ភួង សុវណ្ណ ព្រះមង្គលធម្មកិច្ច

សព្វទានានំ ធម្មទានំ សេដ្ឋំ, បណ្តាទានគ្រប់ប្រភេទ ធម្មទានប្រសើរបំផុត ។

🌿 💙 ល្អអើយល្អណាស់ 💖 🌿 ១-ល្អកាយវាចាល្អទាំងចិត្ត ល្អព្រោះសុចរិតមានចរិយា ល្អនេះល្អពិតដ៏ថ្លៃថ្លា ទោះមនុស្សទេវតាតែងស្រឡាញ់ ។ ២-ល្អចេះខ្វល់ខ្វាយរាល់កិច្ចការ មាតាបិតាមិត្តសម្លាញ់ ល្អចេះលះបង់មិនកំណាញ់ មិនឃើញតែអញចេះជួយគ្នា ។ ៣-ល្អណាស់ល្អព្រោះមានចំណេះ ល្អមានតម្រិះផងនានា ល្អចេះសិក្សារកវិជ្ជា ល្អខំម្នីម្នាស្វែងរកទ្រព្យ ។ ៤-ល្អចេះប្រើប្រាស់ចេះចាត់ចែង ល្អចេះសម្តែងការគួរគាប់ ល្អខំធ្វើបុណ្យទុកជាទ្រព្យ បុណ្យនេះនឹងជាប់ទៅបរលោក។ ៥-ល្អអើយល្អណាស់ចេះដឹងគុណ ប្រសើរពេកពន់នឹងមានជោគ ចម្រើនកុសលឆ្លងចាកលោក នេះហៅមានជោគមានជម្នះ ។ វត្តវិសុទ្ធិមគ្គ ថ្ងៃ ០១ រោច ខែមិគសិរ ពុទ្ធសករាជ ២៥៥៨ និពន្ធដោយភិក្ខុ សុវណ្ណជោតោ ភួង សុវណ្ណ