Амирқул Пўлкан

МАШРАБНИНГ ОХИРГИ ШЕЪРИ Бу кўнгил маҳбубнинг васлига зор-эй, Қаршимда жон бер, деб турибди дор-эй! Мен озод бўлмадим озодлик истаб, Машрабга бу дунё бунчалар тор-эй! Қайғумдан қорайди тунлар, кечалар, Қиличнинг дамидир йўллар, кўчалар, Қузғундек кўзимни чўқиса, нетай, Подшоҳлар, ҳоқонлар, Офоқ хожалар... Дунёга келдиму дунё кўрмадим, Кўз ёшдин ўзга ҳеч дарё кўрмадим, Фарёдим сиғмади еру фалакка, Қуёшнинг кўзида зиё кўрмадим! Эй шеърим, ўт бўл-у оламни ёндир! Севгидан тонган ҳар одамни ёндир! Жаҳолат шоҳ бўлган ерни сув боссин, Босмаса сен ўзинг замонни ёндир! Бу кўнгил маҳбубнинг васлига зор-эй, Қаршимда жон бер, деб турибди дор-эй! Мен озод бўлмадим озодлик истаб, Машрабга бу дунё бунчалар тор-эй?! Амирқул Пўлкан Telegram | Facebook

МУҚАННАНИНГ ЎЛИМ ОЛДИДАН АЙТГАН СЎЗИ Душман қўли баланд келди, Қўлга тушдим... не ҳам дердим. Бўлди! Бари тамом бўлди, Қўлдан кетди она ерим. Мағлуб бўлмоқ хўрлик менга, Уят менга ахир, ишон, Юртим, энди оёғингга Душманларинг солгай кишан. Тириклайин кирдим гўрга, Қонлар ютдим... ўтда куйдим... Э воҳ, сени манфур ёвга Тирик туриб бериб қўйдим! Ўлмай туриб ўлдим ахир, Тирик туриб жоним бердим. Юртим, сени онам каби, Ёрим каби севган эдим! Юртим, бу кун жимсан нечун? Қулоғинг кар, кўзинг кўрми? Эркни севган эрлар учун Бундан ортиқ хўрлик борми? Армон билан ўлмоқдаман, Кундек сўниб борур қалбим... Мен қайтадан тирилгайман, Озод бўлган кунинг, халқим!.. Амирқул Пўлкан Telegram | Facebook

✅ Ishonch memarandumi ✅“Mikrokreditbank” va “Ijod Nashr”; loyihasi; ⏺️ "Chig'anoq" loyihasi doirasida 10 nafar ijodkorning kitoblarini chop qilish, "Orzular kemasi" loyihasi doirasida 1000 nusxada ertak kitob nashr qilish va "Booktrac" – ko'chma kitob do'koni loyihasini amalga oshirish yuzasidan memarandum imzolandi.

✅ Ishonch memarandumi ✅“Mikrokreditbank” va “Ijod Nashr”; loyihasi; ⏺️ "Chig'anoq" loyihasi doirasida 10 nafar ijodkorning kitoblarini chop qilish, "Orzular kemasi" loyihasi doirasida 1000 nusxada ertak kitob nashr qilish va "Booktrac" – ko'chma kitob do'koni loyihasini amalga oshirish yuzasidan memarandum imzolandi.

“Bank va Ma’rifat” forumining yopilish marosimida Oʻzbekiston Respublikasi Markaziy banki, Oʻzbekiston mahallalari uyushmasi, Alisher Navoiy nomidagi Oʻzbekiston Milliy kutubxonasi va Yoshlar ishlari agentligi hamkorligida “Mahalla kutubxonasi” loyihasining Qoʻshma qarori imzolandi. ⏺Iqtisodiyot, moliya, bank va menejment sohalaridagi eng sara adabiyotlarni oʻzbek tiliga tarjima qilishga qaratilgan “Moliyaviy bilimlar” loyihasi taqdim qilindi. ⏺Shuningdek, banklar va nashriyotlar o‘rtasida 9 ta hamkorlik memorandumi imzolandi: ✅“Xalq banki” va “Asaxiy Books”; ✅“Mikrokreditbank” va “IjodNashr”; ✅“O‘zSanoatqurilishbank” va “Mutolaa” loyihasi; ✅“Turonbank” va “Gutenberg”; ✅“Aloqabank” va "Tingla AI” loyihasi hamda “Cosmos Books”; ✅“TBC Bank” va “Asian Book House”; ✅“Oʻzbekiston Milliy banki” va “Akademnashr”; ✅“InFinBank” va “Yangi asr avlodi”; ✅“Anorbank” va “Farengeyt Press” ⏺Mazkur kelishuvlar moliya sektori va noshirlik sohasi o‘rtasidagi hamkorlikni kengaytirib, yangi tashabbuslarning amaliyotga tadbiq etilishiga zamin yaratadi. #BankvaMarifatForumi #BankvaKitob #MahallaKutubxonasi #BookandBankForum Telegram | Facebook | Instagram | Youtube | Linkedin | X

✅ Bank va Ma’rifat forumi – yangi gʻoyalar manzili 📚 Markaziy bank tashabbusi bilan boshlangan “Bank va Ma’rifat” forumi ikkinchi kunidan fotolar. ✅ Forum doirasida “Ijod Nashr” nashriyoti MKBANK, Agrobank, Sanoatqurilishbank, AVOBANK, Turonbank, Asakabank, Aloqabanklar bilan yangi loyihalar yuzasidan samarali kelishuvlar olib bordi.

✅ Bank va Ma’rifat forumi – yangi gʻoyalar manzili 📚 Markaziy bank tashabbusi bilan boshlangan “Bank va Ma’rifat” forumi ikkinchi kunidan fotolar. ✅ Forum doirasida “Ijod Nashr” nashriyoti MKBANK, Agrobank, Sanoatqurilishbank, AVOBANK, Turonbank, Asakabank, Aloqabanklar bilan yangi loyihalar yuzasidan samarali kelishuvlar olib bordi.

✅ Bank va Ma’rifat forumi – yangi gʻoyalar manzili 📚 Markaziy bank tashabbusi bilan boshlangan “Bank va Ma’rifat” forumi birinchi kunidan fotolar. ✅ Forum doirasida MKBANK va “Ijod Nashr” nashriyotining "Chig'anoq" loyihasi doirasida chop etilgan kitoblar ko'rgazmasi tashkil etildi.

ҚИЗИМ САОДАТГА Қизим, сен гоҳида сўраб қўймайсан, Айтмасам кўзингда пайдо бўлур ёш. Юлдузлар тўкилиб кетмасми дейсан, Узилиб тушмасми, дейсан шу қуёш. Мен жавоб излайман саволларингга Ҳам ҳайрон қоламан ёқамни ушлаб. Ошкора бирор гап айтмайман сенга, Хаёлга ботаман лабимни тишлаб. Қизим, сен гоҳида сўраб қўймайсан, Айтмасам, отангдан кўнглинг қолади. Дунёнинг устуни қаерда дейсан, Дейсан: уруш бўлса нима бўлади? Мен жавоб излайман саволларингга, Бу хаста юрагим баттарроқ урар, Мен бирор аниқ гап айтмайман сенга, Нимадир айтмоққа халақит берар. Қизим, сен гоҳида сўраб қўймайсан, Дегандек: отажон, қулоғингни бер! Бахтинг тимсолини тинмай сўрайсан, Сўрайсан: боқийми, абадийми ер? Мен жавоб излайман саволларингга, Мен сенинг тақдиринг ўйлайман кўпроқ. Дунёмиз абадий тинч бўлур, дейман Ва ўзим ташвишга тушаман бироқ. Аммо сен қўрқмагин, ахир мен борман, Юртинг бор, кўзингдан оқизмагай ёш. Юлдузлар ҳеч қачон тўкилиб кетмас, Ҳеч қачон узилиб тушмайди қуёш! Амирқул Пўлкан Telegram | Facebook

НОМАЪЛУМ ЖАНГЧИГА Кимлигингни аниқ билмайман, Айтолмайман, дўстим, исмингни. Мардлигингга шубҳа қилмайман, Зотан, тупроқ олмиш жисмингни. Қорамиди кўзинг? Кўкмиди? Текканмиди бўсага лабинг? Ўртоқларинг – дўстинг кўпмиди, Кўп эдими юракда гапинг? Йигирмада эдими ёшинг, Е ўттизга киргандинг, ўғлон? Сен тупроққа қўймасдинг бошинг, Бўлмаганда уруш бегумон! Тийра қилди кўксингни ўқлар, Сен абадий бош қўйдинг ерга. Қайтолмади юртига кўплар, Қолиб энди сен билан бирга. Улар сен-ла биргадир ҳамон, Бири – тенгдош, бириси – оға. Эр қисмати шунақа экан, Ҳаммангизга дунё садақа!.. Ўчмас, йиллар кетса-да ўтиб, Уруш қалбга солган у доғлар. Ўққа сендек кўксини тутиб, Қулаб кетди қанча зўр тоғлар! Бу кун сенга тенгдошман мен ҳам, Сен бош қўйган тупроқ – Ватаним. Ҳамон сени ёд этар олам, Ҳамон сендан қўрқади ғаним. Маконингда тинч ётгил, ўртоқ, Руҳинг туташ бўлсин ҳар жонга. Мен қабрингдан бир қисм тупроқ Олиб қайтай Ўзбекистонга. Бахтли бўлар сени ёд этган, Ёшлар бўлар сендек устувор. Чунки, юрт деб жон фидо этган Жангчини ҳеч унутмас диёр! Бу кун юртда толе шукуҳи, Мардлар руҳи эмасдир рўё... То яшаркан жангчининг руҳи, Аминманки, тинч бўлгай дунё! Амирқул Пўлкан Telegram | Facebook

УСТА ПИРМАТ Ўнгирларда – ястанган қишлоқ, Ўркач-ўркач – тоғлар ораси. Уста Пирмат ишдан қайтар чоғ Қуюқлашар туннинг қораси. У эшикдан кирар суюниб, Она кўнгли нурли бир олам. Қаршилайди ўғлин куюниб: “Нега бунча кеч қолдинг, болам?” “Иш кўпайиб кетди, онажон” – Юпатмоққа тиришар уста. Сўнг кампирга боқиб меҳрибон, Неларнидир олади эсга. Она – ўғли чой ичиб бўлиб, Йиғиб олар экан дастурхон, Бўйдоқлигин юзига солиб, Тўй ҳақида куйдиради жон. “Қумри бир қиз бўлибди, ҳай-ҳай, Бир кўрсайдинг қоши, кўзини!.. Кечиктирма, болам, ҳар қалай Кўп ичганман юртнинг тузини...”. Она қизни мақтайди роса, Йигит эса қолар ўйланиб. Гар устанинг ўзига қолса Қўярди-я, дарҳол уйланиб. Аммо Қумри оёқни тираб, Кеч кузгача тилайди тоқат. У ҳам қизнинг раъйига қараб, Бир уҳ тортиб қўяди фақат. Барисини билади она, Иккисига бахт тилар ҳар он. Ўтган кунга шукр этиб, яна Хаёлларга берилар чунон. Тонг олдидан мизғир бир нафас, Ширин тушлар кўради ўғли. У билади, ўчириб бўлмас, Икки қалбга ишқ солган чўғни. ...Хаёлига эрк берар уста, Оқартирар тунни шу кўйи. У барини олади эсга, Қизни ўйлаб чиқар тун бўйи. Тонг отади нурдан сеп ёйиб, Уфқ ранг олиб икки бетидан. Уста севган қиздек жилмайиб, Қуёш чиқар тоғлар кетидан. Ўнгирларда ястанар қишлоқ, Еллар куйлар сўлим бир баёт. Уста Пирмат ишга жўнар чоғ Тоғда яна бошланар ҳаёт. Амирқул Пўлкан 👉 https://t.me/amirqulpulkan 👈

КЎКЛАМ Оқ каптарлар қанот қоқар ҳавода, Еру осмон тўлиб кетар навога, Алвон гуллар лаб тутади сабога: Бу – кўкламдир, бу кўкламдир, бу кўклам. Қуёш келар замин билан юзма-юз, Қори кетган сўқмоқларга тушар из, Қизғалдоқлар ёғдуларга чаяр юз: Бу – кўкламдир, бу кўкламдир, бу кўклам. Довуччанинг кўк рангида тиниқлик, Чолбоболар чеҳрасида илиқлик Келинлар шўх, қизлар минг бир қилиқлик: Бу – кўкламдир, бу кўкламдир, бу кўклам. Деҳқон чиқар даласига қад кериб, Чигит ташлаб сур булутга чап бериб, Шоир борар ундан-мундан гап бериб: Бу – кўкламдир, бу кўкламдир, бу кўклам. Амирқул Пўлкан 👉 https://t.me/amirqulpulkan 👈

УММОНДАН НАРИДА Минг йилдирки, қайнайди Сиёсатнинг бозори. Тиғдан ҳам ёмон эрур Қалбга унинг озори. О, дўстлар, хориждадир, Сафсатанинг гузари. Маддоҳликда нотиқлар Ўйнашар ким ўзари, Маддоҳлар шундоқ яшар Чўнг уммондан нарида! Бир штатки, чеки йўқ, Америка кенг эрур. Оддий одамнинг қадри Қаро ерга тенг эрур, Ҳамиша ҳоли хароб, Хўжайини тўнг эрур. Қўлда – қонун тизгини Чунки, иши ўнг эрур. Қонун шунақа яшар Чўнг уммондан нарида! Ер юзи билар бугун Чили жароҳатини, Хунта бузмиш қайтадан Элнинг фароғатини, Пиночет истар эмиш. Ўтмиш “хурофотини”, Қувватлар Америка Унинг “кароматини”. Бизнесмен шундоқ яшар Чўнг уммондан нарида! Мундир кийган жуҳуднинг Қон томади баридан. Сафсата ҳеч аримас Буйруққа шай лабидан. Кўзларини узмайди “Даромад” дафтаридан, “Оғалари” ғижинар Жаҳон одамларидан, Шундоқ яшар генераллар Чўнг уммондан нарида! Йўқсилни кутиб турар, Ҳар гўшада қабоҳат, Асло тутқич бермайди Доллар деган фалокат, Заводчи бир афсунгар Капитал ҳам бир офат, Гар ҳайдаса заводдан Бориб турган қабоҳат, Қабоҳат шундоқ яшар Чўнг уммондан нарида! 1969 Амирқул Пўлкан 👉 https://t.me/amirqulpulkan 👈

МАҚСАД Йигитлар жанг пайти ўққа учганда, Ботирлар юрт учун берганида жон. Одамзод илк бора ойга учганда, Мен мақсад шаънига келтирдим имон. Одамлар ҳаётда ўтаркан бурчин, Эришмоқ истаркан собит бўлмоққа. Мақсад керак экан яшамоқ учун, Мақсад керак экан ҳатто ўлмоққа! Мен унинг ортидан югурдим йиллаб, Гоҳида оёғим тойилди тошга. Аллаким панд берди тушсин деб қулаб, Бировлар оғамдек кўтарди бошга. Гарчи мен юлдузни кўзлаганим йўқ, Ҳавойи ишқни ҳам қилмадим одат. Ё Ҳумо қушини излаганим йўқ, Мақсадим кетидан интилдим фақат. Билмадим, қанчалик эришдим унга, Билмадим, қанчалик сўзимда турдим. Шукр этдим ташвишли ўтган ҳар кунга, Мақсадим уфқида толени кўрдим. Оҳ уриб ётмадим фурсатни кутиб, Қўрқмадим келгай деб бевақт заволим. Гоҳида деҳқоннинг қўлидан тутиб, Эгатдан сув бўлиб оқди хаёлим. Миришкор халқимни севдим ҳар қачон, Бошига ғам тушса ғам чекдим минг бор. Мен учун юртимдек азиздир жаҳон, Мен уни куйларман беҳудуд, бисёр. Шу боис ўйимнинг йўқ эрур кети, Бул сабаб бўлолмам андак бепарво: Кетмасин уйлардан ҳеч вақт нон ҳиди, Инсонга ҳамиша бахт бўлсин раво. Матлабим, заҳматинг чекдим кўп ғоят, Мақсадим, мен учун ўзинг бўл даҳо! Сен бўлсанг мангуга боқийдир ҳаёт, Сен бўлсанг менга ҳам йўқдир интиҳо! 1975 Амирқул Пўлкан 👉 https://t.me/amirqulpulkan 👈

МЕН СЕНИ СЕВАМАН Мен сени севаман, Олис фазони, Ёрқин юлдузларни куйлайман ёниб. Денгизга лаб тутган улкан дарёнинг Ҳаётбахш сувидан ичгайман қониб. Мен сени севаман, Куйлаб, мадҳ этиб, Сўйларман бу дунё одамларига. Гуллар унаверар, Бахт кўкаради Сўнгсиз пахтазорнинг этакларида. Мен сени севаман, Юксак тоғлардан Шошилган шоввадек билмайман тиним. Сенга талпинаман бутун умр бўйи, Боболар Ватани, Ўзбекистоним!.. 1976

ХУЛОСА Тулки дерлар одамни баъзан, Тулкининг-ку, зоти шунақа. Лекин дўстлар ростини айтсам, Балиқ одам бўлар қанақа? Кимдир борар балиқдай силлиқ, Турар доим ишнинг бошида. Кимдир шундай тулкилик қилиб, Тиз чўкади унинг қошида. Ўшани ҳам эплолмас кўплар, Қил кўприкдан ўтадигандай. Ҳеч кимсага бош урмас улар, Бир нимаси кетадигандай. Улар шунча соддаки, ҳатто Оқни оқ дер, қорани – қора. Яшамоқнинг йўлини топмай, Бир умрга бўлар овора. Агар менинг ўзимга қолса, Сўздан бундоқ қилмасдим ўйин. Ва ҳаётдан чиқди хулоса, Демак, “думинг” бўлмаса қийин. Эзгуликнинг уруғин бесўз, Ҳаёт ўзи солар дилингга. Осмондаги ҳар қандай юлдуз, Бодроқ бўлиб тушар қўлингга. У шунақа бетимсол очун, Ҳар мушкулинг бир зумда кўчар Ва бировни парча нон учун Орқасидан урмайди ханжар. Бош эгаман шундайин – бот-бот Тушни раво кўрган тунимга. Яшагандай бўламан, фақат Болаликка қайтган кунимда. 1982 Амирқул Пўлкан 👉 https://t.me/amirqulpulkan 👈

ТАҚДИР ЭКАН-ДА Келажакка ким қарамас тикилиб, Ким хаёлга берилмайди ҳар замон. Мен ҳам гоҳи ёлғизликдан сиқилиб, Туғилмаган ўғлимга хат ёзаман. Бир дилгир ишқ билан илтижо этдинг, Севги ҳам, меҳр ҳам уйғотдинг менда. Ногаҳон ўзингни кўксимга отдинг, Секин шивирладинг: “Тақдир экан-да”. Абадий “висол”ни кўп кўрди фалак, Абадий бўлмадим энг бахтли онда. Сен кетдинг нурлардан яралган малак, Мен ҳам шивирладим: “Тақдир экан-да”. 1969 Амирқул Пўлкан 👉 https://t.me/amirqulpulkan 👈