𝑬𝒙𝒑𝒓𝒆𝒔𝒔𝒊𝒏𝒈 𝒇𝒆𝒆𝒍𝒊𝒏𝒈𝒔

မေ့မရသော ရက်စွဲ ဒီနေ့ဟာ မေ့မရသော ရက်စွဲတစ်ခု ချစ်သောသူနဲ့ ဝေးခဲ့ရသော ရက်စွဲတစ်ခု ငိုကြွေးခဲ့ရသော ရက်စွဲတစ်ခု နားထဲ သီချင်းတွေ မတိုးတော့သော ရက်စွဲတစ်ခု ကမ္ဘာကြီးနဲ့ တခဏ အဆက်သွယ်ပြတ်သွားသော ရက်စွဲတစ်ခု။ - လိပ်ပြာ

ငယ်ရွယ်မှုက ဘာနဲ့မှတုလို့ မရပါဘူး ဒါကြောင့် သူတို့ သူတို့ အရူးအမူး ချစ်ကြပါစေ။                                        -အောင်ချိမ့်

ထားခဲ့ချင်တဲ့ လူကတော့ အကြောင်းပြချက်မရှိ ထားခဲ့မှာပဲ။ ကျန်နေခဲ့တဲ့ လူကသာ နေတတ်ခဲ့ဖို့ လိုတာပါ။ - လိပ်ပြာ

အနှစ်နှစ် အလလ စိတ်ကူးယဉ်ခဲ့တာကိုမှ လက်လွှတ်ရတဲ့အခါ ကျွန်တော် အိပ်မက်တွေကို မုန်းခဲ့တယ်...။ -အံ့လွန်းပျို

မျှော်လင့်ချက်တွေဟာ လုပ်ကြံခံလိုက်ရတယ် အနာဂတ်ကတော့ အသက်ငင်နေဆဲ ။ -လှသန်း

ကဗျာအမည် - ကျောက်သားအဖြစ် ရေးသားသူ - ခင်ဇော်မြင့် ရွတ်ဖတ်သူ - လင်းဧနူ

ချစ်ရပါသော အန်တီ ( သို့ ) မင်းသမီး ပစ်ချက်မရှိသော အလှတရားနဲ့ အန်တီ... အပြုံးချိုချိုနဲ့ မြင်သူတိုင်းရဲ့ ရင်ကိုအေးစေသော အန်တီ... သူမက လှတယ်.. ဒါကြောင့် ယဉ်ယဉ်လေးနဲ့ရူးမိပါတယ်။ ချိုသာလှတဲ့ စကား... စွဲဆောင်မှုရှိလှတဲ့ အပြုံး... ဝေဖန်ချင်စရာမရှိတဲ့ သရုပ်ဆောင်မှု... ပစ်ချက်မရှိသော အလှတရားနဲ့ အန်တီပါလေ... မြင်သူတိုင်းရှုငေးရအောင် စွဲဆောင်မှုတွေရှိနေမှတော့ အာခံတွင်းထဲ ထည့်ငုံထားမတတ် ချစ်မိပါတယ်။ သူမရဲ့ ဇာတ်ကားတိုင်းဟာ နန်းစံသလို သူမရဲ့ သရုပ်ဆောင်ချက်တွေဟာ တော်ဝန်ပန်းတစ်ပွင့်... သူမက လှတယ်.. ဒါကြောင့် ယဉ်ယဉ်လေးနဲ့ရူးမိပါတယ်။ ကြည့်လေ.. ကြည့်လေ.. ပို၍.. ပို၍.. ကြည့်ချင်.. မြင်ချင်မိလေဖြစ်ရပါတယ်။ ဉယျာဉ်မှူးရှိပြီးသား ပန်းကလေးဟာ ပို၍ပြည့်စုံပြီးသား ပစ်ချက်မရှိပြည့်စုံပြီးသားပါ။ တခါပြုံးရင် အဖန်တရာသေပါတယ်... ယဉ်ယဉ်လေးနဲ့ လှပမှုဟာ အဖိုးတန်သဇင်ပင်တွေလိုပါပဲ... သူမက လှတယ်.. ဒါကြောင့် ယဉ်ယဉ်လေးနဲ့ရူးမိပါတယ်။ - လိပ်ပြာ

သင်ဟာ စာပေဝါသနာပါသူတစ်ယောက်လား...

ဒါဆို ကျွန်တော်တို့ရဲ့ အဏ္ဏဝါဂယက်စာစောင်ချန်နယ်ကို စဉ်ဆက်မပြတ် စောင့်ကြည့်ဖို့ လိုပါပြီ။ နေ့တိုင်း ကဗျာဆရာ/မကြီးများ၏ ကဗျာ/စာတို များကို ဖတ်ရှုခံစားရမှာဖြစ်သလို သင့်အတွက်အထူးအခွင့်ရေးတွေကလည်း ကျွန်တော်တို့ အဏ္ဏဝါဂယက်စာစောင်မှာရှိပါတယ်။ ၁။ လစဉ် ထုတ်ဝေနေတဲ့ စာစောင်များမှာ ကလောင်ရှင်တို့အနေနဲ့ ကဗျာ၊ ဝတ္ထုတို၊ ဆောင်းပါး၊ အက်ဆေးတို့ ပေးပို့နိုင်မှာဖြစ်ပါတယ်။ ၂။ အဏ္ဏဝါဂယက်စာစောင်က ထုတ်လုပ်ဖြန့်ချီနေတဲ့ စာအုပ်တွေဟာ တစ်နေ့မှာ သင့်အတွက်ဖြစ်လာနိုင်ပါတယ်။ ၃။ အဏ္ဏဝါဂယက်စာစောင်က စီစဉ်သည့် စကားဝိုင်းတွေကိုဖတ်ရှုရင်း သင်ဟာ တစ်နေ့ ဒီစကားဝိုင်းတွေမှာပါဝင်လာနိုင်ပါတယ်။ ဒါကြောင့် အဏ္ဏဝါဂယက်စာစောင်ချန်နယ်ကို Join ပေးထားကြပါ။ https://t.me/AnNaWarGaYat_sarsaung

ဒီညတွေနဲ့ အရိုးစွဲ မနက်တွေ ငါတို့ဘာကြောင့်ရှင်ခဲ့ ငါတို့ဘာကြောင့်သေချင်ခဲ့ မသိပါရစေနဲ့ မကြားပါရစေနဲ့ ဒီဘ၀ဟာ နောက်ဆုံးကျည်ဆံသာဖြစ်ပါစေ...။ ◾စောနွယ် ငါတို့ မီးညှိခဲ့တဲ့ ရာသီတွေထဲ ပြာပဲ ကျန်ခဲ့တယ် ပြန်မရနိုင်တော့တဲ့ အတိတ်ကို မီးခိုးတွေလိုမှုတ်ထုတ်ရင်း ငါတို့ အသက်ရှုမှားခဲ့ကြတာပေါ့။ ◾လွန်းတိမ်ညို မီးကုန်ခါနိ စီးကရက်တစ်လိပ်ကို ဖွာရင်း မီးသေသွားပြီဖြစ်တဲ့ အတိတ်ကို ဂျင်းဘောင်းဘီအိတ်ကပ်ထဲ ထိုးထည့်လို့ ငါဟာ သယ်ဆောင်နေစဲ ‌သယ်ဆောင်နေမြဲပဲ။ ◾လိပ်ပြာ

ကျွန်မကတော့ ကိုယ့်ကိုယ်ကိုယ် ယုံတာတစ်ခုက ကောင်းကောင်းချစ်တတ်တဲ့ နှလုံးရှိတယ်လို့ပဲ။ ချစ်စရာရှိရင် ကျွန်မကပဲ ချစ်ချင်တယ်။ -ကြည်အေး

အမှတ်တရ ဒိတ်လေး တိမ်တွေက ပြေးနေတယ် မင်းနဲ့ ငါနဲ့လည်း ဝေးနေတုန်းပါပဲ.. ချစ်ရသူဟာ သစ်ပင်.. သစ်တောတို့ထက် ငါ့အပေါ်ပိုလို့ မစိမ်းသွားအောင် ငါဟာ ချစ်ခြင်းမေတ္တာကို လူအများသိအောင် ဂျာနယ်ထဲထည့် ကြေညာလို့မရခဲ့ပါဘူး။ အချိန်နာရီတွေ ရွေ့လျားနေပုံကို ငါကြည့်ရင်း တစ်နေ့တခြားနားလည်ခဲ့တာဟာ တစ်နေ့မှာ ငါတို့ဝေးသွားလိမ့်မယ်ဆိုတဲ့ အကြောင်းတွေပဲ အသက်။ လူတွေက ချစ်ပြီဆိုရင် အတ္တတွေနဲ့ အရောင်စိုးချင်လာကြတယ် ငါလည်း အရောင်စိုးချင်ခဲ့ပါတယ် ဒါပေမဲ့ ငါအရောင်စိုးခဲ့မိရင် ပြန်ရမဲ့ ရလဒ်တွေဟာ မကောင်းမှန်း ငါကြိုသိခဲ့လို့ပဲ အသက်။ ငါမေ့မရခဲ့တဲ့ ရက်တွေ ဒီနေ့လိုရက်တွေပေါ့ အသက်ရေ... မင်းအတွက်တော့ အမှတ်တမဲ့ ဖြစ်ချင်ဖြစ်နေမှာပါ... ဒါပေမဲ့.. ငါ့အတွက်တော့ သေသည်ထိ စွဲသွားခဲ့တဲ့ အမှတ်တွေနဲ့ ရက်တွေဖြစ်ခဲ့တယ်။ သဝန်တိုတယ်ဆိုတာ မင်းသူနဲ့ လျှောက်လည်ခဲ့တဲ့နေ့တွေလား.... မင်းသူ့ကို အများကြီးချစ်ပါတယ်လို့ ပြောခဲ့နေ့ message တွေကို မျက်ရည်တွေနဲ့ ဖတ်နေရချိန်တွေလား.... ထုတ်မပြတိုင်း မခံစားရတာ မဟုတ်ဘူး... တခါတလေမှာ ငါမပြောလိုက်တာပဲ မင်းအတွက် ကောင်းပါတယ်ဆိုတဲ့ စိတ်ကလေးတစ်ခုကြောင့်ပဲ ငါဟာ ထုတ်မပြခဲ့တာပါ။ စိမ်းရက်နိုင်လွန်းတဲ့ အမျိုးသမီးဟာ ဒီနေ့ ဒီချိန်ထိ ဘယ်သူ့အပိုင်မှ မဟုတ်သေးသလို ဘယ်သူနဲ့ ဆိုင်မှန်းလည်း ငါမသိသေးဘူး။ ကံ့ကော်တွေမြင်ရင် ပိတောက်ဝါတွေ ပွင့်ရင် စိုးလွင်လွင်ရဲ့ စိတ်ဖြေသီချင်းကို နားထောင်ခဲ့ရချိန်တွေကို ငါလွမ်းတယ်။ ငါ့ကို ခေါ်ဆောင်သွားခဲ့တဲ့ တစ်ခုတည်းသော နွေရာသီကို ငါမမေ့ဘူး အသက်။ လ အစတွေကို ငါမှတ်မိတယ်... စိုးလွင်လွင်ရဲ့ စိတ်ဖြေသီချင်းကို ငါဆိုမိတယ်။ မင်းကိုချစ်တယ်.. ချစ်ခဲ့ဖူးတယ်..... ချစ်နေသေးတယ်... ဆက်ချစ်သွားချင်တယ်။ - လိပ်ပြာ ၂၉ရက်၊ ၈လ၊ ၂၀၂၆ [ ည ၁၀နာရီ ၂၈မိနစ် ]

မင်းကို အားမကိုးချင်သလို ငါ့မှာလဲ အားကိုးစရာဘာမှမရှိ။ ဒါတောင် ကိုယ်ခြေထောက်ပေါ် ကိုယ်ရပ်တည်ချင်သူပါတဲ့လေ။ ခက်ပါရဲ့။ -အံ့လွန်းပျို

"ဒီနေ့လည်း မင်းကိုရွေးတယ်" ဂျူရီလူကြီးတွေရှေ့မှာ သက်သေပြုရမယ်ဆိုရင် ရင်ခုန်သံဟာ ဘယ်သူ့အတွက်လဲလို့ မေးတဲ့အခါ— "ဒီနေ့လည်း မင်းကိုရွေးတယ်" မင်းမျက်တောင်ခတ်လိုက်တိုင်း ငါ့အပြစ်ဟာ သက်သေအသစ် ရလာတယ်။ မင်းသက်ပြင်းရှိုက်သံလေးကို တစ်သက်လုံး ကိုယ်ပိုင်သက်သေအဖြစ် သိမ်းထားချင်တဲ့ ကြံစည်မှုတွေလည်း ရှိတယ်။ ကိုယ့်ပြစ်ချက်တွေ တင်ပြရမယ်ဆိုရင် မင်းရယ်လိုက်တဲ့ တစ်ခဏလေးနဲ့တင် အမှုဟာ ကိုယ့်ဘက်ကို စီရင်ပြီးသားဖြစ်လိမ့်မယ်၊ အချစ်။ နှလုံးသားကို သက်သေအဖြစ်ထားပြီး တစ်ဘဝစာ အယူခံဝင်ပါ့မယ်။ မင်းစိတ်နဲ့ ကိုယ့်ခန္ဓာဟာ သံသရာတစ်လျှောက် မင်းဘေးမှာပဲ တစ်သက်တစ်ကျွန်း အချစ်အကျဉ်းကျဖို့ အသနားခံစာ တင်ပါ့မယ်။ ကိုယ့်ရဲ့ အသေးဆုံးသော လောဘဟာ မင်းဖြစ်ပြီး၊ အကြီးဆုံးအတ္တဟာလည်း မင်းဖြစ်တယ်။ ဒါကြောင့် စီရင်ချက်ဟာ ဘယ်လိုပဲထွက်ထွက်ပေါ့အချစ်ရယ် ကိုယ့်အတွက်တော့ "ဒီနေ့လည်း မင်းကိုရွေးတယ်"။ AhSaw

အားလုံးပဲ မင်္ဂလာပါ လိပ်ပြာ ဒီနေ့တင်မဲ့ ပို့စ်လေးကတော့ လိပ်ပြာရဲ့ ကဗျာ၊စာတို ၅ ပုဒ်ကို လိပ်ပြာရဲ့ ခွင့်ပြုချက်မရှိ၊ crd မပေး၊ ရေးသားသူ ကျွန်မရဲ့ ကလောင်ကို မတပ်ပဲ သူ့ရဲ့ နာမည်နဲ့ တင်ထားတဲ့ ကိစ္စလေးကို အားလုံးသိအောင် ပို့စ်တင်ပြောချင်းဖြစ်ပါတယ်။ တချို့ကဗျာ၊ စာတိုတွေဆိုရင် ကျွန်မ tg ch တွေမှာတောင် မတင်ထားပါဘူး tt မှာပဲတင်ထားတာပါ။ အဲ့ဒီကိစ္စကို လိပ်ပြာ အနေနဲ့ မကျေနပ်ပါဘူး။ ဒါပေမဲ့ ဒေါသရှေ့ထားရင် မှားတတ်တယ်ဆိုတဲ့ စကားအရ အေးဆေးစွာဖြေရှင်းချင်ပါတယ်။ ဒါပေမဲ့ သူ့ tt acc က message ပို့မရပါဘူး။ အားလုံးဝန်းရံပေးကြဖို့ တောင်းဆိုချင်ပါတယ်။

ဒီညလည်း မင်းရဲ့ ပြန်စာလေးကို မျှော်ရအုံးမယ်ထင်ပါတယ်။ - လိပ်ပြာ

လူဆန်ခြင်း ဘဝမှာ မရခဲ့တာတွေ အများကြီးအတွက် တစ်ဝက်နောင်တနဲ့ နေထိုင်တယ် ။ စိတ်မကုန်နိုင်သေးသော ကမ္ဘာကြီး မိုက်လုံးကြီးမှုတွေအတွက် ခွင့်လွှတ်ပါ ။ -လှသန်း