ETHIOPIAN HIGHER EDUCATION CHANNEL

#MoE በ2015 ዓ.ም የክረምት ትምህርት ፕሮግራም እንደማይኖር ትምህርት ሚኒስቴር አሳውቋል። ሚኒስቴሩ ዛሬ ሐምሌ 25/2015 ዓ.ም ለሁሉም ከፍተኛ ትምህርት ተቋማት በጻፈው ደብዳቤ፤ የ2015 ዓ.ም የክረምት ትምህርት ፕሮግራም እንደማይኖር ገልጿል። "በተለያዩ ምክንያቶች ባለፉት ዓመታት የተዛነፈውን የትምህርት ካሌንደር ከ2016 ዓ.ም ጀምሮ ለማስተካከል እየሠራ እንደሚገኝ" ሚኒስቴሩ አስታውሷል፡፡ በዚህም በቀሪው አንድ ወር የክረምት ትምህርትን ማስቀጠል የማይቻል መሆኑን በሚኒስቴሩ የአካዳሚክ ጉዳዮች ዋና ሥራ አስፈፃሚ ኤባ ሚጀና (ዶ/ር) ተፈርሞ የወጣው ደብዳቤ ጠቁሟል። በመሆኑም ጊዜውን ማራዘም እንዲስተካከል እየተሠራ ያለውን የትምህርት ካሌንደር መልሶ የሚያዛባ በመሆኑ የ2015 የክረምት ትምህርት የማይኖር መሆኑን ሚኒስቴሩ አሳውቋል። (ደብዳቤው ከላይ ተያይዟል።) More : @tikvahuniversity

ትምህርት ሚኒስቴር ከሬሜዲያል ፈተና ጋር በተያያዘ ውሳኔ አሳልፏል። የ2014 ዓ.ም የ12ኛ ክፍል ፈተናን ተፈትነው ማለፊያ ነጥብ ሳያመጡ የቀሩ ተማሪዎች በመንግሥት ዩኒቨርሲቲዎች እና በግል ከፍተኛ ትምህርት ተቋማት የማካካሻ (ሬሜዲያል) ትምህርታቸውን ሲከታተሉ ቆይተው የማካካሻ ትምህርት ፈተናን ከሰኔ 26 እስከ 30/2015 ዓ.ም እንዲወስዱ መደረጉ ይታወሳል። ይሁን እንጂ በተለያዩ ምክንያቶች በሁለት የመንግሥት እና በ143 የግል ከፍተኛ ትምህርት ተቋማት የማካካሻ ትምህርታቸውን ሲከታተሉ ለነበሩ ተማሪዎች የሪሜዲያል ፈተናውን ለመስጠት ባለመቻሉ በመስከረም 2016 ዓ.ም ፈተናውን እንዲወስዱ ተወስኖ እንደነበር ሚኒስቴሩ አስታውሷል። በቅርቡ ከግል ከፍተኛ ትምህርት ተቋማት ቦርድ አባላት ጋር የተደረገ ውይይትን ተከትሎ ፈተናው ከነሐሴ 23 እስከ 26/2015 ዓ.ም እንዲሰጥ መወሰኑን ሚኒስቴሩ አሳውቋል። Note፡- • ፈተናው በበይነ መረብ ይሰጣል • የፊዚክስ እና የታሪክ ኮርሶች በሪሜዲያል ፈተና ውስጥ አይካተቱም (በሚኒስቴሩ የአካዳሚክ ጉዳዮች ዋና ሥራ አስፈፃሚ ኤባ ሚጀና (ዶ/ር) ተፈርሞ ለሁሉም የግል ከፍተኛ ትምህርት ተቋማት፣ ለሐረር ጤና ሳይንስ ኮሌጅ እና ለሐረር መምህራን ኮሌጅ የተላከው ደብዳቤ ከላይ ተያይዟል።) Share Share👆👆👆🙏🙏 https://t.me/+R1OqcLoA_eBkMmU0 https://t.me/+R1OqcLoA_eBkMmU0