السّدم

‏وشلون يرخص كل الاشياء الثمينة ‏ويعيش ما يحمل من الهم مثقال ‏مهما ادعّى قلبي شعور السكينة ‏يهزه البيت الشجّي قبل ينقال ‏في واحدٍ ماله مع الناس عيِنه ‏مستوطن اعماقي من الجال لـ الجال ‏ان حس بـ استلطاف و لا ضغينة ‏في كل حالاته سنافي و رجال ‏لو وزع احساسه على اهل المدينة ‏صاروا هبايب تحضن الغصن لا مال ‏هلوا مثل دمع الصبابة بـ عينه ‏وحنَوا مثل نبرة سؤاله عن الحال ‏جعل العمر و اللي بقى من سنينه ‏تفدى سواليفه ، ليا مرت البال ‏كل الدروب اللي تركها حزينة ‏وكل الاماكن من بعد فقده ، اطلال ‏لـ الحين لا غاب الشفق قلت وينه ؟ ‏ولاهب نسناس الهوى قلت وش قال ؟ ‏لو جادت الدمعة. ، و شحت يدينه ‏شفت العوض راسه قبل روس الاموال ‏مسموح ، و اعذار الحبايب سمينة ‏وش اجمل من الحب ؟ لو كان قتّال

‏خلّ الوداع وخلّ جرحك وذكراك ‏وش عاد باقي لي عشان اتشرّه ‏مرّت ركاب موادعك تسحب خطاك ‏تقطف من غصون الحياة المسرّه ‏لا طاب قلبٍ يعشقك عقب لقياك ‏ليا تعب من غيبتك من يبرّه ‏امسى على قسوة كلامك وشكواك ‏واضحى على الصدّه على حين غرّه ‏يبرّني جرحك ليا جيت ابنساك ‏ويحطّ في صدري مشاريه شرّه ‏على كثر ما ضرّني عقب فرقاك ‏هو الوحيد اللّي بقى في مقرّه ‏ليت الوداع اللّي يجيني بليّاك ‏ما عاد يملاني من الشّوق مرّه ‏لا جيت اجاهد دمعة النّوح واجفاك ‏ثوب الوداع ازرت يديني تزرّه ‏ما فيه حلو الّا حلاوة محيّاك ‏والّا الحياة اللّي بليّاك مرّه ‏تبخل على قلبٍ بمرّك تمنّاك ‏وتصدّ ودموع الوله مستمرّه ‏لي قلبٍ معيّي ولي نفس تبغاك ‏متشتّتٍ بينك وبين المضرّه ‏على كثر ما غنّت الارض لخطاك ‏حتّى السّما تبغى لخطوتك جرّه ‏مير انت من يرضي مكابر خطاياك ‏ويحطّ لك عذرٍ سمين ويمرّه ‏والحين مالك في الهوى غير ما جاك ‏للشّوق تدنيقه وللرّوح حرّه ‏منت بمسوّي شيّ يا نجم الافلاك ‏لا طحت من غبّة عيون المجرّه

‏"يا قايد الريم وش حالك ‏وش حال حال الهوى وياك"

الوتر يا أصدقاء

حولوني للأشعه وتقرير .. الطبيب قال قلبك مختفي ما لقيت إلا عراه قلت يا دكتور أنا مقصدي حالي يطيب خل قلبي خابره عند مخلوق خذاه - سعد بن جدلان رحمه الله

الأقرب

سعد بن جدلان كل قصيدة من قصائدة تلمس مشاعرك بشكلٍ ما

"بهجة عيوني على الدنيا ورونقها وأملها صاحبٍ لا أملّ من شوفة ولا أسمح من كلامه" - سعد بن جدلان

‏على الله اتكَلت الشون كله وانا لله ‏من الراجعون إليه بالعز والذلة ‏الله يقطع الحاجة ومشيٍ بلا مشهاه ‏والله يقطع اللي كلّ من قاربه ملّه  ‏والله يقطع اللي لا بغيناه ما نلقاه ‏والله يقطع اللي لا صفا ما صفا كلّه ‏- سعد بن جدلان

‏يا عزة النفس ، لا هنتي ولا ملتي ‏لو كان بعض الاوادم بان تقصيره ‏انا مع الناس عرفت وش مشكلتي ‏عطيت بعض العرب فوق تقديره - سعد بن جدلان

أنا قلبي يوم أشوفك يجي فيه رعشه ‏حبّ مدري شوق مدري غلا مدري شفاه ‏أنت مثل الغيث لا مر له دار أنعشه ‏صح من قال اقرب الحيّ ويزيدك حياة ‏- سعد بن جدلان

«خلوني أسج عن موْضوعه أحسن لي ‏ولا الغلا ؟ والله إن يبطي وهو غالي» - سعد بن جدلان

‏لا بد من عقب المطاريش معواد ‏ولا بد من عقب المواجع عوافي ‏ ولا بد من عقب السهر لذة رقاد ‏ولا بد من عقب الكدر جو صافي - سعد بن جدلان

وخوة صديقٍ مخلص معك حتى الموت ماهوب إيتسمع هرجة فيك مشموته يداري على سمعتك من هرجة السربوت وخطاياك عنده داخل البحر مزتوته يعرف اللذي يخطر بقلبك لو كان سكوت ولا منه غنى ينجلي الهم من صوته - سعد بن جدلان رحمه الله

يا وليفي سيطرتكم تولتني ‏كتب حبكم في القلب وموضحٍ كتبه ‏اشهّد على حبك ملوكٍ على متني ‏ويشخط ضميري من ونينٍ تنهتبه ‏اراعيك بالذكرى وذكرك يقوتني ‏ولي غاب ذكرك ويش عاد اتقوتبه ‏ولامن بغيت اسج عن صورتك جتني ‏مع الطيف والا علمك الناس ما جتبه ‏عليك الضمير مهايمٍ وانتها حتمي ‏هبوب الشمال من المعاليق هبّت به ‏احيى على ذكرك وبعدك يموتني ‏ولا لي بغير لا معاشٍ ولا رتبه - سعد بن جدلان

‏« أنتي مطغيك البها لين حدد مستواك ‏يعني أكبر مجرمة حب و أكبر طااااااغية » ‏- سعد بن جدلان

‏لا جفانا القل واللي روابعهم ضعوف ‏جعل ربي ما يرينا غضبه ولا جفاه ولا انقفل بابٍ من الرزق حرّاسه وقوف فتّحت بيبان الأرزاق من كل أتجاه والله إني شره وهقوتي ترقى الطفوف ميّر عيا يستحي الفقر من وجه الغناه - ‏سعد بن جدلان

‏" ابي لي غياب فيه سجه وراحة بال ‏عن أرض الصخب ياخذني لكوكب خالي ‏ثلاثين عام بنفس الأجواء وبنفس الحال ‏لا جفت ابحور ولا رسى مركب امالي "

‏يخلق الله البنادم شديد الإنتباه ‏لين يغضي عينه من الحيا ويديرها ‏والحيا ما ضر عثمان يوم الله عطاه ‏قدّمه قبل الصحابه وصار أميرها ‏الوجيه إلها روابط وثيقه في المياه ‏يثّر المنسوب فيها وفي تقديرها ‏تنثره من يوم تولد على ظهر الحياه ‏لين ينشف من رداها ومن تقصيرها - مزيد الوسمي