بوح بدوي✘♩

ماقول شاب الشعور اقول شاب الكلام ‏من يقدر يوقف احلامي على حيلها ؟ .

لا زال الجريح يحنّ لـ بداية المشوار ‏يعيش بمشاعر حذر وعيون متأمّل ‏عسى الله يجازيني بـ فضله مع الابرار ‏على كثر ماني معك صابر ومتحمّل ‏مشيت ووقفت وكنت برعاية الافكار ‏لحقك القصور وكان طاريك متجمّل ‏تولتني الحيرة وعنّاني اللي صار ‏لاني قادر ارجع لك ولا قادر آكمّل .

النهج واضح لا يسار ولا يمين ‏والوجه واحد لو تشين امورها .

لا تخليني على باب الرجاوي ‏وانت خابرني عزيزٍ ما اترجى .

تأكد ما أنت ناسيني مع الأيام ‏لو إنك تبتعد وتصد وتفارق ‏مَهو بـ انا اللي مروره مرور كرام ‏أنا اللي ما يمر إلا صنع فارق .

من صغرنا ما أثّر القُول فينا ‏نعرف مقام نفُوسنا ونحشمّها .

على طريق الصعب والإستحاله ‏قدَرت أدل وكنت متعمّد أتوه ‏هَزايمي درس وصمودي رساله ‏عايش ولا لحَّقت دنياي مَشروه ‏قلبي قنوع ف وحدِته و إنعزاله ‏ماهو مدوّر للعرب كان ما جوه ‏"اللي يشوف إنه يكفّي لحاله" ‏مايلتفِت للناس لـ أقفوا وخلّوه .

لك منزلٍ ماجاه قبلك مساييّر ‏ولا قبلك أحدٍ قد تملك وداده .

تراني واذا غرّبت عنك ولو شرّقت على درب غيرك ماخذا القلب منهاجه ‏يقولون بلقى لك شبيه بس ماصدقت ‏شبيهك على وضح النقى وقّف انتاجه .

الصالحين لا شافوا العيب إستروا ‏لان الستر هو اللي جعلهم صالحين .

الطيب يجبرني على ردة الطيب ‏واللي تردى ماترديت مثله ‏يحدني للطيب سلم ومواجيب ‏وكلٍ يعوّد ساعة الضيق لـ اصله .

يميّز الانسان عقله وثقله ‏وانا بعمري ماتصنعت ثقلي ‏اخاطب الجاهل على قد عقله ‏واخاطب العاقل على قد عقلي .

السبعه اللـــي مالهم عندي ارقام كــــلٍ يــــدور مايناســب لــــذاته منان ومنافــــق وحاســــد ونمام وخايـــب وشيـخٍ شيخنه خــــواته والسابع اللي تخدعك فيه الأوهام ذاك الـــرفيق الليا تقوبــع عـــباته

القصيد العذب يا جرحه و طبّه ‏ما يعَدّ الا على وصلك و صدّك إن تراضينا كتبت اللي تحبه ‏و إن تجافينا كتبت اللي يردك !

الحب ماهو دق رقمـي وانا اجـيك ‏ ولا رسايل شعر مــن قــول شعار ‏ الحـب شي داخـــل القلب يرميك ‏ فــي تهلكة عــاشقك لو كان جبار

‏يـا معاتب الناس لاتعتب ولا تشره موارد الطيب بين الناس معروفه والي تجاهل حقوق وواجب العشره اجعل حقوقه من التفكير محذوفه

دخلت في زخم الحيّاة بدون سيف ودون خيل ‏وانا المعارك ساحتي بس الظروف مكوّعه .

إسعى ورى حلمك التايه وخلّك جزوم ‏لاتحسب حساب من ساعد ولا من جحد ‏مسافة السعي خلف الحلم ماهي بـ يوم ‏مسافة العمر ما بين المهد و اللحد ‏وإن وقّفوا ضدّك اللي يحبطون العزوم ‏وقّف لهم وقفة اللي ما عليه مْن أحد .

ماتجهل اسمي لو تشابه الأسامي ‏واثق وعارف موقعي بين الإعراب .

حافظٍ قدري وضحيت بالشي الكثير ‏ﻷجل اميز صادق الناس من كذابها .