សាមគ្គីកូនខ្មែរ

កម្ពុជាសព្វថ្ងៃ មានមាស ៥៤ តោន ជាទ្រព្យបម្រុងរូបិយវត្ថុ (monetary reserves) ដែលតម្កល់ទុកនៅក្រៅប្រទេស។ មាសនេះ គឺជាទ្រព្យសម្បត្តិរបស់ប្រជារាស្ត្រខ្មែរទាំងមូល មិនត្រូវឲ្យ ហ៊ុន សែន យកទៅធ្វើអ្វីតាមចិត្តទេ។ ហ៊ុន សែន ចង់ផ្ទេរមាសនេះ ពីប្រទេសស្វីស និង ប្រទេសអង់គ្លេស ទៅប្រទេសចិន ពីព្រោះគាត់ខ្លាចអាជ្ញាធរប្រទេសខាងលិច បង្កកមាសនេះ ដោយសារតែគាត់ (ហ៊ុន សែន) បានចូលដៃជាមួយក្រុមឧក្រិដ្ឋជនឆ្លងដែន ដឹកនាំដោយ ចេន ហ្ស៊ី (Chen Zhi)។ គេបានបង្កក ហើយត្រៀមរឹបអូសទ្រព្យសម្បត្តិរបស់ក្រុមឧក្រិដ្ឋកម្មឆ្លងដែននេះ រាប់ពាន់លានដុល្លាររួចទៅហើយ។ តែទោះជាយ៉ាងណាក៏ដោយ រដ្ឋាភិបាលកម្ពុជាឯករាជ្យ ២៣ តុលា ស្នើឲ្យអាជ្ញាធរអន្តរជាតិរារាំង កុំឲ្យ ហ៊ុន សែន ផ្ទេរមាសនេះ ទៅប្រទេសចិនឲ្យសោះ ពីព្រោះ ហ៊ុន សែន អាចយកមាសនេះ ទៅរកស៊ីជាមួយចោរ ដែលបានបាត់បង់ទ្រព្យសម្បត្តិជាច្រើន ក្រោយពីការបង្កក និងរឹបអូស ពីអន្តរជាតិ។ យើងសូមឲ្យអន្តរជាតិ រក្សាមាសនេះ ឲ្យបានគង់វង្ស នៅប្រទេសខាងលិច ដើម្បីទុកជាទ្រព្យសម្បត្តិរបស់ប្រជារាស្ត្រខ្មែរទាំងមូល កុំឲ្យ ហ៊ុន សែន ធ្វើឲ្យគេចាត់ទុកថាមាសនេះ ជាទ្រព្យសម្បត្តិរបស់ចោរ។