រដ្ឋបាលខេត្តកំពង់ចាម

ប្រជាពលរដ្ឋខេត្តកំពង់ចាម យ៉ាងច្រើនកុះករ ចេញដើរលេងកំសាន្ត អបអរសាទរ "ពន្លឺនៃសន្តិភាព" (កំពង់ចាម) ថ្ងៃទី២៧ ខែធ្នូ ឆ្នាំ២០២៥ នេះ គឺប្រជាថ្ងៃប្រវត្តិសាស្ត្រ នៃប្រទេសទាំងពីរ កម្ពុជា-ថៃ ដែលបានឯកភាពគ្នាឈានទៅរកបទឈប់បាញ់ជាស្ថាពរ គិតត្រឹមម៉ោង១២ ថ្ងៃត្រង់នេះ ដែលធ្វើធ្វើឲ្យស្ថានការណ៍នៅតាមបន្ទាត់ព្រំដែនកម្ពុជា-ថៃ មានភាពស្ងប់ស្ងាត់ជាធម្មតាវិញ។ ជាមួយអំណរសាទរ នៃកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា និងវីរកងទ័ពយើង ដែលបានឃើញពន្លឺនៃសន្តិភាពឡើងវិញ យើងឃើញថា មានបងប្អូនប្រជាពលរដ្ឋគ្រប់ស្រទាប់វណ្ណៈ បានប្រែទឹកមុខពីស្រពាប់ស្រពោន មកជារីករាយ សើចសប្បាយជាមួយក្រុមគ្រួសារ មិត្តភក្តិ បងប្អូន និងមានដំណើរកំសាន្ត ប្រកបដោយសុខសុវត្ថិភាព និងសុភមង្គល។ ជាក់ស្តែង នៅរសៀលថ្ងៃសៅរ៍ទី២៧ ខែធ្នូ នេះ នៅក្នុងក្រុងកំពង់ចាម ក៏ឃើញមានមនុស្សមកម្នា មកលេងកំសាន្តយ៉ាងច្រើនកុះករ ហើយបងប្អូនប្រជាពលរដ្ឋបានសម្តែងស្វាគមន៍យ៉ាងកក់ក្តៅចំពោះវត្តមាន ឯកឧត្តម អ៊ុន ចាន់ដា អភិបាលខេត្តកំពង់ចាម ខណៈ ឯកឧត្តម ដឹកនាំក្រុមការងារ អញ្ជើញចុះពិនិត្យវឌ្ឍនភាពការងារ កែលម្អសួនច្បារ ការបំពាក់ប្រព័ន្ធបាញ់ទឹក និងអំពូលភ្លើងបំភ្លឺពេលរាត្រី។ ឯកឧត្តម អ៊ុន ចាន់ដា អភិបាលខេត្តកំពង់ចាម បានឆ្លៀតជួបសំណេះសំណាលជាមួយបងប្អូនប្រជាពលរដ្ឋ ប្រកបដោយភាពស្និទ្ធស្នាល និងកក់ក្តៅ។ នាឱកាសនោះ ឯកឧត្តម អភិបាលខេត្ត បានលើកឡើងថា ការឈានទៅបញ្ចប់សង្គ្រាមដោយសន្តិវិធីនៅថ្ងៃនេះ គគឺក្រោមគំនិតផ្តួចផ្តេីមដ៏ខ្ពង់ខ្ពស់ និងវិធីសាស្រ្តដ៏ស័ក្តិសិទ្ធិរបស់សម្តេចតេជោ-ធិបតី​ ប្រមុខដឹកនាំនៃកម្ពុជា​យេីង​ ដែលនាំមកនូវសន្តិភាព​ និងការអភិវឌ្ឍយូរអង្វែង។ ឯកឧត្តម អភិបាលខេត្ត សូមគោរពដឹងគុណនិងថ្លែងអំណរអរគុណ​ សម្តេច​ប្រមុខដឹកនាំដ៏ឆ្នេីមរបស់កម្ពុជា​ ព្រមទាំងថ្នាក់ដឹកនាំក្រសួង​ ស្ថាប័ន​ វីរកងទ័ព​ វីរកងនគរបាលជាតិ​ និងពុកម៉ែបងប្អូន​ សប្បុរសជនទាំងអស់​ ដែលបានលះបង់នូវកម្លាំងកាយចិត្ត​ ធនធាន​ ពេលវេលា​គ្រប់យ៉ាងដែលនាំមកនូវកម្លាំងមហាសាមគ្គីជាតិ​ នាំឲ្យខ្មែរយេីងឆ្លងផុតនូវការលំបាកមួយនេះ៕

ឯកឧត្តម អ៊ុន ចាន់ដា ណែនាំដល់គណបក្សក្រុង -ស្រុក សូមបន្តយកចិត្តទុកដាក់ចែកស្បៀងឧបត្ថម្ភបន្ទាន់ដល់ប្រជាជនភៀសសឹក និងគ្រួសារវីរកងទ័ព អោយបានល្អប្រសើរ ស្របតាមទិសស្លោក "ប្រជាជនភៀសសឹកមកដល់ទីណា ស្បៀងត្រូវតែទៅដល់ទីនោះ"

អភិបាលខេត្តកំពង់ចាម សូមថ្លែងអំណរគុណដល់ ឯកឧត្តម គីម វីរៈ បាននាំយកអាវរងាចំនួន ៥០ដុំ ផ្តល់ជូនរដ្ឋបាលខេត្ត ដើម្បីចែកជូនដល់ វីរៈកងទ័ព និងជនភៀសសឹក

យើងទាំងអស់គ្នាជឿទុកចិត្តលើរាជរដ្ឋាភិបាលកម្ពុជា ជាជម្រើសដើម្បីរក្សាសន្តិភាព និងស្ថិរភាពជាតិ ____ 🌐 គេហទំព័រ ក្រសួងការពារជាតិ 🌐 ក្រសួងការពារជាតិ 🌐 TEA Seiha/ទៀ សីហា 🌐 X(Twitter): ក្រសួងការពារជាតិ 🌐 YouTube: ក្រសួងការពារជាតិ 🌐 Tiktok: ក្រសួងការពារជាតិ