الساخر الهادف - Ibrahem Emam

مش عاوز أكون بثير الجدل، بس لأني ملاحظ ترندات غريبة في مسألة الأفراح وخلافه، هقول معلومتين عن فرحي أنا مشترتش بدلة جديدة لفرحي، كان عندي بدلة شاريها في فرح أختي قبلها بسنة تقريبا ولبستها في فرحي عادي مشترتش جزم جديدة، كان عندي جزمة لمعتها ولبستها عادي مجبتش عربية بكام ألف تزفني (كانت ب ٢٥٠٠ عشاني) كلمت زوج أختي وجه زفني بعربيته عادي زوجتي مراحتش ميكب ارتيست .. محطتش ميكب أصلا! اتأجرت فستان جميل وسيمبل خالص وكان تحفة وسعره عادي رحنا اتصورنا مع فوتوجرافر بنت محترمة جم أخواتنا والمقربين جدا من أصحابنا اتصوروا معانا روّحنا في هدوء على بيتنا ، كنا ٣ عربيات بالظبط روّحت بيتي مرتاح وسعيد! بفضل الله كل البنود اللي فوق دي كنت أقدر أصرف فيها عشرات بل مئات الآلاف، بس السؤال الذي يطرح نفسه: ليه؟ يعني ليه أبعزق ٥٠ ألف جنيه في يوم وأنا شاب لسه بادئ حياتي ؟ ليه معملش يوم هادي بأقل تكلفة وأفرح أنا واللي بيحبوني وبس؟ ليه أستلف وأتداين وأزنق أهلي بمصاريف حرفيا (ملهاش أي لازمة) ؟ ليه يبقي يوم الفرح ده كله يفرح فيه وأنا الوحيد اللي أحاسب ع المشاريب ؟ ده حتى المفروض فرحي يعني! باختصار متصعبهاش على نفسك وتخليها حوار وقصة متخليش المجتمع يجبرك تعمل حاجة مش هتأذي حد غيرك، وحط رأي الناس "الغلط" ده في أقرب مقلب قمامة، اشتري راحتك ومصلحتك يحبيب أخوك، والناس كده كده مبيعجبهاش حاجة يعني، مهما عملت، ومتخليش الجواز بُعبُع بالنسبالك عشان والله بأقل التكاليف تقدر تستر نفسك وربك بيعين جداااااااااااااا، واسأل اللي جرّب مش اللي خايف وعمال يخوفك معاه وشاكك في ربنا وعنده سوء ظن استعن بالله، وخد خطوة منظمة واستفد ممن سبقوك. #الساخر_الهادف

مهم بخصوص لقاء اليوم

اكتساب العادات الصحيه / نسيان اوجاع الماضي 🚫 #الساخر_الهادف #سلسلة_العلاقات

اللقاء اليوم مساءً إن شاء الله 💫

السلام عليكم ورحمة الله وبركاته..🤍 موعدنا يوم الخميس بإذن الله -تعالى - مع د.إبراهيم إمام(الساخر الهادف) الساعة 10 مساءاً بتوقيت القاهرة على قناة التليجرام اللقاء بإذن الله بعنوان" الموازنة بين الدين والدنيا" استعدوا للقاء وجددوا النوايا تقبل الله منا جميعا💕 في انتظار أسئلتكم علي صراحه ان شاءالله يتم الإجابة علي ما تيسر منها رابط القناة : https://t.me/ZadTabib61st رابط صراحة : http://zadtabib61st.sarhne.com بإذن الله سيتم تسجيل اللقاء.