متجر دار العولة الصحية

راح نقولكم حاجة يمكن تبان غريبة للبعض… لكنها بالنسبة لي كانت قرار واضح وما فيه حتى تردد. في السنتين الأخيرتين، تواصلت معي عدة قنوات وطنية ومنصات إلكترونية، عرضوا عليّ نشارك في مقابلات تلفزيونية ونصور لقاءات حول “العولة”، التغذية الصحية، ونمط الحياة الطبيعية والبرية… فرص يعتبرها الكثير ذهبية، خاصة في وقت الناس تبحث فيه على الظهور والانتشار. لكن في كل مرة، كان الرد يخرج مني بنفس السرعة: رفض مباشر… بلا تردد، بلا تفكير طويل. السبب ما كانش ضعف ثقة، ولا خوف من الكاميرا، ولا قلة قدرة—بالعكس، نعرف روحي نقدر نوصل الفكرة، نحكي بطلاقة، ونمثل المجال هذا أحسن تمثيل. لكن كان في ميزان آخر نرجع له… ميزان نوزن به قراراتي: هل هذا يرضي الله؟ هل هذا الطريق فيه بركة؟ ونفس الشيء بالنسبة للفيديوهات… رغم أنها اليوم أسهل طريق للتسويق والانتشار، رفضت نصوّر محتوى يظهر فيه جسدي أو صوتي، حتى لو كان الهدف نبيل أو تعليمي. اخترت طريق أصعب، أبطأ… لكنه أصفى. لأن القناعة اللي في قلبي واضحة: ما ترك عبدٌ شيئًا لله… إلا عوضه الله خيرًا منه. يمكن الخير هذا ما يبانش فورًا، ويمكن يجي بطرق ما تخطرش على البال… لكن اليقين فيه راحة

توفر من جديد قصبر مجفف اخضر بدون سيقان الاوراق فقط لي تحب في كيس عادى 20الف

✅️ بزاف رسائل لحقتنا على كيفية تناول حبوب الطلع ⁉️ باش نتفاهمو حبوب اللقاح لا تحمل أي آثار جانبية، حيث يمكن إستعمالها لعدة أشهر متتالية.ماعادا لي عندهم حساسية حبوب اللقاح 🔶كيفية تناول حبوب اللقاح: الجرعة: تؤخذ حبوب اللقاح يوميا حسب المقادير التالية: بالنسبة للكبار: ما بين 15 غرام إلى 20 غرام عند الاستعمال الوقائي؛ م بين 30 غرام إلى 40 غرام عند الاستعمال العلاجي. 👈🏾بالنسبة للصغار: تصل إلى 8 غرام (حوالي ملعقة صغيرة) بين 3 و 5 سنوات؛ تصل إلى 12 غرام (حوالي ملعقة كبيرة) بين 6 و 12 سنة؛ تصل إلى 15 غرام بين 12 و 16 سنة. 🔶طرق الاستعمال: تأخذ كما هي أو تذاب في كوب من الماء أو كوب من العسل أو حتى مع علبة ياغورت 🔥تأخذ على الريق صباح إن امكن ، و لابأس بعد إفطار الصباح .

نكرر ونعاود منتجات النحل والخلية تشتري من عند النحال مباشرة لي يربي النحل وعنده خبرة فيه ويعرف يتعامل مع المنتجات ويخزنها بطريقة صحية وسليمة ماشي من عند المحلات والتجار لي في عمرهم ما قاستهم نحلة ولا شافوها .. بحكم خبرتنا وتجربتنا في هذا المجال رانا نشوفو العجب العجاب تروح عند العشاب تلقاه حاط حبوب اللقاح في الرف مع بقية المواد الأخرى لما تذوقها تلقاها حامضة يقلك هذاك هو ذوقها الطبيعي 🧐🧐 تزيد تلقاه يبيع العكبر لي هو البروبوليس بودرة غبرة ما تتعلك ما تتعجن سبحان الله العكبر يجي عجينة ولازم له شروط خاصة باش يولي بودرة بدون خروب او اضافات وهكذاك يعاود يتكتل ويتعجن في السخانة .. زيد العسل تاع شوكيات وفيه زوج قطرات تاع سدرة يقلك هذا عسل السدر الصافي ولي موالفين بنبتة السدر في وقتها لما تكون منورة تجوز عليها تفحفح بريحة مميزة نفسها تلقاها في عسل السدر وهكذا .. الشهدة تاع عسل الحمضيات يبيعوها في المحلات بدون تسمية 600الف للكلغ وهي سعرها الحقيقي 300الف يربحو كثر من النحال لي تعب وسهر وشقا لوكان نحكيلكم على خفايا هذا المجال سوف تدهشون من طرق الربح السريع والخداع لي يتبعوها بعض التجار الله المستعان

حبوب اللقاح: الطري المحلي أم المجفف المستورد؟ بين الغذاء الحي والغش التجاري في عالم التغذية الطبيعية، تعتبر حبوب اللقاح من أغنى ما تنتجه الطبيعة من عناصر مقوية للجسم والمناعة. لكن في الأسواق، نجد نوعين مختلفين تمامًا: الحبوب الطرية المحلية والمجففة المستوردة. فما الفرق بينهما؟ وأيّهما يستحق أن نضعه على موائدنا؟ الطري المحلي: غذاء حي نقي الحبوب الطرية تُجمع حديثًا من خلايا النحل دون أي معالجة أو تجفيف، مما يجعلها غذاءً حيًا يحتوي على: ✅أنزيمات نشطة وفيتامينات حساسة لا تتحمل الحرارة. ✅بروتينات طبيعية وأحماض أمينية كاملة. ✅رائحة زهرية نفاذة وطعم طبيعي لا يُخطئ. ✅هذا النوع قليل الإنتاج، سريع التلف، لكنه الأعلى قيمة غذائية ودوائية، خاصة إذا جاء من مناحل محلية موثوقة. ♦️♦️المجفف المستورد: تغليف جميل… ومضمون مشكوك فيه المنتجات المجففة المستوردة تمر عبر عمليات صناعية قد تدمر الفوائد الحقيقية للحبوب: ❌تفقد الكثير من الأنزيمات والفيتامينات بفعل الحرارة. ❌تُغش أحيانًا بمواد نشوية أو ملوّنة لتحسين المظهر. ❌تدوم طويلًا على الرف، لكنها لا تُقارن بالطرية من حيث الفعالية. السوق والتضليل المفارقة أن المجفف المستورد يُسوّق بشكل واسع، ويُباع في محلات التغذية الراقية، بينما يظل الطري المحلي شبه غائب عن الأضواء، رغم تفوقه في كل المعايير الصحية. خلاصة من يبحث عن الغذاء الحقيقي لا يختار بناءً على التغليف أو السعر، بل بناءً على النوع والنقاء. حبوب اللقاح الطرية المحلية ليست فقط غذاءً، بل دواء وقائي فعّال. أما المجفف المستورد، فكثير منه لا يعدو أن يكون منتجًا تجاريًا فاقدًا للروح. اختر ما يقويك... لا ما يبهرك. بقلم: محمد أحواش 30 يناير 2925

حبوب اللقاح… كنز طبيعي كامل العايلة تقدر تستفاد منو فيها بزاف المنافع: بروتين، ڤيتامينات، معادن، ومضادات الأكسدة. تنفع للدراري، الشيوخ، النساء، الرجال، الحوامل والمرضعات. وش تنفع؟ للصغار: تعاونهم ينمّاو، تقوّي المناعة، وتعاونهم يركّزو فالقراية. للشيوخ: ترفد الصحة وتقوي البدن. للنساء: توازن الهرمونات وتنقص التعب. للرجال: تعطي النشاط وتعاون فالخدمة. للمتزوجين: منشط طبيعي وتعاون فالخصوبة. لفقر الدم: فيها حديد وڤيتامين B12 (لكن ما تعوّضش دوا الطبيب). اللي ناقصين ڤيتامينات: ترجّع النشاط. للحامل: خير من الحديد لي يسبب الإمساك. للمرضع: تزيد الحليب وتحسن التغذية. للنحافة: تفتح الشهية وتعاون فالوزن. للي دايرين الكسل: تنشّطك وتعطيك طاقة. كيفاه تستعملها؟ بدا بشوية (نص مغرفة صغيرة)، وزيد تدريجياً. تقدر تديها وحدها، ولا مع العسل، ولا فالعصير ولا مع الياغورت. وين تخزنها؟ ديرها فالفريڨو، الحرارة تفسدها. ما تخليهاش فالكوزينة ولا فمكان سخون. ♦️حبوب اللقاح 100غ ب 500دج 250غ ب 1000دج 500غ ب 1900دج 1كلغ ب 3700دج

واش هو البروبوليس؟ البروبوليس هو مادة صمغية يصنعها النحل من راتنج الأشجار ويمزجها مع شمع النحل ومواد أخرى. النحل يستعملو باش يعقم الخلية ويغلق بيه الفتحات، بصح حنا نقدروا نستعملوه كدواء طبيعي فيه منافع كبيرة. --- 1. مضاد للبكتيريا والفطريات يعاون في علاج التهابات الفم، اللثة، والحلق. 2. مضاد للالتهابات يخفف الألم والاحمرار، خاصة في الجلد والفم. 3. مضاد أكسدة قوي يحارب الشيخوخة والتعب الخلوي. 4. يسرّع شفاء الجروح العكبر يعقم الجرح ويعاون الجلد يبرأ بسرعة. 5. يعزز المناعة يساعد الجسم يقاوم الأمراض، خاصة في الخريف والشتا. 6. يعالج التقرحات والالتهابات الكريمات اللي فيها عكبر قللت الأعراض وسرّعت الشفاء. كيفاه نستعملوه؟ البروبوليس متوفر فـ أشكال مختلفة: ♦️كبسولات (تتبلع) ♦️بودرة (تخلط مع العسل أو الماء) ♦️قطرات أو بخاخ (للحلق) ♦️مرهم موضعي (للجروح أو حب الشباب) ♦️خلطة مناعة (مع العسل،..) -- واش من الناس ما يصلحش ليهم؟ الناس اللي عندهم حساسية من منتجات النحل (عسل، سم نحل...) 💢💢متوفر عندنا على شكل : ♦️بودرة صافية :10غ ب 700دج ♦️بودرة بالخروب 30%:10غ ب 400دج باش ما يتعجنش ♦️على شكل كبسولة 10غ ب 750دج

حبوب اللقاح… كنز طبيعي لكل العايلة حبوب اللقاح تُعتبر من أقوى المكملات الغذائية الطبيعية، فيها بروتينات، ڤيتامينات، معادن ومضادات أكسدة، وتنفع لكل الأعمار: الصغار، الكبار، النساء، الرجال، الحوامل، والمرضعات. في هاد المنشور، نحكيلكم على فوائدها، كيفاش تستعملوها، وتخزنوها، وتعرفو إذا راهي صالحة ولا فاسدة. --- فوائد حبوب اللقاح؟ للصغار: تعاونهم في النمو وتقوي المناعة، وتنفعهم فالتركيز خصوصاً كي يكونو يقرّاو. للكبار (الشيوخ): تعاونهم باش يرفدو صحتهم وتقويهم شوية. للنساء: مليحة بزاف للهرمونات، وتعاون اللي عندهم تعب ولا مشاكل صحية مزمنة. للرجال: تنشطهم وتقويهم باش يقدرو يديرو خدمتهم اليومية بنشاط. للمتزوجين: تُعتبر منشط جنسي طبيعي، وتعاون على الخصوبة عند الرجال والنساء. اللي عندهم فقر دم: فيها الحديد وڤيتامين B12، وتعاون بزاف، بصح ما تعوّضش علاج الطبيب. اللي ناقصين ڤيتامينات ومعادن: تعوّن الجسم باش يرد النشاط والطاقة. الحامل: تنشط الدورة الدموية، وتعاونها خير من الفار ولا مكملات الحديد لي يسببو الإمساك. المرضع: تعاونها باش تدرّ الحليب وتحسّن تغذيتها. اللي يعانيو من النحافة: تفتح الشهية وتعاونهم يزيدو في الوزن بطريقة طبيعية. اللي دايرين الخمول والكسل: تنشط الجسم وتعاونك في يومك وعملك --- كيفاش تستعمل حبوب اللقاح؟ بدا بكَمية صغيرة (نصف مغرفة صغيرة)، ومن بعد زيد شوية بشوية. تقدر تديها وحدها، ولا تخلطها مع العسل، ولا ديرها فالعصير او معوالياغورت --- وين تخزنها؟ في المجمد (الفريڨو)، لأنها ما تحمّلش الحرارة والرطوبة. ما تخليهاش فالكوزينة ولا فمكان سخون. --- كيفاش تعرف بلي راهي فاسدة؟ تولّي طرية ولا تصوف، يطلع فيها طبقة بيضا. الطعم يولي قارص وفيه ريحة مش مليحة. تلقى فيها دود ولا حشرات صغار. --- تحذير مهم بزاف: راهي ممنوعة على الناس اللي عندهم حساسية من حبوب اللقاح. كاين ناس (نسبة قليلة 1/1000) كي يكلوها تصرالهم أعراض خطيرة: ضيق فالتنفس اختناق حبوب فالجلد أعراض الحساسية الخطيرة كيفاش تعرف إذا عندك حساسية منها؟ كُل طرف صغير (شوية فوق المغرف) وشوف روحك

وآش رايكم في اللوڨو الجديد ؟!

حبوب اللقاح هي الخلايا الذكرية للأزهار النحال يجمع حبوب اللقاح باستعمال مصيدة حبوب اللقاح لي يحطها في مدخل الخلية. كي يرجع النحل للخلية، يمر عبر ثقوب صغيرة في المصيدة، وهاذي الثقوب تخليه يفقد جزء من حبوب اللقاح لي جامعها في رجليه الخلفية. الحبوب تطيح في درج خاص تحت المصيدة، والنحال يجي كل يوم ولا يومين يجمعها.، وبعدها يخزنها في علب محكمة الإغلاق ويحطها في الثلاجة

قائمة المنتجات المتوفرة لهذا الاسبوع : ♨️ التوابل المتوفرة وزن 100غ: ◀️فلفل أسود 300دج ◀️فلفل احمر حلو صنع منزلي 200دج ◀️كمون 200دج ◀️كروية 200دج ◀️قرفة عود 300دج ◀️القصبر 150دج ◀️بودرة الثوم 250دج ◀️بودرة البصل . 250دج ◀️قرنفل - 500دج ◀️نجمة الأرض 500دج ◀️كبابة 500دج 👈 - دجاج 300دج 👈 - المثوم 300دج 👈 - شطيطحة 300دج 👈 - بطاطا 250دج 🌿100غ نعناع مجفف 300دج 🌿100غ الكركدية 300دج 🌿100غ الخزامى 300دج 🌿100غ اكليل الجبل 250دج 🌿100غ اعشاب عطرية 300دج 🌿100غ بابونج 300دج 💢100غ زريعة البسباس 150دج 💢100غ جلجلان ابيض 150دج 💢100غ بذور الشيا 200دج 💢100غ حب العزيز 150دج 💢100غ سانوج 150دج 💢100غ زرارع الخبز 200دج ♦️حبوب اللقاح ♦️ ♦️1 كلغ روينة المرمز بالتمر 500دج للحجز او الاستفسار @Om_tasnim_22 رابط قناة المتجر على التلغرام https://t.me/+o3eOj1Gvi01mNjE0

اخواتي حبيت نبهكم لمعلومة مهمة كل انواع العسل الموجودة في المحلات أو المتاجر الالكترونيه التي تباع الان في هذه الفترة انتاج 2025 وقريبا راح يكون انتاج 2026 تاع عسل الحمضيات ومتعدد الازهار والجرجير يعني في أفريل إن شاء الله أما السدر والشوكيات يكونو في أواخر ماي وبداية جوان والأنواع الأخرى أيضا في الصيف

بالنسبة للأسعار ♦️حبوب اللقاح 100غ ب 400دج 250غ ب 900دج 500غ ب 1750دج 1كلغ ب 3300دج 3كلغ وأكثر 3000دج للكلغ

بسم الله على بركة الله حبوب اللقاح انتاج 2026 تاع هذا الأسبوع

السلام عليكم بزاف اخوات راهم يسقسوني في الخاص على السدر المطحون للاسف توقفنا عن بيعه في نوفمبر لانه اوراق شجرة السدر تساقطت و حتى هذه الأيام باش بدات تنور وتخرج ، وحنا كل حاجة نخدموها تكون مباشرة من الطبيعة اليد الاولى حنا لي نقطفوها ونجففوها ونطحنوها ونبيعوها وبسعر معقول الافضل من كل الصفحات راهم يبيعو فيها 600الف للكلغ وحنا كنا نبيعوها النصف أو اقل لاصحاب الكميات الكبيرة وكنا أسبوعيا نقطفو ونجففو ونبيعوها مباشرة ما نخزنوهاش اطلاقا لانه عليها الطلب بزاف وتنتهي فور الإعلان عنها نحيير في لي راهم يبيعو فيها الان قديمة تاع العام لي فات و باهتة اللون و بسعر مضاااعف وقت جني اوراق السدر يكون في أواخر افريل وبداية جوان بعد أن تخرج الاوراق وتزهر و يسرح عليها النحل ويستخرج منها عسل السدر الفاخر ثم تلك الزهور تتساقط وتثمر الثمار لي هي النبق هنا يبدأ جني الاوراق لأنها تكون كبيرة

السلام عليكم عيدكم مبارك تقبل الله منا ومنكم الاسبوع القادم باذن الله نفتح الطلبيات هناك عدة منتجات موسمية وطازجة سيتم الإعلان عنها لاحقا باذن الله

السلام عليكم يوم الاربعاء اخر يوم لاستلام طلبيات رمضان وعليه نغلق المتجر لهذا الموسم إلى فصل الصيف باذن الله