រដ្ឋបាលខេត្តកំពង់ចាម

សិស្សនិទ្ទេស Aចំនួន ២៦នាក់នៅក្រុងកំពង់ចាម ទទួលបានរង្វាន់លើកទឹកចិត្ត និង អាហារូបករណ៍សិក្សាចំនួន០៦កន្លែង ពីអភិបាលខេត្ត

អភិបាលខេត្តកំពង់ចាម អញ្ជើញចុះពិនិត្យស្ថានភាពទឹកជំនន់ទន្លេមេគង្គ ដែលបន្តហក់ឡើងខ្ពស់ ជិតដល់កម្រិតត្រូវប្រុងប្រយ័ត្ន

មន្ទីរពាណិជ្ជកម្មខេត្តកំពង់ចាម ត្រៀមរៀបចំស្ដង់ចំនួន១៧ សម្រាប់ដាក់តាំងពិព័រណ៍ ក្នុងព្រឹត្តិការណ៍ (ដើរដើម្បីសន្តិភាព) នៅថ្ងៃទី០៥ ខែតុលា ឆ្នាំ២០២៥ ខាងមុខនេះ!

នាព្រឹកថ្ងៃទី២ ខែតុលា ឆ្នាំ២០២៥ ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជាទទួលបន្ទុកអគ្គនាយកកំពង់ស្វ័យតក្រុងព្រះសីហនុ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្រីសន្ធរ អញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំត្រីមាសទី៣ ឆ្នាំ២០២៥ និងលើកទិសដៅអនុវត្តបន្ត របស់ក្រុមការងាររាជរដ្ឋាភិបាលចុះមូលដ្ឋានស្រុកស្រីសន្ធរ នៅសាលប្រជុំរដ្ឋបាលស្រុកស្រីសន្ធរ។

អភិបាលខេត្តកំពង់ចាម នាំយកអំណោយសង្គ្រោះបន្ទាន់ចែកជូនពលរដ្ឋ ២៣គ្រួសារ រងផលប៉ះពាល់ដោយគ្រោះទឹកជំនន់ ក្នុងឃុំទួលព្រះឃ្លាំង ស្រុកស្ទឹងត្រង់ (កំពង់ចាម): ឯកឧត្តម អ៊ុន ចាន់ដា អភិបាលខេត្តកំពង់ចាម អមដំណើរដោយមន្ត្រីពាក់ព័ន្ធ និងអាជ្ញាធរ មូលដ្ឋាន នាព្រឹកថ្ងៃទី២ ខែតុលា ឆ្នាំ២០២៥នេះ បានអញ្ជើញចុះសួរសុខទុក្ខ និងនាំអំណោយ សង្គ្រោះបន្ទាន់ចែកជូនប្រជាពលរដ្ឋ ចំនួន ២៣គ្រួសារ ដែលរងផលប៉ះពាល់ដោយសារគ្រោះ ទឹកជំនន់ ហើយជំលៀសទៅកាន់ទីទួលសុវត្ថិភាព នៅភូមិវត្ត ឃុំទូលព្រះឃ្លាំង ស្រុកស្ទឹងត្រង់ ។ ក្នុងនាមប្រធានគណៈកម្មាធិការគ្រប់គ្រងគ្រោះមហន្តរាយខេត្តកំពង់ចាម ឯកឧត្តម អ៊ុន ចាន់ដា បាន អំពាវនាវដល់បងប្អូនប្រជាពលរដ្ឋ ដែលកំពង់រងគ្រោះដោយទឹកជំនន់ និងបានជម្លៀសមកកាន់ ទីទួលសុវត្ថិភាព ឱ្យមានការប្រុងប្រយ័ត្នខ្ពស់ ទាំងសុវត្ថិភាព សុខភាព និងការរក្សាអនាម័យ ជាពិសេស កុំបណ្តែតបណ្តោយឱ្យកូនៗ ឬក្មេងតូចៗលេងទឹក នៅតាមតំបន់ប្រឈមគ្រោះថ្នាក់ ។ ជាមួយគ្នានោះឯកឧត្តមអភិបាលខេត្ត ក៏បានណែនាំដល់អាជ្ញាធរមូលដ្ឋាន ត្រូវបន្តការយកចិត្តទុកដាក់ ចំពោះសុវត្ថិភាពប្រជាពលរដ្ឋ ទាំងតាមខ្នងផ្ទះ ដែលទទួលទឹកជំនន់ និងទាំងប្រជាពលរដ្ឋ ដែលបានជម្លៀសទៅកាន់ទីទួលសុវត្ថិភាព ក្រៅពីនោះអាជ្ញាធរពាក់ព័ន្ធ ក៏ត្រូវបន្តតាមដាន សភាពការណ៍ និងស្ថានភាពទឹកជាប្រចាំ ដើម្បីបន្តជួយអន្តរាគមន៍ ទាន់ពេលវេលា ។ ឯកឧត្តម អ៊ុន ចាន់ដា អភិបាលខេត្តកំពង់ចាម បានសង្កត់ធ្ងន់ថា ក្នុងករណីបើមានជំងឺដង្កាត់ផ្សេងៗ ឬមានសត្វអសិរពិសចឹក សូមបញ្ជូនជនរងគ្រោះជាបន្ទាន់ទៅកាន់មន្ទីរពេទ្យបង្អែក មណ្ឌលសុខភាព ឬប៉ុស្តិ៍សុខភាពដែលនៅជិតបំផុត ដែលមានក្រុមគ្រូពេទ្យ និងឱសថគ្រប់គ្រាន់ សម្រាប់ធ្វើការព្យាបាលភ្លាមៗ មិនត្រូវទុកឱ្យមានគ្រោះថ្នាក់ដល់អាយុជីវិតនោះឡើយ ។ គួរបញ្ជាក់ថា យកអំណោយសង្គ្រោះបន្ទាន់ ដែលត្រូវចែកជូនពលរដ្ឋទាំង ២៣គ្រួសារ ដោយក្នុង ១គ្រួសារៗ ទទួលបាន អង្ករចំនួន ២៥គ.ក្រ ទឹកស៊ីវ ១យូរ ទឹកត្រី ១យូរ អំបិល ១កញ្ចប់ មុង ១ ភួយ ១ កន្ទេល ១ និងថវិកាចំនួន៥ម៉ឺនរៀលផងដែរ ៕

សាលាខេត្តកំពង់ចាម ៖ នាព្រឹកថ្ងៃទី២ ខែតុលា ឆ្នាំ២០២៥ នេះ ឯកឧត្តម ខ្លូត ចិន្តា អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណ:អភិបាលខេត្តកំពង់ចាម បានអញ្ជើញជាអធិបតី ក្នុងពិធីផ្សព្វផ្សាយ និងស្វែងរកការងារជូនពលករដែលវិលត្រឡប់មកពីប្រទេសថៃ និងបណ្តុះបណ្តាលវិជ្ជាជីវ: បានរៀបចំផែនការ និងបង្កើនការផ្សព្វផ្សាយ ពីតម្រូវការ ការងារ ឱ្យបានទូលំទូលាយ ដល់រដ្ឋបាលក្រុង-ស្រុក ឃុំ-សង្កាត់ និងគោលដៅផ្សេងៗទៀតដែលជាផលប្រយោជន៍ ដល់ពលករដែលវិលត្រឡប់មកពីប្រទេសថៃ តាមរយ:QR Code ឬHotline1297 របស់ក្រសួងការងារ និងបណ្តុះបណ្តាលវិជ្ជាជីវ: និងធ្វើការសម្របសម្រួលជាមួយម្ចាស់រោងចក្រ សហគ្រាស ឱ្យជួយបណ្តុះបណ្តាលជំនាញដល់ពលករ និងធ្វើតេស្តទទួលយកពលករចូលធ្វើការងារតាមជំនាញនីមួយៗ ។

នៅថ្ងៃទី០២ ខែតុលា ឆ្នាំ២០២៥ នេះ ឯកឧត្តម ខ្លូត ចិន្តា អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណ:អភិបាលខេត្តកំពង់ចាម បានអញ្ជើញជាអធិបតី ក្នុងពិធីផ្សព្វផ្សាយ និងស្វែងរកការងារជូនពលករដែលវិលត្រឡប់មកពីប្រទេសថៃ ដោយមានសមាសភាពចូលរួមចំនួន២៤៦នាក់ ស្រី២៣នាក់ ក្នុងនោះ មន្ទីរការងារ និងបណ្តុះបណ្តាលវិជ្ជាជីវ: បានរៀបចំផែនការ និងបង្កើនការផ្សព្វផ្សាយ ពីតម្រូវការ ការងារ ឲ្យបានទូលំទូលាយ ដល់រដ្ឋបាលក្រុង-ស្រុក ឃុំ-សង្កាត់ និងគោលដៅផ្សេងៗទៀតដែលជាផលប្រយោជន៍ ដល់ពលករដែលវិលត្រឡប់មកពីប្រទេសថៃ តាមរយ:QR Code ឬHotline1297 របស់ក្រសួងការងារ និងបណ្តុះបណ្តាលវិជ្ជាជីវ: និងធ្វើការសម្របសម្រួលជាមួយម្ចាស់រោងចក្រ សហគ្រាស ឲ្យជួយបណ្តុះបណ្តាលជំនាញដល់ពលករ និងធ្វើតេស្តទទួលយកពលករឲ្យចូលធ្វើការងារតាមជំនាញនីមួយៗ ។

អភិបាលខេត្តកំពង់ចាម អញ្ជើញចុះពិនិត្យស្ថានភាពទឹកជំនន់ទន្លេមេគង្គ ដែលបន្តហក់ឡើងខ្ពស់ ជិតដល់កម្រិតត្រូវប្រុងប្រយ័ត្ន (កំពង់ចាម): ដោយសារព្រះរាជាណាចក្រកម្ពុជា បានទទួលរងពីសម្ពាធទាបកើតនៅសមុទ្រចិនខាងត្បូង មានឥទ្ធិពលខ្លាំងលើរបបខ្យល់មូសុងនារតី បណ្ដាលឲ្យមានភ្លៀងធ្លាក់ខ្លាំងនៅប៉ែកឦសាននៃប្រទេសកម្ពុជា ជាហេតុបណ្ដាលឲ្យទឹកទន្លេមេគង្គ បន្តហក់ឡើងយ៉ាងគំហ៊ុក គួរឲ្យព្រួយបារម្ភ។ ជាវិធានការ ក្នុងបង្ការទប់ស្កាត់ ពីផលប៉ះពាល់ដោយសារទឹកជំនន់ មកលើភូមិឋាន ស្រែចំការរបស់បងប្អូនប្រជាពលរដ្ឋ ស្ថិតនៅតាមបណ្ដោយមាត់ទន្លេមេគង្គ ខេត្តកំពង់ចាម នៅព្រឹកថ្ងៃទី២ ខែតុលា ឆ្នាំ២០២៥ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារខេត្ត មន្ទីរអង្គភាពជំនាញ និងមន្ត្រីពាក់ព័ន្ធ អញ្ជើញ ចុះពិនិត្យស្ថានភាពទឹកជំនន់ទន្លេមេគង្គ និងជំនន់ទឹកភ្លៀង ស្ថិតនៅតាមបណ្តោយមាត់ទន្លេ ក្នុងក្រុងកំពង់ចាម ដើម្បីសិក្សាលិទ្ធភាព ក្នុងកាតអន្តរាគមន៍ បង្ការ ទប់ស្កាត់ កុំឲ្យមានហានិភ័យកើតឡើងជាយថាហេតុ។ គួររលឹកថា នៅព្រឹកព្រលឹមស្រាងៗ​ ក្រុងកំពង់ចាម​ និងស្រុកដទៃ ក្នុងភូមិសាស្ត្រខេត្ត បានទទួលឥទ្ធិពលពីភ្លៀងមួយមេធំ បណ្តាលឲ្យកើតមានជាជំនន់ទឹកភ្លៀង ប៉ុន្តែក្រោយពេលរងភ្លៀងមួយស្របក់ ស្ថានភាពជំនន់ទឹកភ្លៀង ក៏ប្រែជាធម្មតាវិញ។ ឯកឧត្តម អភិបាលខេត្ត ក៏ទទូចស្នើដល់ពុកម៉ែ​ បងប្អូនដែលរស់នៅតាមដងទន្លេ​ ស្ទឹង​ បឹង​ ព្រែក​ សូមបង្កេីនការប្រុងប្រយ័ត្ន​ខ្ពស់ ដែលត្រូវមេីលថែកូនចៅ​ ក្មេងតូចៗកុំអោយលេងទឹក​ និងសូមទាក់ទាងមកអាជ្ញាធរ​ ឫសមត្ថកិច្ចក្នុងករណីត្រូវការអន្តរាគមន៍។ គួរបញ្ជាក់ថា គិតត្រឹមថ្ងៃទី ២ ខែតុលា ឆ្នាំ២០២៥ នេះ ទឹកទន្លេមេគង្គមានកំពស់ 14:40m ដោយកម្រិត​ទឹកត្រូវប្រុងប្រយ័ត្ន​ 15:20m ។ ទឹកលូនចូលព្រែកបានចំនួន41/41ព្រែក រួមមាន: 1-ស្រុកស្ទឹងត្រង់:5/5 2-ស្រុកកំពង់សៀម:11/11 3-ស្រុកកងមាស:13/13 4-ស្រុកកោះសូទិន:5/5 5-ស្រុកស្រីសន្ធរ:7/7៕

អភិបាលខេត្តកំពង់ចាម ជំរុញលើកទឹកចិត្តឲ្យសិស្សដែលប្រឡងជាប់មធ្យមសិក្សាទុតិយភូមិ ត្រូវតែបន្តការសិក្សា និងចាប់យកជំនាញមួយច្បាស់លាស់

សហភាពសហព័ន្ធយុវជនខេត្តកំពង់ចាម បានត្រៀមលក្ខណៈរួចរាល់ សមាជិក សមាជិកា ប្រមាណជាង១០០នាក់ សម្រាប់ចូលរួម ព្រឹត្តិការណ៍អបអរទិវាដើរពិភពលោក ក្រោមប្រធានបទ៖ (ដើរដើម្បីសន្តិភាព) នៅថ្ងៃទី០៥ ខែតុលា ឆ្នាំ២០២៥ ខាងមុខនេះ។

នារសៀលថ្ងៃទី១ ខែតុលា ឆ្នាំ២០២៥ ឯកឧត្តម ឃន ប្រុស អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារថ្នាក់ខេត្ត ចុះពិនិត្យមណ្ឌលសុខភាពដែលជាបេក្ខភាពប្រឡងប្រណាំងសេវាសាធារណៈគំរូ ក្នុងវិស័យសុខាភិបាល នៅមណ្ឌលសុខភាពសណ្ដែក ឃុំសណ្ដែក ស្រុកបាធាយ ដោយមានការរួមពីក្រុមការងារថ្នាក់ខេត្ត លោកស្រី នាយិការងរដ្ឋបាលសាលាខេត្ត , ប្រធាន-តំណាងមន្ទីរ មន្ត្រីពាក់ព័ន្ធ និងលោកស្រី អភិបាលរងស្រុក , ក្រុមប្រឹក្សាឃុំ ព្រមទាំងមន្ត្រីមណ្ឌលសុខភាពផងដែរ។

អភិបាលខេត្តកំពង់ចាម ជំរុញលើកទឹកចិត្តឲ្យសិស្សដែលប្រឡងជាប់មធ្យមសិក្សាទុតិយភូមិ ត្រូវតែបន្តការសិក្សា និងចាប់យកជំនាញមួយច្បាស់លាស់ (កំពង់ចាម)៖ នៅព្រឹកថ្ងៃទី ១ ខែតុលា ឆ្នាំ ២០២៥ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញ ចូលរួមជាគណៈអធិបតីក្នុងពិធីសំណេះសំណាល ជាមួយសិស្សានុសិស្ស និទ្ទេសA និងសិស្សដែលបានប្រឡងមធ្យមសិក្សាទុតិយភូមិក្នុងឆ្នាំ២០២៥ ស្ថិតក្នុងស្រុកកំពង់សៀម ប្រមាណជា ៥០០នាក់ ក្រោមអធិបតីភាព ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកំពង់សៀម ដែលពិធីនេះធ្វើឡើងនៅសាលសន្និសិទ សាលាខេត្តកំពង់ចាម។ គួរបញ្ជាក់ថា ក្នុងឆ្នាំសិក្សា ២០២៤-២០២៥ ស្រុកកំពង់សៀម មានសិស្សនុសិស្ស បានប្រឡងជាប់ និទ្ទេសA ចំនួន៩ នាក់ ស្រី៦ នាក់។ ក្នុងឱកាសនោះ អភិបាលខេត្តកំពង់ចាម ឯកឧត្តម អ៊ុន ចាន់ដា បានជំរុញលើកទឹកចិត្តឲ្យសិស្សដែលប្រឡងជាប់មធ្យមសិក្សាទុតិយភូមិ ត្រូវតែបន្តការសិក្សា និងចាប់យកជំនាញមួយច្បាស់លាស់ ដើម្បីមានឱកាសចូលបម្រើការងារ ជួយដល់គ្រួសារ និងសង្គមជាតិ។ ឯកឧត្តម អភិបាលខេត្ត ក៏បានថ្លែងសង្កត់ធ្ងន់ថា មានកត្តា៤ យ៉ាងដែលនាំឲ្យប្អូនៗ ទទួលបានជោគជ័យក្នុងជីវិត ក្នុងនោះ ៖ *ទី១ ៖ គឺការខិតខំប្រឹងប្រែងរៀនសូត្រដោយខ្លួនឯង។ *ទី២ ៖ លោកគ្រូ អ្នកគ្រូ ដែលខិតខំបង្រៀនចែកចំណេះដឹងដល់ក្មួយៗ ។ *ទី៣ ៖ ការជំរុញពីអាណាព្យាបាល ។ *ទី៤ ៖ គឺកត្តាប្រទេសមានសុខសន្តិភាព។ នាឱកាសនោះផងដែរ រដ្ឋមន្ត្រីក្រសួងការងារ ឯកឧត្តម ហេង សួរ បានមានប្រសាសន៍លើកទឹកចិត្ត ឲ្យសិស្សដែលបានប្រឡងសញ្ញាបត្រមធ្យមសិក្សាទុតិយភូមិ ត្រូវតែបន្តការសិក្សា នៅមហាវិទ្យាល័យបន្ថែមទៀត ជាពិសេសគឺសិស្សនារី ។ ឯកឧត្តមរដ្ឋមន្ត្រី បានបញ្ជាក់ផងដែរថា ចំពោះសិស្សនារី បើទោះជាប្រលងជាប់និទ្ទេស មួយណាក៏ដោយ ប្រសិនបើបញ្ចប់ត្រឹមនេះ នោះក្មួយៗមិនអាចក្លាយខ្លួនទៅជាវីរៈនារីបានទេ ដូច្នេះក្មួយៗ ត្រូវតែតាំងចិត្តខិតខំតស៊ូសិក្សាបន្ថែមទៀត ដោយមានការគាំទ្រពីអាណាព្យាបាល ។ ចំពោះលទ្ធភាពដែលត្រូវសិក្សាបន្តនោះ សូមក្មួយៗ ត្រូវពិនិត្យឡើងវិញ នូវវិទ្យាស្ថាន TVET ជាច្រើនដែលបានផ្ដល់អាហារូបករណ៍ តាមរូបភាពនៃការបញ្ចុះតម្លៃ ៥០ភាគរយ ឬ ៧០ភាគរយ ឬ ១០០ភាគរយ សម្រាប់ក្មួយៗដែលមាននិទ្ទេសផ្សេងៗ ។ ដូច្នេះសូមក្មួយៗកុំបារម្ភថា គ្មានលុយបង់ថ្លៃសិក្សា ប្រសិនបើក្មួយៗទៅសិក្សាតាមអាហារូបករផ្សេងៗ ហើយនៅសល់ប៉ុន្មាន លោករដ្ឋមន្ត្រី និងជួយទាំងអស់ សម្រាប់សិស្សក្នុងស្រុកកំពង់សៀមនេះ៕