UGAASKA

Follow this link to join my WhatsApp group: https://chat.whatsapp.com/BUabS6HEF851tDLncxaoN1

#Abaal iyo ixtiraam aysan dadka waaweyn mararka qaar muujin, ayay carruurta yaryari si dhab ah u muujiyaan. Sow arrin la yaab leh ma aha? Xalay, anigoo u socda salaaddii Maqrib ee masaajidka, waxaa iga hor yimid laba wiil oo walaalo ah, da’dooduna tahay 11 jir iyo 13 jir. Waxay ka soo laabteen dugsiga Qur’aanka. Markaan is wareysannay kadib, midkii yaraa ayaa igu yiri: “Mahadsanid ustaad, adiga ayaad noqotay macalinkii ugu horreeyay ee i baray sida buug iyo qalin loo isticmaalo. Sannadkan waxaan bilaabayaa fasalka 5aad ee dugsiga dhexe, waxaan kaa codsanayaa inaad noo ducayso si Alle noogu fududeeyo waxbarashada, mustaqbal fiicanna aan u gaarno.” Wallahi, markaan arkay hadalkooda iyo qadarinta ka muuqata wajiyadooda, aad ayaan ugu farxay. Waxaan ku iri: “Ku dadaala dugsiga Qur’aanka iyo iskuulka, waalidkiinna u noqda kuwo baari ah, aniguna waan idiin ducaynayaa insha Allah.” Labadaas arday iyo shan kale oo ay ku jiraan saddex aan walaalo nahay, ayaan hore u dhigi jiray xilli aan ku jiray dugsiga sare, gaar ahaan fasalka 4aad (secondary). Waxaan bari jiray saddex maado oo aasaasi ah: Salaadda, Af-Soomaaliga iyo Xisaabta. Inkasta oo aan nasiib u yeelan inaan si joogto ah ula sii socdo baristooda, kadib markii aan dhammeeyay dugsiga sare oo aan galay jaamacadda, waqtigu wuu is beddelay. Ardayga marka uu ka gudbo dugsiga sare oo uu galo jaamacadda, gaar ahaan sanadka koowaad, wuxuu la kulmaa caqabado badan, sidaas darteed waqti aan wax ku baro ayaan heli waayay, waana ka istaagay. Si kastaba ha ahaatee, aad ayaan ugu faraxsanahay in Xisaabta iyo Af-Soomaaliga ay heer wanaagsan ka gaareen. #FG: sawirkaan iyo sheekaddaan isma quseeyaan, sawirkaan waa mar aan ka howlgali jiray Bar Oo Badbaadi Bulshadada oo ah baraamish wax lagu baro ardayda agoonta iyo kuwa qaxootiga ku nool, ee aan haysan fursad waxbarasho oo bilaasha ah. @highlight Barqo wanaagsan ❤️

Cilmi-nafsiga Shakhsiyadda (Personality Psychology) Cilmi-nafsiga shakhsiyaddu waa laan ka mid ah cilmi-nafsiga oo daraaseysa dabeecadaha, fikirrada iyo dareennada qofka, iyo sida ay u sameeyaan shakhsiyaddiisa. Mid ka mid ah aqoonyahannadii ugu caansanaa ee ka shaqeeyay aragtidan waa Sigmund Freud, oo loo yaqaan aabbaha cilmi-nafsiga casriga ah. Wuxuu ku dhashay dalka Austria, dabadeedna wuxuu qaatay dhalashada United Kingdom. Sigmund Freud waxa uu caan ku yahay aragtida maskaxda, gaar ahaan fikradda kala soocaysa maskaxda muuqata iyo maskaxda qarsoon, kuwaas oo loo yaqaan (conscious mind) iyo (unconscious mind). Wuxuu aaminsanaa in qayb weyn oo ka mid ah dabeecadaha iyo falalka qofka ay ka timaaddaan maskaxda qarsoon, taas oo aan si toos ah loo dareemin. Aragtida shakhsiyadda, waxaa ka mid ah fikradaha loo yaqaan (introvert) iyo (extrovert). Introvert waxaa loola jeedaa qof degan oo aan jeclayn dhexgalka bulsho badan, halka extrovert uu yahay qof furfuran oo bulsho jecel. Freud wuxuu rumaysnaa in dabeecadahani ay xiriir la leeyihiin habka uu qofku u soo barbaaray, cidda soo korisay, iyo deegaanka uu ku soo koray. Guud ahaan, waxaa la sheegaa in saddex arrimood ay si weyn u saameeyaan shakhsiyadda qofka, kuwaas oo kala ah: 1.Deegaanka uu ku nool yahay. 2.Goobta uu wax ku bartay. 3.Qoyska iyo habka uu ugu soo barbaaray. Sidoo kale, Freud wuxuu soo bandhigay aragti kale oo caan ah oo loo yaqaan (Id, Ego, iyo Superego). Wuxuu ku tilmaamay saddexdan qaybood inay saldhig u yihiin dhismaha shakhsiyadda aadanaha, isla markaana ay ka bilaabmaan marxaladda hore ee nolosha ilmaha. Id waa marxaladda ugu horreysa, waxayna ka tarjumaysaa mabda’a farxadda (pleasure principle). Marxaladdan, ilmaha yar waxa hoggaamiya baahiyihiisa dabiiciga ah sida gaajada, hurdada iyo raaxada. Ego waa marxalad ka dhalata korriinka ilmaha, waxayna ku salaysan tahay mabda’a xaqiiqda (reality principle). Ego waxay qofka baraysaa sida loo xakameeyo rabitaannada Id, iyadoo la tixgelinayo xaqiiqada iyo duruufaha jira. Superego waa marxaladda ugu dambeysa, halkaas oo qofku ku barto kala soocidda sax iyo khalad, wanaag iyo xumaan. Qaybtan waxay ka tarjumaysaa qiyamka iyo akhlaaqda laga dhaxlo qoyska iyo bulshada. Gabagabadii, aragtida Sigmund Freud waxay si qoto dheer u sharaxaysaa sida shakhsiyadda qofku u samaysanto, iyada oo la tixgelinayo korriinka carruurnimada, deegaanka, iyo qaabka tarbiyadda.✅️💬📝 W/Q: Maxamed cilmi ( Bulshaawi) @Habeen wanaagsan ✊️

Bishaa ramadaan darteed aynu caawino walaalayaal wiilka yar iyo hooyadii

🧠 Dark Psychology #Cilmi-nafsiga Ragga 7 sir oo ay dumarku badankood moogaanyihiin: 1. Aamusnaantiisa: Aamusnaantiisu waa culays uu xambaarsan yahay, mana aha danayn-la’aan. Rag badan marka ay aamusaan waxay la tacaalayaan walbahaar, mas’uuliyad, ama dhibaato shaqsiyeed. Gabdho badani waxay u fasirtaan jacayl-la’aan, balse dhab ahaantii waa hab uu naftiisa ku xakameeyo. 2. Jacaylkiisa: Jacaylkiisu waa ficil iyo waxqabad, ma aha hadal badan. Wuxuu muujinayaa jacayl adigoo arkaaya dadaalkiisa, masuuliyadda uu qaadayo, iyo sida uu kuu ilaaliyo—xitaa haddii uusan erayo badan adeegsan. 3. Fogaanshihiisa: Markuu fogaado, ma aha inuu kaa cararayo; wuxuu isku dayayaa inuu difaaco walbahaarkiisa. Fogaanshuhu mararka qaar waa nasasho uu maskaxdiisa siinayo si uusan cadaadis ugu jabin. 4. Quusashadiisa: Wuxuu joojiyaa dadaalkiisa marka uusan helin mahadnaq iyo dhiirrigelin. Raggu si weyn ayay u saameysaa marka dadaalkooda la arko lana qaddariyo; haddii kale, qalbigoodu wuu daalaa. 5. Dhabar-adaygiisa: Wuu fogaadaa marka aan la ixtiraamin. Ninku aad ayuu u qadariyaa ixtiraamka, mararka qaarna wuu ka doorbidaa jacaylka. Marka ixtiraamku lumo, xiriirku si tartiib ah ayuu u daciifaa. 6. Daacadnimadiisa: Wuxuu daacad u yahay gabadha siisa nabad, ixtiraam, iyo qaddarin dhab ah. Daacadnimadiisu waxay ka dhalataa kalsooni iyo ammaan uu ka helo qofka uu la joogo. 7. Qalbigiisa: Qalbigiisa wuxuu kuu furaa oo keliya marka uu dareemo ammaan. Marka uu hubiyo inaan la dhaawici doonin, la fahmi doono, lana ixtiraami doono, ayuu si dhab ah isu furayaa.✅❤️ W/Q: Maxamed cilmi cali ( Bulshaawi) @Galab wanaagsan 📝

قال إني أريد أن أنكحك إحدى ابنتيَّ هاتين على أن تأجرني ثماني حججٍ، فإن أتممتَ عشرًا فمن عندك، وما أريد أن أشقَّ عليك، ستجدني إن شاء الله من الصالحين قال ذلك بيني وبينك أيما الأجلين قضيتُ فلا عدوان عليَّ، والله على ما نقول وكيل Aayaddan waxay ka warramaysaa heshiis sharaf iyo caddaalad ku dhisan oo dhex maray Nabi Muuse (CS) iyo ninkii wanaagsanaa ee ahaa aabaha gabdhaha (badanaa lagu tilmaamo Nabi Shuʿayb (CS) ama nin saalix ah). Ninku wuxuu Muuse ku yiri: “Waxaan ku siinayaa mid ka mid ah gabdhahayga guur, adigoo ii shaqaynaya 8 sano.” Wuxuu intaas ku daray: “Haddii aad rabto inaad ka dhigto 10 sano, waa ikhtiyaar adiga kuu furan, anigu kuguma qasbayo.” Wuxuu caddeeyay inuusan rabin culays iyo dhib inuu saaro Muuse, taasoo muujinaysa naxariis iyo cadaalad. Muuse (CS) isaguna wuxuu yiri: “Heshiiskaas ha noqdo mid aniga iyo adiga noo dhexeeya, mid kasta oo ka mid ah labada muddo aan dhammeeyo, wax dambi ah iguma saarna.” Labadooduba waxay ku kalsoon yihiin Ilaahay, waxayna yiraahdeen: “Ilaahay ha noqdo markhaati heshiiskeenna.” Casharrada laga baranayo: 1. Guurka Islaamku wuxuu ku dhisan yahay heshiis cad oo daacad ah. 2. Shaqo iyo dadaal ayaa noqon kara meher sharci ah. 3. Waa muhiim in la iska ilaaliyo culays iyo dulmi marka la heshiinayo. 4. Kalsoonida Ilaahay waa saldhigga heshiis kasta oo sax ah. Duhur wanaagsan 👋

Runtii, dhacdooyinkii aan ku arkay xarunta Guddiga Madaxa Bannaan Ee Doorashooyinka Qaranka ayaa ahaa kuwo aad loola yaabo. Anigoo ku sugan xarunta, waxaan indhahayga ku arkay qaar ka mid ah dhalinyaradii ka hawlgalaysay doorashooyinka golaha deegaanka oo jirdil u geystay askari ka tirsanaa ciidanka ilaalada xarunta. Arrinta ka sii walaaca badanna waxay tahay in dhalinyaradaas qaarkood ay yihiin kuwo aqoonyahan (academic) ah, haddana aan muujin karin mas’uuliyad, anshax iyo u hoggaansanaan nidaam shaqo. Haddii xitaa jaakadihii shaqada lagu aqoonsanayay laga qaadi waayo, su’aal baa is weydiin mudan: #sidee loo hubin karaa in agabka kale ee doorashooyinka kuwa xasaasiga ah si sax ah loo maamuli karo ama loo soo celin karo? Intaas anigoo weli ka yaaban, ayaan haddana arkay dhacdo kale oo ka sii yaab badan, taas oo ahayd madaxweynaha dalka oo khudbad jeedinaya, isla markaana lagu tuurayo waxyaabo sida caag biyo caafi ah lagu dhufanaayo, Taasi waxay noqotay astaan muujinaysa hoos u dhac ku yimid anshaxa guud, ixtiraamka hoggaanka, iyo mas’uuliyadda muwaadinnimo ee bulshada Soomaaliyeed dhexdeeda ka jirto.🥹 #Subax wanaagsan 👋