Ask Bdran

تكفى يا دكتور سو فعالية عن اللي غيروا تخصصاتهم وهم رزدينت نبي نستفيد وهل صحيح ان المحولين يتنافسون مع بعض مالهم دخل بالخريجين — إيه المحولين بالترشيح الاولي ينافسون بعض ولكن الترشيح الثاني كلهم سواسية مع المرشحين

متى يمديني احط البحث في السي في انه اونقوينق؟ هل لازم نوصل للاثكال ابروفال ويكون البروبوزال جاهز ولا امداني قبل؟ — ماني متأكد بس اعتقد اقلها البربوزال يكون جاهز

ليه كنت تذاكر من uworld وانت ما اختبرت الusmle? محتاره بينه وبين سراج والاثنين غاليين — ذاكرته ايام الكلية.. في اختبار الهيئة مافتحتهم الاثنين، سواءً سراج او Uworld

شلون الواحد يكون عنده مناعه نفسيه في سنه الانتيرن؟ انا سنه رابع ولمن احضر المورنق ميتينق اخاف صراحه لان بكون مكانهم واحزن عليهم بنفس الوقت ، الاحظ البعض ياثر فيه التهزيء للاسف والبعض الثاني بعد الميتينق القاهم في كافي المستشفى موسعين صدرهم وافرح لهم — خذها قاعده الاستشاري اللي يهزّئ كثير هذا قاعد يعوض نقص بداخله.. يعني محد يشره عليه بشيء، غالباً معتوه

يصير اذا سويت بحث خلال سنه الامتياز؟ولا يخلص الوقت وما يمديني احطه في السي في؟ — يمدي بس اقل شيء من اخر ترم في سادس او بداية الانترنشب وانتم بادين في البحث وكل ماكان قبلها جاهز كل ماكان افضل

هلااااااااااااااااااااااااااااااااااا

نايمين الجماعة بسحب نفسي بهدوء

Reg ppl: كل عام وانت بخير بدران من العايدي والفايزين بدوري تقبل الله طاعتك انتم:

كيف عيدكم

صباحو

شكلك مستأنس، اختار من ١ ل٣ عشوائي علشان اختار تخصصي — ٤

اتفق مع كلامه وبعد مخلي كل الايام وتسولف هنا ليله العيد ياشيخ محد فاضي — انا من النوع اللي مستحيل انشغل بليلة العيد من عشرات السنين وهي عبارة عن استكانة شاهي وتقطيع وقت فقط

والله العظيم يابدران من يوم فتحت قناة الاسئلة ذي في شهر جون العام انها من افضل فترات جلستي على التيليقرام ضحك وعلم واخلاق وفابده وكل حاجه ابغى ارجع في الزمن — أثلجت صدري يارجل

يخوي انت نفسية يوم ترسل و٧ ايام ساحب — اتفق

ما بحط لايك لأنك من العينات اللي تترفع تتواصل مع زميلاتك من الحنس الآخر في العمل ما هقيتك قحطاني عبيدي قصيمي متشدد — لحول الله ولا في يوم واحد ترفعت عن التواصل مع الجنس الاخر انتم شلون تفكرون بعدين مو عشانه ليلة العيد تسوين تحديد الكل قحاطين على قصمان على جميع البشر شفتوا هي اللي بدت تطلطل مو انا

الجديدين ترا وش حليلنا بعد بس تراك متعرفنا وش رايك تعطينا مقتطفات من البوستات زمان — عشان تكنسلوني

بديت تطلطل — استغفرالله ههههههههههههههههههههه لاتخلوني اتحسب عليكم ليلة العيد

القم قلنا لك قفل القناة يوم وصلت ١٠٠٠ بس ماطعتنا — الصدق اول ١٠٠٠ كانت صدوركم وسيعه حط لايك اذا انت من الذهبيين

الصدق ماعاد صرت ارتاح بالسواليف العاديه يوم كنتوا ٥٠٠ كنا وش حليلنا ونمون على بعض الحين احسكم كذا: 😒🧐😤🫤🤔🤔🤔🤔🤔🤔🤔🤔🤔🤔🤔

بدران تكفى لا تنزل اشياء كثير تخص الطب والمقابلات استمتع لما تخرج عن المألوف ونستمتع بالحياة — كل ماخرجت عن المألوف رديتوني دوركم الحين اخرجوا وانا بعزز