ፍኖተ-አማራ ሚዲያ (Finote Amhara Media)
Open in Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
Show more4 387
Subscribers
-1324 hours
-657 days
+1430 days
Posts Archive
የፋሽስቱ ብልፅግና ሰራዊት ብሬን ተኳሹን ጨምሮ 18 ጠላት ሲደመሰስ ከ25 በላይ ቁስለኛ አስተናገደ!
የአማራ ፋኖ ብሔራዊ ንቅናቄ (አፋብን) ወሎ ቤተ-አማራ ምኒልክ ዕዝ 303ኛ አሳምነው ኮር አካል የሆነው ነብሮ ተወርዋሪ ኮማንዶ በአሁኑ 16ኛ ክፍለ ጦርና እሸት ክፍለ ጦር በአሁኑ 19ኛ ክፍለ ጦር የተውጣጡ በቁጥር አነስተኛ ፋኖዎች የብልፅግና ወንበር አስጠባቂ መከላከያ ጦርን አይቀጡ ቅጣት በመቅጣት በጥምረት ታላቅ ድል ተጎናፀፉ።
ሚያዚያ 03 ቀን 2018 ዓ/ም ከረፋዱ 4:00 ሰዓት ላይ መነሻውን ከላሊበላ ከተማ በማድረግ ወደ ጋሸና ከተማ ሬሽን ለማሳለፍ የተንቀሳቀሰው የጁላ ሰራዊት ባላሰበውና ባልጠበቀው ሁኔታ ከአወባይ ዳቦ ከተማና ከድብኮ ቆጋ በተደረገበት የደፈጣ ጥቃት ጠላት ከፍተኛ ሰብዓዊና ቁሳዊ ኪሳራ አስተናግዷል።
በዚህ አውደ ውጊያ 18 የጠላት ኃይል ሲደመሰስ ከ25 በላይ ቁስለኛ ያስተናገደ ሲሆን ከላሊበላ ከተማ ተጨማሪ ሦስት መኪና ኃይል በመጨመርና ሽፋን እንዲሰጡት በማድረግ የተረፈው ኃይል ራሱን በማውጣት ያሰበውን ሳያሳካ ወደነበረበት ላሊበላ ከተማ ተመልሷል።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል ሲል አፋብን ወሎ ቤተ-አማራ ምኒልክ ዕዝ 303ኛ አሳምነው ኮር ህዝብ ግንኙነት መምሪያ ኃላፊ አርበኛ መምህር ቢሆነኝ ቢያበይን መረጃውን አድርሷል።
ህልውናችን በተባበረ ክንዳችን!
አፋብን ወሎ ቤተ-አማራ ምኒልክ ዕዝ
ሚያዚያ 04/2018 ዓ/ም
12 Apr, 09:19
ለእውነት፣ ለማንነታችሁና ለራዕያችሁ በጠባብ ክፍሎች ውስጥ ለታሰራችሁ የአማራ ልጆች!
እንኳን ለብርሃነ ትንሳኤው በሰላም አደረሳችሁ። የታምኑበት ዓላማና የቆማችሁለት እውነት እስር ቤት ቢያስወረውራችሁም አላማችሁ በየቤታችንና በየልባችን አለ።
ለጋዜጠኞች፦ ብዕራችሁ ታስሮ፣ ድምፃችሁ ታፍኖ ሊሆን ይችላል፤ ነገር ግን እውነት አይታሰርም። እናንተ ለአማ ለህዝብ ጆሮና አይን ለመሆን የከፈላችሁት መስዋዕትነት የነፃነት መንገድን የሚጠርግ ብርሃን ነው።
ለፖለቲከኞች፦ ለፍትህና ለዴሞክራሲ ያላችሁ ፅናት በመከራ ውስጥ ይበልጥ እንደሚጠነክር እናምናለን። የግፍ እስር የጊዜ ጉዳይ እንጂ የሀሳብን ልዕልና በፍጹም ሊያሸንፍ አይችልም።
ለምሁራንና ለአማራ ጭንቅላቶች፦ የእውነት ምስክር በመሆናችሁና አእምሯችሁን ለህዝብ ጥቅም በማዋላችሁ ዋጋ እየከፈላችሁ እንደሆነ እናውቃለን። አካላችሁ በሰንሰለት ቢገደብም፣ ብሩህ አእምሯችሁና ያሰረጻችሁት ዕውቀት ግን ምንጊዜም ነፃ ነው። እናንተ በመከራ ውስጥ ሆናችሁ ለትውልድ የምታሳዩት የፅናት ትምህርት ከምንም በላይ ታላቅ ነው።
በአማራነታችሁ ብቻ ተመርጣችሁ መከራን ለምትቀበሉ ወንድም እና እህቶቻችን፦ ማንነት ወንጀል ባልሆነበት ህሊና ውስጥ እናንተ የቁርጥ ቀን ልጆች ናችሁ።
ጨለማው ቢበረታም፣ ከጨለማ በኋላ ብርሃን፣ ከሞት በኋላም ትንሳኤ እንዳለ ሁሉ፤ የናንተም የፅናት ጉዞ ወደ ድልና ወደ ነፃነት እንደሚያደርስ አንጠራጠርም።
ክርስቶስ መከራን በትዕግስት፣ ሞትን በትንሳኤ እንዳሸነፈ ሁሉ፤ እናንተም ይህንን የፈተና ጊዜ በፅናት አልፋችሁ ለታላቅ የነፃነት ብርሃን እንደምትበቁ ተስፋ እናደርጋለን።
የታሰረ አካል እንጂ የታሰረ አዕምሮ የለም!
ብርታት፣ ጤናና የልቦና መረጋጋት ለእናንተ ይሁን!
መልካም የትንሳኤ በዓል!
12 Apr, 06:50
የ206ኛ ኮር አዳኝ ቡድን ከሌሊቱ 5:30 ሰዓት በደብረ ማርቆስ ከተማ በፈፀመው የቦምብ ጥቃት 24 የአድማ ብተና አባላት ከነ አመራራቸው ህይወታቸውን አጠዋል።
ሚያዚያ 4/2018 ዓ.ም
=======================================
በደብረ ማርቆስ ከተማ ከሌሊቱ 5:30 ከጎዛምን ፖሊስ ጣቢያ አካባቢ ተነስቶ ወደ ጎታራ እየተንቀሳቀሰ በነበረ ሰሌዳ ቁጥር 56721(3) Isuzu የጭነት ማመላለሻ ተሽከርካሪ ላይ በነበሩ የ32ኛ ዙር ተመራቂ አድማ ብተናዎች ላይ የ206ኛ ኮር አዳኝ ቡድን በፈፀመው የቦምብ ጥቃት 24 የሚሆኑት ወዲያውኑ ህይዎታቸው ሲያልፍ 3 አድማ ብተናዎች ከባድ ቁስለኛ ሁነዋል።
ጥቃቱ ሸበል ሆቴል አቅራቢያ የተፈፀመ ሲሆን ጠላት ሲጠቀምበት የነበረው ተሽከርካሪ ወድሞ አመራሮችም መሞታቸው ታውቋል።
አዲስ ትውልድ! አዲስ አስተሳሰብ! አዲስ ተስፋ!
የአፋብን ቴዎድሮስ ዕዝ 206ኛ ኮር ህዝብ ግንኙነት
12 Apr, 06:18
Repost from ፍኖተ-አማራ ሚዲያ (Finote Amhara Media)
ለመላው የአማራ ፋኖ ብሔራዊ ንቅናቄ የሰራዊት አባላትና ለጽኑ ደጋፊዎቻችን፦ እንኳን ለ2018 ዓ.ም የትንሳኤ በዓል በሰላም አደረሳችሁ!
መድኃኔዓለም ክርስቶስ ከሰማያት ሰማይ ወርዶ፣ ከቅድስት ድንግል ማርያም ተወልዶ ዓለምን ከፈጠረበት ጥበቡ ይልቅ፣ በሞቱ ሞትን ድል አድርጎ ዓለምን ያዳነበት ፍቅሩ እጅግ ይደንቃል! ይላሉ አበው!!
ዛሬም እኛ አማራዎች፣ በመስቀል ላይ ካለው መከራ በኋላ የሚመጣውን ትንሳኤ በተስፋ የምንጠብቅ ሕዝቦች ነን።
ይህ ታላቅ ሕዝብ በገዛ ምድሩ ላይ የሰላም አየር እንዳይተነፍስ የአብይ አህመድ አምባገነን አገዛዝ ሌት ተቀን ክፉውን ይዶልታል። ሰማዩን በባዕድ ሀገር (ዩናይትድ አረብ ኤምሬትስ) ድሮኖች አጨልሞታል፤ ምድሩን ደግሞ በወንበር ጠባቂ መከላከያ ሰራዊትና "ዳይፐር" በታጠቁ የብአዴን ሚሊሻዎች፣ የአድማ መከላከልና የሕዝብ ፖሊስ ጋር በፈጠረው "የአላቻ ጋብቻ" ደም እንዲነባ አድርጓል።
ያ የዋህና ሰፊ ሕዝብ፣ አማርኛ በመናገሩ ብቻ እንደ ወንጀለኛ ተቆጥሮ ሊጠፋ ከታደነ እነሆ ስምንት ክፉ ዓመታት አልፈዋል።
ነገር ግን ሞትን የማይፈራው የተራራዎች ንጉሥ የአማራ ልጅ ፋኖ ይህንን አረመኔያዊ ሥርዓት ከምድረ ገጽ ለማጥፋትና የሕዝቡን ክብር ለመመለስ በየሸንተረሩ እየተዋደቀ ይገኛል።
ውድ ሰራዊታችንና ጽኑ ሕዝባችን ሆይ! የፋሲካን በዓል ስታከብሩ፣ ይህ "ሰው በላ" ሥርዓት በጭንቀትና በሽንፈት ውስጥ ስላለ፣ በበዓል አጋጣሚ ጥቃት እንዳይሰነዝር ከወዲሁ ከፍተኛ ጥንቃቄ እንድታደርጉ ፍኖተ አማራ ሚዲያ ከጦር ግንባር መልእክቱን ያስተላልፋል።
ድል ለአማራ ሕዝብ!
የአማራ ፋኖ የግንባር ወቅታዊ ፈጣንና ትኩስ መረጃዎችን ለማግኘት የቴሌግራም ገፃችን ይወዳጁ!!!!!!!!!!!!!!!!!!!!!
https://t.me/httpsuYkZrGfSZrNjNjFk
12 Apr, 06:08
አፋብን ሸ/ጠ/ግ አሳምነው ዕዝ ወታደራዊ ስልጠና መምሪያ
እንኳን ለትንሣኤ በዓል አደረሳችሁ
ሚያዝያ 4 2018 ዓ/ም
የአማራ ህዝብ ከግማሽ ምዕተ አመት በላይ በሕማማት ውስጥ ኖሯል የስቃይ የመከራ ዘመናትን አሳልፎ ትንሳዔውን ለማየት አሁን በዕለተ ስቅለት ላይ ደርሷል።
የአማራ ህዝብ ያሳለፈው በርካታ የጭለማ አመታት ልክ አዳም በዲያቢሎስ ስር በባርነት የኖረባቸው ዘመናትን እንደሚመስሉ እና አዳምን እና ልጆቹን ከዲያቢሎስ አገዛዝ ለማውጣት ክርስቶስ በዕለተ አርብ በመስቀል ላይ ተሰቅሎ መሞት ግድ እንደሆነ ሁሉ አሁን ላለነው እና ለሚመጣው የአማራ ትውልድ ክብር እና ነፃነት የዛሬው የእኔ እና የእናንተ ትውልድ ዋጋ መክፈሉ ግድ መሆኑን ማስገንዘብ አስፈላጊ ነው።
ይህ የእኛ ዘመን ትውልድ ራሱን ከጭለማ ነፃ ለማውጣት ለአማራነት ማንነቱ ደሙን እያፈሰስንለት ነው። በዚህ ትግል ውስጥ በቀጥታም ይሁን በተዘዋዋሪ ተሳትፎ ያላቸው የአማራ ልጆች ለህዝባቸው ፍቅር እና ለትውልድ ለነፃነት የሕማማትን አይነት መከራ እየተቀበሉ ደም እያፈሰሱለት አጥንት እየከሰከሱለት ነው።
የሰው ልጅ ሲፈጠር ጀምሮ ከነ ሙሉ ነፃነቱ የተፈጠረ ፍጡር ነው ይህንን ነፃነቱን የሚነጥቀው ዲያቢሎስ እና የዲያቢሎስ ተገዢ የሆነ ኃይል ብቻ ነው።
እኛም አማሮች ከፈጣሪያችን በነፃ የተሰጠንን ነፃነት ስለተነጠቅን ከዚያም ሲያልፍ በዚህ ምድርእንዳንኖር የዘር ፍጅት ስለተፈረደብን ነው የምታገለው። ነፃነታችንን ለማስከበር የመኖር መብታችንን ለማረጋገጥ የምናደርገው ተጋድሎ በዚህም የሚከፈለው የትኛውም መስዋዕትነት ልክ እንደ ዕለተ አርቡ ስቅለት የተቀደሰ መስዋዕትነት ነው።
አማራነት መሞቻችን ብቻ ሳይሆን መዳኛችንም ነው!!
አርበኛ ፋኖ እሸቱ ተክለሚካኤል
እንኳን ለትንሣኤ በዓል አደረሳችሁ
12 Apr, 05:54
"ጽናት ለትንሳኤ፣ መስዋዕትነት ለነፃነት!!"
ለመላው የክርስትና እምነት ተከታዮች፣ በተለይም የህልውና ተጋድሎ እያደረገ ላለው ህዝባችንና ሰራዊታችን እንኳን ለብርሃነ ትንሳኤው በሰላም አደረሳችሁ።
~ለጀግናው የፋኖ ሰራዊታችን፦
በየዱር ገደሉና በየውጊያ ግንባሩ የምትገኝ የነፃነት ፋና ወጊው ሰራዊታችን፤ የትንሳኤ በዓል ከጨለማ በኋላ ብርሃን፣ ከመከራ በኋላ ደስታ መኖሩን ማብሰሪያ ነው። አንተ ዛሬ እየከፈልክ ያለኸው መስዋዕትነት የህዝባችንን የነፃነት ትንሳኤ ለማረጋገጥ መሆኑን ድርጅታችን አፋብን በኩራት ይገነዘባል። በጠላት ምሽግ ላይ ሆነህ በዓሉን ለምታከብር ጀግናው ሰራዊታችን፣ ብርታቱና ድሉን እንመኛለን።
~ለተከበረው ህዝባችን፦
በትግሉ ሂደት ውስጥ ለደረሰብህ መከራና ግፍ ትዕግስትህና ጽናትህ የሁልጊዜም መመኪያችን ነው። ትንሳኤው የመከራ ማብቂያና የታሪካዊ ፍትህ መጀመሪያ እንዲሆንልህ እየተጋደልን እየተፋለምን እንገኛለን። ይህ በዓል በእምነትና በአንድነት የምንበረታበት እንዲሆን ጥሪያችንን እናስተላልፋለን።
~ለደጋፊዎቻችንና ለበዓሉ ተሳታፊዎች በሙሉ፦
በሀገር ውስጥም ሆነ በውጭ ሀገር ሆናችሁ ለትግሉ ድጋፋችሁን የምታበረክቱ ወገኖቻችን፤ የትንሳኤ በዓልን ስናከብር የተሰዉ ጀግኖቻችንን ቤተሰቦች በመጠየቅ፣ የተፈናቀሉትንና የተቸገሩትን በማሰብና በመርዳት እንዲሆን እናሳስባለን። የፋኖ ክንድ የሚበረታው በእናንተ አጋርነት ነውና።
~በመጨረሻም፦
እንደ አማራ ፋኖ ብሄራዊ ንቅናቄ (አፋብን)፤ ህዝባችን የተጋረጠበትን የህልውና አደጋ ቀልብሰን፣ የፍትህና የእኩልነት ትንሳኤ እስኪረጋገጥ ድረስ ትግላችን የማይቆም መሆኑን ዳግም እናረጋግጣለን።
~ድል ለአማራ ህዝብ!!
~ክብር ለተሰዉ ጀግኖቻችን!!
~መልካም በዓል!!
~ሚያዝያ 2018 ዓ.ም!!
~የአማራ ፋኖ ብሄራዊ ንቅናቄ (አፋብን) ወታደራዊ ቃል አቀባይ አርበኛ አበበ ሙላቱ
12 Apr, 05:49
+5
ስይፐር እና ጥቁር ክላሽ በመያዝ ወደ ቆንጆዎቹ ተቀላቅለዋል ‼️
በፋሲካ በዓል ስናይፐር እና ጥቁር ክላሽ በመያዝ ቆንጆዎቹን ተቀላቀሉ ‼️
1_መሀመድ አብዲሳ
2_ሌንጮ ዲማ
3_ፉአድ ዛኪር
4_አቢ ሁሴን
5_ረዲዋን መዜን
ከ304ተኛ ኮር 79ኛ ክ/ጦር 2ተኛ ሪጅመንት ስናይፐር እና ጥቁር ክላሽ በመያዝ ወደ 105ኛ ኮር 55ተኛ ክ/ጦር የቢትወደድ አያሌዉ መኮነንን ሻለቃ ተቀላቅለዋል።
እየመጡ ነዉ እኛም በፍቅር እየተቀበልናቸዉ ነዉ ።
12 Apr, 01:01
ትንሳዔ ነጻነት ነው! ትንሳዔ አሸናፊነት ነው!
ሚያዝያ 3/2018 ዓ.ም.
ለመላው የክርስትና እምነት ተከታዮች፣ በየበረሃውና በየጎሬው ለምትፋለሙ የአማራ የቁርጥ ቀን ፋኖዎች፣ እንዲሁም ለፅኑ ህዝባችንና ለመላው ኢትዮጵያውያን በሙሉ፤ በቅድሚያ እንኳን ለጌታችንና ለመድኃኒታችን ለኢየሱስ ክርስቶስ የትንሳዔ በዓል በአይበገሬነትና በፅናት አደረሳችሁ።
የትንሳዔ በዓል ሞት በህይወት ተረትቶ፣ ጨለማ በብርሃን ተገፎ፣ ግፍና መከራም በድል የተሸነፈበት ታላቅ በዓል ነው።
ለዚህም ነው ትንሳዔ ነጻነት ነው! ትንሳዔ አሸናፊነት ነው! የምንለው!!
ጌታችን ኢየሱስ ክርስቶስ በመስቀል ላይ የፈሰሰው ቅዱስ ደሙና በሦስተኛው ቀን መቃብርን ከፍቶ መነሳቱ፣ ለሰው ልጅ ሁሉ የነፃነትና የድል ዋስትና ነው።
ዛሬም በየግንባሩ የምንከፍለው መራር መስዋዕትነት ነገ ለሚመጣው የታሪካዊ ክብራችንና የማንነታችን ትንሳዔ ዋዜማ መሆኑ ጥርጥር የለውም።
የዘንድሮውን የትንሳኤ በዓል ልዩና ታሪካዊ የሚያደርገው፣ በሸዋ ምድር የሚንቀሳቀሱ ሁለት ታላላቅ ዕዞች ወደ አንድ ጠንካራ መዋቅር በመምጣት፣ በአንድ ዕዝ ስር የተጠቃለልንበት ታሪካዊ ዕለት ማግስት መሆኑ ነው።
ይህ በወንድማማቾች መካከል የተፈጠረው ፅኑ አንድነታችን፣ የነፃነት ትንሳዔችን መቃረቡን ትልቁ አመላካች ነው! ጠላት የደቀነብንን የሞት ደብዳቤ ቀደን የጣልንበትና ብርሃን የታየበት ድል ነው።
ትግላችን የቱንም ያህል ፈታኝና መራራ ቢሆንም በሞት ሸለቆ ሳይታለፍ ታሪክ አይቀየርምና ለአማራ ትንሳዔ የማይተካ ሕይወታችንን ዋጋ እየከፈልን የአማራ ሕዝብን ትንሳዔ በመስዋዕትነታችን እናረጋግጠዋለን፡፡
እኛ ለህዝባችን ሕልውና መረጋገጥና ክብር ስንቆም፤
እንደ አፄ ቴዎድሮስ "እምቢ
ለጥላት" በማለት ለመስዋዕትነት የቆረጥን፣
እንደ አፄ ምኒልክ ጠላትን በአድዋ አውድማ አሳፍረን የመለስን፣
እንደ ንጉሥ ሚካኤል በጦር አውድማ ላይ ቆርጠን የምንፋለምና
እንደ አባ ኮስትር በላይ ዘለቀ ለነፃነታችን ስንል ዳገት ቁልቁለቱን የምናስጨንቅ የጀግኖች ልጆች ነን።
የቴዎድሮስ ፅናት፣ የምኒልክ ብልሀት፣ የንጉሥ ሚካኤል ቆራጥነትና የበላይ ዘለቀ አይበገሬነት ዛሬም በፋኖው ክንድ ላይ ደምቆ ይታያል።
የነፃነት ትንሳኤያችን የሚረጋገጠው በእነዚህ ታላላቅ አባቶቻችን የጀግንነት መንገድ ስንጓዝ ብቻ ነው።
የዛሬው መራር ትግላችንና የፈጠርነው ወጥ ድርጅት ነገ ወደ ብሩህ የድል ትንሳኤ መሸጋገሪያችን ነው።
በመጨረሻም፡- የአማራ ሕዝብ ትግል በፈተና የተሞላ፤ መራራና ዋጋ የሚከፈልበት ነው፡፡ ነገር ግን ዋጋ የምንከፍለው ለአማራ ነጻነት ነው፡፡ ፈተናና መከራው የቱንም ያህል ቢበረታ የአማራ ፋኖ ድል አይቀሬ ነው፡፡
በድጋሚ መልካም የትንሳዔ በዓል ይሁንላችሁ።
የምኒልክ አምላክ፣ የሰማዕታቱ ቃል ኪዳን ከእኛ ጋር ይሁን!
አንገታችን አንድ፣ ዓላማችን አንድ፣ ጠላታችን አንድ፣ መዳረሻችንም አንድ ነው!!
ህልውናችን በተባበረ ክንዳችን!!
አርበኛ ደሳለኝ ሲያስብሸዋ
የአፋብን ሸዋ ጠቅላይ ግዛት አሳምነው ዕዝ ዋና ሰብሳቢ
ሚያዝያ 3/2018 ዓ.ም.
11 Apr, 14:38
የአፋ---ብን ምክትል ወታደራዊ አዛዠ ሩህሩሁ ፣ ቆራጡ ፣ ልበ ቀናው ፣ መሪየ ዋርካው ምሬ ወዳጆ እንኳን አደረሰህ!🙏
የክርስቶስ ሞ--ት አንድም ለሰው ልጅ ምህረት ነው ፤ ሌላም ደሞ ለአዳም ዘር በሙሉ ለትምህርት ነው። ስለ ብዙዎች ሲባል የህይወት መሥዋ--ዕትነት ካልተከፈለ ብዙዎችን ማዳን አይቻልም። ታላቁ የዐምሓራ ሕዝብን ፣ ወገንን ማዳን ከተፈለገ መራራ መሥዋ--ዕትነት መክፈል ይገባል። ብዙወች ወንድሞቻችንም መስ--ዋትነት እየከፈሉ ይገኛል።
በመስቀል ውስጥ መከራ ነው ፣ ስ--ድብ ነው ፣ ግር--ፋት ነው ፣ ውር--ደት ነው። በህልውና ትግላችንም ውስጥ መቁ--ሰል ፣ መድ--ማት ፣ መሰ--ዕዋት መሆን ያለ ወደፊትም የሚኖር ነው።
ትንሳኤ ከፅናት በኋላ የሚገኝ ታላቅ ድል ነው። ትንሣኤ ተስፋ ነው። ፈተናው እንደሚያልፍ ተስፋ ይሰጣል። እለተ ዓርብ ላይ ቁመን ስናስብ እለተ እሑድ የሚመጣ አይመስልም ነበር። የመቃብሩን ድንጋይ ላየ የሚነሳ አይመስልም ነበር። ጨለማውን ላየ ብርሃን ሩቅ ይመስል ነበር። ሁሉም ግን በቅፅበት ተገለበጠ። የታሪኩ ባለቤት ጌታችን መድሃኒታችን እየሱስ ክርስቶስ ታሪኩን በደሙ ለወጠው።
የታላቁ የአማራ ህዝብ የሕማማቱ ጊዜ በስተመጨረሻም ያልፋል። በእለተ ሐሙስ አቅፈው ፣ ጉንጫችንን ስመው በዕለት አርብ በከንቱ የጮኹት ይሁዳዎች በእለተ እሁድ በድላችን ቀን ብዙዎች ያፍራሉ ይሸማቀቃሉ።
ትግል ፅናት ይፈልጋል። በመከራዎች እና በውግዘቶች ፊት በፅናት መቆም ፣ በስድብና በንቀት ፊት በፅናት መቆም ፣ እንደ ፀሐይ የሚታዩት ልሂቃን ሲጠፉ ፣ እንደ ከዋክብት የሚታዩት ክቡራን ሲረ--ግፉ በፅናት መቆም። አብረው የነበሩ ፈርተውና ተሽጠው ሲከዱ በፅናት መቆም ያስፈልጋል። በሚፀኑት ዘንድ የታላቁ የዐምሓራ ህዝብ ትንሣኤ እጅግ በጣም ቅርብ ነው።
በአማራ ህዝብ የህልውና ትግል በሁሉም ቀጠና ያላቹህ የፋኖ አመራር እና አባላት እንዲሁም ታላቁ ህዝባችን ታላቁን የትንሳኤ በዓልን ስታከብሩ ከፈጣሪ በታች ትልቅ ጥንቃቄ አይለየን እያልኩ የጌታችን የመድኃኒታችን የትንሳኤ በዓል ስናከብር በክብር የተ--ሰው የፋኖ አመራር እና አባላትን ፣ የተሰ--ው የፋኖ ቤተሰብን በማሰብ ክብረ በዓሉን ማክበረን አለብን እላለው። በሁሉም ቀጠና በአራቱም ግንባር የምትገኙ አመራር እና አባላት በድጋሜ እንኳን አደረሳቹ!
መልካም የትንሳኤ በዓል!🙏
11 Apr, 13:24
ከአማራ ፋኖ ብሔራዊ ንቅናቄ (አፋብን) የዘመቻ መምሪያ የትንሳኤ በዓልን አስመልክቶ የተሰጠ መግለጫ
"መከራን በፅናት፣ ሞትን በትንሳኤ!"
ለመላው የክርስትና እምነት ተከታዮች፣ በየጠቅላይ ግዛቱ በፅናት ለምትፋለሙ የአማራ ፋኖ ብሔራዊ ንቅናቄ የሰራዊት አባላትና አመራሮች፣ እንዲሁም ለመላው የአማራ ህዝብና ኢትዮጵያውያን በሙሉ፤ እንኳን ለጌታችንና ለመድኃኒታችን ለኢየሱስ ክርስቶስ የትንሳኤ በዓል በሰላምና በድል አደረሳችሁ።
የትንሳኤ በዓል ሞት በህይወት ተረትቶ፣ የባርነት ቀንበር ተሰብሮና የመከራ ደብዳቤ ተቀዶ የወጣበት ታላቅ የድል አዋጅ ነው። ጌታችን ኢየሱስ ክርስቶስ በስንት መከራና ስቃይ አልፎ ሞትን ድል ያደረገው፣ የሰው ልጅን ከሲኦል የባርነት ቀንበር ነፃ ያወጣው በፅናት፣ በይቅር ባይነትና በትጋት መሆኑ ለኛም የትግል ጉዞ ትልቅ ትምህርት ነው።
ክቡር ሰራዊታችንና ህዝባችን ሆይ፤
ክርስቶስን ይሁዳ በሰላሳ ዲናር አሳልፎ እንደሸጠው ሁሉ፣ ዛሬም በከርሳቸው መብዛትና በግል ጥቅማቸው ምክንያት የአማራን ህዝብ ለዘላለማዊ የመጥፋት አደጋ አጋፍጠው ገሸሽ የሚሉ የዘመናችን "ይሁዳዎችን" እየተመለከትን እንገኛለን።
ክርስቶስን የተከተለው ሁሉ አማኝ እንዳልነበረና እስከ ቀራኒዮም አብሮት እንዳልተጓዘ ሁሉ፣ ዛሬም የትግላችን ፅናት የሚፈተነው በመከራው አውድማ ላይ ነው።
ሆኖም ክርስቶስ ሞትን ድል አድርጎ እንደተነሳው ሁሉ፣ የአማራ ህዝብም በቆራጥ ልጆቹ ደም አፍሳሽ መስዋዕትነት የጭቆናውን ቀንበር አሽቀንጥሮ እንደሚጥል ጥርጥር የለንም።
ትግላችን በግለሰቦች መምጣትና መሄድ፣ መኖርና አለመኖር ላይ የተመሰረተ ሳይሆን፤ በተጨቆነው ህዝባችን መኖርና አለመኖር ላይ የተመረኮዘ የታሪክ ግዴታ ነው። እናንተ በየጠቅላይ ግዛቱ ያላችሁ የንቅናቄያችን አባላትና አመራሮች እየሰራችሁት ያለው ጀብዱ ማንም ሊያስቆመው የማይችል የጭቁን ህዝብ ማዕበል ነው። ጠላቶቻችን በድዳቸው ብቻ እንዲያላምጡ እያደረጋችሁ መሆኑን ተረድታችሁ፣ እራሳችሁን ለተሻለ ኃላፊነትና ግዳጅ እንድታዘጋጁ አሳስባለሁ።
ክርስቶስ በፅናትና በቆራጥነት ሞትን ድል እንዳደረገው ሁሉ፣ እኛም የጥላቻንና የሀሰት ትርክትን የእዳ ደብዳቤ ለመቅደድና ለመቅበር ሁሉን ቻይ መሆን ይጠበቅብናል።
ክርስቶስ ለመጀመሪያ ጊዜ የተንገላታውና የተዋረደው ለ38 ዓመት የአልጋ ቁራኛ ሆኖ ሲሰቃይ እራሱ በፈወሰው "መፃጉ" እንደነበረው ሁሉ፣ ዛሬም የአማራ ህዝብ እየተዋረደና እየተንገላታ ያለው በራሱ "ይሁዳዎች"ና በራሱ "መፃጉዎች" ነው።
ሆኖም ግን አቋማችን ፅኑ ነው፦ "ላንቋጨው የጀመርነው ትግል፣ ላንጨርሰው የጀመርነው ጉዞ የለም!" የዛሬው መከራችን ነገ ወደ ብሩህ ትንሳኤ መሸጋገሪያችን ነው።
ህልውናችን በተባበረ ክንዳችን!
ፊታውራሪ ባዩ አለባቸው
የአማራ ፋኖ ብሔራዊ ንቅናቄ
የዘመቻ መምሪያ ኃላፊ
11 Apr, 13:24
በጽኑ ትግላችን ጠላቶቻችንና ከሃዲዎች የጫኑብን የጥፋት አዋጅ ይገፈፋል፤ የህዝባችን ትንሳኤም ይበሰራል።
እንኳን ለትንሳኤ በዓል አደረሳችሁ።
የትንሳኤ በዓልን አስመልክቶ ከአማራ ፋኖ ብሔራዊ ንቅናቄ የተሰጠ መግለጫ
የአማራ ፋኖ ብሔራዊ ንቅናቄ (አፋብን) ለክርስተና እምነት ተከታዮች በሙሉ እንኳን ለትንሳኤ በዓል አደረሳችሁ ይላል። ከጌታችን ትንሳኤ የምንማረው በሀቅ እና በእውነት መንገድ የፀኑት ማሸነፋቸው አይቀሬ መሆኑን ነው። የአማራ ህዝብ በሀሰተኞች ህግና ማሰሪያ፤ በአረመኔወች ድብደባና ጭፍጨፋ አንገቱን ደፍቶ ፣ ነፃነት አጥቶ ተሳዳጅና ተቀብዝባዥ ሆኖ እንዲኖር ዘመናትን የተሻገረ የሴራ ትብታብ የተገመደበት ቢሆንም አንገቱን ቀና አድርጎ ለማንነቱና ለክብሩ የሚዋደቀው አዲሱ የትንሳኤ ትውልድ ከመከራው ሸለቆ መሐል ተከስቷል። የአማራ ህዝብ ትንሳኤ አይቀሬነትም በሰራዊታችን ቀጣይነት እና ተከታታይነት ያላቸው ደማቅ ድሎቹ ተረጋግጧል።
በጠላት ልብ ውስጥ ተሰብሮ የተቀመጠ ወይም ላይነሳ የተቀበረ ተደርጎ የተነገረበት ፣ በከሃዲውችና በሀሰተኞች ልቦና ውስጥ የትግሉ ፍሬ እንደማይታይና እንደማይበላ ተደርጎ የተተረከበት የአማራ ህዝብ በጀግናው የአማራ ፋኖ ብሔራዊ ንቅናቄ ሰራዊት እና ደጋፊ ህዝባችን ልቦና ውስጥ በተከተበው አዲሱ ተስፋ እና የሰመረ ተጋድሎ አማራ ህልውናዉን ማረጋገጥ የሚችል፤ ለትንሳኤው የቀረበ ሆኖ በሁሉም እዕምሮ ውስጥ ተስሏል።
በዚህ አጭር ጊዜ ህዝባችን ላይ የታወጀውን የዘር ማጥፋት ጦርነት አዋጅ እና ያልተቋረጠ ሁለንተናዊ ጥቃት በጽኑ ትግል መመከት ችለናል። በትግላችን የአማራ ህዝብ የትንሳኤ መንገድ ተልመን የጀመርነው መንገድ የመከራውን ቀንበር ጨርሶ በማስወገድ ትንሳኤው የሚገኝበትን ግልፅ አስቻይ ሁኔታ ፈጥሯል። በዚህ ትልም የአማራ ህዝብ የህልውና አደጋ ተቀልብሶ ትንሳኤው የሚበሰረው በልጆቹ ክንድ ፣ በልጆቹ ድርጅት ፣ በልጆቹ ልብና በልጆቹ የሰላ አዕምሮ በሚፈጠረው ፖለቲካዊ ንድፍ እና በዚያ ላይ የተመሠረቱ ትግል ስልቶች እና ወታደራዊ ጥበቦች መሆኑን ያስመሰከረ ተቋም ገንብተናል፣ የድል ጉዞም ጀምረናል።
የህዝባችን ትንሳኤ ካለጥርጥር የሚበሰር መሆኑን የተረዱ የጠላት ኃይሎች ድምፃቸውና ጩኸታቸው ብቻ ሳይሆን ሴራቸውና የክፋት ሰንሰለታቸው ተበጣጥሶ ጉልበታቸውና አቅማቸው ሟሽሾ የምናይበት ጊዜ ቅርብ ነው። የአማራ ፋኖ ብሔራዊ ንቅናቄ የሚመራው የህልውና ትግላችን የድል እንድርድሪቱን ቀጥሎ በተሟላ አሸናፊነት ትንሳኤውን ለማብሰር ወሳኝ የመታጠፊያ ምዕራፍ ላይ ይገኛል።
ይህ ለአማራ የመነሳት ዘመን ነው። በራስ ጠልነት የአማራን ህዝብ ያሻሻጡ፤ በሽራፊ ገንዘብ ደልለው የሸጡ፤ በህዝባችን ህልውና ላይ ሞት፣ ፍጅት ፣መፈናቀልና ሀገር አልባነትን ፈርደውና አውርሰው እጃቸውን ከደሙ ንፁህ ነኝ ለማለት የታጠቡና እወደድ ባይ አቂያቂረኞች የሚያፍሩበት፣ የሚፀፀቱበትና አንገታቸውን የሚደፉበት እና ጨርሰው የሚወገዱበት የታሪክ ምዕራፍ ነው።
ከዚህ በተቃራኒ በህዝባዊነት የጸኑት እና በአማራዊ ብሔራዊ ቁጭት እና ንቃት ዘወትር በሁሉም የትግል መስኮች ለህዝባዊው አላማ ለሚለፉት የትንሳኤ ዘመን ነው። እርግጥ የጦርነት ዘመን ነው። በታንኩም በባንኩም ከገጠመን የአብይ አህመድ ሰራዊት ጋር ጦርነት የገጠምንበት ዘመን ነው። እንዲሁም ከአማራው አብራክ የወጡ ግን ደግሞ በክህደት በሁሉም መስክ ህዝቡን አቆርቁዘው ለጥቃት ብሎም ለህልውና አደጋ ያጋለጡት እና በታሪኩ ሆኖ በማያውቅ ደረጃ የህልውና አደጋ ውስጥ እንዲገባ ካደረጉት ጋር ፊት ለፊት የገጠምንበት ዘመንም ነው። አገዛዙ እና ለአገዛዙ ያደሩ "የእኛ ሰዎች" በክህደት ከሚፈጽሙት ውድመት ለመውጣት የራስን ብሔራዊ አስተውሎት፣ የራስን የትግል መንገድ ቀይሶ እና በራስ በቅነት እንዲነሳ ብሎም አማራነትን ምሉዕነት እና ስምረት ባለው ልክ ዳግም ለመትከል የምንፋለምበት የጦርነት ዘመን ነው። ግን ደግሞ ጦርነቱ የትንሳኤ ምልክትም ነው።
ለህልውና አደጋ ያጋለጡንን ውስጣዊ እና ውጫዊ ችግሮችን እና መግፍሔወቻቸውን ስንረዳ፣ የህዝባችንን የቆዩ ብሔራዊ አስተውሎቶች ስንመረምር እና ስናውቅ ብሔራዊ ንቃት የተላበሰ ትውልድ መፍጠር እንደሚቻል በተግባር ተምረናል። ይህ ምዕራፍ ለመራር ተጋድሎ በጋራ እንነሳ ዘንድ ያስቻለንን ብሔራዊ ቁጭት ፈጥሯል። ይህም ጠላታችንን ለይተን በየዘርፉ እንድንፋለመው በማድረግ የአሸናፊነታችን ማመሳከሪያ ሆኗል። ጥንትም ሆነ ዛሬ፣ በፖለቲካዊ ትግሉ አለም'ም ሆነ በመንፈሳዊ አስተምህሮ በሀቀኝነት እና በጽናት የሚደረግ ተጋድሎ ፍጻሜው አሸናፊነት ነው።
ይህ ትውልድ ካለጥርጥር በቀራኒዮ አደባባይ በህዝባችን ላይ የተቸነኩሩ የበደል ችንካሮችን በደሙና በአጥንቱ ነቅሎ ይጥላል። ጠላቶቻችን በሴራ ቀብረነዋል ያሉትን የአማራ ህዝብ እውነት ብሎም ሀቀኛ ሀገር ወዳድነትንና ነፃነትን ዳግም ያስነሳል።
በመፅናት ከስቅለት በኋላ ትንሳኤ እንዳለ ሁሉ ከትንሳኤ በኋላም ህይወት በህግና በመርህ የመመራቱ ግዴታ እንደመጣው ሁሉ ድርጅታችን አፋብን ከድል በኋላ ለህዝባችን የሚመች፥ የሚቆም፥ የሚታመን ስርአት ለመገንባት የጀመራቸውን ድርጅታዊ የመዋቅር ዝርጋታዎች ፥ ሁለንተናዊ ትስስሮች አጠናክሮ በማስቀጠል ህልውናችን በፀና ብሔራዊ የአንድነት ክንድ እንዲረጋገጥ በየዕለቱ እየተጋ ይገኛል።
የአማራ ፋኖ ብሔራዊ ንቅናቄ የተተበተቡ የሴራ ድሮችን በመበጣጠስና የተቀመጡ የአላማ መዳረሻዎችን በማጤንና በማጠናከር ከዕለት ወደ እለት የህዝባችንን የህልውና አደጋ እየቀነሰና እያከሸፈ ወደ ሙሉ የነፃነት ጉዞ መስመር የገባ ሲሆን ድላችን እየተቃረበ ይገኛል።
ዘመናትን በተሻገረ የሀሰት ድሪቶ በወለደው ፖለቲካዊ ትርክት የህልውና አደጋ ላይ የወደቀው ህዝባችን የትላንቱን ብሔራዊ አስተውሎት ከዘመኑ ጋር በስምረት በሚያዋድድ የትግል ስልት ጠላታችንን ድል እንነሳ ዘንድ አፋብን የትግል ጥሪ ያስተላልፋል።
ግጭትን፣ ጭካኔን፣ አረመኔነትን፣ ህግ አልባነትን በማለማመድ ኢትዮጵያን ወደ ድንጋይ ዘመን እየመለሰ ያለውን አገዛዝ ለማስወገድ የምናደርገውን ፅኑ ተጋድሎ አጠናክረን የምንቀጥል መሆኑንም እናረጋግጣለን።
በድርጅታችን፣ በሰራዊታችን፣ በክንዳችን፣ በእውቀታችንና በህዝባችን የአላማ ፅናትና ድጋፍ ድል እንነሳለን፤ ትንሳኤያችንም ይበሰራል። ለዚህም እስከ ዛሬ ካደረግነው የበለጠውን በማድረግ ወሳኙን ድል ለመቀዳጀት የመጨረሻውን ፍልሚያ ለማድረግ በሁሉም መስክ እንዘጋጅ፣ እንትጋ።
በመጨረሻም የአማራ ፋኖ ብሔራዊ ንቅናቄ ለሰራዊታችንና ለአመራሩ፣ በሀገር ውስጥና በወጭ ላለው ህዝብ ክርስቲያን እንኳን ለትንሳኤ በዓል አደረሳችሁ እያለ መልካም በዓል እንዲሆንላችሁ እየተመኘ፣ የድርጅታችን አባላት በበዓል አከባበር ወቅት መደረግ ያለባቸውን የጥንቃቄ ተግባራት በሙሉ እንዲፈጸሙ እናሳስባለን።
የአማራ ፋኖ ብሔራዊ ንቅናቄ
11 Apr, 12:18
እንኳን ለጌታችን መድኃኒታችን እየሱስ ክርስቶስ የትንሳኤ በዓል በሰላም አደርሳቹህ አደረሰን 🙏🙏🙏
በአማራ ህዝብ የህልውና ትግል በሁሉም ቀጠና ያላቹህ የፋኖ አመራር እና አባላት እንዲሁም ህዝባችን የትንሳኤ በዓል ስታከብሩ ጥብቅ ጥንቃቄ አይለየን እያልኩ የጌታችን የመድኃኒታችን እየሱስ ክርስቶስ የትንሳኤ በዓል ስናከብር የተሰው የፋኖ አመራር እና አባላትን፣ የተሰው የፋኖ ቤተሰብን በማሰብ ክብረ በዓሉን በምናከብርበት ሰዓት የአልኮል መጠጦችን በመቀነስ፣ መሰባሰብንና መዘናጋትን በመቀነስ የአገዛዙን የሰርጎ ገብ እና የድሮን ቅኝት/ጥቃት ጥንቃቄ በማድርግ በሁሉም ቀጠና የምትገኙ አመራር እና አባላት ማክበር እንዳለባቹህ ከወዲሁ እናሳስባለን።
በጀግኖች ደም እና አጥንት የተገነበው አይበገሬው 64ኛ ክ/ጦር አመራሮች በስሩ የምትገኙ የሁለቱ የወረዳ ጊ/መንግስት አመራሮች፣ የሻለቃ አመራር እና አባላት የደጅ አዝማች በላይ ዘለቀ ልጆች በዚህ ክብር በዓል ድርጅታችንን እና ክ/ጦራችንን ለማስከበር ከእውነት ጋር ቆመው ለአማራ ህዝብ መስዋት የሆኑ ጀግኖች ዕራይ እና ዓላማ አደራ ስላለብን የእነሱ አደራ በእኛ ትክሻ መውደቁን በመገንዘብ የነፃነት ታጋዩች በሙሉ የጠላትን እንቅስቃሴ በአይን ቁራኛ በመከታተል የመረጃ ስራችን ከመቸውም በላይ በፋኖ ቀጠና ለሚንቀሳቀሰው የሆላ ደጀኑ ህዝባችን የጥንቃቄ መልዕክት ይዳረስ እያልኩ በአሉ የሰላም፣ የጤና እንዲሆንላቹህ እመኛለሁ።
የደጅ አዝማች በላይ ዘለቀ ልጆች የ64ኛ ክ/ጦር አመራሮች የእንኳን አደረሳቹህ መልዕክት አስተላልፈዋል።
ሚያዚያ 03/ዐ8/2018 ዓ.ም
አፋብን ቴዎድሮስ ዕዝ 201ኛ ኮር 64ኛ ክ/ጦር ሕዝብ ግንኙነት ኃላፊዐ
11 Apr, 10:59
