Available now! Telegram Research 2025 — the year's key insights 
AI | DigiTech
Open in Telegram
Texnologiyalar olamidagi eng so’nggi yangiliklar, foydali maqolalar va hayotingizni osonlashtiruvchi sun’iy intellektlar haqidagi kanal. Reklama: @DigiTech_ads
Show more📈 Analytical overview of Telegram channel AI | DigiTech
Channel AI | DigiTech (@digitechai) in the Uzbek language segment is an active participant. Currently, the community unites 52 007 subscribers, ranking 2 543 in the Technologies & Applications category and 1 415 in the Uzbekistan region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 52 007 subscribers.
According to the latest data from 01 July, 2026, the channel demonstrates stable activity. Although there has been a change in the number of participants by -2 961 over the last 30 days and by -208 over the last 24 hours, overall reach remains high.
- Verification status: Not verified
- Engagement rate (ER): The average audience engagement rate is 25.25%. Within the first 24 hours after publication, content typically collects 17.89% reactions from the total number of subscribers.
- Post reach: On average, each post receives 13 184 views. Within the first day, a publication typically gains 9 342 views.
- Reactions and interaction: The audience actively supports content: the average number of reactions per post is 127.
📝 Description and content policy
The author describes the resource as a platform for expressing subjective opinions:
“Texnologiyalar olamidagi eng so’nggi yangiliklar, foydali maqolalar va hayotingizni osonlashtiruvchi sun’iy intellektlar haqidagi kanal.
Reklama: @DigiTech_ads”
Thanks to the high frequency of updates (latest data received on 02 July, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the Technologies & Applications category.
52 007
Subscribers
-20824 hours
-1 7197 days
-2 96130 days
Posts Archive
52 007
⚡️Talabalar uchun: har qanday mavzu bo’yicha masalalarni yechish uchun foydali neyrotarmoqlarni to’pladik.
Symbolab. SI asosidagi kalkulyator. Algebra, geometriya va fizika fanlaridan murakkab masalalarni yecha oladi va tushuntiradi;
WolframAlpha. Har qanday fanni o’rganishga yordam beradi. U orqali matematika va boshqa fanlarni, jumladan, tarix va geografiyani o’rganish mumkin;
Chemequations. Kimyo uchun kalkulyator, murakkab kimyoviy reaksiya formulalarini batafsil tushuntirib beradi.
Saqlab qo’ying, imtihonlarga tayyorlanishga yordam beradi.
📟 DigiTech
52 007
⚡️OpenAI kompaniyasi Apple sobiq bosh dizayneri Joni Ayv'ning maxfiy startapini 6,5 milliard dollarga sotib oldi.
Sotib olingan kompaniya Apple'ning sobiq xodimlari jamoasi bilan birgalikda yaratilgan bo’lib, «sun’iy intellekt qurilmalari»ni ishlab chiqish bilan shug’ullanadi, biroq ular aynan nima ishlab chiqishganini aytishmadi.
Joni Ayv endi OpenAI'ning barcha mavjud va yangi mahsulotlari dizayni uchun javobgar bo’ladi.
📟 DigiTech
52 007
Servercore bulut provayderi O‘zbekistondagi ma’lumotlar markazi asosida S3-xotirani ishga tushirdi
Endilikda S3 obyektli xotirasi Toshkent mintaqasida @ServercoreNews boshqaruv paneli orqali foydalanishga tayyor. S3 yordamida mediakontentlar, zaxira nusxalar (backup), ma’lumot to‘plamlari (dataset), sun’iy intellekt modellari kabi ma’lumotlarni xavfsiz saqlash va ularga tezkor kirishni tashkil qilish mumkin.
Servercore tomonidan taqdim etilgan xotira asosiy afzalliklari:
— Toshkentda joylashgan foydalanish zonasi.
— Yuqori xizmat darajasi kafolati (SLA) — 99,99%.
— Ikki xil saqlash turi — standart va sovuq (kam foydalaniladigan ma’lumotlar uchun).
— Masshtablanish imkoniyati — S3da cheksiz miqdordagi obyektlarni saqlash mumkin.
Uch karra ma’lumot nusxalash (replikatsiya) — har bir blok uchta alohida serverda saqlanadi, bu esa hatto bitta server ishdan chiqqanda ham ma’lumotlarga kirishni kafolatlaydi.
Obyektli xotirani ijaraga olish uchun quyidagi havola orqali o‘ting.
Reklama
52 007
⚡️Mana nimaga neyrotarmoqlar bergan javoblarini har doim tekshirish kerak: Chicago Sun-Times gazetasi yozgi kitoblar ro‘yxatini e'lon qildi, ularning 15 tasidan 10 tasi mavjud emas. Ular chatbot tomonidan o‘ylab topilgan.
Buni boshqa jurnalistlar payqab qolishdi: yozuvchilarning ismlari haqiqiy bo‘lib chiqdi, ammo bunday asarlar hech qachon yozilmagan. Maqola muallifi tan olganidek, u haqiqatan ham «ba'zida» sun'iy intellektdan foydalanib turadi va har doim natijalarni tekshiradi, ammo bu safar istisno qilgan — endi u «bu ishi uchun juda uyalmoqda».
📟 DigiTech
52 007
+3
⚡️Google o’zining Gemini 2.5 bazasidagi SI vositalarini katta yangilanishini namoyish etdi. Tez orada sinxron tarjima bilan video qo’ng’iroqlarni amalga oshirish va xatlarga avtomatik javob berishni sozlash mumkin bo’ladi.
Eng qiziqarli yangi funksiyalar:
– Smartfon kamerasiga ulanadigan va atrof-muhit haqidagi barcha savollarga bir zumda javob beradigan Gemini Live funksiyasi; – Google'ga murakkab so’rovlar uchun Gemini 2.0 asosidagi AI Mode qidiruvi. Chrome'ga Gemini o’rnatildi, u brauzer ekranidagi barcha kontentni tahlil qiladi; – Suratingiz yordamida onlayn do’kondagi istalgan buyumni o’zingizda qanday turishini ko’rish uchun Try-On funksiyasi to’g’ridan-to’g’ri qidiruv tizimida mavjud bo’ladi; – Google Meet'da qo’ng’iroqlar uchun real vaqtda tarjima funksiyasi; – Gemini ilovasidagi SI agent mehmonxonalar yoki restoranlarni qidirishi va bron qilishi mumkin bo’ladi; – Gmail'dagi xatlarga javoblarni avtomatik generatsiya qilish funksiyasi.Aksariyat yangi funksiyalar yozda chiqarilishi rejalashtirilgan. 📟 DigiTech
52 007
+2
🎥 Videolar generatsiya qiluvchi sun’iy intellektlar yangi bosqichga chiqishdi: Google yangi Veo 3 modelini chiqardi, u juda realistik videolarni birdaniga ovozi bilan yaratadi.
Neyron tarmoqning o’zi ovoz yoki fon tovushini qo’shadi. Shuningdek, kamera sozlamalari, sahnalar uchun obyektlar generatsiyasi va promptlarni boshqarish uchun yordamchi vositalar qo’shilgan.
👉 Sinab ko’rish uchun havola.
Foydalanish uchun AQSh VPN kerak bo’ladi.
📟 DigiTech
52 007
🛰️ Xitoy kosmik stansiyasida ekstremal kosmik sharoitlarga va radiatsiyaga chidamli bakteriyalarning ilm-fanga ilgari noma’lum bo’lgan shtammi topildi.
Namunalar allaqachon Yerga yetkazilgan va o’rganilgan: aniqlanishicha, mikroorganizmlar ma’lum bir organik birikmalarni ham parchalashga qodir va nazariy jihatdan ulardan chiqindilarni qayta ishlash va tibbiy maqsadlarda foydalanish mumkin.
Bu Xitoyliklar koinotda nima topsa darhol yerga olib kelaveradiyey)
📟 DigiTech
52 007
📱Samsung tarixi gadjetlardan emas, balki oziq-ovqat do’konidan boshlangan.
Kompaniyaga 1938-yilda tadbirkor Li Byon Chol asos solgan va dastlab un, quritilgan baliq va makaron savdosi bilan shug’ullangan, biroq keyinchalik tez sur’atlarda kengayishni boshlagan — Xitoyga eksportni yo’lga qo’ygan, mamlakatdagi eng yirik shakar zavodi va boshqa fabrikalarni qurgan.
Elektronika ishlab chiqishni esa faqat 30 yil o’tgach, istiqbolli yo’nalishlarni egallashni qaror qilishganida, televizorlarni yig’ishdan boshlashgan.
📟 DigiTech
52 007
+2
⚡️Nvidia geymerlar uchun maxsus arzon RTX 5060 videokartasini chiqardi.
Alan Wake 2, Cyberpunk 2077 yoki S.T.A.L.K.E.R. 2 kabi «og'ir» o’yinlarda yangi GPU grafikaning maksimal sozlamalari va 1080p sifatda soniyasiga 100 dan ortiq FPS chiqarib beradi.
Uning narxi atigi 299 dollar, solishtirish uchun — RTX 5090 flagmanining narxi 1999 dollarni tashkil etadi.
📟 DigiTech
52 007
🛰️ Xitoy koinotda orbital SI superkompyuterini qurishni boshladi — rejalashtirilgan 2800 ta sun’iy yo’ldoshdan 12 tasi allaqachon uchirildi.
An’anaviy sun’iy yo’ldoshlardan farqli o’laroq, ular to’plangan ma’lumotlarni darhol qayta ishlaydi, shu orqali ularni Yerga jo’natish uchun ketadigan vaqt tejaladi, bu shuningdek, energiya sarfini kamaytirishga imkon beradi.
Ularning har birini ichida soniyasiga 744 trillion operatsiyalarni bajarishi mumkin bo’lgan 8 milliard parametrli SI modeli mavjud, yakuniy maqsad esa soniyasiga kvintillionlab operatsiyalar samaradorligiga erishishdir.
📟 DigiTech
52 007
⚡️Red Bull va boshqa energetik ichimliklar leykemiyani keltirib chiqaradi.
Barcha mashhur energetik ichimliklar tarkibida leykemiya hujayralarini qo’zg’atuvchi taurin aminokislotalari mavjud. Taurin o’zi inson tanasida tabiiy ravishda ishlab chiqariladi, lekin uni qo’shimcha iste’mol qilish qon saratoni xavfini oshiradi.
Mutaxassislar energetik ichimliklarni ichmaslikni, agar ichsangiz ham tarkibini o’qib, taurinsizlarini tanlashni maslahat berishadi.
📟 DigiTech
52 007
🚀 NASA mutaxassislari 20 yildan ko’proq vaqt oldin ishdan chiqqan «Voyager-1» dvigatellarini qayta ishga tushirishga muvaffaq bo‘lishdi.
Shu paytgacha zond kosmosda harakat qilish uchun zaxira dvigatellardan foydalangan, ammo hozir yoqilg’i chiqindilari tiqilib qolganligi sababli ular ishdan chiqish xavfi ostida, shuning uchun olimlar nosoz deb hisoblangan asosiy dvigatellarni yoqishga urinib ko’rishga qaror qilishdi: ularni ishga tushirish uchun portlashga olib kelishi mumkin bo’lgan isitgichlarni yoqishdi, ammo oxir-oqibat hammasi yaxshi o’tdi.
1977-yilda uchirilganidan buyon qurilma Yerdan 25 milliard km uzoqlikka uchib ketgan, u hozirgi kunda insoniyat tomonidan yaratilgan eng uzoq masofaga uchgan obyekt hisoblanadi.
📟 DigiTech
52 007
📚 Top universitetlar kurslarini bepul o’rganamiz.
Mind Luster saytida dunyodagi eng yaxshi universitetlar va mutaxassislarning barcha yo’nalishlar bo’yicha 300 000 ta bepul kurslari yig’ilgan: dasturlash, dizayn, marketing, biznes, ingliz tili va boshqalar. O’zingizga kerakli kursni be’malol topishingiz mumkin.
Shuningdek, kurslarni tugatganingizdan so’ng, rezyumega qo’shishingiz mumkin bo’lgan bepul sertifikat ham beriladi.
👉 Sinab ko’rish uchun havola.
📟 DigiTech
52 007
⚡️Amerikalik olimlar ilk bor kamyob irsiy kasallikka chalingan chaqaloqni tug’ilganidan keyin uning genlarini tahrirlash orqali davolay olishdi.
Tug’ilganida chaqaloqqa CPS1 yetishmovchiligi tashxisi qo’yilgan — bu kamyob irsiy kasallik bilan tug’ilgan bolalarni bir haftadan ortiq yashashlari ehtimoli juda kam.
Olimlar rekord vaqt ichida inyektsiyani ixtiro qilib, DNK'dan mutatsiyani olib tashlashga muvaffaq bo’lishdi! Hayotning to’qqizinchi oyida chaqaloq ushbu kamyob kasallikdan butunlay tuzalib ketdi.
Olimlar endi bu texnologiya yordamida millionlab odamlarda 7000 ta noyob mutatsiyalarni davolashmoqchi.
📟 DigiTech
52 007
⚡️OpenAI bir vaqtning o’zida bir nechta vazifalarni bajaradigan va senior dasturchilar jamoasini o’rnini bosa oladigan Codex SI agentini namoyish etdi.
U to’g’ridan-to’g’ri brauzerda, Codex-1 (OpenAI'ning dasturlash bo’yicha eng kuchli modeli) asosida ishlaydi, deyarli har qanday kodni yozadi va tahrirlaydi, shuningdek, bir vaqtning o’zida bir nechta vazifalarni bajara oladi. Uni GitHub akkauntga ham ulash mumkin.
Codex hozircha faqat Pro va Team foydalanuvchilari uchun mavjud, lekin yaqinda undan Plus obunasi mavjudlar ham foydalana olishadi.
📟 DigiTech
52 007
🎥 Neo, Garri Potter va Betmen shampunlar va boshqa mahsulotlarni reklama qilishni boshlaydi: Warner Bros o’z film qahramonlari bilan reklama roliklarini suratga olish orqali pul ishlashga qaror qildi.
Ular faqat eng yaxshi brendlar bilan hamkorlik qilishga, shuningdek, haqiqiy aktyorlar bilan suratga olishga va’da berishmoqda. Bunday reklamalarni o’zlarining striming xizmatlari va telekanallarida — HBO, Discovery, Cartoon Network va boshqalarda namoyish etishmoqchi.
📟 DigiTech
52 007
⚡️Saudiya Arabistonida dunyodagi birinchi shifokorlarsiz klinika ochildi. U yerdagi barcha shifokorlar SI bilan almashtirildi.
Bemorlar faqat planshetda «Doktor Hua» ga kelib, o’zlarining kasallik simptomlarini tasvirlashlari kerak. Chatbot bir nechta savol beradi va qanday davolanish kerakligini yozib beradi. Shuningdek, u yerda rentgen yoki EKG qilishlari va birinchi yordam ko’rsatishlari ham mumkin, lekin bu odamlar tomonidan amalga oshiriladi.
Doktor Hua ishining aniqligi 99,97% ni tashkil qiladi. Hozircha unga shamollash, tomoq og’rig’i va astma kabi oddiyroq 30 ta kasalliklar bilan ishlashga ruxsat berilgan.
📟 DigiTech
52 007
📱iPhone'ni smartfon 20 yilligi munosabati bilan katta redizayn kutmoqda. Apple butunlay ramkasiz qurilmani chiqarishi mumkin.
Insayderlarning yozishicha: iPhone'ning umumiy dizayni «butun shisha bo’lagi»ni eslatadigan bo’ladi. Old kamerani esa ekran ostiga yashirish rejalashtirilgan.
Bunday «iPhone 19» 2027-yilda namoyish etilishi mumkin. U bilan birga buklanadigan smartfonlarning ikkinchi avlodi ham chiqarilishi kutilmoqda.
📟 DigiTech
52 007
🎵 Apple ish, dam olish va uyqu uchun 426 ta musiqalarni chiqardi. Musiqalar neyrobiologlar bilan hamkorlikda tayyorlangan.
Har bir musiqaga miya ritmlari bilan sinxronlashadigan va kerakli faoliyatga moslashishga yordam beradigan maxsus chastotalar qo’shilgan.
Havola bo’yicha o’tib, ushbu musiqalarni bepul tinglashingiz mumkin. Apple Music obunasi talab etilmaydi.
📟 DigiTech
52 007
⚡️Olimlar insonni ko’rish qobiliyatini operatsiya va lazerlarsiz tiklashni o’rganishdi — Janubiy Koreyalik biologlar ko’z to’r pardasining nerv hujayralari regeneratsiyasini ishga tushiruvchi preparatni yaratishdi.
— Hamma gap ko’zning tiklanishiga to’sqinlik qiluvchi Prox1 oqsilida. Yangi preparat shu oqsilni bloklaydi va ko’zning regenerativ mexanizmlarini faollashtiradi.
— Preparat allaqachon sichqonlarda muvaffaqiyatli sinovdan o’tkazildi. Prox1 bloklanishi ta’siri 6 oy yoki undan ko’proq vaqt saqlanib qoldi.
Odamlarda klinik sinovlar 2028-yilda boshlanadi.
Nimaga bu kashfiyot muhim? Dunyo bo’ylab taxminan 2,2 milliard odamning ko’rish bilan bog'liq muammolari mavjud. Ushbu preparat esa aksariyat odamlarning ko’rish qobiliyatini tiklashi mumkin.
📟 DigiTech
