Ibrohimov’s notes

Maslahatim “Flash va kofe”ni bir kunda ichmaganlar.

Tashlamasam bo’masdi bitta bratga yozib javobni naqt 3 kun kutdim

Telegramda o’qib yoki 2/3 kundan keyin javob yozadiganlar ozlarini qanday his qiladi))

Yangi rejalar tuzish uchun sizda 365 kun bor)

👋

2025-yil men uchun juda foydali bo‘ldi. Yanvar. Start21 o‘quv markazi uchun 7 yillik tarix videosini tayyorladik. Juda qiyin loyiha bo‘ldi. Desam yolg‘on bo‘lmaydi — deyarli 21 kunda yakunlandi. Charchoq ham, mas’uliyat ham yetarli edi. Fevral. Katta voqealar bo‘lmadi. Asosan o‘rganishlar oyiga aylandi. Turli kurslar, tajribalar, bilim yig‘ish. Mart. Ilk marta Namanganda o‘quv markazlari orasida zapusk loyihasini amalga oshirdik. Sotuvlar kutganimizdek bo‘lmadi, lekin juda katta tajriba oldik. Aprel. Nuqta marketing agentligi bilan birga proyektlar ola boshladik. Shu bilan parallel ravishda ta’lim loyihalarimizda ham sezilarli o‘sish bo‘ldi. May. Nuqta marketing agentligida umumiy hisobda 6 ga yaqin outsource loyihalar bilan ishladik. Bundan tashqari, Namanganda ilk marotaba tashkil etilgan Nam futbol loyihasida media qismida faol qatnashdik. Iyun. Start21 o‘quv markazidagi so‘nggi faoliyatim. Juda yaxshi jamoa, yaxshi muhit edi. Lekin kattaroq loyihalarga o‘tish uchun boshqa yo‘lni tanladim. Iyul. Jgar bilan birga yaxshi loyihalarda ishladik. Bir muddat qurilish zapusklarida ham qatnashdik — yana yangi tajribalar oldim Avgust. To‘liq dam oldim:) Sentabr. Yangidan jamoa shakllantirib, agentlikni boshladik. Ha sherigim Javohir bilan Oktabr. Ta’lim loyihasiga aralashib qolib, ziyon bilan chiqdik. Lekin tajriba juda kuchli bo‘ldi “franklinlik” darslar. Noyabr. Asosan Andijonda o‘tdi — SMM kurs o‘qitish bilan band bo‘ldim. Namanganda esa loyihalarda kamchiliklar ko‘rindi. Bir nechta proyektlarda muammolar bo‘ldi. Faqat muvaffaqiyatli loyihalarni aytib o‘tirmaylik — 2 ta proyekt chiqib ketdi. Bu ham katta tajriba bo‘ldi. Dekabr. Bir muddat maktabda ishladim. Keyin to‘liq fokusni agentlikka qaratdim. Neyming ustida ishladik va agentlik nomini Vera deb qo‘ydik. Shuningdek, boshqa bir loyihada ham yaxshi sheriklik boshladik. Bu haqida keyinroq aytaman. Xullas, 2025-yil katta tajriba va sinovlar yili bo‘ldi. 2025-yilga qo‘ygan maqsadlarimning taxminan 20% bajarildi. Kam, lekin to‘xtash yo‘q. Premyeraga mehr bor — keyingi yili albatta olamiz, Xudo xohlasa. Sizda-chi? 2025-yil qanday o‘tdi? 31-dekabrni kutib o’tirmadim)

Shogirdlar. Hali o‘zimni ustoz darajasiga chiqdim deb hisoblamayman. Lekin hozirgacha 10 nafardan ortiq kishiga SMM marketingni o‘rgatibman. Ulardan: — Abdiy Uz — hozirda Englifyda content maker, — Rasulov Husniddin — Start21da performance marketolog, — Jasur — Novda School marketing bo‘limi rahbari (eng birinchi shogirdim, ukam), Shuningdek, hozir agentligimda ishlayotgan 5 nafar yigit bor — barchasi o‘z sohasida ancha pishgan. Hozir mendan eng ko‘p feedback ham, eng ko‘p “so‘kish” ham eshitayotgan shogirtim — Muhammad Start21da ishlayotgan paytlarim, 2023-yil oxirlarida, yangi bosqichga chiqishimiz uchun brendga yangi yuz kerak edi. 20 dan ortiq nomzodlar orasidan Hosiyatni tanlab olgandik (qanday tanlangani jigar eslasalar kerak). Boshlanishida bu qizga nisbatan anchagina qarshiliklar, tanqidlar bo‘lgan. Lekin u o‘z ustida ishladi, berilgan ko‘rsatmalarga amal qildi va oxir-oqibat shunaqa darajaga chiqdi-ki, syomkaga 10 daqiqa qolganda kontent yozib, videoni tayyorlab keladigan bo‘ldi. Orada o‘zi ham shogirdlar oldi — Rayxona va Mubinaga anchagina bilimlar o‘rgatdi. Shunda: meni ham “nevara shogirdlarim” bo‘ladimi? Hullas, tan oladigan shogirdlarimdan biri — Hosiyat — faoliyatini tugatibdi. Keyingi ishlarida omad tilayman

Hayot paradoksi: Eng kerakli odamlar eng noqulay paytda uchraydi.

Marketingga bugun pul tikib ertasiga natija talab qilish uchun faqat smmchi bilan ishlash kerakmi?

Hullas, bir-ikkita “brat”lar bor: ish bitgandan keyin chatlarni o‘chirib, hamma joyda unfollow qilib tashashadi. Shunaqa odamlarni umuman tushunmayman.

Ustoz kim? Hurmat orqali ham, qarshilik orqali ham ta’sir qiluvchi kuch Ustozlik — bu faqat bilim yetkazish emas, balki shogird tafakkurini shakllantirish jarayonidir. U ikki xil ko‘rinishda namoyon bo‘ladi: ijobiy ustozlik va konfliktli ustozlik. Ijobiy ustozlikda shogird ustozga hurmat va ishonch bilan yondashadi. Bu ichki motivatsiyani oshiradi, o‘rganishni yengillashtiradi va bilimni tezroq o‘zlashtirishga olib keladi. Ustoz bu holatda nafaqat o‘qituvchi, balki ma’naviy yo‘l ko‘rsatuvchiga aylanadi. Konfliktli ustozlik esa ziddiyat orqali ishlaydi. Shogird ustoz fikrlariga qarshi chiqarkan, ularni chuqur tahlil qiladi, bahslashadi va aynan shu fikriy kurash orqali mustaqil tafakkurini rivojlantiradi. Hatto yoqtirmaslik ham kuchli intellektual rag‘bat bo‘lishi mumkin. Eng muhim xulosa shuki: ta’sir natijasi shogirdning hissiyotiga emas, ustozning intellektual darajasiga bog‘liq. Hurmat orqali ham, ziddiyat orqali ham — agar ustoz fikran kuchli bo‘lsa — shogirdda chuqur tafakkur shakllanadi. Haqiqiy ustozlik — bu emotsiya emas, fikr ta’siri. Ustoz shaxs sifatida emas, g‘oya sifatida ongni o‘zgartiradi. Manba.

Bilasizmi, har doim, har ishda ham masuliyatli bo'lish, sidqi dildan mehnat qilish inson uchun foyda keltiravermas ekan. Ba'zi joylarda ma'suliyatsizlik, beparvolik ham kerak ekan inson hayotida! Tajribamdan shuni sezdimki, sizdan foyda chiqmayotganga o'xshagan zahoti, har yerda sizdan voz kechmoq istab qolarlar hech qanday sabablarsiz, hech qanday tushintirishlarsiz. Ha do'stlar xayot beshavqat, shuning uchun ibodatdan boshqasida masuliyatsiz bo'lgan ma'qulroq ekan. Kafkaning "Evrilish" asari haqiqiy hayot! Shunchaki bir yozdimda!

Qaror qabul qilishda shoshilmaslik juda muhim. Chunki shoshma-shosharlik bilan qabul qilingan qarorlar xatosi keyinchalik qimmatga tushishi mumkin. Oxirgi 3 oy davomida men ayrim qarorlarni yetarlicha o‘ylamasdan qabul qilganim sababli bir nechta xatolarga yo‘l qo‘ydim. Bu tajriba menga bitta muhim haqiqatni anglatdi: arzon pishloq qopqonda bo‘ladi. Bugun esa men bitta muhim xulosa chiqardim — qaror qabul qilishda shoshilmaslik, har tomonlama o‘ylab, oqibatini hisobga olish kerak. Aynan shu jarayon insonni xatolardan asraydi va to‘g‘ri yo‘lni tanlashga yordam beradi.

Mayli oqlarga sodiqmiz!