Ask Bdran

كل عام وانت بخير بدران انت اول واحد اعيد عليه — وانت بخير وصحه وعافيه يابعدي

لا تنزل سؤالي احجبه،*** — هو مافيها شيء لكن عن نفسي لا ارغب وكل واحد ورغبته

بدران كم المدة الكويسه لتحضير للمقابلات — اسبوع اسبوع ونص كذا على حسب كم عندك مقابله

الحمدلله على التمام، والبلاغ، والصيام ‏اللهم اجعلنا ممن صام الشهر، وأدرك ليلة القدر، وفاز بالأجر، اللهم إنا استودعناك رمضان فلا تجعله آخر عهدنا وأعده علينا أعوامًا عديدة ونحن ومن نحب بصحة وعافية ولا تخرجنا منه إلا وغفرت ذنوبنا، واستجبت دعواتنا وأعتقتنا من النار. كل عام وانتم بخير جميعاً ومن العايدين.

بدران الان بشفت النايت يخلونا نتسحر ولا اتسحر الان بسرعه — نتسحر سوا بالعاده.. بس يمديك تستاذن نص ساعه كذا

على طاري التحضير للاجوبة انا في كل مرة اجاوب على السؤال اجارب بطريقة غير عن اللي حضرته بس بنفس المفهوم لكن ما اتقيد بالنص اللي كتبته لنفسي هذا طبيعي ولا فيني شيء؟ — طبيعي وهذا الصح اصلاً

ادعوا لعمي يا بدران ذي اول ليلة في قبره. — الله يحسن عزائكم ويعظم اجركم و يغفرله ويتجاوز عنه ويجعل مثواه الجنه

والله ما عرفت احضر للمقابلات كويس يا بدران، رغم ان السي في حقي مرة كويس لكن خايفة ادائي يكون سيء وانرفض لهذا السبب — حضر اجوبتك كويس وتدرب كثير حتى لو تسولف مع دركسون السيارة الشيء الثاني ركز على فكرة انك بتبدع فالمقابلة وبيعجبونك صدقني بتدخل بالجو وتبدع فعلاً.. فيه مقطع ودي اشاركه معكم زرع فيني تفكير سليم

نصايح للي ما جاه ماتش بتخصص تنافسي ومتحطم — يحسب موزونته بعد السيرفس والاتاتشمنت كم تصير وهل فرصة الترشح السنة الجاية بتكون اعلى " اتكلم عن +١.٥ الى +٣ على نسب هذي السنة" ويعيد اختبار الهيئة يمكن يجيب اعلى " صارت كثير ومن تجارب اخوياي " اذا والله الحسبة تشوفها مستحيلة شوف تخصص ثاني.. ترى ماتوقف الحياة على تخصص معين.. انت تحكم فالتخصص مو هو يتحكم فيك

لاشفت اسم قناتك اتذكر بداية الامتياز وكمية المشاعر واحس اييييييه والله كبرنا يا بدران متخيل انه مرت سنه 😪 الله يبارك باعمارنا وباوقاتنا ويصلح خاتمتنا — الزمن يركض وانا مافيني حيل الحقه والله

المقابلات بالعربي ولا بالانجليزي — الافضل تجاوبهم بالانقليزي.. الا اذا كان الوضع حبي ويسولفون معاك ويسألونك بلغة عامية انت خذ راحتك هنا تقدر تتكلم عربي عادي ترى ماهي قضية اذا تكلمت عربي انا اتكلم عن الـ Safe choices فقط

كيف ابدع في المقابلة ؟ — التحضير الجيد.. الثقة الغير مفرطه.. لاتعطيهم اكبر من حجمهم كلهم بشر فالنهاية ويبغون يتعرفون عليك ف خلك طبيعي بتبدع بالمناسبة افضل مقابله لي هي المقابلة اللي ماحضّرت لها ولا حاجه

دكتور ينفع لو سويت بحث عن السيرجيري والكتيف سيرجيري لكن بقدم على EM او Derm? شغفي للجراحه راح واحس اني تورطت — ايه عادي ١٠٠٪؜ لا تألهون الرغبات زيادة عن اللزوم ترى الاهتمامات تتغير مع الوقت حتى بعد ماتدخل التخصص ممكن يتغير اهتمامك فجأة والدليل ياكثر اللي يحولون وهم رزدنتس.. اختيار التخصص هو قرار يُتّخذ بناءً على مميزات وعيوب التخصص وهل يناسبك ولا لا وفوقها حياتك ك استشاري بعد البورد كيف تبيها تكون وهذي كلها انت المفروض تعرفها الرغبه والانترست صح مهمه بس لاتعطوها اكبر من حجمها You’re not gonna love a certain speciality for life.

يالله حيهم ناخذ علومكم شوي

لاتنسونا من دعواتكم في هذي الليالي الفضيلة

بدران بسؤال introduce yourself كل الملفات اللي شفتهم اجوبتهم روتينه ممله تتكلم عن حياتهم بالميد سكول والريسريش بس نقول نفسهم ونصير بالسيف سايد؟ — This is the most important question, try to tell a story that have a specific effect on you and of course you have to identify your self well. وتذكر ترا المقابلين مهم نفس الشخص ولا عندهم نفس الراي بعضهم يشوف انه خلاص لاتتفلسف عطني ٢٠ ثانيه عرفنا فيها عن نفسك وانتهينا.. المهم انه لازم تتكلم بكل ثقة ونبرة صوت موزونه

بدران جاني ماتش بتخصص رميته رمية رامي وماعندي اي تصور فيه ابد اخذ سيرفس وادور ميولي وين ولا اكمل اهم شي بورد😅 — استخير.. واختار الحل الوسط.. اسال عن التخصص كثير هالفترة واذا ماحسيت انك تقدم شيء فيه سرڤس

الله يعافيك يصلح احد بحث بنفس تخصصي في cv بس دوري فيه داتا كولكتر ؟ وهل اكتب داتا كولكتر ولا اقولهم وقت المقابله ؟ للعلم البحث منشور — حطه بس لاتكتب داتا كولكتوو اذا سالوك قلهم.. وحط رابط البحث

بدران انا ما شاء الله تبارك الله عندي ١٢ اتاتشمنت بس بالتخصص اللي ابيه ٢ هل ينفع احطها كلها من باب يعني اني شغيل وكذا ولا امسحها واخلي ال٢ ذولي بس ؟ — حطها كلها بس اللي بنفس التخصص اول شيء