چاڤۆش

سڕ بووم کاتێک بینیم من هەوڵی بەیەک گەیشتنمانم دەدا تۆش خەریکی خیانت بویت...

تەنها یەک ڕێگا هەیە بۆ کۆتایی هێنان بە ئازار، ئەویش قبووڵ کردنیەتی..

لەوانەیە من بە کۆڕۆنا 2020 مردبم ، ئێرەش جەهەنەمە...

هەموان بڕوایان پێ کردم کاتێک وتم ئەوم لەبیر کردووە خۆم نەبێ...

چەن سەیرە کە ئیتر من و تۆ بەیەکەوە نادوێین، ئیتر لە ڕۆژانەی یەک ئاگادار نین، ئیتر بەیانیەکان بە هیوای بینینی نامەی تۆ سەیری مۆبایل ناکەم، ئیتر شەوەکان بێ شەوشادی تۆ ئەخەوم، ئیتر تا ئەبەد قسمەتی من لە تۆ دڵتەنگیەکی قوڵە، لە سەرووی ئەمانەشەوە من لە نەبوونیتا خیانەتم نەکردووە و لەم تەنهاییەشمدا پەنام بۆ هیچ کەس نەبردووە، بەڵی ئازیزم من ئاوا تۆم خۆش ویست...

توانیم گوێبگرم لە قسەی دڵی هەمووان بەڵام بۆ قسەکردن دەربارەی ئەو شتانەی کە ڕووحم ئازارم ئەدەن ساڵانێکە و له ناخی خۆمدا هەڵمگرتووە من”زۆر لاوازم“بوێری ئەوەم نیە قسە بکەم بۆ هیچ مرۆڤێک...

خەو ، ئیش ، خەو ، ئیش ، خەو ، ئیش :))

هەرگیز بێتاقەت نەبوومە لە تەنهای خۆم چونکە چێژی پێ بەخشیوم ، بەڵام ئامادە بوونم لە ئاهەنگێکا یان یاریگایەکی پڕ لە خەڵک کە هاوار ئەکان یان ژوورێکی پڕ لە میوان ئەمە من بێتاقەت ئەکات...

ئاگات لەخۆت بێ چونکە نەتھێشت من ئاگام لێت بێت...

ماوەیەک خۆت نەتدەهێشت بخەوم تا بەیانی ئێستاش یادگاریەکانت...

ئەگەر بەڕاستی تۆی بوێت نە دەڕوات نە دەشهێڵێ بڕۆیت ئەگەر کێشەکە لەخۆی بێت هەرچۆنێک بێت خۆی چاک دەکاتەوە ئەگەریش کێشەکە لەتۆ بێت دەمێنێتەوە و دەتکاتە مرۆڤ، دەی ئێوە بەچی دەڵێن ئیشق خۆی هەر ئەوەیە ئیشق...

دوای ماوەیەک ناوەکەتم لەسەر تابلۆی مینیمارکێتێ بینی، کە چووبووم خواردن بۆ دایکە پیرە سەر سپییەکەم بکڕم، کەمێک بەتاسەوە سەیری ناوەکەتم کردوو بەدەست بەتاڵی گەڕامەوە ماڵ، ئەو شەوە دایکە پیرەکەم بە برسێتیەوە خەوتوو منیش بە تێر خەمی تا بەرە بەیان خەو لە چاوە سوورەکانم تۆرا...

بیری خۆمی پێشتر ئەکەم، بیری زۆر شتی پێشتری خۆم ئەکەم، دڵخۆشیەکانم، پێکەنینەکانم، ئارەزووەکانم، پێم وابێ ڕۆژ لە دوای ڕۆژ گشتی بەرەو لەناوچون ئەچوون وو ئێستا گشتی لەناو چوون، ئەکرێ مرۆڤ بۆ مرۆڤ جیاواز بێت هەیە بیری پێشتری خۆی ئەکات هەشە ڕۆژانێک ئاواتی خواستووە بۆ ئەم ڕۆژانەی ئێستا کە لەناویایەتی، مرۆڤ ئەکرێ زۆر شت بیگۆڕێ، مردنی کەسێک، ئەو ئاواتانەی پێی نەگەشتووە یانیش پێی گەشتووە بەڵام تازە درەنگ بووە بۆیان، یاخود کچێک/کوڕێک، کە ئەو کەسە یان بە پێیەکانی خۆی ڕۆشتووەو جێی هێشتووی یاخود لێیان بردووی، هەرکامیان بێت بە ئازارە ناکرێ بەئازار نەبێ ئیتر چۆن مرۆڤ ناگۆڕێ، ئەو پێکەنینەی پێشتر لەسەر ڕوخسارمان بووە بە کۆمەڵێ شت لەناو چوون ئاسانیش نییە پێکەنینەکەمان بگەڕێتەوە، ناگەڕێتەوە تا ئەو ڕۆژەی هەر یەکێکمان ئاشنای ژێر خۆڵ ئەبین...

مەحاڵە یەکەم دیدار و ئەو جوانییە سەرەتاییە لەبیر بکرێت. جوانییەک کە تەنها لە ڕوخساردا کورت نابێتەوە، بەڵکو لەو وزە و درەوشانەوەیەیە کە بەبێ هیچ ئاگادارییەک دەچێتە ناو قووڵایی دڵەوە. کاتێک بۆ یەکەم جار چاوت پێی دەکەوێت، هەست بە شلەژانێکی شیرین دەکەیت، وەک بڵێی ڕۆحت ناسیاوییەکی کۆنی لەگەڵ ئەو کەسەدا هەبووبێت، کەچی هێشتا ناوی خۆشی نازانیت. ئەو جوانییە سەرەتاییە، تێکەڵەیەکە لە بێتاوانی، سەرنجڕاکێشی و جۆرێک لە موگناتیس کە ناتوانیت چاوی لێ لابدەیت. زەردەخەنەیەکی کورت، جوڵەی شێوازی قسەکردنی، یان تەنانەت تێپەڕبوونی سادەی بە لای تۆدا، دەبێتە تابلۆیەکی نەگۆڕ لە مێشکدا. مڕۆڤ لەو ساتەدا درک بەوە دەکات کە جوانی ڕاستەقینە پێویستی بە خۆسەپاندن نییە، بەڵکو بە هێمنی و نەرمی دڵەکان داگیر دەکات. یەکەم بینین، وەک یەکەم دڵۆپی بارانی بەهار وایە لەسەر زەوییەکی وشک؛ هێندە بەخوڕ و کتوپڕە کە هەموو بوونت تەڕ دەکات و هیوایەکی نوێ لە ناختدا شین دەکات. ئەو جوانییەی لە یەکەم نیگادا دەیبینیت، دەبێتە سەرەتایەک بۆ چیرۆکێک کە ڕەنگە هەرگیز کۆتایی نەبێت، چونکە تەنانەت ئەگەر کاتیش بڕوات، ئەو وێنە سەرەتاییە لە ناو دڵدا بە گەنجی و بە درەوشاوەیی دەمێنێتەوە...

تەنها لەبەر ئەوەی بێدەنگی لە نێوانماندا باڵی کێشاوە و چیتر وەک جاران دەنگی یەکتر نابیستین، مانای ئەوە نییە کە تۆ لە یادەوەرییەکانمدا سڕاویتەتەوە. ڕاستییەکەی، نە پچڕانی قسەکانمان و نە دووری نێوانمان، نەیانتوانیوە ئەو گرنگیپێدانە بکوژن کە لە ناخمدایە. هێشتا ڕۆژانە بە نێو لاپەڕەکانی بێدەنگیدا دەگەڕێم تەنها بۆ ئەوەی هەواڵێکی تۆم دەستکەوێت؛ بزانیت باشیت؟ ژیان چۆن مامەڵەت لەگەڵ دەکات؟ ئایا هێشتا وەک جاران لە کاتی دڵتەنگیدا پەنا بۆ هەمان ئەو شتانە دەبەی کە باسیانمان دەکرد؟ بینینی تۆ بە باشی، تەنها ئارامییەکە کە بۆ دڵم ماوەتەوە، هەرچەندە ئەو دڵە پڕە لە ململانێ. ئەو جەنگە ناوخۆییەی ماندووم دەکات ئەوەیە: چۆن دەکرێت دوو کەس کە هەموو نهێنییەکانی یەکتریان دەزانی، ئێستا وەک دوو نامۆی ناو شارێکی چۆڵ تەماشای یەکتر بکەن؟ ئەم ڕاستییە تاڵە وەک خەنجەرێک وایە، کاتێک دەزانم چیتر جێگەیەکم لە ناو ڕۆژەکانتدا نەماوە و تۆ بەبێ من ڕێگەکەت دۆزیوەتەوە. برینەکە لێرەدایە؛ کە من هێشتا بەشێکم لە خەیاڵی تۆ، بەڵام تۆ چیتر بەشێک نیت لە واقیعی من. تەنها دەمەوێت بزانیت، ئەگەر هەموو جیهانیش پشتت تێ بکەن، من هێشتا لێرەم...

ڕۆژێک نامەیەک دەگاتە دەستت لەگەڵ ناوی نووسەر، دووعا بکە دایکم نەیبینێ دواتر و هیچ کاتێک پێناکەنێتەوە..

لێم دوور مەبە تەنانەت بۆ ڕۆژێکیش بێ لێم دوور مەبە چونکە نازانم چۆن بیڵێم بەڵام ڕۆژێکی درێژە و منیش بە درێژای ئەو ڕۆژە چاوەڕوانت دەبم،چاوەڕوانت دەبم وەک ئەوەی لە وێستگەیەکی چۆڵ چاوەڕوانی شەمەندەفەرێک بم ، لەجێگایەکی دوور بە لەکار کەوتوویی و وەستاو جێم مەهێڵە، ئەگەر بۆ کاتژمێرێکیش بێت جێم مەهێڵە چونکە ئەوکات ئازارە بچووکەکانیش هێرش دێنن، ئەو دووکەڵەی بەدوای لانەیەکدا دەگەڕێ بەرەو ڕووی من دێ و دڵی ونبووم دەخنکێنێ، ئەو ساتەی تۆ جێمدەهێڵی و لێم دوور دەبی من وێڵ دەبم و سەرگەردانانە ڕێ دەکەم...

نازانم لێت خۆش بم کە چەنێک خراپ بووی لەگەڵم؟ خۆتۆ بەوە ناسراو بووی کە دڵڕەق و بێ هەستی، بەڵام هەر خۆشم هاتم و ویستم خراپترم بکەیت، خۆتۆ ئەوەش نەبوو بە کوتەگ لێم بدەیت یان بە چەقۆیەک لەشم پارچە پارچە بکەیت، تۆ تەنها بە دەنگت ئازارت ئەدام، خۆتۆ ئەوەش نەبوو بانگمم بکەیت تا گوێت لێ بگرم، من خۆم ئەهاتم بە ویستی خۆم، ببورە کە دوو سێ ڕۆژە دەنگم نییە و نەهاتووم بۆلات، ڕاستت ناوێ؟ ئەمەوێ ئیهمالت بکەم و چیتر گوێم لێت نەبێت، تۆ خەریکە ئەپرسی بۆچی؟ ئازانی بۆچی؟ چوونکە بەڕاستی دڵم ئازار ئەدەیت، ناتوانم چیتر گوێت لێ بگرم تۆ قسەکانت تیرێکەو ئەیدەیت لە دڵم تۆ خۆ ئەزانی دڵی منیش گۆشت و خوێنە بۆچی بێ باکانە ئاوات لەگەڵ کردم؟ قسەکانت  هەزارەها یادگاری هێناوەتە بیرم، هەزارەها شەو خەوی لێ تۆرانووم، ئیتر من ماندوو بووم بەرگەی ئەمانە ناگرم و بەیەکجاری ئەڕۆم، زۆر دوور ناڕۆم ڕەنگە جار جار سەردانت بکەم چوونکە مرۆڤ زۆرکات بیری دەنگی ئازیزەکەی ئەکات، ببورە کە دوای "دە" ساڵ، جێت دێڵم و ئەڕۆم بەڕێی خۆمدا، چیە بۆ قسە ناکەیت هیچ شتێک ناڵێی؟ ئۆفف وادیارە هیچ ناڵێی تۆ دەی ئامانەتی خوابیت... نامەی ئیسۆ بۆ میهراب،،

دەستەکانی تۆ سەوڵ بوون لەناو بەلەمی خوار و خێچی ژیاندا نەیاندەهێشت بخنکێم، لەکۆتا ڕۆژەکانی دیدارمان زیاتر لە باڵندە دەچووی نەک لەمرۆڤ، دەتویست زوو بدەیت لەشەقەی باڵ و بڕۆیت، بێ ئاگا لەوەی لەدوای چوونت، بەبێ سەوڵ لەدەریادا، نا، هەر لێرە، لەپشتی سوکانی ئەم ئۆتۆمبیلەوە، لەناو فرمێسکەکانی خۆمدا دەخنکێم...