Surxondaryo viloyati Madaniyat boshqarmasi (Rasmiy kanal)🇺🇿

#Madaniyat_kunlari 🇺🇿🇰🇬 Qirg‘iz Respublikasida “O‘zbekiston madaniyati kunlari” yuksak ruh va ko‘tarinki kayfiyatda o‘tkazildi

26–29-iyul kunlari Qirg‘iz Respublikasining Issiqko‘l viloyatida madaniyat vazirligi tomonidan tashkil etilgan “O‘zbekiston madaniyati kunlari” muvaffaqiyatli o‘tkazildi. Mazkur nufuzli madaniy loyiha O‘zbekiston va Qirg‘iziston o‘rtasidagi strategik sheriklik va ittifoqchilik munosabatlarini yanada mustahkamlash, ikki qardosh xalqning ko‘p asrlik do‘stligi va mushtarak madaniy merosini keng targ‘ib etish yo‘lida muhim qadam bo‘ldi. Tadbirlar doirasida Cho‘lponotadagi “Rux Ordo” madaniy majmuasi hamda “Dordoi Nomad” majmuasida gala-konsertlar tashkil etildi. O‘zbekistonning taniqli san’atkorlari, O‘zbekiston davlat simfonik orkestri, “Tumor” va “Navbahor” raqs ansambllari ishtirokidagi kuy-qo‘shiqlar va sahna chiqishlari qirg‘iz tomoshabinlari tomonidan iliq kutib olinib, uzoq davom etgan olqishlarga sazovor bo‘ldi. Madaniyat kunlari davomida o‘zbek milliy san’ati, mumtoz va zamonaviy ijod namunalari, musiqa va raqs san’atining betakror an’analari keng namoyish etildi. Ayniqsa, O‘zbekiston va Qirg‘iziston xalq artisti Ozodbek Nazarbekovning samimiy chiqishi, Issiqko‘l tabiati ilhom bag‘ishlagani haqidagi e’tirofi hamda qardosh xalq ishonchi va e’tirofiga munosib xizmat qilish haqidagi so‘zlari tadbirning eng ta’sirli lahzalaridan biri bo‘ldi. Bugungi kunda O‘zbekiston va Qirg‘iziston o‘rtasidagi madaniy-gumanitar hamkorlik izchil rivojlanib bormoqda. O‘zaro madaniyat kunlari, festival va forumlar, ijodiy almashinuv dasturlari ikki davlat o‘rtasidagi do‘stlik rishtalarini yanada mustahkamlashga xizmat qilmoqda. “O‘zbekiston madaniyati kunlari” yana bir bor san’at va madaniyat xalqlarni bir-biriga yaqinlashtiruvchi, qalblarni bog‘lovchi eng kuchli ko‘prik ekanini amalda namoyon etdi.

Telegram |  Instagram |  Facebook |  Veb-sayt | YouTube | Mediabank

#Madaniyat_kunlari 🇺🇿🇰🇬O‘zbek san’ati qirg‘iz tomoshabinlari olqishiga sazovor bo‘ldi Qirg‘iz Respublikasida o‘tkazilayotgan “O‘zbekiston madaniyati kunlari” doirasidagi konsert dasturida madaniyat vaziri, O‘zbekiston va Qirg‘iziston xalq artisti Ozodbek Nazarbekov o‘z ijrosini taqdim etdi. Konsert davomida O‘zbekiston davlat simfonik orkestri ishtirokida yangragan kuy-qo‘shiqlar tomoshabinlarning olqishlariga sazovor bo‘ldi. Madaniyat xalqlarni bir-biriga yaqinlashtiradi. Qirg‘iz Respublikasida o‘tkazilayotgan “O‘zbekiston madaniyati kunlari” ham O‘zbekiston va Qirg‘iziston o‘rtasidagi do‘stlikni yanada mustahkamlab bormoqda. Telegram |  Instagram |  Facebook |  Veb-sayt | YouTube | Mediabank

#Madaniyat_kunlari O‘zbekiston va Qirg‘iziston o‘rtasidagi do‘stlik nafaqat rasmiy uchrashuvlarda, balki san’at orqali ham yanada mustahkamlanmoqda. Qirg‘iz Respublikasida o‘tkazilayotgan “O‘zbekiston madaniyati kunlari” doirasidagi konsertda madaniyat vaziri, O‘zbekiston va Qirg‘iziston xalq artisti Ozodbek Nazarbekov Issiqko‘lning betakror tabiatidan ilhom olganini samimiyat ila ta’riflab, qirg‘iz muxlislari uchun qo‘shiq kuyladi. Vazir Nazarbekov Qirg‘izistonning “Xalq artisti” unvoni o‘zi uchun yuksak ishonch va sharaf ekanini, bu e’tirofga munosib bo‘lish uchun bundan buyon ham ikki xalq do‘stligi va madaniy aloqalariga sidqidildan xizmat qilishini ta’kidladi. San’at chegaralarni bilmaydi. Samimiyat esa qalblarni yanada yaqinlashtiradi. Telegram |  Instagram |  Facebook |  Veb-sayt | YouTube | Mediabank

#Madaniyat_kunlari 🇺🇿🇰🇬 Qirg‘iz Respublikasida “O‘zbekiston madaniyati kunlari” doirasidagi navbatdagi konsert dasturi bo‘lib o‘tdi

28-iyul kuni Qirg‘iz Respublikasining Issiqko‘l viloyatida o‘tkazilayotgan “O‘zbekiston madaniyati kunlari” doirasida navbatdagi konsert dasturi bo‘lib o‘tdi. Tadbirda O‘zbekiston Respublikasi madaniyat vaziri, O‘zbekiston va Qirg‘iziston xalq artisti Ozodbek Nazarbekov hamda Qirg‘iz Respublikasi Madaniyat, axborot va yoshlar siyosati vaziri Mirbek Mambetaliyev ishtirok etdi. Konsert davomida O‘zbekiston va Qirg‘iziston xalq artisti Ozodbek Nazarbekov, shuningdek, O‘zbekiston san’at ustalari o‘z chiqishlarini namoyish etdi. Qayd etish joiz, O‘zbekiston va Qirg‘iziston o‘rtasidagi madaniy hamkorlik yildan-yilga rivojlanib bormoqda. Xususan, qirg‘iz san’atkorlari O‘zbekistonda o‘tkazilgan "Lazgi" xalqaro raqs festivali, Xalqaro maqom san’ati anjumani va boshqa xalqaro musiqa festivallarda muntazam ishtirok etib kelmoqda. Qirg‘iz Respublikasida uchinchi marotaba o‘tkazilayotgan “O‘zbekiston madaniyati kunlari” ikki davlat o‘rtasidagi madaniy aloqalarni yanada mustahkamlash va xalqlarimiz o‘rtasidagi do‘stlikni rivojlantirishga xizmat qilmoqda.

Telegram |  Instagram |  Facebook |  Veb-sayt | YouTube | Mediabank

#Live 🎦Ayni damda “O‘zbekiston madaniyati kunlari” doirasidagi konsert dasturi o‘z yakuniga yetmoqda. Bugungi tadbirda O‘zbek san'at ustalari va madaniyat vaziri, O‘zbekiston va Qirg‘iziston xalq artisti Ozodbek Nazarbekov o‘zining konsert dasturini namoyish etdi. 🔹Telegram 🔹Instagram

Termiz shahridagi "Nuroniylar choyxonasida" 85 yoshli yubileylari nishonlanayotgan Soatov Orziqul Chorshanbiyevichning tavallud ayyomlari bo'lib o'tdi. Unda viloyat hokimligi, "Nuroniy" jamg'armasi Respublika boshqaruv rahbariyati, shaharu tuman bo'limlar faxriylari, OAV, davlat va jamoat arboblari ishtirok etishdi. Shundan so'ng, viloyat madaniyat boshqarmasi, O'zbekiston davlat filarmoniyasi Surxondaryo viloyat hududdiy bo'limi va Termiz shahar madaniyat bo'limi ijodiy jamoalarining hamkorlikdagi konsert dasturi namoyish etildi. Tadbirning boshlovchilik qismini O'zbekiston davlat filarmoniyasi Surxondaryo viloyat hududdiy bo'limi boshlovchisi "Ma'rifat" targ'ibotchilar jamiyati a'zosi Akramjon Quchqarov olib bordi. Telegram | Instagram | Facebook |  Veb-sayt  | YouTube

#Kutubxona_kecha_bugun_va_ertaga      Surxondaryo viloyati Qumqo'rg'on tumanidagi Qumqo'rg'on sadosi matbuotining 2026-yil 28-iyuldagi 7-sonida Surxondaryo viloyat ko'zi ojizlar maxsus kutubxonasi Qumqo'rg'on tuman filiali mudiri I.Mengliboyevning "Kutubxona kecha bugun va ertaga" mavzusida maqolasi chop etildi. Telegram | Instagram | Facebook |  Veb-sayt  | YouTube

#Live 🎦 Ayni damda vazir Ozodbek Nazarbekov Qirg‘iz Respublikasida o‘tkazilayotgan “O‘zbekiston madaniyati kunlari” doirasidagi konsert dasturida "Majnuntol" qo‘shig‘ini kuylamoqda. ➡️Bugungi konsert Issiqko‘l viloyatidagi "Dordoi Nomad" majmuasida bo‘lib o‘tmoqda. 🔹Telegram 🔹Instagram

#Live 🎦Qirg‘iz Respublikasida “O‘zbekiston madaniyati kunlari” doirasidagi navbatdagi konsert dasturi boshlandi Konsert dasturida madaniyat vaziri Ozodbek Nazarbekov va Qirg‘iz Respublikasi Madaniyat, axborot va yoshlar siyosati vaziri Mirbek Mambetaliyev ishtirok etishmoqda. 🔹Telegram 🔹Instagram

#Jarayon Birozdan so‘ng "Dordoi Nomad" majmuasida “O‘zbekiston madaniyati kunlari” doirasidagi navbatdagi konsert dasturi boshlanadi

“O‘zbekiston madaniyati kunlari” Qirg‘iz Respublikasida uchinchi marotaba o‘tkazilmoqda.

🔹Telegram 🔹Instagram

#Qaror_ijrosi_amalda #Kitobxonlik_madaniyati O‘zbekiston Respublikasi Prezidentining 2026-yil 15-yanvardagi PQ-9-son qarori yuzasidan Surxondaryo viloyat ko‘zi ojizlar maxsus kutubxonasining “ Kitob — ma’rifat manbai” dasturi doirasida belgilab olingan chora-tadbirlar dasturi ijrosi bo'yicha  Surxondaryo viloyat ko‘zi ojizlar maxsus kutubxonasi Qumqo'rg'on tuman filialida   ilmiy va m a’naviy adabiyotlardan iborat “Kitob burchaklari” tashkil qilindi. Kutubxona mutaxassis xodimlari hamda Madaniyat markazlari xodimlari uchun “Kitob o ‘qish soati” yo‘lga qo'yilgan. Mazkur qarorga muvofiq Madaniyat vazirligi tomonidan tavsiya etilgan kitoblar xodimlar tomonidan o'qilmoqda. Telegram | Instagram | Facebook |  Veb-sayt  | YouTube

Baxshichilik san’atiga ixtisoslashtirilgan respublika maktab-internatida 5-sinfga qabul uchun ijodiy sinovlar bo‘lib o‘tdi. Baxshichilik san’atiga ixtisoslashtirilgan respublika maktab-internatining 2026–2027 o‘quv yili uchun 5-sinfga hujjat topshirgan talabgorlar ijodiy sinovdan o‘tkazildi. Ijodiy sinovlar belgilangan mezonlar asosida, xolislik va shaffoflik tamoyillariga amal qilingan holda tashkil etildi. Unda nomzodlarning musiqiy eshitish qobiliyati, ijrochilik mahorati, iste’dodi hamda baxshichilik san’atiga bo‘lgan qiziqishi va salohiyati mutaxassislar tomonidan baholandi. Maktab-internat jamoasi barcha ishtirokchilarga omad tilaydi hamda kelgusida milliy baxshichilik san’atining munosib davomchilari bo‘lib yetishishlariga ishonch bildiradi. Telegram | Instagram | Facebook |  Veb-sayt  | YouTube

30 iyul — Xalqlar do‘stligi kuni Ko‘p asrlik boy tarix va yuksak ma’naviy-madaniy xususiyatlarga ega bo‘lgan O‘zbekiston zamini azaldan xalqlar va dinlar o‘rtasidagi do‘stona munosabatlar, bag‘rikenglik, birdamlik va hamjihatlik kabi o‘ziga xos ijtimoiy muhit shakllangan yurt sifatida e’tirof etiladi. Turli millatlar va elatlarning madaniyati, tili, urf-odatlari, qadriyatlari va an’analarini saqlash hamda yosh avlodga yetkazish maqsadida 157 ta milliy madaniy markaz faoliyat ko‘rsatib kelmoqda. Xalqlar do‘stligi kunining yurtimizda bayram sifatida keng nishonlanishi mamlakatdagi barcha millatlarning birligi, qardoshligi, xilma xil madaniy merosiga hurmat ulug‘lanishining yana bir ifodasidir. Sana munosabati bilan Jarqo'rg'on tuman Madaniyat markazida "O'zbekiston – yagona Vatan" shiori ostida madaniy-ma'rfiy tadbir tashkil etildi. Telegram | Instagram | Facebook |  Veb-sayt  | YouTube

Qumqo‘rg‘on tumanida Do‘stlik festivali ko‘tarinki ruhda nishonlandi Qumqo‘rg‘on tumanidagi 2-son umumta’lim maktabi faollar zalida "Yangi O‘zbekiston – millatlararo do‘stlik va bag‘rikeng diyor" shiori ostida ma’naviy-ma’rifiy va madaniy tadbir tashkil etildi. Tadbir davomida O‘zbekistonda millatlararo totuvlikni mustahkamlash, yurtdoshlarimiz ongida ko‘p millatli yagona oila tuyg‘usini qaror toptirish, milliy madaniy markazlar hamda do‘stlik jamiyatlari faoliyatini har tomonlama qo‘llab-quvvatlash borasida amalga oshirilayotgan islohotlar e’tirof etildi. Tadbir yakunida ishtirokchilarga millatlararo totuvlik va hamjihatlikni yanada mustahkamlash yo‘lida ezgu tilaklar bildirildi hamda madaniy chiqishlar barchaga ko‘tarinki kayfiyat ulashdi. Telegram | Instagram | Facebook |  Veb-sayt  | YouTube

#OAV_biz_haqimizda #Madaniyat_kunlari ⚡️Qirg'iz Respublikasida “O'zbekiston madaniyati kunlari” ning ochilish marosimiga bag'ishlangan konsert dasturi bo'lib o'tdi 🔹Bugun soat 21:00 da "Millar inform shou" dasturida... 🔹Telegram 🔹Instagram

IJARAGA BERILGAN QISHLOQ XO'JALIGI YERIGA UY-JOY VA BINO QURAYOTGAN FERMERLAR BU VIDEO SIZLAR UCHUN. Prezidentning 2025-yildagi 322-son qarori 49 yilga ijaraga berilgan qishloq xo'jaligi yeriga uy yoki bino-inshoot qurish huquqini beradimi? Javob videoda 📩 Telegram kanalga a'zo bo'ling

🙏 "Anor" loyihasida "Ommaviy diktant" o'tkazildi 🖥 MTDP | Telegram

⚡️Madaniyat vazirligida Mustaqillik bayramiga tayyorgarlik ishlari boshlandi

O‘zbekiston Respublikasi Prezidentining “O‘zbekiston Respublikasi davlat mustaqilligining 35 yilligini keng nishonlashga tayyorgarlik ko‘rish va uni o‘tkazish to‘g‘risida”gi qarori ijrosini ta’minlash maqsadida Madaniyat vazirligi markaziy apparati binosining tashqi qismi Mustaqillik bayrami ruhiga mos ravishda bayramona bezatildi. Shu munosabat bilan vazirlik tizimidagi barcha tashkilotlarni ham o‘z bino va hududlarini zamonaviy hamda milliy ruhdagi bezaklar bilan namunali tarzda bezatishga chorlaymiz. Shuningdek, tashkilotlarda bayramona muhit yaratish va eng yaxshi tashabbuslarni rag‘batlantirish maqsadida “Eng namunali bayram bezagi” tanlovi o‘tkaziladi. Tanlov nizomiga muvofiq, unda madaniyat vazirligi tizimidagi tashkilotlar ishtirok etadi. Tanlov yakunlariga ko‘ra, eng namunali bayramona bezatilgan tashkilot madaniyat vazirligi tomonidan 20 million so‘m miqdoridagi pul mukofoti bilan taqdirlanadi. ⭐️Keling, Mustaqilligimizning 35 yilligini munosib kutib olishga barchamiz o‘z hissamizni qo‘shaylik!

Telegram |  Instagram |  Facebook |  Veb-sayt | YouTube | Mediabank

Bir yurtda — bir oiladek! Bandixonda "Xalqlar do‘stligi" kuni keng nishonlandi Bandixon tumanida 30 iyul — "Xalqlar do‘stligi" kuni munosabati bilan millatlararo totuvlik, bag‘rikenglik va ahillik g‘oyalarini ulug‘lovchi ma’naviy-ma’rifiy tadbir yuqori kayfiyatda bo‘lib o‘tdi. Tuman hokimligi hamda tegishli tashkilotlar tomonidan 9-son madaniyat markazida tashkil etilgan bayram tadbirida turli millat va elat vakillari, nuroniylar, jamoatchilik faollari hamda keng jamoatchilik vakillari ishtirok etdi. Bayram san’at va musiqa sadolari ostida davom etdi. Tuman madaniyat bo‘limi san’atkorlari ijrosidagi kuy-qo‘shiqlar, milliy raqslar hamda folklor jamoalarining jozibali chiqishlari barchaga unutilmas taassurot va ko‘tarinki kayfiyat ulashdi. Telegram | Instagram | Facebook |  Veb-sayt  | YouTube