بوح بدوي✘♩

أقول أني معاد أحن وأدوّر لي عذر وأسباب ‏ولا أدري كيف أبرر رجفة إيديني ودمعاتي .

بين اللقا والبعد كم خطوة مواريها سراب ‏مدري بقربك مرتوي مدري ذبح قلبي الظما ‏ ‏كنت الوطن لا مال وقتك ليه احسّ بـ إغتراب ‏كنت انتمي لك ليه مالك لا ولاء ولا انتما ‏ ‏كنت انتقي بين الخطايا لحظة بروز الصواب ‏كنت الوضوح اللي تشوفه ليه يغريك العمى .

كل ما قلت انا سامح ونفسي معيفه ‏انتكس وأرجع أحبّك ولا ادري علامي .

من الهاجس اللي حد عيني عن المرقاد ‏يجيني اللحن من ضيقه الصدر واجره ‏اسليّ خفوقي بالقصايد كما المعتاد ‏لوني سهير العين والكبد محترّه .

‏الطواري صاخبة و الفرح وجهه شحوب طارقات البال – تبغي لها مرتاح بال . - جابر النشيرا .

ما أتحرّى غير نور الصبح يعتقني شعاعه ‏ما لفصل الصيف فضل إلا لياليه القصيرة .

تدري وش اللي لانكسر ماينجبر ‏قلبٍ تجمل مالقى رد الجميل .

اليوم لا عاد تستغرب ولا حاجه ‏لو بار فيك الخوي الصادق الخيّر ‏كم واحدٍ غيّرت الايام منهاجه ‏وانا احسب إن الكفو ماهو بمتغيّر .

الحاجة اللي دونها ذِلّ ودموع  ‏تنعاف لو فيها الحياة ورغدها .

ماتدري ان الليالي اللي تودي تجيب ‏ و الطيّبه لـ النشاما صادره وارده ‏ متغافلٍ عن رداك وقلت يمكن يطيب ‏ لكن بـ تبقى الوجيه البارده بارده .

‏صبور ولو يبور الوقت فيني والزمان يشين ‏حرام اني لاصون اسرار قلبي داخل اخباها .

الشجاعه ف المواجه والعطا من غير منه ‏ميزة يفرق بها شيخ الفعل عن كّل راعي .

عـز نفسك في زمـانك لا تقول الحـظ خـايب ‏وسوق عمرك للمعالي واكسر النفس الحزينه.!

"دامك تغيرت برغبتك واخـتيارك ‏خلك مع اللي بالجـفا صفقـولك"

" لاتّهوز قلبي على الفرقا ترا قلبي ‏أصمل من البنّدق اللي مابعد لكّت " .

الحياه ملكعه تبغى لها نسبة لكاعه ‏وانت غامر لا تفكر فالزمن جوده وشحه ‏بس تكفى لا يصيبك قل دين وقل طاعه ‏لو تمر بـ قل مال وقل نوم وقل صحه .

تتصنع الضحك بوجيه البشر وأنت فيك ‏حزنٍ رثع في ضلوعك وأنت تستسهله .

شفت الذي ما يهاب وكن قلبه حصاة ‏قدام عــينه لو تموت الحمامة بكى .

إذا جاد السهر والليل طال وما عرفت انام ‏من يردّ الطواري لا تسريني على بابه ؟.