ព្រះអង្គម្ចាស់ នរោត្តម ចក្រាវុធ Norodom Chakravuth

ព្រះអង្គម្ចាស់ នរោត្តម ចក្រាវុធ យាងគោរពវិញ្ញាណក្ខន្ធ ព្រឹន្ទបាលទោ រិន វាសនា យោធិនពលី នៅសមរភូមិជួរមុខ - - - - - - - - - - - - - - - - - - - - - - ខេត្តកណ្តាល៖ ព្រឹកថ្ងៃទី០២ ខែសីហា ឆ្នាំ២០២៥ ព្រះអង្គម្ចាស់ នរោត្តម ចក្រាវុធ យាងគោរពវិញ្ញាណក្ខន្ធ ព្រឹន្ទបាលទោ រិន វាសនា យោធិនពលី ក្នុងបុព្វហេតុការពារដែនអធិបតេយ្យ បូរណភាពទឹកដីកម្ពុជា នៅសមរភូមិទិសមុំបី ខេត្តព្រះវិហារ នាពេលកន្លងទៅ ។ ក្នុងវេលាដ៏សោកសង្រេងនេះ ព្រះអង្គម្ចាស់ នរោត្តម ចក្រាវុធ បានសម្តែងព្រះហឬទ័យ សោកស្តាយឥតឧបមា និងចូលរួមមរណទុក្ខក្រៀមក្រំ ជាមួយក្រុមគ្រួសារនៃសព ព្រមទាំងនាយទាហាន និងពលទាហានទាំងអស់នៃកងយោធពលខេមរភូមិន្ទ និងសូមឧទ្ទិសដល់វិញ្ញានក្ខន្ធរបស់ យោធិនពលី រិន វាសនាស បានកាន់យកក្នុងសុគតិភពកុំបីឃ្លៀងឃ្លាតឡើយ ។ កម្មវិធីបុណ្យនេះ បានប្រព្រឹត្តិទៅនៅភូមិត្រពាំងត្រាច ឃុំដំណាក់អំពិល ស្រុកអង្គស្នួល ខេត្តកណ្តាល។