MASSAR BEMAC

افكار في المناعة لشعبة علوم تجريبية 🤍🫶 منقولة للامانة ✅

🥹🥹❤️👇

من كان في قلبه حبا للطب جعله الله من نصيبه 🤲 💉🩺🥼

افكار في الدوال✅ منقولة للامانة العلمية ☺️

الشعب الادبية ولغات خاوتي اسمحولي الا دخلتوا بالمقترحات ومطاحوش مكلاه تندبوا علينا فالاخير لان انت غلطت تحمل مسؤولية اخطاءك واحد ما قالك تبع استاذ رشح مقالة لا هو ولا انت ولا اناا نعلم الغيب اقراو كلش لان مادة عندكم اساسية لان عقلي يحبس والله كي نشوفكم داخلين ب المقترحات

لي حاب التفوق انصحك تتجنب المقترحات ادخل بكامل يالوكان بفهم الكثير وحفظ قليل لان تقدر تعبر ✅

نقطة خلاف حبيت نبهم ليكا الحمد لله اناا متحصلة على نقطة 16,5 و 17 ف دو باك لي ديتهم وما اعتمدت حتى على مصدر خارجي من غير استاذة القسم كانت ماشاء الله فهمتنا كلش لان شافتنا حاطين راسنا معاهااا وكانت تشرح الدرس وكنا مهمتمين بالمادة مكناش ندخلوا نتمسخرو برك و نضيعوا وقتنا من بعد نروحو نجروا ليكور 🙂 نووووو. شفتوا اساتذة القسم كون تحطوا راسكم معاهم وتسقسوا وتخدموا مستحيل تجي تقلي ان بروف ميقريناش بروف ميفهمناش يا اخي وياواختى هيا صح كاين مي فئة قليلة صدقوني وراح تلقاو ديما خباشين عندهم علاقة وطيدة مع الاساتذة علاه فميزكم ؟ خير منكم ماديا ولا شكلا ولا واش ؟ لالا نا نقلك هوما افضل من ناحية الارادة والاهتمام بتواجد الاستاذ داخل القسم هوما اذكياء ميضيعوش مصدر معرفي قدامهم ويروحو من بعد يحوسوا على مصادر خارجية 👌👌 ابسط مثال نقطتي برك من كراس واستاذة القسم فالفلسفة ومقالاتها مع اجتهادي الشخصي والحمد لله 💙🫶 وربي مستحيل يضيع تعب حد ✅🫶

كيفية التعامل مع مادة الفلسفة 💙✅ 🔷مادة سهلة تحتاج للفهم اولا والحفظ ثانيا 🫶✅ 🔷 يجب معرفة الدرس وكل عناصره + فهمها فهم سليم . 🔷 معرفة الحجج والبراهين وشرحها باسلوبك الخاص + اقوال لفلاسفة + امثلة من الواقع لتدعيم الحجج الذي قدمتها 💙✅ + من الضروري والاهم معرفة المنهجية السليمة ( الجدل. المقارنة .استقصاء بالوضع. تحليل النص) وفالاخير مادة الفلسفة إذا احببتها احبتك🤌😍 ولازم متدخلش بعقلية ان فلسفة صعيبة ومش مادة اساسية نحكي بالنسبة للشعب العلمية ✔️ لان انت الخاسر فالاخير لي حاب التفوق يقراااا كلش من لخر ما يفضل حتى مادة على اخرى او يليكيديها . 🔷 الفلسفة ليست مادة تدرس فاخر اسبوع قبل البكالوريا تدرس من بداية السنة لكن اراد التفوق فيها . 🔷 الشعب الادبية احذركم من المقترحات تهلكوا انفسكم وفقط بما ان معاملها طالع بزاف عندكم بسيف عليكم من بداية السنة تقراااهاا مليح وتحفظوا المقالات المبرمجة لكم . اماا المقترحات تقدروا هك برك تشوفوها فالاخير باه تركزوا اكثر على المقترحة اماا الباقي تقراوها وتحفظوها تاني باه حتى لو مطاحوش المقترحات انت في جميع الاحوال تجاوب 👍 المقترحات وتجوا داخلين ريسكيتو وتحملوا مسؤولية راكم كبار

أظن قلت كامل واش كنت حابة دركا كيف قتلكم لي يحتاج شيء يترك تعليق ونحاول نوفرهم ليكم باذن الله 🫶🤍 دركا الكلام عن الفلسفة 👇

الفئة لي راهي قاتلك خاصني واحد يعاوني في واش قولولي هنا تشوفوا ✅فتعليق الا قدرت نعاونكم اناا راني هنا اماا الا تقصدوا نفسياااا صدقوني مكانش حد راح يقدر يعاونك كيف انت لازم تقوي نفسك وتدير كوراج وتبطل تخمم بسلبية ولازم كي توقع فمشكلة خمم فالحل متبقاش تندب وتبكي على المشكل وتنسى الاهم لي هو كفاه نلقى حل اااااااابحثوا على الحل ومتركزوش في المشكل مثلا دركا انسان راه مريض بمرض معين يبقى يبقي ويقول اني مريض وكداا وصاي راح نموت ؟؟؟؟ لالا أكيد يحوس على الحل لي هو أولا العلاج وقتها كاين احتمال ان يعيش وان يشفى نفس الشيء كي تكونوا فمشكلة معينة شوفوا للحل ركزوا عليه واتركوا السلبية ديك كااااامل وتجنبوها قد ما قدرتوا ولا تجاهلوها المهم متخلوهاش تسيطر عليكم ✅

الناس لي ضميرها ميت على الدراسة تان راح ضميرك دا يفيق نهار اعلان النتائج متقلقش طول وقتها برك خليه ميت اه الا قدرت ✅ نوضووووووااا🤌🤌 والله ما نحب نشوف حد مجرب طعم الخسارة مدام عندك وقت نوضوا متضيعوش فرصة عمركم وتضيعوا عام لمجرد راحة مؤقتة 👌

الفئة 3 لي كل يوم تأجل ما نقلكم والو من غير ان من عاش بسوف مات بـ ليث بمعنى راح تندمو اشد الندم دركا مش راح تفهمو كلامي لان راني نبانلكم نهدر ف فراغ ولكن يوم اعلان النتائج تشوفوا ناس فرحانة دات الباك و والديهم فرحانين ونتوما لالا مهما كان راح تغيضكم وتندموا ان مقريتوش بزاف وقتها لا ينفعكم الندم دركا مزال الحال انك تنوض وتقدر تنوض دركا كيف راك وتبدأ تبطل علينا شيء لي راك فيه كل شيء عنده وقت لا فاسبوك راح ينفعك ولا ليسيري لي تباتوا سهرانين معاهم ولا نتفليكس ولا شيء فالدنيا العاقل كل واحد راه يجري ورى مستقبله ويحاول يسعى ويحقق احلامه مش يضيع مسقبله وراء تفاهات ووراء ناس راهي عايشة و محققة احلامها وناا نبقى نضيع وقتي نتفرج في ستورياتهم نضيع وقت وننسى حياتي ولا ننسى ان عندي انا تان حياة نبنيها ونتقف روحي ولا ندير كاش عفسة تفيدني ومنها قرايتي لي لازم عليا تكون من اهم و الاولى في كلش ✅

سلام عليكم عساكم بخير جميعا 💚 وصحا فطوركم 🫶 المهم راح نحكي شويا على واش سقسيتكم لفوق ونجاوب هنا بصورة عامة هكا الجميع ان شاء الله يستفاد 1- الفئة الاولى ما عندي ما نقولكم برك كملوا على هذا المنوال واستمروا حفظكم الله و بارك الله لكم في حفظكم و دراستكم جميعا ✅🫶 2 الفئة الثانية لي مش قادرة تقرا ومعرفتش كفاه تقرا أولا عدم قدرتك على الدراسة عندها اسباب اهمها هو ضياعك مش قادر تبدا لان اصلا معندكش خطة عمل تتمشى وفقها و مكانش برنامج محكم منظم يخليك تعوض ما فاتك كامل لهذا انصحك ان تستغل العطلة دي احسن استغلال وما تضيع ولا دقيقة فيها عندك صلاتك صيامك قيامك قرانك ودراستك وفقط قلت وفقط الوقت راه يجري والوقت بالنسبة لك ثمين لان راك متأخر ولازم عليك تعوض واش جازك وتبداا سيريو اقعد مع روحك دركا بعد اجبد واش عندك كامل مواد دروس وحدات اكتب عناوين واكتب من اول وحدة حتى آخر وحدة وكل وحدة شوف شحال تستغرق من وقت كاين لي يومين وانت فهمتها وكاين لي اكثر و تروح لمرحلة حل التمارين انت راك في وحدة كدا تفهم الدرس وتلخص في الان واحد ونفس الوقت راك تحل تمارين بشكل مكثف في الوحدات لي قبل وانصحك بمواضيع عقبة بن نافع مواضيع قمة تقدر تعتمد عليها كمصدر وحيد في المواضيع+ مواضيع بكالوريات وهكذا بالنسبة لمواد الفهم الحفظ تان اكتب واش لازم اشري كتاب تاع بروف مثلا الاستاذ بورنان ولا الاستاذة هند الشريعة تان عندك الاستاذة بوسعادي ، الاستاذ شمس الدين ،...الخ على حسبك هكا متبقاش ضيع وقت فالتلخيص تحفظ وافهمه برك + حل مواضيع بكالوريات سابقة وانت كملت مواد الحفظ راه وقتهم مكانش لي يكذب عليكم يقلكم شهر قبل البكالوريا او سمانة قبل ❗ اللغات عند الادب العربي ساهلة تقدر تقراهاا فمدة قصيرة برك ادرسها بذكاء شوف مواضيع مليح وواش يطيح بزاف وركز على نمط الاسئلة متقراش باش تقرا برك لالا كي تقرا مثلا الادب تعرف ان راهم يطرحوا اسئلة بزاف على الجمل على الاعراب على الصور البيانية على الحقول البيانية على ادوات الاتساق والانسجام على الانماط و مؤشراته على الاحالة بالضمير ...الخ المهم راكم تعرفوا اماا الفرنسي الإنجليزية تقدروا تراجعوا من ملخصات لي حطيتلكم في القناة تاع طلاب طب وايضا تاع اساتذة . أظن أن المشكلة ليس فالوقت لان الوقت باقي بما ان الورقة لم تسلم لك لحد الان وتقدر توصل اذا انت حبيت برك اما اذا بقيت تقول غدا نبدا غدا نبدا ولم تبدأ او بقيت كاره وهكا متقراش يوم يدي خوه الوقت يضيع وصدقني تندم لان مزالك عندك فرصة ثمينة فمتضيعوهاش قلت واكرر مزال الوقت استغلوا العطلة دي فلقراية وتبداو سيريو كل حاجة عندها وقتها وهذي هي واتفكروا ان مكانش لي يجي يقلك اقرا ودير ودير كون انت متشدش روحك وتنوضوا وتتكلوا على ربي وتسعاو حد ما علاباله بيك و فرحة النجاح تستاهل ان تسهر تتعب تطيح وتنوض عليها حتى توصل وتحس بطعم النجاح صدقوني تنساو كااااامل واش تعيشو دركا فنوضوا 👌

اصحاب التعليقات كي نجي راني نجاوبكم واحد بواحد🫶🤍 وتان عندي كلام هنا فالقناة على الفلسفة و شويا نصائح ...الخ ✅

الباكلوريا 09 جوان 2024 🍀 كيفاه حالك مع الباك ! 1 بديت تقرا وراك بيا 2مقدرتش ومعرفتش تبدا 3 كل يوم تقول نبدا وتاجل 4 ضميرك دراسي ميت 5 تحوس لي يعاونك ويزيرك للباك 6 لي يعاونك ويبقا معاك

بعض مواضيع في مادة الإنجليزية و الفرنسية 🤍🫶

سلام عليكم المتابعين لي فقناتي تحتتاجوا مقترحات فلسفة ولا تقراو كلش ؟ هاتوا قولولي برك متخافوش 🔪🥲

مواضيع للمراجعة في الشريعة بدون حل هي مواضيع اختبارات الفصل الثاني لمختلف الولايات و الثانويات الا كاش ما حصلتوا كاين اساتذة القسم ✅ وفقكم الله جميعا 💚

مواضيع للمراجعة في الشريعة بدون حل هي مواضيع اختبارات الفصل الثاني لمختلف الولايات و الثانويات الا كاش ما حصلتوا كاين اساتذة القسم ✅🫶 وفقكم الله جميعا 💚