج أسرع. 💧 ١٠. شرب سوائل بشكل كفاية المية أهم حاجة، ويفضل تدفئة الجسم كويس. البوست للتوعية مش للتخويف ✅وربنا يحفظكم ويحفظ أحبابكم جميعا ❤️🌺 #معلومة_صيدلانية #ع_السريع #لايك_وشير_علشن_يوصل_لغيرك #ضيف_صحابك 📍https://t.me/Pharmacists_Students 📍https://t.me/Yousef_pharmacy

📌📌طويلة بس جميلة جدا 💘هتستفاد كمل للاخر 👇👇 ❤️‍🔥نعمة الشكر ❤️‍🔥 بقالى ساعه بلف بالعربيه عشان الاقي ماكينه ATM فاضيه عشان اعرف اسحب فلوس ومش لاقي يا عطلانه يازحمه جداااا..مشيت كتييير عشان الاقي وآخر مازهقت لقيت واحده خفيفه شويه نزلت متأفف جدا انى هقف ف الطابور ..المهم وقفت .لاحظت الراجل اللى قدامى حد ف أوائل الخمسينات من عمره ومن الطبقه المطحونة...الراجل كان عرقان جدا وجسمه بيتنفض مع ان الجو مش حر ولا حاجه بس ماركزتش اوى معاه .بعد شويه لقيته بيقولى " هستاذنك بس تحجزلى المكان عشان مش قادر أقف وخايف اقعد يروح عليا دورى" فقلت له اتفضل ودورك محجوز.الراجل قعد ع الرصيف اللى جنبي وبدأ ينشف العرق اللى مغرقه ورافع ايديه للسما وبيقول "يارب " انا مينفعش خالص اعيا انهارده بالذات خد بإيدى بس لحد بكره "يارب " الراجل كان بيتوسل لربنا انه ميتعبش بطريقه لفتت انتباهى ...قربت منه وسالته "انت كويس؟قالى كلمه هزتنى بجد "الحمد لله فى زحام من النعم " بقوله واضح انك تعبان طيب ماتروح لاقرب دكتور لقيت الراجل عينيه دمعت وهو بيقولى ماينفعش اتعب يا استاذ دى رفاهيه انا مش ادها .انا زوجتى متوفيه من 8 سنين وعندى 4 ولاد كبيرهم فى الكليه ومحتاج مصاريف كليته انهارده ووعدته انى هقبض واروحله الجامعه اديهومله..التلاته التانيين ف ثانوى واعدادى وكتر خير والدتى كانت بتراعى ولادى بعد موت مراتى ..لكن دلوقت أمى كمان مريضه مرض موت وبراعيها هى وعيالى. انا موظف حكومة مرتبى 2700 جنيه وبشتغل بعد الضهر عامل توصيل مطعم بالفين جنيه وكل ده مش ملاحق ع البيت والولاد والدروس ومصاريف علاج والدتى .صاحب البيت كاسر عليا ايجار متأخر وآخر معاد انهارده عشان ياخد نص فلوسه بعد محايلات منى وم الجيران عشان ميرميش عفشي وامى المريضة وعيالى ف الشارع انا وقفت قدام كلام الراجل مش عارف اقول ايه .الراجل عنده كل ده وبيقولى"الحمد لله فى زحام من النعم "وأنا اللى ظروفي احسن منه مليون مرة متضايق ومخنوق ...كأنه ادانى قلم على وشي وقالى انت جاحد بنعم ربنا .المهم بعد ما صرف الفلوس اخدته المستشفي بعد محايلات منى واصريت استناه واوصله بيته بالعربيه ...عشان اتفاجئ بمفاجأة اكبر ..والدته ف التمانيين من عمرها وكفيفه وراقده على فراش الموت وكل كلامها حمد لله على نعمه وشكر لله على واسع فضله .بصيت حواليا اشوف واسع فضل الله اللى بتشكره عليه لقيت بيت عباره عن دور ارضي حيطانه اكل عليها الزمان وشرب وكله رطوبة الفرش سريرين ودولاب وكنبتين بلدى وحصيره.لسه ببص حواليا لقيت الباب بيخبط وطلع كلامه حقيقي كان صاحب البيت عاوز فلوسه وداخل يزعق ويتوعد ويهدد بطرده.المهم بعد تدخل منى ورفض شديد من الراجل المحترم ده اللى علمنى درس عمرى كان رافض تماما انى ادفع الفلوس بتاعة الايجار دفعت الفلوس لصاحب البيت ومعاهم ايجار سنه مقدم واخدت منه إيصالات الايجار واديتهاله .الراجل فضل يعيط زى الأطفال ويقولى " انت طلعتلى منين ؟..انا طول الليل منمتش وعمال اصلى وادعى ربنا يسترنى وماتفضحش قدام الجيران ف الشارع" قلتله ربنا عطل لك 4 ماكينات صرافه وزحم 6 ماكينات تانيين عشان يبعتنى ليك من المعادى لحلوان القديمه وبعتك انت كمان ليا عشان تعلمنى اتأدب مع ربنا واشكره واحمد الله #شير https://t.me/Pharmacists_Students https://t.me/Yousef_pharmacy

الهك،ر مستغرب ازاى م قادر يفتح الباسورد الباسورد اللى انا حاطه:

البوست 👇👇👇 من الحاجات اللي دايما بتقابلنا في الصيدلية لما حد يسألك علي دواء كحه و تسأله الكحه دي ناشفه ولا ببلغم ، وقالك ببلغم اول حاجة بتيجي في بالك ال All-Vent بس قبل متطلع الأولفنت لازم تبقي عارف حاجه .. إنه مكتوب عليه "Bronchodilator" يعني موسع للشعب الهوائية - لإن فيه مادة ال "Terbutaline" - اللي تندرج تحت عائلة ال "Short acting B2 agonist" - اللي مابتشتغلش Bronchodilator بس لكن برضو في نفس الوقت بتأثر علي نفس المستقبلات اللي موجوده في القلب وتعمل contraction بالتالي ممكن يعمل Tachycardia . في نفس الوقت تفعيل مستقبلات ال B2 دي ليها "Metabolic effect" وبتعمل "Gluconeogenesis" و "Glycogenolysis" - وبالتالي تصنيع الجلوكوز هيزيد فهيعمل hyperglycemia. ف يُفضل ساعتها تخلي بالك لو حد مريض سكر ، أو حد عنده مشاكل في ضربات القلب #معلومة_صيدلانية #ع_السريع #لايك_وشير_علشن_يوصل_لغيرك

لسه بقرأ ف البوست ده ع الفيس وبنزلهولكم حالا لقيت واحدة دخلت عليا بتقولي ضربات قلبي عالية ممكن تقيسلي الضغط...حاضر...استريحي سألتها كذا سؤال👇 👈ف ضغط،ف سكر....لاء 👈ف التهاب ف الاذن الوسطي...لاء 👈ف انيميا....لاء 👈ف جيوب انفية...لاء 👈ف تفكير زعل ...لاء 👈ف مجهود امبارح...لاء 👈ف دواء بتاخديه...قالتلي خدت اولفنت الصبح ع الريق...قولتلها هو ده وقفيه فورا 💘البوست 👇👇 https://t.me/Pharmacists_Students/25 #معلومة_صيدلانية #ع_السريع #لايك_وشير_علشن_يوصل_لغيرك #ضيف_صحابك https://t.me/Pharmacists_Students