Abduqahhorova ☕️

​​Siz ham men kulgan joyda kulib, men yig‘lagan joyda yig‘larmikinsiz? Meni hayron qoldirgan ilk kitob bu "Dor ostidagi odam". Sababi, bu kitob boshqa kitoblar kabi turli mamlakatlarda kezgan sayohatchi, yoki uzoq yillar yashagan ko'pni ko'rganlar haqida emasdi. Kitob qahramonlari bor yo'g'i 5-6 soat mobaynida bir xonadan chiqmay ko'pgina voqealarni sizga yoritib bergan. O'sha soatlarda o'limga hukm qilingan mahbus ozod etilib, ozod bo'lishi kerak bo'lgani o'lim topadi. Ilk bor bu kitobni o'qib tugatganimda yozuvchi aytgan bu gaplar meni e'tiborimni o'ziga tortgan edi: "Yillar davomida o‘nlab marta, qayta-qayta bosildi. Yurtimizda, G'arbda, ayrim musulmon mamlakatlarda bu asar asosida spektakllar sahnalashtirildi. Endi bir narsani bilgim kelyapti: kitobni qo‘lingizga olib o‘qishni boshladingiz. Siz ham men kulgan joyda kulib, men yig‘lagan joyda yig‘larmikinsiz?..." Bu kitob menga shunchalik yoqib qolgan ediki, men uni qayta-qayta o'qiganman. Bunga urg'u berayotganim sababi. Shu vaqtgacha o'qib tugatgan kitoblarimni yana qaytadan varroqlamaganman. Doim o'zim bilan "qo'shimcha" kitob sifatida olib yurganim bois kimdur maslahat so'raganida ham sovg'a sifatida ham hadya etganman. Men tanigan kitobsevar va kitob o'qishni hushlamaydiganlar ham bu kitobni o'qib tugatishgan. Men bu kitobni siz ham o'qishingizni chin ko'ngildan istayman. Kitob: "Dor ostidagi odam" Muallif: "Amina Shenliko'g'li" Yoqimli kitob kayfiyatingiz ustuni!