NUN NASHR

Иброҳим Нахаийнинг кўзлари жуда хира кўрарди. Шогирди Сулаймон ибн Меҳронники ҳам шундай эди. Бир куни улар масжид томон кетишар экан, Имом Нахаий шогирдига бундай деди: “Эй Сулаймон, сен бошқа йўлдан, мен бошқа йўлдан кетайлик. Одамлар олдидан ўтиб қолсак, “Ие, кўр кўрни етаклаб олибди-ку!” деб ғийбат қилиб, гуноҳкор бўлиб қолишларидан қўрқяпман” . Шунда шогирди: “Устоз, ахир улар бизни ғийбат қилиб гуноҳ орттирса, биз савоб оламиз-ку?!” деди. Шунда Иброҳим: “Субҳаналлоҳ, сени қара, ахир биз ҳам, улар ҳам (гуноҳдан) соғ қолишимиз биз савоб олиб, улар гуноҳкор бўлганидан кўра яхши-ку!” дея шогирдига танбеҳ берди. Қаранг, бу қалблар қандай қалблар-а?! Фақат менга яхши бўлсин, фақат мен саломат қолай, демайди. Мен ҳам, бошқалар ҳам гуноҳдан саломат қолсин, дейди. Бу қалблар иймон билан безалган қалблардир! Nunnashr

САТР ҚИЛГАН САТР ҚИЛИНАДИ Олим ва обид зот Аҳмад ибн Маҳдий бундай ҳикоя қилган экан: “Бағдоддалик вақтимда бир куни тунда олдимга бир аёл келиб, фалончининг қизиман, деб айтди. У менга: “Бошимга бир синов келди, Аллоҳнинг номини ўртага қўйиб сўрайман, айбимни яширинг!” деди. Мен: “Хўш, нима бўлди ўзи?” дедим. У: “Ҳомиладор бўлиб қолдим. Одамларга сизни эрим деб, қорнимдаги бола сиздан деб айтдим. Илтимос, мени шарманда қилманг, мени сатр этинг, Аллоҳ сизни сатр айласин!” деди. Мен индамадим, у кетди. Кўп ўтмай аёлнинг кўзи ёриганини эшитдим. Маҳалла имоми келиб, мени одамлар орасида чиройли фарзанд билан қутлади, одамлар ҳам табриклашди. Мен ўзимни бундан хурсанд бўлгандек кўрсатдим. Эртаси куни икки динорни олиб имомга бердим ва айтдимки: “Буни ўша аёлга етказиб қўйинг, болага ишлатсин. Ўзим берай десам, уни илгари талоқ қилгандим, ажрашган эдик”. Шундай қилиб ҳар ой имом орқали унга икки динор юбориб турадиган бўлдим. Орадан вақт ўтиб, унинг боласи ўлди. Одамлар менга ҳамдардлик билдиргани келишди. Уларга ўзимни маҳзун ҳолда Аллоҳнинг тақдирига рози бўлиб турган ота қилиб кўрсатдим. Яна бир неча кун ўтгач, ҳалиги аёл тунда ёнимга келди ва мен унга имом орқали юборган динорларни қайтариб бериб: “Менинг айбимни яширганингиздек, Аллоҳ айбингизни беркитсин!” деб дуо қилди. Мен эса унга: “Бу пуллар мендан болага ҳадя эди. Улар энди сеники, бу энди сенга мерос, хоҳлаганингча ишлатишинг мумкин”, деб айтдим...” Бугун орамизда Ибн Маҳдийдек одамлар бормикан?! “Метин қоялар” китобидан. Nunnashr

Усмон ибн Зоида роҳимаҳуллоҳ Имом Аҳмад роҳимаҳуллоҳга: “Офият ўн қисмдан иборат, шундан тўққизтаси (шеригининг ёхуд одамларнинг камчилигидан) кўз юмишдадир”, деди. Шунда Имом Аҳмад раҳимаҳуллоҳ унга жавобан: “Офият ўн қисмдир, ўнтаси ҳам бировнинг айбини очмасликда”, деди. Nunnashr

Бундан кейин у тақдирни айблаш ўрнига ҳаётда ўзининг ўрнини топишга ҳаракат қилади. Кўпчилик қиладиган хатодан – муваффақиятсизликни тақдирга ағдаришдан йироқ бўлади. Агар ўтмишни тафтиш қилиб ўтираверсак, олдинга қадам ташлолмаймиз, уйғоқ ақл билан олдинга қарасаккина олға қадам боса оламиз. Nunnashr

Болалар муваффақиятсизликка учраган вақтда бу уларнинг иши эмаслигини, бошқа иш билан шуғулланишларини айтиб, уларнинг қанотларини ҳали парвоз қилмасларидан илгари синдириб қўямиз. Агар биз бу гапни юришни ўрганаётган вақтларида айтганимизда ҳозир одамзод, ким билади, эмаклаб юрган бўлармиди... Nunnashr

Сўз ўйини (таъриз) қилишга мисоллар: 1. Гапирганда «балки», «шояд», «эҳтимол» каби сўзлардан фойдаланиш. 2. Катта миқдор таркибига кирадиган кичикроқ миқдорни айтиш. Масалан, бир нарсани олти дирҳамга сотиб олдингиз, сиз уни беш дирҳамга олдим, десангиз, очиқ ёлғон бўлмайди, балки сўз ўйини қилган бўласиз, чунки олтининг ичида беш ҳам бор, бунда гўё ҳақиқатнинг ҳаммасини айтмаган бўласиз. Аммо еттига олдим, десангиз, очиқ ёлғон бўлади, чунки олтининг таркибида етти йўқ. Nunnashr

Сўз ўйини қилиш бир қарашда тушуниладиган маънодан бошқа маънони назарда тутиб гапириш ёки гапнинг асл маъносини яшириб, бошқа маънога буриб гапиришдир. Салафларимиз ёлғон гапиришдан бошқа чора қолмаганда сўз ўйини қилиб, вазиятдан чиқиб кетишга рухсат этилганини нақл қилишган. Умар ибн Хаттоб розияллоҳу анҳу: «Сўз ўйини қилиш имконияти ёлғон гапиришга эҳтиёж қолдирмайди», деганлар. Nunnashr

Илм олишнинг энг муҳим омиллари 34. Илмга рағбати бор, илмга қизиқадиган инсон билан турмуш қуриш. Эр-хотин ўртасида умумий жиҳатлар қанчалик кўп бўлса, уларнинг дунёқараши бир-бирига қанчалик мос бўлса, улар бир-бири билан шунчалик бахтиёр бўлади. Толиби илм йигитнинг ўзига ўхшаган толиби илм қизга уйланиши икковининг илмий фаолияти узлуксиз бўлишини таъминлайдиган муҳим омиллардан биридир. Бундай хотин ёки эр турмуш ўртоғини илмдан чалғитмайди, аксинча, унга далда беради, илмга завқини, ғайратини ўстиради. Иккови масалаларни ўзаро муноқаша қилади, китобларни бирга мутолаа қилади. Шу орқали уйда илмий муҳит яратилиб, фарзандлар тарбияси учун салоҳиятли замин юзага келади. Nunnashr

«Баззозийя» китобида шундай дейилади: «Аллоҳ» лафзининг ёлғиз ўзини ишлатмай, «Аллоҳ таоло» дейиш ёки улуғлашга далолат қиладиган бирор сифатни қўшиб айтиш мустаҳабдир». «Аллоҳ» лафзининг ёлғиз ўзини айтиб, ортидан улуғлашга далолат қиладиган бирор сифатни айтмаслик танзиҳий макруҳдир. Nunnashr

Бир киши машина сотиб олмоқчи, аммо унинг айбини билмаяпти. Шу пайтда: «Бу одамнинг машинасида фалон айблар бор», дейиш ғийбат бўлмайди, чунки билиб туриб индамасангиз, машина олаётган одам зарар кўради. Бундай пайтда машинани сотаётган одамдан кўра олаётган одамга кўпроқ қайғуриш керак бўлади. Nunnashr

Авом кишилар чуқур, ўзларига ҳеч қандай фойдасиз масалалар ҳақида сўрагандан кўра, Қуръондаги аҳкомларга амал қилиши керак. Лекин бу иш нафсга оғир келади. Фойдасиз ишлар билан машғул бўлиш эса нафсга жуда-жуда ёқади. Оми одам илмнинг чуқур масалаларига шўнғишни яхши кўради, чунки шайтон бу билан унинг қалбига «Сен ҳам олимсан, аҳли фазлсан» деган ёлғон ҳис-туйғуларни солади. Банда бу ишни ёқтириб қолиб, тобора чуқур кетаверса, охир-оқибат ўзи билмаган ҳолда куфр сўзларни ҳам гапириб қўйиши мумкин. Оми одам қиладиган ҳар қандай маъсият диний масалаларда, айниқса, Аллоҳ таоло ва Унинг сифатларига боғлиқ мавзуларда илмсизлик билан ўзича нималарнидир гапиришдан енгилроқдир. Nunnashr

Farzand tarbiyasida qoʻllanma 📖 Tarbiya borasidagi kitoblarga hamisha ehtiyojimiz bor. Siz azizlarga tarbiyachilar uchun qoʻllanma boʻladigan kitoblarni taqdim etamiz. Tajribalar asosida yaratilgan, katta va kichik yoshli farzand tarbiyalashda umumiy tavsiyalar berilgan "Farzand tarbiyasida 700 saboq" 1 va 2-kitoblari ertadan SOTUVDA 📣

• "Farzand tarbiyasida 700 saboq 1" – 49.000 soʻm; • "Farzand tarbiyasida 700 saboq 2" – 49.000 soʻm.

🚗 Oʻzbekiston boʻylab yetkazib berish xizmati mavjud! • Xarid qilish uchun: ✍🏻 @qamar_delivery +998712037004 | +998998454400 📌 Manzilimiz: Alisher Navoiy, 42. Mo‘ljal: Chorsu, sobiq GUM ro‘parasida.

#тез_кунда Доктор Абдуллоҳ Муҳаммад Абдулмуътининг қаламларига мансуб, Ғиёсиддин Ҳабибуллоҳ томонларидан нашрга тайёрланган «Фарзанд тарбиясида 700 сабоқ» китобининг 1 ва 2-қисмлари тез кунда сотувга чиқади. @hilolnashr

Yuqori zavq egasi bo‘lgan muhtaram er! Qo‘lingdagi so‘lim atirgulni oilasidan uzib, o‘zingga juft qilib olding. Uni o‘z ixtiyoring va xohishing bilan tanlading. Dunyo gullari ichidan ayni o‘sha binafsha seni o‘ziga rom etdi... Birodarim, unutmang, nazokatli gullarni ishq va mehr suvi bilan sug‘orib turmasangiz, o‘z jamolini yo‘qotadi, husni zavol topib  boradi. Darvoqe, gul degani xushbo‘y bo‘lish bilan birga nozik bo‘lgani uchun parvarishga muhtoj bo‘ladi. U iliq tuyg‘ular va mehr suvi bilan tirikdir. Shunday ekan, go‘zal atirgulingizni yaxshi parvarish qil! ©️Shayx Yusuf Xattor Muhammad 📚«Oila — saodat maskani» kitobidan 🕊 👉https://t.me/nunnashr

Assalomu alaykum va rohmatullohi va barokatuh! ✨Dam olish kuningiz yanada maroqli o‘tishiga o‘z hissamizni qo‘shgan holda @nunnashr tomonidan iqtiboslar ulashib boramiz!😊 Bizdan uzoqlashmang! 🕊👉@nunnashr

Yomonlik qilgan odamni qanday qilib kechirib yuborish mumkin? Kechiruvchanlik ruhga dori va badanga rohatdir. Qalblarni yorituvchi ezgulik shu’lalari aynan kechirimlilikdan porlaydi. Og‘rigan chehralarga rozilik tabassumi bilan boqsangiz, ular yorishadi, shod bo‘ladi. Gohida sizga yomonlik qilgan odamni kechirish qiyindek ko‘rinadi, u xoh do‘stingiz, yaqiningiz bo‘lsin, xoh ishdagi yoxud darsdagi sherigingiz bo‘lsin. Kechirib yuborish sizni hiqdu adovat tuyg‘ularidan xalos etib, o‘rniga rohat va xotirjamlik kabi shirin tuyg‘ularni olib keladi. Kechiruvchan bo‘lish aslo hurmatingizni yo‘qotishingizni anglatmaydi, haqlaringizdan kechganingizni ham yoki xorlikka rozi bo‘lganingizni ham bildirmaydi. Buning tamoman aksi! Boshqalarning aybiga ko‘z yumish rohat va xotirjamlik eshiklarini ochadi hamda muhim ishlarga qo‘l urishingizga imkon yaratadi. Odamlarning yomonligini, har xil gap-so‘zlarini o‘ylab, siqilib yurmaysiz. Imom Shofeiy rohimahulloh bir she’rida shunday deydi: Uzoq bo‘lgach kek-adovat ta’midan, Xalos bo‘ldim dushmanchilik g‘amidan. 📖© Hasson Shamsiy Poshoning " Metin qoyalar" kitobidan ‼️ Yaqinlaringizga ham ulashishni unutmang! ✅👉 t.me/nunnashr

Farzandlaringizga ishoning! Alloh taolo ishlarimga rivoj berib, katta imorat sotib oldim. Ko‘p o‘tmay sarmoya kiritib, o‘g‘illarim yordamida bu imoratni Savdo markaziga aylantirdik. Ko‘p qavatli imoratning har bir qavatini bittadan farzandimga bo‘lib berdim. Har bir farzandim o‘z ishiga mas’ul. Ishlarimiz binoyidek yurib turgan edi, lekin Allohning qazo-qadari ila birinchi qavatga mas’ul bo‘lgan o‘g‘lim to‘satdan vafot etdi. “O‘g‘limga savobi yetib tursin”,  deya u boshqargan birinchi qavatda til o‘rgatish bo‘yicha o‘quv kursi tashkil etdik. Vafot etgan o‘g‘limning katta o‘g‘liga, ya’ni nevaramga  ushbu o‘quv markazini boshqarishni topshirdik. Hozirda nevaram ham o‘z vazifasini dadasi kabi a’lo darajada uddalayapti. Aziz ota-onalar! Agar siz  biror kattaroq vazifani  farzandingizga topshirishga qo‘rqmasangiz, unga ishonsangiz farzandingizda ham o‘ziga nisbatan ishonch paydo bo‘lar ekan. Manashu ishonch mustaqil ish yuritishga, mustaqil fikrlashga undaydi. Men o‘z tajribamda buning guvohi bo‘ldim. ©Doktor Abdulloh Muhammad Abdulmu’ti 📚" Farzand tarbiyasida 700 saboq " kitobidan ✅👉https://t.me/nunnashr

Inson ayoliga yaxshi munosabatda bo‘lar ekan, bu bilan dunyoviy saodatni, unsu huzurnigina maqsad qilib qolmasin. Balki Alloh vojib qilgan ibodatni amalga oshirayotgani uchun Allohga yaqin bo‘lishni ham niyat qilsin. Mana shu nuqtaga ko‘pchilik beparvo bo‘ladi. Aksar musulmonlar ayollariga go‘zal muomala qilar ekan, bu bilan oila mustahkamligini maqsad qilishadiyu, ammo bu ham ibodat ekanini nazardan qochirishadi. Ha, bu ish uchun alohida niyat qilish kerak, Allohdan savob umid qilish lozim. Shayton bizga yaxshi niyatlarni unuttirishga urinadi. Keling, oiladagi munosabatlarimizda Allohning: “Ular bilan tinch totuv yashanglar”, (Niso surasi, 19-oyat) degan amriga bo‘yinsunishni niyat qilaylik.  Biz ixlosimizni go‘zal qilsak, oila totuvligi ham o‘z-o‘zidan bo‘laveradi. Bu eslatma ayollarga ham tegishli. ©️Shayx Yusuf Xattor Muhammad 📚«Oila — saodat maskani» kitobidan ✅ 👉https://t.me/nunnashr

Odamlarga yaxshi gumonda bo‘ling! Odаmlarga har doim yaxshi gumon qiling, chunki odamlarning qalbiga yetib borish uchun bundan oson yo‘l yo‘q. Yomon gumondan saqlaning, ko‘zingiz ularning harakatlarini kuzatuvchi bo‘lmasin. Yo‘qsa aqlingiz har tarafga ketib qoladi. Hazrati Umar roziyallohu anhu:  «Agar yaxshilikka burishning birorta yo‘li bo‘lsa ham, mo‘min birodaringdan chiqqan so‘z haqida faqat yaxshi gumon qil», degan ekanlar. Imom Buxoriy rahmatullohi alayhi Abu Hurayra roziyallohu anhudan rivoyat qilgan hadisda: Nabiy alayhissalom: «Zinhor va zinhor badgumon bo‘lmanglar, chunki badgumonlik so‘zning eng yolg‘onidir», deganlar. Boshqa bir hadisda esa:  «Agar odamlarning aybini axtaradigan bo‘lsang, ularni buzasan», degan ekanlar. 📖© Hasson Shamsiy Poshoning " Metin qoyalar" kitobidan ‼️ Yaqinlaringizga ham ulashishni unutmang! ✅👉 t.me/nunnashr