𝐒𝐡𝐚𝐫𝐢𝐧𝐠 𝐛𝐲 𝐏𝐚𝐭𝐫𝐢𝐜𝐤

ကိုယ့်ဘေးနားမှာရှိတဲ့ ထက်မြက်ယောင်ဆောင်နေတဲ့ ငပိန်းတွေကို ဘယ်လိုရှာဖွေရမလဲ - သူတို့က ကိုယ်ရည်အရမ်းသွေးတယ်။ ယုံကြည်မှုလွန်ကဲပြီး မြောက်ကြွမြောက်ကြွဖြစ်ကြတယ်။ - သူတို့က အပြောသာရှိပြီး လက်တွေ့မလုပ်ပြနိုင်ကြဘူး။ - သူတို့ မှားမှန်းသေချာနေရင်တောင်မှ မှားမှန်း၀န်ခံလေ့မရှိပဲ ဆင်ခြေတွေပေးတတ်ကြတယ်။ - သူတို့က တစ်ခြားသူတွေရဲ့ ထင်မြင်ယူဆချက်တွေ ကျွမ်းကျင်မှုတွေကို ချီးကျူးလက်ခံရမယ့်အစား အပြိုင်ငြင်းတတ်ကြတယ်။ ဉာဏ်ရည်ဉာဏ်သွေးမောက်မာတတ်ကြတယ်။ - သူတို့က အခြေအနေကို သေချာနားမလည်ပဲ အပေါ်ယံအသွင်အပြင်ကို ကြည့်ပြီးပဲ ဆုံးဖြတ်ချက်ချတတ်ကြတယ်။ - သူတို့က သင်ယူရန်မလိုဘူးလို့ ထင်မြင်တတ်ကြတယ်။ သူပဲသိ သူပဲတတ် သူသာဆရာကြီးဆိုတဲ့ ခံယူချက်မျိုးရှိတတ်ကြတယ်။ - သူတို့က နားလည်သလို သိသလို ပြုမူတတ်ကြပေမယ့် တကယ်တမ်း ရှင်းပြရမယ့်အခါ တိကျမှုမရှိပဲ ယောင်ဝါးဝါးလုပ်တတ်ကြတယ်။

စိတ်၏အမှောင်ဘက်ခြမ်း📚

Psychology Behaviors စိတ်ပညာမှာ Behavior (အပြုအမူ) ဆိုတာက လူတစ်ဦး (သို့) တိရစ္ဆာန်တစ်ကောင်ရဲ့ လေ့လာနိုင်၊ တိုင်းတာနိုင်တဲ့ လုပ်ဆောင်ချက်တွေကို ဆိုလိုပါတယ်။ ကိုယ်ခန္ဓာလှုပ်ရှားမှု၊ စကားပြောဆိုမှု၊ စိတ်ခံစားမှုဖော်ပြမှုတွေ ပါဝင်ပြီး အတွေ့အကြုံ၊ ပတ်ဝန်းကျင်၊ ဇီဝကမ္မဖြစ်စဉ်တွေနဲ့လဲ ဆက်စပ်နေပါတယ်။ ၁။ သိမြင်မှုဆိုင်ရာ အပြုအမူများ (Cognitive Behaviors) ဦးနှောက်ရဲ့ လုပ်ဆောင်ချက်တွေဖြစ်တယ်။ အာရုံစိုက်တာ၊ ဆုံးဖြတ်ချက်ချတာ၊ ပြန်လည်တွေးတောတာ စတာတွေဖြစ်တယ်။ ဥပမာ - ပြဿနာတစ်ခုကို ဘယ်လိုဖြေရှင်းရမလဲ တွေးတောစဉ်းစားတာ။ ၂။ စိတ်ခံစားမှုဆိုင်ရာ အပြုအမူများ (Emotional Behaviors) ခံစားချက်တစ်ခုခုကြောင့် အပြုအမူအပေါ် သက်ရောက်တာမျိုးဖြစ်တယ်။ ဝမ်းနည်းရင်ငိုတာ၊ ပျော်ရင်ရယ်မောတာ၊ ဒေါသထွက်ရင်အော်တာ စတာတွေဖြစ်တယ်။ ၃။ လူမှုရေးဆိုင်ရာ အပြုအမူများ (Social Behaviors) လူတွေနဲ့ဆက်ဆံရာမှာ ပြသတဲ့ အပြုအမူတွေဖြစ်တယ်။ အဖွဲ့လိုက်လုပ်ဆောင်တာ၊ ဖော်ရွေတာ၊ အကူညီပေးတတ်၊ အကူအညီတောင်းတတ်တာ စတာမျိုးတွေဖြစ်တယ်။ ၄။ ဇီဝကမ္မဆိုင်ရာ အပြုအမူများ (Biological Behaviors) ခန္ဓာကိုယ်အတွင်းရှိ ဇီဝဖြစ်စဉ်တွေ ဖြစ်တယ်။ ဟော်မုန်းမညီမျှတာကြောင့် စိတ်အပြောင်းအလဲမြန်တာ၊ အန္တရာယ်တစ်ခုကို သတိထားမိတဲ့အခါ တိုက်ခိုက်မလား/ထွက်ပြေးမလား (Fight or Flight) တုံ့ပြန်မှုမျိုး စတာတွေဖြစ်တယ်။ ၅။ သင်ယူမှုဆိုင်ရာ အပြုအမူများ (Learned Behaviors) အတွေ့အကြုံနဲ့ ပတ်ဝန်းကျင်မှ ရရှိလာတဲ့ အပြုအမူတွေဖြစ်တယ်။ ကလေးငယ်တွေက လူကြီးတွေလုပ်တာကို အတုယူတာ၊ ရောက်ရှိတဲ့ပတ်၀န်းကျင်အလျောက် ပြုမူနေထိုင်လာတာ စတာတွေဖြစ်တယ်။ ဒီအပြုအမူတွေ၊ သဘောတရားတွေကို လေ့လာခြင်းက လူတွေရဲ့ စိတ်နေစိတ်ထားနဲ့လုပ်ရပ်တွေကို ပိုပြီးနားလည်စေပါလိမ့်မယ်။ Manipulation Paid Channel စုံစမ်းရန် @pthenextgen

“မင်းလူတွေကို ဘယ်တုန်းကမှ မပြောပြခဲ့ဖူးတဲ့ အရာတစ်ခုကဘာလဲ” Jack က George ကိုမေးလိုက်တယ်။ “အမ်…ဖြေဖို့ခက်တဲ့မေးခွန်းမျိုးတော့မဟုတ်ဘူး။လူတိုင်းမှာလျို့ဝှက်ချက်ဆိုတာရှိကြတာပဲ။ငါကတော့လူတွေက ဘယ်လိုအရာတွေကို ဖုံးကွယ်ဖို့ရွေးချယ်လဲ ဘာကြောင့်ဖုံးကွယ်ရလဲဆိုတာကို ပိုပြီးသိချင်တယ်။မင်းကကော… မင်းမှာကော ဘယ်သူ့ကိုမှ မပြောပြခဲ့ဖူးတဲ့အရာတွေရှိလား…” George ကပြန်မေးလိုက်တယ်။ ပုံမှန် Conversation တစ်ခုပါပဲ။ဒါပေမယ့် ဒီမှာသတိထားမိလိုက်လားတော့မသိ။ George က Jack မေးတာကို မဖြေလိုက်ပါဘူး။ ဒီနေ့မှာတော့ ကျွန်တော်က Conversational Redirection ဆိုတဲ့ Manipulation Technique တစ်မျိုးအကြောင်းကို ရှင်းပြပေးသွားပါမယ်။ ဒီ Conversational Redirection ရဲ့ရည်ရွယ်ချက်ကတော့ ကိုယ်မဖြေချင်တဲ့တိုက်ရိုက်မေးခွန်းတွေကို “No” လို့တိုက်ရိုက်မငြင်းပဲ ပါးပါးနပ်နပ်ငြင်းဖို့ ကိုယ်မပြောချင်တဲ့အကြောင်းအရာတွေကို တစ်ဖက်လူသတိမထားမိပဲ စကားလမ်းကြောင်းလွှဲပစ်ဖို့ တို့ပဲဖြစ်တယ်။ ဘယ်လိုမျိုးလုပ်ဆောင်ရမလဲဆိုတော့ တစ်ဖက်လူမေးတဲ့မေးခွန်းကို သုံးသပ်ချက် သို့မဟုတ် ထင်မြင်ချက်ပေးပြီး သူ့မေးခွန်းနဲ့သူ့ကို ပြန်မေးပေးရုံပါပဲ။ ဒါကဘာကြောင့် အလုပ်ဖြစ်ရလဲဆိုတော့ လူတွေရဲ့မွေးရာပါသဘာ၀အရ လူတွေက သူတို့အကြောင်းသူတို့နဲ့ သူတို့ရဲ့အမြင် သူတို့ရဲ့အတွေ့အကြုံတွေကို ပြောပြရတာမျိုးကို သဘောကြကျတယ်။အဲ့ဒီတော့ကိုယ်က သူတို့ကို သင့်လျော်တဲ့လှုံ့ဆော်မှုမျိုးနဲ့ သူတို့အကြောင်းသူတို့ပြောအောင် လုပ်လိုက်ရုံပါပဲ။သူတို့အနေနဲ့ သူတို့ကိုယ်တိုင်လုပ်ထားတဲ့ကွက်လပ်တွေကို သူတို့ကိုယ်တိုင်ပဲ ဖြည့်သွားပါလိမ့်မယ်။ ကျွန်တော်ဆို သူငယ်ချင်းတစ်ယောက်က တစ်ခြားသူငယ်ချင်းတစ်ယောက်အကြောင်း အတင်းအဖျင်းလာပြောတယ်။ “ A ကတကယ်သာပေါင်းနော်။သူလိုရင်တစ်မျိုး မလိုရင်တစ်မျိုးနဲ့။သူ့ဟာကျနည်းနည်းမှအထိမခံဘူး။ ဟုတ်တယ်မလား” ဆိုတာမျိုးပေါ့။ ကျွန်တော့အနေနဲ့ အတင်းပြန်တုတ်လဲရတယ်။ဒါပေမယ့် ကျွန်တော်က အတင်းတုတ်တတ်တဲ့ Type မဟုတ်။ “မဟုတ်ပါဘူး” လို့ဖြေလိုက်လဲရတယ်။ ဒါပေမယ့် သူ့မေးခွန်းကိုက “ဟုတ်တယ်မလား” ဆိုတဲ့မေးခွန်း။ ပြောရရင်သူပြောတာကဟုတ်ကိုဟုတ်ရမယ် ဆိုတဲ့ခံယူချက်မျိုး သူ့မှာအစောကြီးထဲကရှိပြီးသား။အဲ့ဒါကြောင့် “မဟုတ်ပါဘူး” လို့ကျွန်တော်ဖြေလိုက်ရင် သူပြောတာကို လက်မခံရမလားဆိုပြီး သူကျွန်တော့အပေါ် အမြင်စောင်းသွားနိုင်တယ်။အဲ့ဒါကြောင့်မလို့ ကျွန်တော်က ဒီအောက်ကပြထားတဲ့အတိုင်းပဲ ပြန်ဖြေခဲ့လိုက်တယ်။ “ဒီလိုပါပဲကွာ။လူတိုင်းကတော့ သူ့အကျင့်စရိုက်နဲ့သူပါပဲ။မင်းကကော သူ့ကိုတကယ်အဲ့လိုမြင်တာလား” ဆိုပြီးပြန်မေးလိုက်တယ်။အဲ့တော့သူကလဲ အင်းပေါ့ ဘာညာနဲ့ သူ့ရဲ့အမြင်တွေကို ဆက်လက်ပြောပြလာခဲ့တယ်။ ကျွန်တော် သူမေးတဲ့မေးခွန်းကို “ဟုတ်တယ်” လို့မဖြေလိုက်သလို “မဟုတ်ဘူး” လို့လဲမဖြေလိုက်ပါဘူး။ သူ့မေးခွန်းရဲ့အဖြေကို သူကိုယ်တိုင် ပြန်ပေးအောင်ပဲ လုပ်လိုက်တာပါ။ ပြီးတော့ဒီလိုမျိုးမေးခွန်းတွေကို မေးတဲ့သူတွေမှာ လိုချင်တာနှစ်ခုရှိပါတယ်။ Validation နဲ့ Affirmation ဆိုတဲ့နှစ်ခုပါ။တစ်ခုမဟုတ်တစ်ခုတော့အမြဲပါပါတယ်။ Validation (အတည်ပြုခြင်း) သူ့ရဲ့မေးခွန်းအတွက် 1.တိကျတဲ့အဖြေကိုလိုချင်တာ 2.ကိုယ့်ရဲ့အဖြေကိုလိုချင်တာ ဒါမှမဟုတ် ကိုယ့်ကိုအတည်ပြုချင်တာကြောင့်ပဲ ဖြစ်တယ်။ Affirmation (ကတိသစ္စာပြုခြင်း) ကိုယ်ရေးကိုယ်တာမေးခွန်းတွေဆို Affirmation ကိုလိုချင်တဲ့မေးခွန်းတွေဖြစ်တယ်။အရှေ့ကကျွန်တော့သူငယ်ချင်းဥပမာလိုပေါ့။သူ့မေးခွန်းအတွက် အတည်ပြုချက်လိုချင်သလို တစ်ဖက်မှာလဲ ကျွန်တော့ရဲ့သစ္စာစောင့်သိမှူကို စမ်းသပ်သွားတယ်။ မေးတဲ့သူက ကိုယ်သူ့ကိုဘယ်လိုသဘောထားလဲ ဘယ်လိုမြင်လဲဆိုတာသိရဖို့ ဒီလိုမျိုးမေးခွန်းတွေကို မေးတတ်တယ်။ပြီးရင် ကိုယ့်ရဲ့အဖြေကိုကြည့်ပြီး ကိုယ့်ရဲ့စိတ်ကိုလဲ အကြမ်းဖျင်းဖတ်သွားတတ်ကြတယ်။စိတ်ထဲရှိတာဖြေလိုက်လို့မရတဲ့မေးခွန်းမျိုးတွေဖြစ်တယ်။ ‌ဒီ Conversational Redirection Technique ကလဲအခြေအနေ အချိန်အခါအရတော့ ကွဲပြားမှုတွေရှိနိုင်ပါတယ်။မေးခွန်းတိုင်းကိုဖြေရှင်းနိုင်မယ်လို့တော့မဟုတ်ပါဘူး။ဘယ်လို‌ဖြေရှင်းမလဲဆိုတာကတော့ ကိုယ့်ရဲ့တွေးခေါ်နိုင်စွမ်းအပေါ် မူတည်သွားပါပြီ။ Paid Channel စုံစမ်းရန် @pthenextgen

MLBB Diamond တွေကိုဈေးသက်သာစွာနဲ့၀ယ်ယူလိုပါက

Weekly Pass - 6400 Twilight Pass - 34000

11 - 1000 22 - 2000 56 - 4500 86 - 5500 112 - 9000 172 - 11000 နှစ်ဆ 50x (50 အပိုရ) - 3700 150x (150 အပိုရ) - 11000 250x (250 အပိုရ) - 18000 500x (500 အပိုရ) - 35000 Channel - @srgdiareseller

အရိပ်စိတ် ပုံမှန်အတိုင်း ပြောဆိုနေရင်အကောင်း မထင်မှတ်ထားတဲ့ အကြောင်းအရင်းတစ်ခုခုနဲ့ တိုက်ဆိုင်သွားတဲ့အခါ ကိုယ်သိမြင်နေကျလူက ပုံမှန်အချိုးမျိုးမဟုတ်တော့ပဲ ပြောင်းသွားသလိုလို ဖြစ်တာမျိုး ကြုံဖူးကြလိမ့်မယ်။တစ်ခုခုဖြစ်တော့ ဖြစ်သွားတယ်။ဘာဖြစ်သွားမှန်း ပြောရခက်တာမျိုး ကြုံကိုကြုံဖူးမှာပါ။ Swiss Psychiatrist (စိတ်ရောဂါကုဆရာ၀န်) Carl Jung ပြောခဲ့ဖူးတယ်။လူတိုင်းမှာ ပုံမှန်စိတ်နဲ့ အမြုံစိတ် ဆိုပြီးရှိတယ်တဲ့။ပုံမှန်စိတ်က ထိန်းချုပ်ခံချင်စိတ်ဖြစ်ပြီး အမြုံစိတ်က မြိုသိပ်ချုပ်တည်းစိတ်မျိုး ဖြစ်တယ်။လူတွေက ပုံမှန်စိတ်နဲ့နေ့စဉ် လူနေမှုဘ၀ကို ဖြတ်သန်းလေ့ရှိပြီး အမြုံစိတ်ကတော့ အကြောင်းတိုက်ဆိုင်သွားတဲ့အခါမှာဖြစ်စေ တစ်ကိုယ်တည်းလွတ်လပ်ဖြစ်တည်ခွင့်ရှိတဲ့ အချိန်အခါမျိုးဖြစ်စေ စိတ်လုံခြုံမှုမရှိတဲ့ နေရာရပ်၀န်းမှာဖြစ်စေ ပေါ်လာတတ်တဲ့ “အရိပ်စိတ်” ပဲဖြစ်တယ်။ အကာကွယ်အထပ်ထပ်နဲ့ ဖုံးကွယ်ထားတဲ့ နှလုံးသားတစ်နေရာမှာ အရိပ်စိတ်ကို လူတိုင်းလိုလို ဖွက်ထားတတ်တယ်။တော်ရုံတန်ရုံ အရိပ်စိတ်ကို ထုတ်လေ့မရှိဘူး။ခံစားချက် ပြင်းထန်တဲ့အချိန် စိတ်လုံခြုံမှု အပြည့်အ၀ရှိသွားတဲ့အချိန် စိတ်ဒဏ်ရာကို ထိုးနှက်ခံလိုက်ရတဲ့အချိန်တွေမှာ မဖော်ပဲနဲ့ပေါ်လာတတ်တယ်။အသက်ကြီးလေ ပိုဆိုးလေဖြစ်ပြီး မျက်နှာဖုံးများလေလေ အရိပ်စိတ်စိတ်များလေလေ ဖြစ်တယ်။ - လူ့သဘောလူ့မနော

"ကိုယ်" ဘယ်လောက်ပဲ အဖိုးတန်တဲ့လူတစ်ယောက်ဖြစ်နေပါစေ တန်ဖိုးသိသူနဲ့ တွေ့မှတန်ဖိုးထားခံရမှာပါ။ "ကိုယ်" ဘယ်လောက်ပဲ ပေးဆပ်ခဲ့တဲ့ လူတစ်ယောက်ဖြစ်နေပါစေ အလေးထားတဲ့သူနဲ့ တွေ့မှကိုယ့်ရဲ့ပေးဆပ်မှုဟာအရာထင်ပါလိမ့်မယ်။ "ကိုယ်" ဘယ်လောက်ပဲ ရိုးသားနေပါစေ မှန်ကန်တဲ့ လူတစ်ယောက်နဲ့ ဆုံတွေ့နိုင်မှသာ ကိုယ့်ရဲ့ ကောင်းသတင်းတွေဟာကျော်ဇောနိုင်မှာပါ ။ "ကိုယ်" ဘယ်လောက်ပဲ အလျှော့ပေးတဲ့ လူတစ်ယောက် ဖြစ်နေပါစေ ကိုယ့်အပေါ် ညှာတာထောက်ထားတဲ့ လူတစ်ယောက်နဲ့ တွေ့မှ ဒါတွေကိုသိတတ်ခံစားနိုင်မှာပါ ။ တကယ်လို့ ကောင်းမွန်တဲ့ သူတွေနဲ့ မဆုံတွေ့ခဲ့ရဘူးဆိုရင် ကိုယ့်ကိုယ်ကို ကောင်းမွန်စွာ နေထိုင်သွားဖို့.....သတိပေးနေရင် ရပါပြီ။ ဦးအောင်သင်း 

Fact နဲ့ Opinion ဘယ်လိုကွာလဲ

Fact ဆိုတာက

အချက်အလက် ဖြစ်ပါတယ်။ အမှန်တရားဖြစ်တယ် (သို့မဟုတ်) သက်သေပြနိုင်တယ်။ လေ့လာတိုင်းတာနိုင်ပြီး အတည်ပြုလို့ရတယ်။ ဘာသာရပ်၊ ယဉ်ကျေးမှုတွေနဲ့ သက်ဆိုင်မှုမရှိပဲ အမြဲမှန်ကန်တယ်။

Opinion ဆိုတာက

ထင်မြင်ယူဆချက် ဖြစ်ပါတယ်။ လူတစ်ဦးချင်းရဲ့ ခံယူချက်၊ အမြင်သာဖြစ်ပြီး သက်သေပြနိုင်ခြင်းမရှိပါဘူး။ (မှန်ကန်ကြောင်း သက်သေပြကောင်းပြန်ိုင်ကြပါတယ်။ ဒါပေမယ့် လုံး၀ကြီးမှန်ကန်နေလို့မဟုတ်ပဲ လက်သင့်ခံလို့ရလို့ လက်ခံလိုက်ရတာမျိုးပါ။) ဘာသာရပ်၊ ယဉ်ကျေးမှု၊ အတွေ့အကြုံပေါ်မူတည်လဲ ကွဲပြားနိုင်ပါတယ်။ ဥပမာအနေနဲ့ - ကမ္ဘာ့အမြင့်ဆုံးတောင်က ဧ၀ရက်တောင်ဖြစ်တယ် - ၀က်တွေကမပျံဘူး - သူကမင်းကိုမချစ်ဘူး ဆိုတာတွေက Fact တွေပါ။ - ငါကတော့ဒီလိုလုပ်ရင်ကောင်းမယ်လို့ထင်တယ် - ထိုင်းအစားအစာက မြန်မာအစားအစာထက် ပိုကောင်းတယ် - သူကငါ့ကိုချစ်လောက်မှာပါ ဆိုတာတွေက Opinion တွေပါ။ လူတွေက Opinion နဲ့ Fact ကိုမကွဲပဲ ကိုယ့်အထင်အမြင် Opinion ကို Fact အဖြစ် လက်ကိုင်ထားပြီး “ဘူး” ခံငြင်းတတ်ကြပါတယ်။

စာလုပ်တဲ့အချိန်တွေ၊ အနားယူတဲ့အချိန်တွေ၊ ကိုယ့်ရဲ့စိတ်တွေရှုပ်ထွေးလို့ စိတ်ရှင်းဖို့လိုတဲ့အချိန်တွေမှာ နားထောင်လို့ကောင်းမယ့် Music လေးတွေပါ။ ကျွန်တော်ကတော့ စာလုပ်ရင်းဖြစ်စေ၊ စာရေးရင်းဖြစ်စေ ဒါလေးတွေကိုနားထောင်လေ့ ရှိပါတယ်။ https://youtu.be/elPveMNfHCY?si=ge4EGX1NsMw4bf3s https://youtu.be/bP74lMWexeM?si=4zLBctaUxmagDnip https://youtu.be/zWi0LTbTfk0?si=AZ5nNUOXEUxK8FBx https://youtu.be/sTlzjFABmoA?si=_YZmzCQd6XI624AQ https://youtu.be/bP9gMpl1gyQ?si=tLT8-Iwb2X2xmoO3 https://youtu.be/WwtNaYrE9uk?si=Euw8RSD13Q4ItNzX https://youtu.be/Qq1eP-wqoWw?si=WdkZfplWRSp2ChSr

Adaptability ဆိုတာ မရှိမဖြစ်လိုအပ်တဲ့ Soft Skill တစ်ခုပါ ဒီနေ့ခေတ်ကမ္ဘာကြီးမှာ ဘယ်အရာမှ မှန်းဆလို့မရအောင် အပြောင်းအလဲ မြန်နေပါပြီ။ နည်းပညာ၊ အလုပ်အကိုင်၊ လူမှုပတ်ဝန်းကျင်၊ စီးပွားရေး အခြေအနေတွေက တစ်ခဏအတွင်းကို ပြောင်းလဲနေတဲ့အခါ Adaptability (လိုက်လျောညီထွေရှိမှု) ဆိုတဲ့ Soft Skill ဟာကိုယ့်ရဲ့အောင်မြင်မှုအတွက် မရှိမဖြစ် အရေးပါလာပါတယ်။

Adaptability ဆိုတာဘာလဲ?

- အခြေအနေအသစ်တွေ၊ အခက်အခဲတွေ၊ အပြောင်းအလဲတွေကို အလွယ်တကူ သင့်တင့်စွာ လိုက်လျောညီထွေစွာ ရှာဖွေ ဖြေရှင်း နေထိုင် နိုင်စွမ်းပဲ ဖြစ်ပါတယ်။ - ဒီစွမ်းရည်ရှိသူတွေဟာ ပြဿနာတွေ၊ အခြေအနေတွေကို ဖန်တီးမှုရှိစွာ၊ အေးဆေးစွာ ဖြေရှင်းနိုင်ပြီး စိန်ခေါ်မှုတွေကို အခွင့်အလမ်းအဖြစ် ပြောင်းလဲနိုင်စွမ်းရှိကြပါတယ်။

ဘာကြောင့် Adaptability ကအရေးကြီးတာလဲ?

✅ အလုပ်ခွင်မှာ – ကုမ္ပဏီတွေ၊ လုပ်ငန်းတွေဟာ ခေတ်နဲ့အညီ ပြောင်းလဲနေတဲ့အတွက် လိုက်လျောညီထွေရှိသူတွေကို ဦးစားပေးလာကြပါတယ်။ ဟိုဟာမကြိုက်ဘူး၊ ဒီဟာမကြိုက်ဘူးပဲ လုပ်နေရင် အခုခေတ်ကြီးထဲမှာ နောက်ကျကျန်ခဲ့တော့မှာပါ။ ✅ ဘဝမှာ – အခြေအနေတွေ အမြဲပြောင်းလဲနေတဲ့အတွက် Adaptability ရှိမှသာ စိတ်ဖိစီးမှုနည်းပြီး အောင်မြင်မှုရနိုင်မှာပါ။ ✅ အနာဂတ်အတွက် – AI, Automation တို့ရဲ့ခေတ်မှာ လိုက်လျောညီထွေနေနိုင်စွမ်းရှိသူတွေသာ ရှင်သန်နိုင်မယ်။

Adaptability ကိုဘယ်လိုထားရှိရမလဲ?

🔹 Mindset ပြောင်းပါ – “အပြောင်းအလဲ” ကို “ကြောက်စရာ” အဖြစ် မဟုတ်ဘဲ “အခွင့်အလမ်းအသစ်” အဖြစ်သာမြင်ပါ။ 🔹 သင်ယူမှုကို မရပ်ပါနဲ့ – နည်းပညာ၊ လုပ်ငန်းစဉ်အသစ်တွေကို လေ့လာပါ။ 🔸 Flexible ဖြစ်ပါ – Plan A မအောင်မြင်ရင် Plan B, Plan C ကို အဆင်သင့်ရှိပါစေ။ 🔺 စိန်ခေါ်မှုတွေကို ရင်ဆိုင်ပါ – Comfort Zone ထဲကနေ ထွက်ပြီး စိန်‌ခေါ်မှုတွေလုပ်ပါ။ “အပြောင်းအလဲကို မရပ်တန့်နိုင်ပေမယ့် အပြောင်းအလဲကို ဘယ်လိုရင်ဆိုင်မလဲကိုတော့ ရွေးချယ်နိုင်ပါတယ်” - ဒီနေ့ခေတ်မှာ Adaptability ဟာ Skill တစ်ခုထက် Survival Tool တစ်ခုလိုဖြစ်‌နေပါပြီ။ ကိုယ့်ရဲ့ Career နဲ့ Life မှာ ပိုမိုတိုးတက်ဖို့ဆို Adaptability ကိုသေချာလေး ထိန်းကြောင်းထားဖို့ လိုအပ်ပါတယ်။ #SharingbyPatrick

General Human Psychology လူတွေကသူတို့အတွက် တစ်ခုခုက အပြည့်အ၀ စိတ်ချနေရပြီ၊ အဆင်ပြေနေပြီ၊ ပိုင်ဆိုင်နေရပြီဆိုရင် အဲ့ဒီအရာအပေါ်မှာ ပေါ့လျော့ပြီး မေ့မေ့လျော့လျော့ ဖြစ်လာတတ်တယ်။ ဒါပေမယ့် တစ်ခါတစ်လေမှာ အဲ့ဒီတစ်ခုခုက ရုတ်တရက် မသေချာတော့ဘူးဆိုရင် ပေါ့လျော့တာတွေ၊ မေ့လျော့တာတွေ မရှိတော့ပဲ အာရုံအလွန်စိုက်မိလာတယ်။ အတွေးတွေများလာတယ်။ စိုးရိမ်ပူပန်မိလာတယ်။ ဥပမာ ကိုယ့်ရဲ့ Partner က ကိုယ့်ကိုအရမ်းချစ်ပေး၊ ဂရုစိုက်ပေးတယ်။ ဒါနဲ့ပတ်သတ်လို့ ကိုယ်ကလဲစိတ်ချတယ်၊ သိပ်ပြီးလဲမတွေးဖြစ်ဘူး။ ဘာဖြစ်လဲဆိုတော့ သူကကိုယ့်ကိုချစ်တယ် ဆိုတဲ့အခြေအနေကို ရှိရင်းစွဲအဖြစ် ထားလိုက်တာမို့ပဲ။ ဒါကြောင့်မို့ သူနဲ့ပတ်သတ်ရင် စိုးရိမ်ပူပန်တာ၊ သံသယ၀င်တာမျိုးတွေ မရှိပဲ မေ့မေ့လျော့လျော့ပဲ နေတတ်တယ်။ ဒါပေမယ့် ရုတ်တရက်ကြီးဆိုသလို ကိုယ့်ကိုအရမ်းချစ်ပေး၊ ဂရုစိုက်ပေးပါတယ်ဆိုတဲ့ Partner က ပုံမှန်မဟုတ်တော့တာ၊ အေးစက်နေတာ၊ ပြောင်းလဲလာတာ။ ဒီလိုမျိုးတွေဖြစ်လာရင် မေ့မေ့ပျောက်ပျောက်ဖြစ်ရာကနေ ချက်ချင်းဆိုသလို သူနဲ့ပတ်သတ်တဲ့အတွေးတွေက များလာတယ်။ စိုးရိမ်လာတယ်။ သံသယတွေ၀င်လာတယ်။ နေရတာတစ်မျိုးကြီး ဖြစ်လာတော့တယ်။

ဘာကြောင့် ဒီလိုဖြစ်ရတာလဲ

လူ့ဦးနှောက်က “ရှိရင်းစွဲအခြေအနေကို အလိုအလျောက် လက်ခံတတ်ပြီး ပြောင်းလဲမှုကိုသာ အာရုံစိုက်တတ်တယ်” ဥပမာ လေကောင်းလေသန့်ကို ဒီတိုင်းဆို သတိမထားမိကြပေမယ့် လေထုညစ်ညမ်းတာကို ကြုံရမှ လေကောင်းလေသန့်ရဲ့တန်ဖိုးကို သတိထားမိတာမျိုးပေါ့။ လုံခြုံစိတ်ချရတဲ့အခြေအနေ၊ မပြောင်းလဲတဲ့ဝင်ငွေ၊ ရင်းနှီးတဲ့ဆက်ဆံရေးတွေ ဒါတွေကို ပုံမှန်ဖြစ်နေကျအလေ့အကျင့်တွေ၊ အရာတွေအဖြစ် ဦးနှောက်က အလိုအလျောက်စီမံပြီး သိမ်းထားလေ့ရှိတယ်။ Habit Loop ပေါ့။ ဒီလိုမျိုးဖြစ်နေကျအရာတွေကို ပုံမှန်အရာတွေ၊ ရှိရင်းစွဲအရာတွေအဖြစ် သိမ်းဆည်းပြီး - အမြဲတမ်း အဆင်ပြေနေမယ် - ဘယ်တော့မှ မပြောင်းလဲဘူး လို့ သတ်မှတ်တတ်ကြတယ်။ ဒါတွေကြောင့်ပဲ အပြောင်းအလဲတွေ ဖြစ်လာတဲ့အခါ လက်ခံဖို့ ခက်ခဲသွားတာ။ ဒီလိုနဲ့ပဲ စိုးရိမ်ပူပန်တွေ၊ ဖိအားတွေ၊ စိတ်ဒဏ်ရာတွေ ရလာကြရတာပါ။ ဒီလိုမျိုးမဖြစ်ဖို့ဆိုရင် ကျွန်တော်တို့အနေနဲ့ ဖြစ်နေတာတွေကို ဆင်ခြင်သုံးသပ်ရပါမယ်။ တန်ဖိုးထားရပါမယ်။ ရှိနေတာတွေ၊ ဖြစ်နေတာတွေနဲ့ ပျော်အောင်နေဖို့လိုသလို အပြောင်းအလဲတွေ၊ ဖြစ်လာမှာတွေအတွက်လဲ ပြင်ဆင်ထားဖို့လိုအပ်ပါတယ်။ Manipulation Paid Channel အကြောင်း စုံစမ်းလိုပါက @pthenextgen

The Psychology Of Money📚 https://t.me/readers_club_by_p/263

Parkinson's Law လူတွေကအချိန်ရရင် ရသလောက်ကို အချိန်ဆွဲတတ်ကြတယ်။ အလုပ်တစ်ခုကို ၁ ရက်အချိန်ပေးထားရင် ၁ ရက်နဲ့ပြီးအောင် လုပ်ကြလိမ့်မယ်။ ဒါပေမယ့် အလုပ်တူတူကိုပဲ ၃ ရက် ပေးထားရင်တော့ အများစုက ၁ ရက်ထဲနဲ့ပြီးမယ့် အလုပ်ကိုတောင်မှ ၃ ရက်လုံး အချိန်ယူတတ်ကြတယ်။

ဘာကြောင့်လဲဆိုတော့

အချိန်ပိုရှိရင် အာရုံစိုက်မှု လျော့ကျတယ် - Deadline ဝေးရင်လူတွေက နှေးကွေးလာတတ်တယ်။ အလုပ်ကိုပိုရှုပ်အောင် လုပ်တတ်တယ် – အချိန်ပိုရှိရင် မလိုအပ်တဲ့ အသေးစိတ်တွေထိ လုပ်တတ်ကြတယ်။ ဖိအားနည်းရင် စွမ်းဆောင်ရည်ကျတယ် – အခုလုပ်ဖို့မလိုသေးဘူးဆိုရင် ပေါ့လျော့နေတတ်ကြတယ်။ Deadline ဝေးသေးတယ်ဆိုပြီး နည်းနည်းချင်းစီလုပ်တာ၊ ရှေ့ရက်တွေပေါ့နေပြီး နောက်ဆုံးရက်မှ အကုန်ထလုပ်တာမျိုးတွေပေါ့။ ဒီလိုမျိုး အချိန်ယူအချိန်ဆွဲတတ်တာက အကျင့်ကြီးတစ်ခုဖြစ်သွားရင် ရေရှည်မှာ ကိုယ့်ရဲ့ Productivity ကိုကျစေပြီး ပြန်ပြင်ဖို့လဲခက်တာမို့ သေချာလေးဂရုစိုက်ဖို့ လိုအပ်ပါတယ်။

Accept "No one is coming to save you" တဲ့။ "ဘယ်သူမှ လာကယ်မှာမဟုတ်ဘူး" ဆိုတဲ့ စကား နားထောင်ရတာ ကြမ်းတမ်းသလို၊ ကြားရတာ ဝမ်းနည်းစရာကောင်းတဲ့ အမှန်တရားတစ်ခုပါပဲ။ ဒါပေမယ့် ဒီအချက်ကို လက်ခံနိုင်ဖို့ဆိုတာဟာလည်း ကျွန်မတို့ဘဝရဲ့ အရေးကြီးဆုံးသင်ခန်းစာတွေထဲက တစ်ခုဖြစ်ပါတယ်။ မဖြစ်နိုင်တာတွေ၊ အံ့အားသင့်စရာကောင်းတာတွေ ဖြစ်လာဖို့ စောင့်နေမယ့်အစား ဒီအမှန်တရားကို ဘယ်လိုလက်ခံပြီး ရှေ့ဆက်ရမလဲဆိုတာကသာ လက်တွေ့ကျတဲ့ ဆုံးဖြတ်ချက်တစ်ခု ဖြစ်ပါလိမ့်မယ်။ . 🍀ကိုယ့်ကိုယ်ကိုယ် အားကိုးတတ်ဖို့ ကျွန်မတို့ အားလုံးဟာ တစ်ချိန်ချိန်မှာတော့ အကူအညီ လိုအပ်တတ်ကြပါတယ်။ ဒါပေမယ့် အမြဲတမ်း တစ်စုံတစ်ယောက်က လာပြီးကယ်တင်လိမ့်မယ်လို့ မျှော်လင့်နေမယ်ဆိုရင် ကိုယ့်ရဲ့ ရှိရင်းစွဲစွမ်းဆောင်ရည်တွေကို သတိမထားမိဘဲ ဖြစ်နေပါလိမ့်မယ်။ အခက်အခဲတွေနဲ့ ကြုံလာတဲ့အခါ ကိုယ်တိုင်ရုန်းကန်ဖြေရှင်းနိုင်စွမ်း ရှိတယ်ဆိုတာကိုလည်း ယုံကြည်ဖို့လိုပါတယ်။ ကိုယ့်ရဲ့အားသာချက်တွေ၊ စိတ်ခွန်အားတွေကို ပြန်လည်ရှာဖွေပြီး ကိုယ့်ကိုယ်ကိုယ် အားကိုးတတ်အောင် လေ့ကျင့်တာဟာ စိတ်ပိုင်းဆိုင်ရာကြံ့ခိုင်မှုကို တည်ဆောက်ပေးမယ့် အခြေခံအုတ်မြစ်တစ်ခုပါပဲ။ . 🍀စိတ်ကူးယဉ် ကမ္ဘာထဲကနေ ရုန်းထွက်ဖို့ လူအတော်များများဟာ အခက်အခဲတွေနဲ့ ရင်ဆိုင်ရတဲ့အခါ အံဖွယ်ဖြစ်ရပ်တွေလို ကယ်တင်မယ့်သူကို စောင့်မျှော်နေတတ်ကြပါတယ်။ ဥပမာ လာကယ်မယ့် သူရဲကောင်းလိုမျိုး၊ ရုတ်တရက် ပေါ်လာမယ့် ထီပေါက်ခြင်းလိုမျိုး ဒါမှမဟုတ် ကိုယ့်ပြဿနာတွေကို ဖြေရှင်းပေးမယ့် အခြားသူတစ်ဦးဦး ရောက်လာဖို့ကို စိတ်ကူးယဉ်နေတတ်ပါတယ်။ ဒါကို အပြစ်လို့ မဆိုပါဘူး။ လူဆိုရင် ဒီလိုဖြစ်တာ သဘာဝပါပဲ။ ဒါပေမယ့်လည်း လက်တွေ့ဘဝမှာတော့ ဒီလို အံ့ဖွယ်တွေဟာ ဖြစ်ခဲပါတယ်။ ကိုယ့်ရဲ့ ဘဝပြဿနာတွေကို ကိုယ်တိုင် ရင်ဆိုင်ဖြေရှင်းမှရမယ်ဆိုတဲ့ အမှန်တရားကို လက်ခံလိုက်မှသာ ရှေ့ဆက်ဖို့ ခွန်အားတွေရလာမှာပါ။ . 🍀 ရုန်းထွက်နိုင်စွမ်းကို မြှင့်တင်ဖို့ အခက်အခဲတွေကနေ ရုန်းထွက်နိုင်စွမ်း/တွန်းလှန်နိုင်စွမ်းဆိုတာ မွေးရာပါ ပါရမီတစ်ခု မဟုတ်ပါဘူး။ ဒါဟာ လေ့ကျင့်ယူလို့ရတဲ့ စွမ်းရည် (Resilience) ပါ။ စိတ်ပျက်အားငယ်မှုတွေ၊ အခါခါကျရှုံးမှုတွေနဲ့ ကြုံလာတဲ့အခါ အဲဒီထဲမှာ အချိန်အကြာကြီး နစ်မွန်းမနေဘဲ သင်ခန်းစာယူပါ။ ခေတ္တအနားယူပါ။ ပြီးရင် ပြန်ထဖို့ ကြိုးစားပါ။ ပထမဆုံးအနေနဲ့ ကိုယ့်ခံစားချက်တွေကို လက်ခံပါ။ ဝမ်းနည်းတာ၊ စိတ်ပျက်တာ၊ ကြောက်တာ စတာတွေဟာ သဘာဝပါပဲ။ ပြီးရင် အဲဒီခံစားချက်တွေကို ခဏလောက် ခံစားခွင့်ပေးပြီး ကိုယ့်ဘာသာကိုယ် ပြန်အားတင်းပါ။ . 🍀 လက်တွေ့ကျကျ ခြေလှမ်းတွေ လှမ်းပါ။ "ဘယ်သူမှ လာကယ်မှာမဟုတ်ဘူး" ဆိုတဲ့ အမှန်တရားကို လက်ခံပြီးတာနဲ့ ကိုယ့်အတွက် ကိုယ်ဘာတွေ လုပ်ပေးနိုင်မလဲဆိုတာကို စဉ်းစားပါ။ . 🍀အသေးစား ပန်းတိုင်တွေ သတ်မှတ်ပါ။ ကြီးမားများပြားလွန်းတဲ့ ပြဿနာတွေကို တစ်ပြိုင်နက်တည်း ဖြေရှင်းဖို့ မကြိုးစားပါနဲ့။ တစ်ဆင့်ချင်းစီ ဖြေရှင်းနိုင်ဖို့ အသေးစား ပန်းတိုင်လေးတွေ ချမှတ်ပြီး တစ်ဆင့်ချင်းစီ လုပ်ဆောင်ပါ။ . 🍀 သင်ယူပါ၊ တိုးတက်ပါ။ ကိုယ့်ရဲ့ စွမ်းရည်တွေကို မြှင့်တင်ပါ။ အခက်အခဲတွေကို ဘယ်လို ဖြေရှင်းရမလဲဆိုတာ လေ့လာပါ။ စာဖတ်ခြင်း၊ သင်တန်းတက်ခြင်း၊ အတွေ့အကြုံရှိသူတွေဆီက သင်ယူခြင်းဖြင့် ကိုယ့်ရဲ့ အသိပညာကို တိုးပွားအောင် လုပ်ပါ။ . 🍀ကိုယ့်ကိုယ်ကိုယ် ဂရုစိုက်ပါ။ စိတ်ပိုင်းဆိုင်ရာတင်မက ရုပ်ပိုင်းဆိုင်ရာပါ ကျန်းမာအောင် နေထိုင်ပါ။ ကောင်းစွာ အိပ်စက်ပါ၊ ကျန်းမာရေးနဲ့ညီညွတ်တဲ့ အစားအစာတွေကို စားပါ၊ ကိုယ်လက်လှုပ်ရှားမှု /လေ့ကျင့်ခန်း လုပ်ပါ။ တရားထိုင်ပါ။ ဒါတွေက စိတ်ဖိစီးမှုကို လျော့ကျစေပြီး စိတ်ခွန်အားကို တိုးစေပါတယ်။ . 🍀လိုအပ်ရင် အကူအညီတောင်းပါ။ (မှန်ကန်တဲ့သူဆီက ဖြစ်ပါစေ) စိတ်ပိုင်းဆိုင်ရာဖြစ်စေ၊ ရုပ်ပိုင်းဆိုင်ရာဖြစ်စေ ရုန်းကန်နေရချိန်မှာ အကူအညီပေးမယ့်သူရှိလာရင် လက်ခံဖို့ ဒါမှမဟုတ် အကူအညီတောင်းခံဖို့ လုံးဝ မကြောက်ပါနဲ့။ ယုံကြည်ရတဲ့ မိတ်ဆွေ၊ မိသားစုဝင် ဒါမှမဟုတ် စိတ်ကျန်းမာရေး ပညာရှင်လိုမျိုး မှန်ကန်တဲ့သူတွေဆီက အကြံဉာဏ်နဲ့ အကူအညီကိုတော့ တောင်းခံလို့ရပါတယ်။ ဒါပေမယ့် မည်သူတစ်ဦးတစ်ယောက်ကမှ ကိုယ့်ကို ကူညီဖို့ အမြဲတမ်း တာဝန်ရှိနေတာမဟုတ်ဘူး ဆိုတာကိုလည်း သတိရပါ။ သူတို့က ကိုယ့်ကို တွန်းအားပေးနိုင်/ကူညီလမ်းညွှန်ပေးနိုင်‌ပေမယ့် ကိုယ့်အတွက်က ကိုယ်တိုင် ခြေလှမ်းစလှမ်းမှ ရမှာပါ။ ဒီအမှန်တရားကို လက်ခံလိုက်တာနဲ့ တစ်ပြိုင်နက် ကျွန်မတို့ဟာ ကိုယ့်ဘဝရဲ့ပဲ့ကိုင်ရှင်က ကိုယ်တိုင်ပဲဆိုတာကို သိလာပါလိမ့်မယ်။ အံ့ဩဖွယ်တွေ ဖြစ်လာဖို့ ထိုင်စောင့်နေမယ့်အစား ကိုယ့်အတွက် ကိုယ်တိုင် အံ့ဩဖွယ်တွေကို ဖန်တီးနိုင်တဲ့ အခွင့်အရေး ရရှိအောင် ကြိုးစားကြရအောင်ပါ...။ "No one is coming to save you." သင်၏စိတ်ကလေး ကျန်းမာစေဖို့ ဒေါက်တာမီ

The Puppeteer The Puppeteer ဆိုတာက တစ်ဖက်လူရဲ့ ဆုံးဖြတ်ချက်တွေ၊ အပြုအမူတွေ၊ အတွေးအခေါ်တွေကို သွယ်ဝိုက်ပြီး လှည့်စားထိန်းချုပ်တဲ့ Manipulation Technique တစ်မျိုးဖြစ်ပါတယ်။ ဒီနည်းလမ်းကို အသုံးပြုသူဟာ “ငါကိုယ်တိုင်ကတော့ ဘာမှမဟုတ်ဘူး၊ ဒါပေမယ့် မင်းကိုငါလိုချင်တဲ့အတိုင်း လှုပ်ရှားစေနိုင်တယ်” ဆိုတဲ့ အတွေး၊ ခံယူချက်နဲ့ အခြေခံပြီး အလုပ်လုပ်ပါတယ်။ ဒီနည်းလမ်းရဲ့ အဓိကလက္ခဏာက “ငါမင်းကို ထိန်းချုပ်နေတယ်ဆိုတာ မင်းသိမှာမဟုတ်ဘူး” ဆိုတဲ့ Hidden Control ပါပဲ။

The Puppeteer ကို ဘယ်လိုအသုံးပြုသလဲ

1. “ရွေးချယ်ခွင့်” ကို လှည့်စားခြင်း (Illusion of Choice) Puppeteer တစ်ယောက်ဟာ တစ်ဖက်လူကို “ငါကမင်းကို လွတ်လွတ်လပ်လပ် ဆုံးဖြတ်ခွင့်ပေးထားတယ်” ဆိုတဲ့ ခံစားချက်ဖြစ်အောင် လုပ်ပေးပါတယ်။ တကယ်တော့ သူပေးထားတဲ့ ရွေးချယ်စရာတွေအားလုံးက သူလိုချင်တဲ့အဖြေဆီကိုပဲ ဦးတည်နေတာပါ။ ဥပမာ - “မင်းစားချင်တာ ဒီဟာလား၊ ဟိုဟာလား” (တကယ်တော့ နှစ်ခုလုံးက သူ့အတွက် အဆင်ပြေတဲ့ရွေးချယ်မှုပါပဲ) 2. သတင်းအချက်အလက် စီမံခန့်ခွဲခြင်း (Information Control) Puppeteer တွေဟာ တစ်ဖက်လူရဲ့ ဆုံးဖြတ်ချက်ချတဲ့နေရာမှာ လိုအပ်တဲ့အချက်အလက်တွေကို ဖုံးကွယ်ထားတတ်ပါတယ်။ ဒါမှမဟုတ် သူတို့လိုသလို ပြင်ဆင်ပြီး လှည့်စားတတ်ပါတယ်။ ဥပမာ - “ဒီလူနဲ့ပေါင်းရင် မင်းအတွက်မကောင်းဘူး” (တကယ်တော့ သူကိုယ်တိုင်က ဒီလူကိုမကြိုက်လို့) “ဒီအလုပ်က မင်းနဲ့မသင့်တော်ဘူး” (တကယ်က သူ့အတွက် အကျိုးမရှိလို့၊ သူမကြိုက်လို့) 3. လူအများရဲ့ ဖိအားကိုအသုံးချခြင်း (Social Pressure Manipulation) ဒီနည်းမှာ Puppeteer က " “လူအများက ဒီလိုပြောနေကြတယ်” ဆိုတဲ့ခြိမ်းခြောက်မှုမျိုးနဲ့ တစ်ဖက်လူကို သူလိုချင်တဲ့ဘက်ကို ဆွဲခေါ်တတ်ပါတယ်။ ဥပမာ - “အားလုံးက မင်းဒီလိုလုပ်နေတာကို ကြည့်ပြီးအံ့သြနေကြပြီ” “မင်းဒီလိုဆက်ပြောရင် လူတွေကမင်းကိုဘယ်လိုထင်မလဲ” 4. စိတ်ခံစားမှုကို အခြေခံသော ထိန်းချုပ်မှု (Emotional Anchoring) Puppeteer တွေဟာ တစ်ဖက်လူရဲ့ အားနည်းချက် (ဒါမှမဟုတ်) အတိတ်က အမှတ်တရတွေကို ဆွဲထုတ်ပြီး Manipulate လုပ်တတ်ပါတယ်။ ဥပမာ - “မင်းအရင်တုန်းကလည်း ဒီလိုမှားဖူးတယ်၊ အခုထပ်မှားချင်သေးလား”

ဘယ်လိုရှောင်ရမလဲ

“ရွေးချယ်ခွင့်” ဆိုတာကို သတိထားပါ။ တကယ်ကိုယ်ရွေးချယ်တာလား။ သတင်းအချက်အလက်တွေကို ပြန်စစ်ပါ။ တစ်ဖက်တည်းစကားကိုသာ မယုံပါနဲ့။ လူအများရဲ့ဖိအားကို လျစ်လျူရှုပါ။ “လူတွေဘယ်လိုပြောမလဲ” ဆိုတာထက် “ငါဘာလိုချင်လဲ” ကို ဦးစားပေးပါ။ အတိတ်ကိုအသုံးချတာကို သတိထားပါ။ “အရင်တုန်းက” ဆိုတဲ့စကားက Manipulator တွေရဲ့အကြိုက်ဆုံးလက်နက်ပါပဲ။ Manipulation နဲ့ပတ်သတ်တာတွေပဲ သီးသန့်တင်တဲ့ Paid Channel အကြောင်း စုံစမ်းလိုပါက @pthenextgen ဆီမှာ စုံစမ်းလို့ရပါတယ်။