Captain KoThet

ဇူလိုင် ၃ ရက် တနင်္ဂနွေ မနက် Bullet bulletin morning news; နိုင်ငံတကာထူးခြားသတင်းမှာ - ရုရှားဒုခေါင်းဆောင် မက်ဗီဒက် က ရုရှားသည်လိုအပ်လျှင် နူ လက်နက်သုံးမည်ဟုမှတ်ချက်ပေးခဲ့ခြင်းအပေါ် ထရန့် က နူ ရေငုတ် သဘေင်္ာ ၂ စီးကို စေလွှတ်တုန့်ပြန်လိုက်သည်။ ရုရှားသည် ပစ်ချရန်မလွယ်သော အသံထက် ၁၀ ဆမြန် ဒုံးစနစ်များကို ဘိုင်လိုရု ၌ ချထားရန် စီစဥ်နေပြီး ဂျာမနီ က ယူကရိမ်းသို့ ပက်ထရီယော့ ဒုံးခွင်းစနစ်များ အမြန် ပေးအပ်မည်ဟုဆိုသည်။ သြဂုတ် ၈ ရက်နေ့ နောက်ဆုံးထား စစ်ရပ်ဆဲရန် နှင့် မလိုက်နာက အခွန်တိုးကောက်မည်ဟု ထရန့် ၏ပြောဆိုချက်ကို ပူတင်က ၈ ရက်နေ့အထိစောင့်ရန်မလို ၊ လက်ရှိ ရုရှားသိမ်း မြို့ ၄ မြို့နှင့် တိုက်ခိုက်ဆဲ မြို့ ၁ မြို့ ၊ ပေါင်း ၅ မြို့ကို ရုရှားလက်သို့ အပြီးအပ်နှင်း၍ ယူကရိမ်း သည် နေတိုးထဲမဝင်ဟု ဂတိပေးပါက ယ္ခုပင် စစ်ပြီးဆုံးနိုင်ကြောင်း တုန့်ပြန်ပြောဆိုသည်။ တောင်ကိုးရီးယား ဟွန်ဒိုင်းကုမ္ပဏီထုတ် တင့်ကား အစီး ၁၈၀ ဝယ်ယူတပ်ဆင်ထုတ်လုပ်ရန် ပိုလန် နှင့် စာချုပ်ချုပ်သည်။ အစိုးရဝန်ထမ်းအပိုများကိုလျှော့ချခဲ့၍ အလုပ်လက်မဲ့ ၂၅၈၀၀၀ ဖြစ်ပေါ်ခဲ့ရခြင်းမှာ ထရန့် ကြောင့်ဟု ပြောဆိုခဲ့သူ ပြည်ထောင်စုရာထူးဝန်အား ထရန့် က အလုပ်ထုတ်လိုက်သည်။ အာဏာရ BJP ပါတီအတွက် ရွေးကောက်ပွဲကော်မရှင်က မဲလိမ် ပေးခဲ့သည်ဟု အတိုက်အခံ ကွန်ဂရက်အိုင် ပါတီခေါင်းဆောင် ရာဟူးဂန္ဒီ က စွတ်စွဲလိုက်သည်။ ပြည်တွင်းထူးခြားသတင်းမှာ - ဧရာဝတီမြစ်ကြောင်းအတိုင်း ဆန်တက် သွားသော စစ်ကူ နှင့် ထောက်ပို့ ရေယဥ်အုပ်စု ဗန်းမော်သို့ရောက်ရှိသည်။ အင်မထီး ပြည်သူ့စစ် နှင့် တပ်ပူးပေါင်းစစ်ကြောင်း ပုလဲ ကန်ဒေါင့် ရဲစခန်း ကို ပြန်တိုက်နေသည်။ တန့်ယန်းမြို့နယ် တောတွင်းတစ်နေရာ၌ လှို့ဝှက်တည်ထောင်ထားသော ကျားဖြန့်ရုံအား ဒါးမြ ဝင်တိုက်ပြီး ပြန်အထွက်တွင် ဝ နှင့် ရှမ်း တပ်များ ဖမ်းဆီးခြင်းခံရသူများမှာ တန့်ယန်းမြို့ပေါ်မှ လူငယ်များဖြစ်သည်ဟုဆိုသည်။ မန္တလေး ရွှေနန်းသုခရွှေဆိုင် ကို တိုက်ခဲ့သည့် ဒါးမြ ၆ ဦးအနက် ခေါင်းဆောင် အောင်ခိုင်ဝင်း နှင့် တပည့် အောင်ကျော်သူ တို့နှစ်ဦးကို တိုက်ရာပါရွှေထည်များနှင့်အတူ ပြင်ဦးလွင်မြို့နယ် တိုးကြီးရွာ၌ ဖမ်းမိသည်။ မိုးကုတ်တွင် ပလောင်သူပုန် က ခေါ်ရခါးရပ်ကွက်မှလူသစ်စုဆောင်းရာ မပေး၍ အိမ်များအတွင်းဝင်ဖမ်းနေပြီး ထိုလုပ်ရပ်အား NUG သို့တိုင်ကြားခဲ့သည့် လူကြီး ၃ ယောက်ကိုလည်းဖမ်းခေါ်သွားသည်။ ပီသုံးလုံး ပါတီ ၏ အထွေထွေအတွင်းရေးမှုး ဒေါက်တာမျိုးဆက်သွေး ကို CEC ဆုံးဖြတ်ချက်ဖြင့် ပါတီမှ ထုတ်ပါယ်လိုက်ကြောင်း သတင်းထွက်ပေါ်သည်။ ပြည်ထောင်စုနယ်မြေ USDP သည် တပ်ကုန်းမြို့နယ် ရေအေးကျေးရွာ ဦးညီသိန်း ၏ နေအိမ်တွင် ဗဟိုကော်မတီဝင် ဦးကျော်ကျော်လတ် ၊ မြို့နယ်ပါတီဥက္ကဌ ဦးဇော်မျိုးသိန်း နှင့်ကော်မတီဝင်များ ရေနွေးကြမ်းစကားဝိုင်း ပြုလုပ်ရာ အင်အား ၅၀ ကျော်တက်ရောက်ခဲ့ကြောင်း တင်ပြအပ်ပါသည်။ https://t.me/kyawswar49111