𝐒𝐡𝐚𝐫𝐢𝐧𝐠 𝐛𝐲 𝐏𝐚𝐭𝐫𝐢𝐜𝐤

သစ္စာဖောက်မှုဆိုတာ ကိုယ်ယုံကြည်ရတဲ့လူတွေဆီကပဲ ရတာ။ နာကျင်ခြင်းဆိုတာ ကိုယ်မြတ်နိုးရတဲ့လူတွေဆီကပဲ ရတာ။ ဥပေက္ခာဆိုတာ ကိုယ်တန်ဖိုးထားရတဲ့လူတွေဆီကပဲ ရတာ။ တစ်ခါတလေ မုန်းတဲ့လူတွေဆီကရလိုက်တဲ့ ဒဏ်ရာထက် ကိုယ်ချစ်ရတဲ့လူတွေဆီကရလိုက်တဲ့ ဒဏ်ရာက ကိုယ့်ကို ပိုနာကျင်စေရတာပါ။ #Eric #crd

YouTube video recommendation for today https://youtu.be/noeZxKjNKTo?si=RnMzfQE9FJ4SZ5bB

ကိုယ့်ရဲ့ဘ၀မှာ ကြုံခဲ့သိခဲ့ရတဲ့ ဘ၀သင်ခန်းစာပဲဖြစ်ဖြစ်၊ အချစ်ရေးအကြံဉာဏ်ပဲဖြစ်ဖြစ် ရှိတယ်ဆိုရင် အခု Post အောက်မှာ မန့်သွားပြီး တစ်ခြားသူတွေကို ကိုယ့်လိုမဖြစ်အောင်၊ သတိထားလို့ရအောင် ဝေမျှပြောပြပေးသွားလို့ရပါတယ်။ ကျွန်တော်ပြောပြချင်တဲ့ သင်ခန်းစာကတော့ “ကိုယ့်ကိုယ်ကိုဂရုစိုက်ဖို့ပါ” သိပ်ပြီးအရေးမကြီးသလို ထင်ရပေမယ့် တကယ်တမ်းမှာ အရာအားလုံးက “ကိုယ်" ကနေပဲစတင်တာမို့ “ကိုယ်” ကအရမ်းကိုအရေးကြီးပါတယ်။ ကိုယ်ကအဆင်ပြေနေမှ တစ်ခြားသူတွေနဲ့ပတ်သတ်ပြီး ဂရုစိုက်ပေးနိုင်မှာပါ။ ကိုယ်ကဘာမှမဟုတ်ပဲနဲ့လဲ တစ်ခြားသူတွေရဲ့ဘ၀ကို တာ၀န်ယူပေးလို့မရပါဘူး။ Everything starts with you so don't forget to love yourself and take care of yourself...

ကမ္ဘာကြီးရဲ့အကြီးမားဆုံး အလိမ်အညာကဘာလဲ

- ဘဝရဲ့တစ်ချိန်ချိန်မှာ ကျွန်တော်တို့ဟာ ကိုယ်ဘာဖြစ်နေတယ်ဆိုတာကို ထိန်းချုပ်နိုင်စွမ်း ဆုံးရှုံးသွားပြီး ကျွန်တော်တို့ရဲ့ဘဝဟာ ကံကြမ္မာရဲ့လက်ထဲ ရောက်သွားတယ်ဆိုတဲ့ အယူအဆပါပဲ။ ဒါဟာ ကမ္ဘာကြီးရဲ့ အကြီးမားဆုံး အလိမ်အညာတစ်ခုပါ။ Book: The Alchemist by Paulo Coelho

Stoicism Stoicism ဆိုတာ စိတ်ငြိမ်းချမ်းမှုနဲ့ ဘဝအတွက် ခိုင်မာတဲ့စိတ်ထားတည်ဆောက်ဖို့ အဓိကထားတဲ့ ရှေးဂရိ-ရောမ Philosophy အယူအဆတစ်ခုဖြစ်ပါတယ်။ Stoicism ရဲ့ ရည်ရွယ်ချက်ကတော့ •စိတ်ဓာတ်ကြံ့ခိုင်မှု (Resilience) တည်ဆောက်ဖို့ •အခြေအနေတိုင်းကို အကောင်းမြင်စိတ်နဲ့ ရှုမြင်နိုင်ဖို့ •ဘဝအတွက် Inner Peace ရှိဖို့ Stoicism ရဲ့အခြေခံအယူအဆများ

ထိန်းချုပ်နိုင်တာနဲ့ မထိန်းချုပ်နိုင်တာကို ခွဲခြားသိမြင်ခြင်း

ကိုယ်ပြုပြင်နိုင်တဲ့အရာကိုသာ အာရုံစိုက်ပြီး၊ မပြင်နိုင်တာကို လက်ခံရမယ်။

စိတ်ခံစားမှုကို အလိုမလိုက်ဘဲ ဆင်ခြင်တုံတရားနဲ့ ထိန်းချုပ်ခြင်း

ဒုက္ခ၊ ပျော်ရွှင်မှု အားလုံးကို ယုတ္တိရှိရှိသုံးသပ်ကာ တည်ငြိမ်စွာရင်ဆိုင်ရမယ်။

သဘာဝနဲ့အညီ နေထိုင်ခြင်း

လောကရဲ့ သဘောသဘာဝကို နားလည်ပြီး လိုက်နာရမယ်။

အတ္တကို ရှေ့တန်းမတင်ပဲ တာဝန်ကျေခြင်း

လူမှုအဖွဲ့အစည်း၊ မိသားစုနဲ့ ကိုယ်ကျင့်တရားအပေါ် တာဝန်ယူမှုရှိရမယ်။ တစ်ယောက်ယောက်က ကိုယ့်ကိုနှိမ်ပြောပုတ်ခတ်လာတဲ့အခါ “ဒီလူရဲ့စကားကို ငါထိန်းချုပ်လို့မရဘူး။ ဒါပေမယ့် ငါ့ရဲ့တုံ့ပြန်မှုကို ငါရွေးချယ်နိုင်တယ်။ ဒေါသထွက်မယ့်အစားအေးအေးဆေးဆေး ဖြေရှင်းမယ်” လို့တွေးပြီး ကိုယ့်တိုးတက်ရေးအတွက်ပဲ အာရုံစိုက်ကြိုးစားတာက Stoicism ရဲ့ဥပမာတစ်ခုပဲ ဖြစ်ပါတယ်။

General Truth

“စိတ်သစ်လူသစ်နဲ့ နေထိုင်နိုင်ဖို့”

#၁

တူညီတဲ့အမှားတစ်ခုကို ထပ်လုပ်ပြီး နောက်ထပ်နှစ်တစ်နှစ်ကို မဖြုန်းတီးပစ်ပါနဲ့။

#၂

ကိုယ့်ကို ရွေးချယ်တဲ့သူတွေကိုပဲ ရွေးချယ်ပါ။

#၃

မကောင်းတဲ့ Ex မကောင်းတဲ့သူငယ်ချင်း မကောင်းတဲ့အရာတွေ အကုန်လုံးကို အတိတ်မှာပဲ ထားခဲ့လိုက်ပါ။

#၄

ကိုယ့်ကိုမေ့သွားတဲ့သူတွေကို မေ့ပစ်လိုက်ပါ။

#၅

ကိုယ့်ကိုယ်ကိုပဲ ရွေးချယ်ပါ။ ကိုယ့်ကိုယ်ကိုပဲ ဦးစားပေးပါ။ ကိုယ့်ကိုယ်ကို တန်ဖိုးတစ်ခုမှာ ထားပါ။

#၆

လမ်းခွဲမှုတွေဆိုတာ အဆုံးသတ် မဟုတ်ပါဘူး။ သင်ခန်းစာတွေပါ။

#၇

ကိုယ့်ဘဝရဲ့ အများစုသောအချိန်တွေက ကိုယ့်ရဲ့ စိတ်ထဲမှာပဲ ကုန်ဆုံးလေ့ရှိတာပါ။ ဒါကြောင့်မို့ ကိုယ့်ရဲ့စိတ်က နေချင်စဖွယ်နေရာတစ်ခု ဖြစ်နေပါစေ။

တန်ဖိုး📚 ကိုယ့် Crush ကကိုယ်ပဲဖြစ်ပါစေ... ဖတ်ရန် https://t.me/readers_club_by_p/256

လောင်စာမဖြစ်ပါစေနဲ့ လောင်စာမဖြစ်စေနဲ့ ကိုယ်တိုင်က လောင်ကျွမ်းနေတာပဲဖြစ်ပါစေ။ လောင်တယ်ဆိုတာ တချို့တွေထင်တာက အသည်းကွဲလို့ အဆင်မပြေလို့ဆိုတာတွေ အရင်တွေးတတ်ကြတယ်။ တကယ်တော့ လောင်တယ်ဆိုတာ ဆာလောင်နေတာကိုပြောတာပါ။ ဒီတစ်ခုနဲ့ပတ်သက်ပြီး အရမ်းကိုမှ ဆာလောင်နေတာ၊ လုပ်ချင်စိတ်ပြင်းပြနေတာကိုပေါ့။ ဒီလိုဆာလောင်နေတဲ့သူတစ်ယောက်အဖို့ Motivation လည်း မလိုအပ်ဘူး၊ စိတ်ဓာတ်ကျတာမျိုးလည်း သိပ်မရှိဘူး၊ စက်ရုပ်လို အလုပ်လုပ်ပြီး သူ့ရဲ့ ဆာလောင်မှုတွေကိုဖြည့်နေတာ။ တကယ်လို့ကိုယ်က လောင်စာဖြစ်သွားမယ်ဆို သူများအောင်မြင်မှုလေးတွေလိုက်ကြည့်ရင်းနဲ့ပဲ နေနေရတာမျိုးဖြစ်သွားလိမ့်မယ်။ အဲ့တော့ လောင်တာချင်းအတူတူ ကိုယ်တိုင်ပဲကိုယ့်အတွက် လောင်ကျွမ်းခံလိုက်ပါ၊ လောင်စာဖြစ်ပြီး တခြားသူတွေအတွက်လောင် ပေးနေရတာမျိုးမဖြစ်ပါစေနဲ့။ From You can change book #Crd

ငွေတု Pay to pay လူလိမ်တွေအကြောင်း အခုနောက်ပိုင်း Online ပေါ်မှာ Pay to pay ဆိုပြီး ငွေတုရောင်း၀ယ်တာတွေက တော်တော်လေးကိုတွေ့လာရပါတယ်။ အထူးသဖြင့် “ငွေအနည်းငယ်ထည့်၊ အဆမတန်ပြန်ရ" ဆိုတဲ့ပုံစံမျိုးနဲ့ လူတွေကို ဖမ်းစားနေကြတာပါ။ ဒါမျိုးမှာ အလိမ်ခံရတဲ့သူတွေကလဲ မနည်းမနောပါပဲ။

Pay to pay ဆိုတာကြီးကို စဉ်းစားကြည့်ပါ။

၃၀,၀၀၀ ပေးရင် ၃၀၀,၀၀၀ ပြန်ရမယ်၊ ၅၀,၀၀၀ ပေးရင် ၅၀၀,၀၀၀ ပြန်ရမယ်ဆိုတာ ဖြစ်နိုင်လို့လား။ သူတို့ရဲ့ Payment ထဲမှာ ဒီလောက်ပိုက်ဆံတွေရှိနေရင် ဘာလုပ်ဖို့ ငွေတုရောင်းတယ်ဆိုပြီး ကိုယ့်ဆီက ၃၀,၀၀၀ လောက်ကိုယူပြီး ၃၀၀,၀၀၀ ကိုပြန်ပေးမှာလဲ။ သူတို့ဘာသာသူတို့ သုံးကြမှာပေါ့။ ဒီမှာတင်ကို Pay to pay ဆိုတာကြီးက ဆီလျော်မှုမရှိပါဘူး။ အလိမ်ဆိုတာအသိအသာကြီးပါ။ ကျပ်တည်းနေတဲ့လူတွေကိုကူညီချင်လို့၊ အခက်အခဲဖြစ်နေတာတွေကိုဖြေရှင်းပေးချင်လို့လုပ်တာ Blah Blah Blah ဒီလိုသောက်ပိုတွေကိုလဲ သွားမယုံပါနဲ့။ လူလိမ်ဆိုတာ ချိုမပါပါဘူး။ အချိုသတ်တာမှာ တော်ကြသူတွေကြီးပါပဲ။ Page အကြီးကြီးမို့၊ Channel အကြီးကြိီးမို့၊ Review တွေကောင်းလို့ဆိုပြီးလဲ မယုံလိုက်ပါနဲ့။ အခုလိုခေတ်ကြီးထဲမှာ ဒါမျိုးတွေက ၀ယ်ဖို့မခက်ပါဘူး၊ အတုလုပ်ဖို့မခက်ပါဘူး။ ကျွန်တော်တို့နိုင်ငံမှာ လိမ်စားနေတဲ့သူတွေက တော်လွန်းတတ်လွန်းတဲ့ကောင်တွေ မဟုတ်ပါဘူး။ လူတွေကိုက အသိပညာနည်းတာရယ်၊ ဆင်ခြင်နိုင်စွမ်းသေချာမရှိတာရယ်ကြောင့်ပါ။ ဒီလိုလူလိမ်တွေက လူတွေရဲ့ကျပ်တည်းနေတဲ့ဘဝ၊ ခက်ခဲနေတဲ့အခြေအနေတွေကို အခွင့်ကောင်းယူပြီး လှည့်စားကြတာပါ။ လွယ်လွယ်နဲ့မယုံကြပါနဲ့။ အားလုံးပဲ ဘာပဲလုပ်လုပ် သေချာစဉ်းစားချင့်ချိန်ပြီး မှန်ကန်တာကိုလုပ်နိုင်ကြပါစေ။ ဒီစာကို မျှဝေပေးခြင်းဖြင့် တစ်ခြားသူတွေကိုလဲ ကူညီနိုင်ပါတယ်။

အနေအထိုင် အေးဆေးသူတွေရဲ့ လျှို့ဝှက် (၇) ချက် ၁ - သူများထက်ခင်တတ်တယ် အနေအေးပေမဲ့ သူတို့ကို အရမ်းခင်တယ်လို့ ခံစားရပြီး သူတို့ကလည်း အရမ်းခင်တဲ့လူဆို စကားတွေ အများကြီးပြောပါတယ်။ ၂ - သူများထက်ပိုသိ၊ ဒါပေမဲ့ မပြော သူတို့က လူတွေနဲ့ဆက်ဆံတဲ့ အခါ လေ့လာစောင့်ကြည်နေသူတြွေဖစ်ပါတယ်။ စကားတွေအများကြီး မပြောလို့ ဘာမှမသိဘူး မထင်ပါနဲ့။ သူတို့က အားလုံးကို တိတ်တိတ်လေး အကဲခတ်နေသူမို့ သူများထက် ပိုသိတတ်ပါတယ်။ ၃ - သူငယ်ချင်း သူငယ်ချင်းနည်းပေမဲ့ အရင်းကြီးလို့ ပြောလို့ရတဲ့ သူငယ်ချင်းရှိပါတယ်။ ၄ - နားထောင်ခြင်းရဲ တန်ဖိုး သင်စကားပြောနေတဲ့အချိန်မှာ စကားဖြတ်ပြောချင်တဲ့ အရိပ်အယောင်မျိုး သူက ပြမှာ မဟုတ်ပါဘူး။ လူတွေကို စကားတွေပြောပြီး ဆက်ဆံရတာထက် နားထောင်ပြီး ဆက်ဆံတတ်သူတွေပါ။ ၅ - အလုပ် အနေအေးလို့ အလုပ်ထဲမှာ မထင်ပေါ်ပဲ အလုပ်မလုပ်နိုင်ဘူးလို့ မထင်လိုက်ပါနဲ့။ စကားနည်းနည်းပြောတဲ့လူက အလုပ်များများလုပ်တဲ့လူတွေပါ။ ၆ - အထီးမကျန်ပါ အနေအေးပြီး အပေါင်းအသင်းနည်းလို့ သူတို့ကမ္ဘာက ပျင်းစရာကောင်းတယ် မထင်လိုက်ပါနဲ့။ ဒီလိုလူမျိုးတွေမှာ စွဲစွဲမြဲမြဲ ဝါသနာတွေ ရှိတတ်ပါတယ်။ ဒီဝါသနာတွေပေါ် နှစ်မြှပ်နေရတာကို ကျေနပ်နေသူတွေပါ။ စာအုပ်ဖတ်မယ်၊ ရုပ်ရှင်ကြည့်မယ်၊ ကဗျာရေးမယ် သူတို့ကမ္ဘာမှာလည်း ရွေးချယ်စရာတွေ အများကြီးပါ။ ၇ - အရည်အချင်း သူတို့က လူအများကြီးနဲ့ နေရတာထက် အပေါင်းအသင်းအုပ်စုသေးသေးလေးကို သဘောတွေ့သူပါ။ မိတ်ဆွေဆက်ဆံရေးမှာ အရေအတွက်ထက် အရည်အချင်းကို ဦးစားပေးသူတွေပါ။ #Eric #Crd

Victim Playing

နစ်နာသူ သို့မဟုတ် သားကောင်အဖြစ် ပြုမူခြင်း။

Victim Playing ဆိုတာ အခြေအနေတစ်ခု သို့မဟုတ် ကိစ္စရပ်တစ်ခုမှာ အသုံးပြုသူက နစ်နာသူ ခံရသူအဖြစ် ပြုမူခြင်းဖြစ်တယ်။ပုံမှန်အကြောင်းဖန်လို့ ဖြစ်လာတဲ့အခြေအနေမှာပဲဖြစ်စေ ကိုယ်တိုင်အမှားလုပ်မိတဲ့ အခြေအနေမှာပဲဖြစ်စေ အသုံးပြုတတ်ကြတယ်။ တော်တော်လေး Toxic ဖြစ်တဲ့ Manipulation ဖြစ်ပြီး တော်ရုံလူအသုံးမပြုနိုင်ပါဘူး။ကျွန်တော်တို့ ပြောပြောနေကျစကားဖြစ်တဲ့ အရမ်းပန်းနုသွေးတာပဲ ဆိုတာကလဲ Victim Playing လုပ်တဲ့ပုံစံမျိုးကို ဆိုလိုချင်တာပဲ ဖြစ်တယ်။

Victim Playing ကိုဘာအတွက် အသုံးပြုကြတာလဲ

Victim Playing အသုံးပြုသူအများစုရဲ့ ရည်ရွယ်ချက်ကတော့ အခြေအနေကို ထိန်းချုပ်ချင်ကြလို့ပဲ ဖြစ်တယ်။ကိုယ့်ဘက်က အရေးနိမ့်နေတဲ့အခြေအနေ အပြစ်တင်ခံနေရတဲ့အခြေအနေမှာ ခံရသူကြီး နစ်နာသူကြီးပါဆိုပြီး အခြေအနေကို ပြောင်းပြန်လှန်ကာ ဘေးလူတွေရဲ့ စာနာမှုတွေကို ရယူတာ ကိုယ့်ကိုယ့်ကို သနားစရာလေးပါဆိုပြီး ဖန်တီးတတ်ကြတယ်။ ကိုယ်တိုင်လုပ်မိတဲ့ အမှားတွေမှာဆိုရင်လဲ တစ်ချို့က ၀န်မခံ တာ၀န်မယူပဲ အပြစ်တင်ခံရတာ ဝေဖန်ခံရတာနည်းအောင် Victim Playing ကို အသုံးပြုတတ်ကြတယ်။ တစ်ချို့ကလဲ တစ်ဖက်လူအပေါ် သက်သက်ယုတ်မာချင်တာကြောင့် အသုံးပြုတတ်ကြတယ်။ကွယ်ရာကျ ကိုယ့်ကိုလုပ်ချင်တိုင်းလုပ်နေပြီး လူရှေ့ကျ ဖြူစင်သူ ခံရသူလို ပြုမူတတ်သူတွေပေါ့။ဒီလိုမျိုးအခြေအနေတွေက K Drama Series တွေမှာဆို မကြာခဏပါလေ့ရှိတယ်။ တစ်ချို့သောသူတွေလဲ Relationship တွေမှာကြုံဖူးကြမှာပါ။ဖောက်ပြန်တာကသူ။သူ့ဘက်က ဖောက်ပြန်တာတောင်မှ ကိုယ်ကအချိန်မပေးလို့ ဂရုမစိုက်လို့ ဖောက်ပြန်ရပါတယ်ဆိုပြီး နစ်နာသူယောင်ယောင် လုပ်တတ်တဲ့သူတွေပေါ့။သူတို့ကလဲ Victim Playing ကိုအသုံးပြုကြတာပဲ ဖြစ်တယ်။တစ်ချို့နွားထီးနွားမတွေကလဲ အဲ့အကွက်မှာပဲ ခံလိုက်ရပြီး ပိုပြီးအချိန်ပေးပါမယ် ပိုပြီးဂရုစိုက်ပေးပါမယ်ဆိုပြီး အခွင့်အရေး ထပ်ပေးတတ်ကြတယ်။ ကိုယ့်ပတ်၀န်းကျင်မှာ ဒီလို Victim Playing လုပ်တတ်တဲ့သူရှိတယ်ဆိုရင်လဲ ဝေးဝေးကရှောင်ပါ။ကိုယ်ကလဲ ဒီလိုပြုမူတတ်တဲ့သူဆို အမြန်ဆုံး ပြင်ဆင်သင့်ပါတယ်။ Victim Playing ဆိုတာက ထိရောက်တဲ့ Manipulation တစ်ခုဆိုပေမယ့် ရေရှည်မှာ ကိုယ့်အတွက်ကော ဘေးလူတွေအတွက်ကော စိတ်ပိုင်းဆိုင်ရာထိခိုက်မှုတွေ ဆက်ဆံရေးတင်းမာမှုတွေ ရှိလာနိုင်ပါတယ်။ Contact @pthenextgen for Paid Channel

ကိုယ့်ဘ၀ကို သိသိသာသာပြောင်းလဲသွားစေမယ့် အချက် ၂ ချက်ရှိပါတယ်။ အဲ့ဒါတွေက •ငြင်းတတ်ဖို့နဲ့ •ငြင်းတာတွေကိုခံနိုင်ဖို့ရယ်ပါ။ •တော်တော်များများက မငြင်းတတ်ကြဘူး။ ငြင်းတာတွေကိုလဲ မခံနိုင်ကြဘူး။ •တစ်ချို့ကကျ ငြင်းတတ်တယ်။ ဒါပေမယ့် ငြင်းတာတွေကိုကျ မခံနိုင်ကြဘူး။ •တစ်ချို့ကတော့ ငြင်းတာတွေကိုခံနိုင်ပြီး ကိုယ်တိုင်ကျ မငြင်းနိုင်ကြဘူး။ ဒီအချက်တွေက ကိုယ့်ဘ၀ရဲ့ ‌ကဏ္ဍတော်တော်များများမှာ မသိမသာပါ၀င်တတ်ကြပြီး ရလဒ်တွေ၊ နောက်ဆက်တွဲတွေကိုတော့ သိသိသာသာ ပြောင်းလဲစေတတ်ပါတယ်။ အဲ့ဒါကြောင့်မို့ သေချာလေးဂရုစိုက်သင့်တဲ့ အချက်တွေဆိုလဲ မမှားပါဘူး။

❝အတိတ်ထဲက ထွက်ခဲ့ပါ ❞ ဘယ်တော့မှ အတိတ်ထဲမှာပိတ်မိနေတဲ့ အကျဉ်းသားမဖြစ်ပါစေနဲ့။ အတိတ်ဆိုတာ သင်ခန်းစာတစ်ခုဖြစ်ပြီးသင့်ကိုတစ်သက်တစ်ကျွန်း ထောင်ချလိုက်တာမဟုတ်ပါဘူး။ အတိတ်...အတိတ်...အတိတ်....စကားလုံးလေးကသာ တိုတာ။ အမှတ်တရတွေအများကြီး။ကျွန်မတို့ လူသားတွေကလည်း ကောင်းတဲ့အတိတ်ဆို ခက်ခက်ခဲခဲ ပြန်စဉ်းစားနေကြရတာ။မကောင်းတဲ့အတိတ်ဆိုရင် စဉ်းစားစရာမလိုဘဲ ခေါင်းထဲပေါ်လာတတ်ကြတယ်။တွေဝေငေးမောမှုတွေနဲ့ ဘဝကို ဖြတ်သန်းနေသူအများစုဟာအတိတ်ထဲက ရုန်းမထွက်နိုင်သူတွေပါ။ တကယ်တော့ အတိတ်ဆိုတာ ကျွန်မတို့သာ မတွေးကြရင် ကွယ်ပျောက်နေတာ ကြာလှပါပြီ။အတိတ်ဆိုတာ မတည်ရှိတော့ပါဘူး။ဒါဆို ဘာလို့ အတိတ်က ဒီလောက်ပါဝါကြီးနေတာလဲလို့မေးရင် အဖြေက သင်ကိုယ်တိုင် အဲ့ဒီအတိတ်ကို ပြန်သွားပြီး ခေါင်းထဲမှာနေရာပေးထားလို့ပါ။ အဲ့ဒီတော့ အတိတ်က ပါဝါတွေရနေပြီးသင့်ကို ပါဝါပြနေတော့တာပေါ့။ အတိတ်ကိုမေ့ချင်ရင် ဘယ်တော့မှ သူ့ကို ပါဝါမပေးပါနဲ့။ သင်ကိုယ်တိုင် ဘာကြောင့်အတွေးများနေသလဲ ပြန်စဉ်းစားပါ။ မိမိဝါသနာပါရာ လုပ်ပါ။ ကျန်းမာအောင်နေပါ။ ကိုယ့်ကိုယ်ကို မအားအောင်နေပါ။ အချိန်ကြာလာတာနဲ့အမျှ မိမိအလုပ်မှာ ထူးချွန်ပြီး အတိတ်ကို မေ့သွားကြမှာပါ။ ဘဝက ပန်းခင်းလမ်းမှ မဟုတ်တာ။ အတိတ်တုန်းက ရတဲ့ဒဏ်ရာတွေက ပန်းတိုင်သွားတဲ့ လမ်းမှာ ခလုတ်တိုက်ပြီး လဲကျတာပါ။ဒဏ်ရာ ကြီးတာနဲ့သေးတာသာ ကွာတာပါ။ ငိုနေဖို့တော့ အချိန်မရှိဘူးလေ။ဘဝက သင့်ကို အဲ့ဒီလောက်အချိန်အများကြီး ပေးမထားဘူး။ ဆိုးရွားတဲ့အတိတ်ကနေ ရုန်းထွက်ချင်ရင်တော့ ✓အတိတ်ကို ပါဝါမပေးပါနဲ့။ ✓အခြားသူအပေါ်အပြစ်တင်တာ ရပ်လိုက်ပါ။ ✓ပစ္စုပ္ပာန်ကို အချိန်ပေးပါ။ ✓ဦးနှောက်ထဲမှာရှိတဲ့အမှိုက်တွေကိုရှင်းပစ်ပါ။(အမှိုက်ရှင်းမှ အနံအသက်ကောင်းမှာပါ) အတိတ်ဆိုတာ ပြန်မတွေးရင်မတည်ရှိတော့ပါဘူး။ စာရေးသူ - လရောင် (16.10.2024) #Crd