MFSD

ဧရာဝတီတိုင်းဒေသကြီး၊ ညောင်တုန်းမြို့နယ်၊ ချောင်းဖျားကျေးရွာရှိ ညောင်တုန်းကျွန်းတာ(ဧရာဝတီမြစ်ခွဲ) တာမိုင်(၁၁/၅)၊ (၁၁/၆)ကြားတွင် ဆည်မြောင်းတာအိပဲ့ကျမှုဖြစ်ပွားသဖြင့် ၅.၉.၂၀၂၆ ရက်နေ့၊ ၀၇ ၃၀ အချိန်တွင် ရန်ကုန်တိုင်းဒေသကြီးမှ သန္ဓေမီးသတ်တပ်ဖွဲ့ဝင်များ၊ မအူပင်ခရိုင်မီးသတ်စခန်းနှင့် ညောင်တုန်းမြို့နယ်မီးသတ်စခန်းတို့မှ သန္ဓေမီးသတ်တပ်ဖွဲ့ဝင်များသည် အရန်မီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများ၊ ပြည်သူများနှင့်ပူးပေါင်း၍ ဝါးကတုတ်ရိုက်ခြင်း၊ သဲဖို့ခြင်း၊ သဲအိတ်စီခြင်းလုပ်ငန်းများ ဆောင်ရွက်လျက်ရှိပါသည်။

လေးမျက်နှာမြို့နယ်၊ ငဝန်တာ၏ အောက်ခံ မြစ်ကျိုးအင်းသဲကြောမှ ထူး‌ပေါက်၍ ရေဖြတ်သန်းစီးဆင်းမှု‌ကြောင့် တာတမံနိမ့်ကျမှုဖြစ်စဉ်တွင် မီးသတ်တပ်ဖွဲ့ဝင်များသည် တာကျိုးနေရာ၌သဲအိတ်များဖြည့်ခြင်း၊ သဲအိတ်များဖို့ခြင်း၊ ရေရှောင်စခန်းများနှင့် ရေဝင်ရောက်သည့် ကျေးရွာများသို့ စားရေရိက္ခာ၊ သောက်သုံးရေများ ပို့ဆောင်ပေးခြင်း၊ ဌာနဆိုင်ရာဝန်ထမ်းများ၊အဖွဲ့အစည်းများ၊ အလှူရှင်များအား ရေ‌ဘေးရှောင်စခန်းများ၊ ရေဝင်ရောက်သည့် ကျေးရွာများနှင့် တာတမံနိမ့်ကျသည့်နေရာသို့ ပို့ဆောင်ပေးခြင်း၊ ဒေသခံပြည်သူများ ကျန်းမာရေးနှင့် လူမှုရေးကိစ္စများဖြင့် သွားရောက်လိုပါက ကူညီပို့ဆောင်ပေးခြင်းလုပ်ငန်းများ ဆောင်ရွက်လျက်ရှိပါသည်။

၅.၉.၂၀၂၆ ရက်နေ့၊ ၁၄ ၄၀ အချိန်ခန့်၊ မန္တလေးတိုင်းဒေသကြီး၊ ကျောက်ဆည်မြို့နယ်၊ ဘောဂဝတီရပ်ကွက်ရှိ ဇော်ဂျီမြစ်အတွင်း ကျား(၁)ဦး ရေဆင်းကူးရာမှ ရေနစ်ပျောက်ဆုံးနေကြောင်း သတင်းရရှိသဖြင့် ကျောက်ဆည်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များသည် MYANMAR RESCUE(KYAUKSE) အဖွဲ့ဝင်များနှင့်ပူးပေါင်း၍ ရှာဖွေရေးလုပ်ငန်းများဆောင်ရွက်ခဲ့ရာ ၁၅ ၅၀ အချိန်တွင် ကျား(၁)ဦး(‌ေ-သဆုံး)အား တွေ့ရှိခဲ့ပြီး ကျောက်ဆည်မြို့ပြည်သူ့ဆေးရုံကြီးသို့ ကူညီပို့ဆောင်ပေးခဲ့ပါသည်။

၅.၉.၂၀၂၆ ရက်နေ့၊ ၀၈ ၀၀ အချိန်ခန့်၊ ရှမ်းပြည်နယ်၊ နမ့်စန်မြို့တွင် မိုးသည်းထန်စွာရွာသွန်းပြီး နမ့်လတ်ချောင်းရေမြင့်တက်မှုကြောင့် ချောင်းဘေးရှိ အမှတ်(၁)၊ (၃)၊ (၄)ရပ်ကွက်တို့ရှိ နေအိမ်များအတွင်း ရေဝင်ရောက်မှုဖြစ်ပွားကြောင်း သတင်းရရှိသဖြင့် နမ့်စန်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရေဝင်ရောက်နေသော အိမ်ထောင်စုများအား ရေဘေးလွတ်ရာသို့ ကူညီရွှေ့ပြောင်းပေးခဲ့ပါသည်။

၅.၉.၂၀၂၆ ရက်နေ့၊ ၁၀ ၂၃ အချိန်ခန့်၊ ရန်ကုန်တိုင်းဒေသကြီး၊ ဒဂုံမြို့သစ်(အရှေ့ပိုင်းမြို့နယ်)၊ ၁၁၉ ရပ်ကွက်၊ ကနောင်လမ်းတွင် မီးလောင်မှုဖြစ်ပွားကြောင်း သတင်းရရှိသဖြင့် ဒဂုံမြို့သစ်(အရှေ့ပိုင်းမြို့နယ်)မီးသတ်စခန်းမှ မီးသတ်ယာဉ်(၄)စီး ထွက်ခွာငြှိမ်းသတ်လျက်ရှိပါသည်။

၄.၉.၂၀၂၆ ရက်နေ့၊ ၂၂ ၃၅ အချိန်ခန့်၊ ရှမ်းပြည်နယ်၊ တောင်ကြီးမြို့၊ ကံကြီးရပ်ကွက်၊ နယ်မြေအမှတ်(၃)တွင် လူနေအိမ်မီးလောင်နေကြောင်း သတင်းရရှိသဖြင့်၊ တောင်ကြီးခရိုင်မီးသတ်စခန်းမှ မီးငြှိမ်းသတ်ယာဉ်(၃)စီး၊ တောင်ကြီးမြို့နယ် မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် သွားရောက်ငြှိမ်းသတ်ခဲ့ရာ ၂၃ ၃၀ အချိန်တွင်မီးငြိမ်းပါသည်။

၄.၉.၂၀၂၆ ရက်နေ့၊ ၁၇ ၄၅ အချိန်၊ ပဲခူးတိုင်းဒေသကြီး၊ ပဲခူးမြို့နယ်၊ ဥဿာ(၇)ရပ်ကွက်၊ မြို့ဦးကင်း(ကွင်းသစ်)၊ ဓမ္မပါလလမ်းရှိ ရေဝင်ရောက်နေသည့် ရိုးအတွင်းလူ(၁)ဦး၊ ရေနစ်နေကြောင်း သတင်းရရှိသဖြင့် ပဲခူးခရိုင်မီးသတ်စခန်းမှ ရှာဖွေကယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ရာ ကျား(၁)ဦး ‌ေ-သဆုံးအား ၁၈ ၀၀ အချိန်တွင် တွေရှိခဲ့ပြီး သာမဏေကျော် သူနာတင်ယာဉ်ဖြင့် ပဲခူးမြို့နယ်ပြည်သူ့ဆေးရုံကြီးသို့ ပို့ဆောင်ပေးခဲ့ပါသည်။

၄.၉.၂၀၂၆ ရက်နေ့၊ ၁၉ ၂၂အချိန်၊ ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်၊ ၉၂ ရပ်ကွက်၊ ပဲခူးမြစ်လမ်းမပေါ်တွင် ယာဉ်တိုက်မှုဖြစ်ပွားပြီး လူညှပ်နေကြောင်း သတင်းရရှိသဖြင့် ဒဂုံဆိပ်ကမ်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်လျက်ရှိပါသည်။

၄.၉.၂၀၂၆ ရက်နေ့၊ ၁၆ ၃၀ အချိန်ခန့်၊ နေပြည်တော်၊ တပ်ကုန်းမြို့နယ်၊ သပြေချောင်းကျေးရွာအုပ်စု၊ ဂွေးခါးတောင်အနီးရှိ သဘာဝရေကန်တွင် ကျား(၁)ဦး၊ မ(၃)ဦး ရေဆင်းကူးရာမှ မ(၂)ဦးရေနစ်ပျောက်ဆုံးနေကြောင်း သတင်းရရှိသဖြင့် တပ်ကုန်းမြို့နယ်မီးသတ်စခန်းမှ မီးသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှာဖွေရေးလုပ်ငန်းများဆောင်ရွက်ခဲ့ရာ ၁၇ ၁၀ အချိန်တွင် မ(၂)ဦး(‌ေ-သဆုံး)အား တွေ့ရှိခဲ့ပြီး တပ်ကုန်းမြို့နယ် ကုတင် (၁၀၀)ဆေးရုံသို့ ကူညီပို့ဆောင်ပေးခဲ့ပါသည်။

လေးမျက်နှာမြို့နယ်၊ ငဝန်တာ၏ အောက်ခံ မြစ်ကျိုးအင်းသဲကြောမှ ထူး‌ပေါက်၍ ရေဖြတ်သန်းစီးဆင်းမှု‌ကြောင့် တာတမံနိမ့်ကျမှုဖြစ်စဉ်တွင် မီးသတ်တပ်ဖွဲ့ဝင်များသည် တာကျိုးနေရာ၌သဲအိတ်များဖြည့်ခြင်း၊ သဲအိတ်များဖို့ခြင်း၊ ရေရှောင်စခန်းများနှင့် ရေဝင်ရောက်သည့် ကျေးရွာများသို့ စားရေရိက္ခာ၊ သောက်သုံးရေများ ပို့ဆောင်ပေးခြင်း၊ ဌာနဆိုင်ရာဝန်ထမ်းများ၊အဖွဲ့အစည်းများ၊ အလှူရှင်များအား ရေ‌ဘေးရှောင်စခန်းများ၊ ရေဝင်ရောက်သည့် ကျေးရွာများနှင့် တာတမံနိမ့်ကျသည့်နေရာသို့ ပို့ဆောင်ပေးခြင်း၊ ဒေသခံပြည်သူများ ကျန်းမာရေးနှင့် လူမှုရေးကိစ္စများဖြင့် သွားရောက်လိုပါက ကူညီပို့ဆောင်ပေးခြင်းလုပ်ငန်းများ ဆောင်ရွက်လျက်ရှိပါသည်။

၃.၉.၂၀၂၆ ရက်နေ့၊ ၁၆ ၄၅ အချိန်ခန့်၊ နေပြည်တော်၊ ဇမ္ဗူသီရိမြို့နယ်၊ ဗလသိဒ္ဓိရပ်ကွက်၊ ရွှေကြာပင်လမ်းမ၊ ဗလသိဒ္ဓိဘောလုံးကွင်းအတွင်းရှိ ငလျင်ဘေးသင့်ပြည်သူများ ယာယီတည်းခိုရေးစခန်းတွင် တောကြီးမြွေဟောက်(၁)ကောင် ဝင်ရောက်နေကြောင်း သတင်းရရှိသဖြင့် ဗလသိဒ္ဓိနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ ဗဟိုမီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်ဖမ်းဆီးပေးခဲ့ပါသည်။

၃.၉.၂၀၂၆ ရက်နေ့၊ ၁၅ ၀၀ အချိန်ခန့်၊ စစ်ကိုင်းတိုင်းဒေသကြီး၊ ကလေးမြို့အတွင်း မိုးသည်းထန်စွာရွာသွန်းမှုကြောင့် ဥပုသ်ချောင်းထဲတွင် ရေစီးနှင့်အတူမျောပါနေသည့် ကုက္ကိုပင်သည် ပင်လုံရပ်ကွက်၊ နယ်မြေ(၃)ရှိ ဆိပ်ကမ်းသာတံတားအောက်တွင် ပိတ်ဆို့နေကြောင်း သတင်းရရှိသဖြင့် ကလေးမြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှင်းလင်းရေးလုပ်ငန်းများ သွားရောက်ဆောင်ရွက်ခဲ့ပါသည်။

၃.၉.၂၀၂၆ ရက်နေ့၊ ၁၀ ၀၀ အချိန်ခန့်တွင် ဧရာဝတီတိုင်းဒေသကြီး၊ လေးမျက်နှာမြို့နယ်၊ ထိန်ငူကျေးရွာအနီးရှိ ငဝန်ရေကာတာမိုင် ၂၀/၀(+၂၀၀)တွင် တာအိတာလျောမှုဖြစ်ပွားသဖြင့် ဟင်္သာတခရိုင်မီးသတ်စခန်းမှ သန္ဓေမီးသတ်တပ်ဖွဲ့ဝင်များသည် ဆည်မြောင်းဦးစီးဌာန ဝန်ထမ်းများနှင့်ပူးပေါင်း၍ သဲအိတ်ဖို့ခြင်း၊ ဝါးတုတ်ရိုက်ခြင်းလုပ်ငန်းများဆောင်ရွက်လျက်ရှိပါသည်။

လေးမျက်နှာမြို့နယ်၊ ငဝန်တာ၏ အောက်ခံ မြစ်ကျိုးအင်းသဲကြောမှ ထူး‌ပေါက်၍ ရေဖြတ်သန်းစီးဆင်းမှု‌ကြောင့် တာတမံနိမ့်ကျမှုဖြစ်စဉ်တွင် မီးသတ်တပ်ဖွဲ့ဝင်များသည် တာကျိုးနေရာ၌သဲအိတ်များဖြည့်ခြင်း၊ သဲအိတ်များဖို့ခြင်း၊ ရေရှောင်စခန်းများနှင့် ရေဝင်ရောက်သည့် ကျေးရွာများသို့ စားရေရိက္ခာ၊ သောက်သုံးရေများ ပို့ဆောင်ပေးခြင်း၊ ဌာနဆိုင်ရာဝန်ထမ်းများ၊အဖွဲ့အစည်းများ၊ အလှူရှင်များအား ရေ‌ဘေးရှောင်စခန်းများ၊ ရေဝင်ရောက်သည့် ကျေးရွာများနှင့် တာတမံနိမ့်ကျသည့်နေရာသို့ ပို့ဆောင်ပေးခြင်း၊ ဒေသခံပြည်သူများ ကျန်းမာရေးနှင့် လူမှုရေးကိစ္စများဖြင့် သွားရောက်လိုပါက ကူညီပို့ဆောင်ပေးခြင်းနှင့် ဆေးရုံတွင် တင်ကျန်နေသော ရွံ့၊ နုံးမြေများအား ရှင်းလင်းခြင်းလုပ်ငန်းများ ဆောင်ရွက်လျက်ရှိပါသည်။

၃.၉.၂၀၂၆ ရက်နေ့၊ ၀၉ ၁၀ အချိန်ခန့်၊ ရန်ကုန်တိုင်းဒေသကြီး၊မင်္ဂလာတောင်ညွန့်မြို့နယ် ၊ မင်္ဂလာတောင်ညွန့်ရပ်ကွက်၊ မြရာကုန်းလမ်းတွင် သစ်ပင်လဲနေကြောင်း သတင်းရရှိသဖြင့် မင်္ဂလာတောင်ညွန့်မြို့နယ်မီးသတ်စခန်းမှ မီးငြှိမ်းသတ်ယာဉ်၁ စီး၊ သန္ဓေမီးသတ် တပ်ဖွဲ့ဝင်များဖြင့် ရှင်းလင်းရေးလုပ်ငန်းများ ဆောင်ရွက်လျက်ရှိပါသည်။

၃.၉.၂၀၂၆ ရက်နေ့၊ ၀၅ ၄၀ အချိန်ခန့်၊ ပဲခူးတိုင်းဒေသကြီး၊ တောင်ငူမြို့၊ အမှတ်(၉)ရပ်ကွက်၊ ရန်ကုန်-မန္တလေးလမ်းဟောင်းတွင် ယာဉ်တိုက်မှုဖြစ်ပွားပြီး လူညပ်နေကြောင်းသတင်းရရှိသဖြင့် တောင်ငူမြို့နယ်မီးသတ်စခန်းမှ မီးသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်လျက်ရှိပါသည်။

၃.၉.၂၀၂၆ ရက်နေ့၊ ၀၅ ၃၀ အချိန်၊ ရန်ကုန်တိုင်းဒေသကြီး၊ တိုက်ကြီးမြို့နယ်၊ အိုးတန်းရပ်ကွက်၊ ရန်ကုန်-ပြည်လမ်းဘေး၊ မင်းကျောင်းဘုန်းကြီးကျောင်းရှေ့တွင် သစ်ပင်လဲကျနေကြောင်းသတင်းရရှိသဖြင့် တိုက်ကြီးမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှင်းလင်းရေးလုပ်ငန်းများ ဆောင်ရွက်လျက်ရှိပါသည်။

၃.၉.၂၀၂၆ ရက်နေ့၊ ၀၄ ၄၀ အချိန်ခန့်၊ ရန်ကုန်တိုင်းဒေသကြီး၊ တိုက်ကြီးမြို့နယ်၊ ဂျိုးဖြူကျေးရွာ၊ နတ်ရှင်နောင်လမ်းတွင် ကားမီးလောင်မှုဖြစ်ပွားကြောင်း သတင်းရရှိသဖြင့် တိုက်ကြီးမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ ၀၄ ၄၄ အချိန် မီးငြိမ်းပါသည်။

၂.၉.၂၀၂၆ ရက်နေ့၊ ၁၀ ၅၀ အချိန်ခန့် ၊ စစ်ကိုင်းတိုင်းဒေသကြီး၊ ကလေးမြို့နယ်၊ ကျီကုန်းကျေးရွာအုပ်စု၊ ဖောင်ကူးကျေးရွာတွင် မိုးသည်းထန်စွာရွာသွန်းမှုကြောင့် နေရဉ္ဇရာမြစ်ရေလျှံမှုဖြစ်ပွားပြီး ဖောင်ကူးကျေးရွာအတွင်းသို့ ရေဝင်ရောက်နေကြောင်းသတင်းရရှိသဖြင့် ကလေးမြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ အသက်ကယ်လှေ(၂)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့်ပူးပေါင်း၍ ကူညီရွှေ့ပြောင်းခြင်းလုပ်ငန်းများ ဆောင်ရွက်ခဲ့ပါသည်။

၂.၉.၂၀၂၆ ရက်နေ့၊ ၂၀ ၁၄ အချိန်ခန့် ၊ ရန်ကုန်တိုင်းဒေသကြီး၊ ဒလမြို့နယ်၊ ဘိုရန်ပြေရပ်ကွက်၊ ဦးဥတ္တမလမ်းတွင် သစ်ပင်လဲကျနေကြောင်းသတင်းရရှိသဖြင့် ဒလမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှင်းလင်းရေးလုပ်ငန်းများ သွားရောက်ဆောင်ရွက်လျက်ရှိပါသည်။