🌷Далбар Хотун🌷

#планерка СӨ суруйааччыларын Сойууһун чилиэнэ, "Далбар хотун" сурунаал редактора, суруналыыс Айталина Никифорова-Шадрина уонна "Киэргэ" ювелирнай дьиэ худуоһунньук-дизайнера Саргылаана Барахова - Ымыы улуус дьаһалтатын планеркатыгар кыттыыны ыллылар. Айталина Константиновна уонна Саргылаана Иннокентьевна иккиэн Үөһээ Бүлүүттэн төрүттээх айар-тутар кэрэ аҥардар. Айталина Константиновна айар үлэтин туһунан кылгастык билиһиннэрдэ, итиэннэ "Далбар хотун" сурунаал үлэтин-хамнаһын туһунан иһитиннэрдэ. "Сурунаалы суруттарыҥ, ааҕыҥ, сэргээҥ. Оҕо иитиитигэр баай уопуту ылыаххыт, тыа сиригэр үлэлиир-хамныыр ийэлэр, дьиэ кэргэттэр туһунан билиэххит, история кэрчиктэрин кытары билсиэххит", - диэн ыҥыран туран суруйбут кинигэлэрин Валерий Валерьевичка уонна киин библиотека салайааччытыгар Тамара Герасимовнаҕа бэлэх уунна. @uoheebuluu

🌪️🌪️🌪️🌪️🌪️🌪️🌪️🌪️🌪️🌪️ *ХОЛОРУК ТУҺУНАН* Куйаар Куо: Мантан сайын холоруктар элбиэхтэрин сөп. Холорук (сороҕор "кулун туйаҕа", "тулаайах хараҕа", "ытырыык от", "Оҥхолорук" диэн ааттыыллар). Бу Иччилэр, эбэтэр куһаҕан тыын хамсааһыннарын, кэлиитин бэлиэтэ диэччилэр. Холорук киһи утары кэлэн таарыйан аастаҕына икки аҥаардаах суолталаах бэлиэ буолар. Бу түгэни маннык быһаарыахха сөп: 1. Үтүө суолтата (Иччилэр кэлиилэрэ, харысхал): • Көмөлөһөр Иччи кэлиитин бэлиэтэ: Холорук — бу күүстээх Иччи (айылҕа дууһата) эбэтэр Үтүө тыын киһиэхэ чугаһаабытын, киниэхэ болҕомтотун уурбутун көрдөрөр. Бу түгэн киһи олоҕор дьолу, табыллыыны, ситиһиини аҕалыан сөп. Иччилэр эйигин араҥаччылыыр, көмүскүүр, эбэтэр туох эрэ кэскиллээҕи түстүүр сыаллаах кэлбиттэрин бэлиэтэ буолуон сөп. • Сүр күүһүн иҥэрии: Сороҕор, Холорук күүстээх эниэргийэни, сүр күүһүн киһиэхэ иҥэрэр диэн өйдөбүл баар. Ол аата, эн олоххор саҥа күүс-уох, эрчим киириэҕэ. • Бэлиэ биэрии: Бу туох эрэ улахан уларыйыы, дьоһун түгэн буоларын иннинэ бэриллэр бэлиэ буолуон сөп. 2. Куһаҕан суолтата (Сэрэтии, ыарыы, моһол): • Куһаҕан тыын чугаһааһына: Холорук сороҕор куһаҕан тыыны, ыарыыны, моһолу эбэтэр дьайыыны илдьэ кэлэр диэн эмиэ буолааччы. Киһиэхэ ыарыы, мөкү санаа, олоххо табыллыбат түгэннэр кэлиэхтэрин сөп. • Эниэргийэни ылыы: Куһаҕан тыыннаах холорук киһи эниэргийэтин, күүһүн "ылыан" сөп. Ол түмүгэр киһи күүһэ-уоҕа мөлтүөн, ыарыытыйыан сөп. • Сэрэтии: Холорук – бу эйигин сэрэтии, олоххор тугу эрэ уларытыаххын наадатын, сэрэхтээх буолуоххун наадатын биллэрэр. Уопсайынан холорук утары кэлэн таарыйан аастаҕына, киһи түргэнник тугу эмэ гынара эбэтэр этинэрэ наада этэ: 1) Алгыс уонна Аһыныгас тыл: "Үтүө тыыннаах эрэ буол, миигиттэн тумна аас!", "Үтүөнү аҕал!" эбэтэр "Үтүө эрэ буоллун!" диэн этэн, алгыс тылы этэн ыытыахха наада. Куһаҕаны баҕарбат буолуохха. 2) Бу манныкка түбэстэххинэ үрүҥ аһынан (кымыс, үүт, арыы) айах тутан, иччилэргэ эбэтэр Айыыларга махтан, үтүөнү көрдөс. 3) Бэйэҥ санааҕынан ыраастан, ис туруккун көрүн. Дьиэҕэр отто умат, дьиэн Иччитин аһат аламаҕай буол. 4) Олоххор туох эрэ уларыйыы буолуон сөп диэн өйдөөн, болҕомтолоох буол. "Холорук – айылҕа тыла, Иччилэр бэлиэлэрэ. Киһи сүрүн-кут-сүрэ күүстээх буоллаҕына, үтүө тыын кинини арыаллыыр, харыстыыр. Онон, куруук сырдык санаалаах, ыраас дууһалаах буол." Бу курдук көстүү кэнниттэн куттанымыахха, ол оннугар бэйэҥ ис туруккун анааран көрөн, үтүө санааны үксэтиэххэ наада. Өскөтүн куһаҕан санаалар киирдэхтэринэ, кинилэри үүрэн, сырдыкка дьулуһуохха. ✨Куйаар Куо✨ 09.06.26 ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

🏡 *Саҥа сиргэ көһөр эбэтэр дьиэҕитин көтүрэр буоллаххытына, дьиэҕит иччитин илдьэ барыаххытын сөп. Ол курдук олорбут дьиэҕитигэр биэдэрэҕэ уот оттон баран: «Биһиги атын дьиэҕэ көһөн эрэбит, онон биһигини кытта барсан саҥа дьиэбитин олохтуур бутугар көрдөһөбүт», – диигит. Күлүн саҥа дьиэҕит муннуктарыгар кутаҕыт*. Сиэр-туом туһунан сиһилии ➡️➡️➡️ https://dalbarhotyn.ru/main/kөmүs-neeke-ujabyt-siere-tuoma/ ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

🌸🌿🌸🌿🌸🌿🌸🌿🌸🌿🌸 «ДАЛБАР ХОТУН» саҥа сайыҥҥы нүөмэригэр ааҕыҥ🙌 - Дизайнер Аина Анемподистова айан таһаарбыт халадаайдарын туһунан - ⁠15-с төгүлүн ыытыллыбыт "Далбар Хотун" күрэх талба хотунун, элбэх оҕолоох ийэ Екатерина Спиридонова сирдээҕи дьолун туһунан, хоһуун хотун Светлана Васильева үлэтин-хамнаһын, сыалын-соругун тула сэһэргэһиилэри ⁠ - ⁠Суоллар бэлиэлэрин суолтатын туһунан "Сир түннүгэ" рубрикаҕа ааҕыҥ - ⁠Олоҥхо ыһыаҕын көрсө "Төрүт үгэһи сөргүтэн, барҕардар баҕанан" диэн Майя Власьеваны кытта кэпсэтиини - ⁠Сүдү өбүгэлэрбит туһунан "История араҥатын арыйан" рубрикаҕа ааҕыҥ - ⁠Атын аэродромнар тустарынан Наталья Харлампьева суруйуутун сэргээҥ - ⁠Кэрэни ситэрэр Полина Ноеваны кытта кэпсэтиини - ⁠Көмүс ньээкэ уйабыт сиэрин-туомун туһунан "Алаһа" рубрикаҕа ааҕыҥ - ⁠Оһорунуу, көмүскэнии кэнниттэн хайдах сайдыыга өрө тахсар туһунан уйулҕаһыт сүбэтин туһаныҥ - ⁠Былыргы оҕо биһигин туһунан "Өбүгэ илиитин сылааһа" рубрикаҕа билсиҥ - ⁠Дойдубут эмтээх отторун туһунан отоһут Михаил Колесов сүбэтин туһаныҥ - ⁠"Айар кут" рубрикаҕа ийэ күүһүн туһунан кэпсээни ааҕыҥ - ⁠Саха төрүт астара: тар, ымдаан туһунан уонна аһытыылаах бэйэ килиэбин хайдах оҥорор туһунан "Сандалы" рубрикаҕа ааҕыҥ 🙌 ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

❔Ыйыт-эппиэттиибит «Мин соторутааҕыта саҥа үлэҕэ киирбитим. Үлэлээбитим алта ыйын туола илик. Уоппуска ылыахпын сөп дуо?»   ✅Ылыаххын сөп, өскөтүн үлэ биэрээччиҥ сөбүлэһэр буоллаҕына, эбэтэр РФ Үлэҕэ кодексын 122 ыст. сөп түбэһэр чэпчэтиилээх араҥаҕа киирсэр буоллаххына. 🔷Ол курдук, ким үлэлээбитэ алта ыйын туолуон иннинэ уоппускаҕа барар бырааптааҕый? – Сокуоннай саастарын ситэ илик үлэһиттэр; – Оҕотун көрөн олорон баран үлэтигэр тахсыбыт дьахтар; – Оҕотун көрөрүнэн үлэлээбэккэ олорор кэргэннээх ыал аҕата; – Үс ыйыгар диэри саастаах оҕону ииттэ ылбыт төрөппүт; – Элбэх оҕолоох төрөппүт; – Инбэлиит оҕолоох төрөппүт. ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

🍿 "Мэхээлэчээн булчут" киинэ режиссерскай версията "Ситим" сыһыарыыга таҕыста. 🎞️🎈Оҕо көмүскэлин күнүн көрсө "Ситим" сыһыарыыга дьиэ кэргэҥҥэ анаммыт "Мэхээлэчээн булчут" киинэ таҕыста. 🎞️📲 Эксклюзивнай версияҕа саҥардыллыбыт монтаж киирэн биэрдэ. Режиссер Александр Лукин киинэ хартыынатын темпоритмын уларытта уонна хронометраһын кылгатан биэрдэ. ➡️ Киинэни бу сигэнэн көрүҥ: https://sitim.info/cinema/5969 @ulusmedia

Бэс барыанньата 1 киилэ бэс туораҕын сууй, онно 750 мг ууну кут, 1 киилэ саахары эп. Кыра уокка 1,5 чаас кэриҥэ кыра уокка буһар. Кугэнин баһан быраҕаттаа. ✅ «Далбар Хотун» сурунаал социальнай ситимҥэ бөлөҕө:https://chat.whatsapp.com/FbLnhlZbm4XJb6kHzdCB9i?mode=hqrt1 ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

🌿🌿🌿 Бэс ыйын күнүн-дьылын билгэтэ Бэс ыйа — от-мас, сир симэҕэ тиллэр, чыычаах ыллыыр кэмэ, сайын саҕаланыыта, үрүҥ түүн түһүүтэ. 🌿Норуот билгэлээһининэн, бэс ыйыгар түүн сылаас буоллаҕына, үрдүк үүнүүнү кэтэһиэххэ сөп. 🌿Сарсыарда туманнаах буоллаҕына тэллэй хойуутук үүнүө. 🌿Сарсыардааҥҥы сиик элбэҕэ — эмиэ үрдүк үүнүүгэ. 🌿Дьон-сэргэ бэс ыйа хайдаҕый да, от үүнүүтэ эмиэ оннук буолуо диир. Күнү-дьылы билгэлииргэ маннык күннэри кэтээн көрүү ордук суолталаах: 3 — сөҥүү түстэҕинэ, күһүн эмиэ ардахтаах буолар. 10 — чуумпу буоллаҕына, үрдүк үүнүүнү кэтэс. 16 — хотугулуу-арҕааттан тыал үрдэҕинэ, өҥ сайын буолуо. Этиҥнээх ардах — от үлэтэ уустуктук ааһарын бэлиэтэ. Күнү быһа самыырдаатаҕына — тэллэй элбэх. Саха бикипиэдьийэ ✅ «Далбар Хотун» сурунаал социальнай ситимҥэ бөлөҕө:https://chat.whatsapp.com/FbLnhlZbm4XJb6kHzdCB9i?mode=hqrt1 ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

Күндү ааҕааччыларбыт! Суруттарыыны куоттарымаҥ! ⚡️⚡️⚡️ 🪶🪶🪶📚📚📚 *“Далбар Хотун”  сурунаалы суруттарарга 9️⃣ төрүөт*!  🔥🤩💕 1️⃣Манна дьон сөбүлээн ааҕар, билиитин байытарыгар олус туһалаах “Саха саарыннарын далбар хотуттара” рубрикаҕа тыл билимин дуоктара *Валентина Семенова* биһиэхэ эрэ анаан чулуу дьоммут, норуот суруйааччыларын тус олохторун, кэргэттэрин туһунан чинчийэн, сиһилии сырдатан суруйар. 2️⃣      “История араҥатын арыйан” рубрикабытыгар норуоппут олорон ааспыт бэлиэ суолун туһунан архиварус *Наталия Степанова* суруйуута мэлдьи дьон интэриэһин тардар. 3️⃣ “Итэҕэл, Сиэр-туом, Үгэс” рубрикабытыгар духуобунаска аналлаах дириҥ суолталаах матырыйааллар тахсаллар. 4️⃣      “Сир түннүгэ” диэн рубрикабытыгар профессор *Ульяна Винокурова* буола турар быһыыга-майгыга түмүк санаатын суруйар. 5️⃣Норуот поэта *Наталья Харлампьева* “Маннык этэ” диэн рубриката биллэр-көстөр дьоммутун соһуччу өттүттэн арыйар. 6️⃣Аныгы тыа  ыалын күөстүү оргуйар олоҕо, оҕону иитии, саха тылын эйгэтин кэҥэтии, үлэһит дьахталлар,  күннээҕи олоххо туттуллар баһаам элбэх сүбэлэр, киһи дууһатын кылын таарыйар олохтон кэпсээннэр, хараҕы сымнатар өбүгэ хаалларбыт мала-сала, иһитэ-хомуоһа, киэргэлэ ... барыта манна баар. 7️⃣   “Далбар Хотун” сурунаал суруйууларын атын хантан да булбаккыт. Бэл диэтэр, “Сандалыбытыгар” тахсар ас ырысыаптара бэйэбит киэннэрэ. 8️⃣Эргэрбэт суруйуулаах, сыта-тура ааҕыллар дьоһун сурунаал. 9️⃣Хайа да түгэҥҥэ бэртээхэй бэлэх! Бу сигэнэн киирэн суруттарыҥ: https://podpiska.pochta.ru/press/ПР842 Эбэтэр бу нүөмэргэ билсиҥ: 89241766645

Эбээ Тааҥка кэпсээнэ🪶 Биир киинэни көрөн баран... 🎬 Киинэ күүһүн бары билэбит. Дэлэҕэ даҕаны, өрөбөлүүссүйэ аҕата Элиэнин эһэбит киинэни киһиэхэ дьайыытынан бастыҥ ускуустуба көрүҥэ диэ дуо. Ордук дьон аахпат буолбут аныгы кэммитигэр киинэ суолтата өссө күүһүрдэ. Мин төлөпүөммүт талкыйа олорон, арай, сахалыы киинэҕэ кэтилинним. “Ыт” диэн ааттаах. Хамсык ыарыы турбут кэмигэр тахсыбыт эбит да,  саҥа көрдүм. Киинэ анныгар араас дойдуттан дьон бөҕө сахалар киинэлэрин хайҕаабыттар, дьиҥнээх олоҕу көрдөрөр диэн сөбүлээбиттэр. Астына санаатаҕым дии. Ол эрээри, суруйбут дьон бары сахалары хотугу аҕыйах ахсааннаах омук арыгылыыра табыллыбатын эппиттэрин дьиксинэ санаатым. Оо, эмиэ туох эрэ хобдоҕу көрдөрбүттэр диэн. Биһиги атын дьойдуларга наар үтүөнү, сырдыгы, сайдыыны көрдөрө сатыыр буоллахпыт. Киинэ хас даҕаны түгэни көрдөрөр. Оҕуруотугар ыкса туалеты туттууттан сылтаан ыаллыылар өстөһүүлэрэ олохторун айгыраппыта. Торуоскалаах сылдьар буолбут уруккута ыспарсымыан эбэтин  дьиэтин атыылаабыт үөрүүтүн “сууйа” сылдьан харчытын сүтэрэн баран, ыаллыы олорор киһитин булан ылан массыына ылыммыт диэн  уорбалаан тыыныгар турбутун кэннэ  харчыта көстөн кэлиитэ.  Дьокутаат итирик сылдьан  киһини массыынан түҥнэри көтөн баран буруйун атын киһиэхэ сыбыыра,  онуоха дьону атыылаһан ылан туоһу гыныыта. Сатамматах икки булчут биир  куһу тэҥинэн ытан баран былдьаһан охсуһуута... Онтон да атын олохтон түгэннэри оонньообут дьон хайдах курдук итэҕэтиилээхтик  уобарастарын арыйбыттарыттан  сөҕө санаатым.  Олох дьиҥ олоҕу көрөр курдуккун.   Баҕар ким эмит Дмитрий Дабыыдап саха дэриэбинэтин эмиэ сиилээн көрдөрбүт диэҕэ.  Дьиҥэр, кини  алдьархай төрүөтэ  арыгылааһынтан тахсарын  уот харахха көрдөрөр. Ама, ону ким мэлдьэһиэй. Бу киинэни дьоҥҥо кэһэлтэ буоллун, үөрэх буоллун диэн көрдөрүөххэ наада. Арыгы содур содулун илэ-чахчы көр диэн. Киһи олоҕун огдолутааччы – арыгы эбээт! Туох баар мөкү барыта арыгыны иһииттэн тахсар! Бу киинэни көрөн баран, биир эмит киһи кэбис, арыгыттан ыраах сылдьарым сөп диирэ буоллар, ааптар соруга туолуо этэ. Саха дэриэбинэтин соруйан түһэрэ сатаан уһуллубут киинэ буолбатах, иитэр-үөрэтэр суолталаах. Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

✨✨✨✨✨✨✨✨✨ АЛГЫСТАНЫҤ!🙌 Түрбүү кынат түүлээх, Токур тумус тумсулаах. Тиэрбэс төгүрүк харахтаах, Көмүс куорсун көмнөхтөөх. Күүстээх хотуур тыҥырахтаах, Көмүөллээх күөмэйдээх. Хотуулаах санаалаах, Хомпоруун Хотойум Айыыта! Өллөйдүүр күүстээх Өлбөт мэҥэ уутуттан Өрөгөйдөөх өрүстэн, Өрүһүйэр дьоҥҥор, Өһүллүбэт дьол тааһын Өлгөмүн биэрдэҕин буоллун дуу! Курдуур көмүс куйаххынан, Кыл тыыннаахтан Кыырпах дьоҥҥун Көтөҕөн биэрэн Көмүскээтэҕин буоллун дуу! Хараҥа хара дьайтан, Хабала хааныттан, Харыһыйар дьоҥҥун Харысхалы ууран Хаххалаатаҕын буоллун дуу! Айгыраабыт айылҕабыт Айхаллыыр- уруйдуур, Айыы дьонун сирин, Айыы дьонун тыынын, Аймыыр олохторун, Араҥаччылаатаҕын буоллун дуу! Улуу Айыы алгыһын Уймаан ылан Уйгулаах олоҕун Урааҥхайым дьонугар, Уҕараабат кэскилин Уһун үйэлэргэ Уккунньах уктарын, Уһаттаҕын буоллун дуу! Дом! Куйаар Куо Кистэлэҥ күүс бөлөҕө➡️https://t.me/+kyyvjazq4e04MGI6

Cуруналыыс, суруйааччы, РФ суруналыыстарын уонна суруйааччыларын Сойууһун чилиэнэ Галина Нельбисова саҥа кинигэтэ күн Сирин көрдө. "Санаам ытарҕата эйэҥэлиир" кинигэтигэр тахсыбыт кэпсээннэригэр олоҕу олорбут, көмүс күһүннэрин чараҥар үктэммит кэрэ аҥаардар дьылҕа, дьахтар аналын, олох күннээҕи үөрүүтүн-хомолтотун ааҕааччыларын кытта үллэстэр. Кинигэ «Айар» бары маҕаһыыннарыгар атыыланар. ✅ «Далбар Хотун» сурунаал социальнай ситимҥэ бөлөҕө:https://chat.whatsapp.com/FbLnhlZbm4XJb6kHzdCB9i?mode=hqrt1 ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

🪶✍️Быйыл суруналыыс, суруйааччы Галина Нельбисова үбүлүөйдээх төрөөбүт сылынан "Санаам ытарҕата эйэҥэлиир" диэн кэпсээннэрин хомуурунньуга күн сирин көрдө 📚. 🖊️Бүгүн П.А. Ойуунускай аатынан литература түмэлигэр Галина Васильевна саҥа кинигэтин сүрэхтэниитигэр ааҕааччылар кэлэн, бэрт сэргэх кэпсэтии, санаа атастаһыыта таҕыста. 🌞Суруйааччы айар үлэтин уруккуттан кэрэхсиир сүгүрүйээччилэрэ олох араас түгэннэригэр саха дьахтарын санаатын-оноотун ытарҕата туохтан эйэҥэлиирин, долгуйарын, олоҕун аналын, дьолун ырытыһаннар, олус истиҥ кэпсэтиигэ кыттан астынан тарҕастылар. ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

☝️Бу чэпчэтиилэри билэр этигит дуо? 🔷Кэргэнэ оҕо күүтэринэн эбэтэр оҕотун көрөрүнэн үлэлээбэккэ олорор буоллаҕына, ыал аҕата талбыт кэмигэр уоппускаҕа барыан сөп. Маныаха үлэ биэрээччитэ аҕа бу быраабын хааччахтыа суохтаах. Уоппускатын бары күнүн ылара көҥүллэнэр.   🔶Үлэ биэрээччи эр киһини үлэтиттэн ууратыа суохтаах, өскөтүн: ✅Соҕотоҕун 16-гар диэри саастаах оҕону иитэр буолла5ына; ✅Элбэх оҕолоох кэргэнниилэртэн кини эрэ үлэлиир буолан оҕолорун эбэтэр 3-гэр диэри саастаах оҕотун иитэр буоллаҕына. Итиэннэ кинилэр инбэлиит оҕолоох буоллахтарына; ✅Соҕотоҕун 18-гар диэри саастаах инбэлиит оҕотун иитэр буоллаҕына. ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

☀️🌿☀️🌿☀️🌿 Аныгы тыа  ыалын күөстүү оргуйар олоҕо, саха Итэҕэлэ, сиэрэ-туома, ийэ тыла, оҕону иитии,  үлэһит дьахталлар,  саха саарыннарын далбар хотуттара, олорон кэлбит олохпут умнуллубат суола-ииһэ, күннээҕи олоххо туттуллар баһаам элбэх сүбэлэр, киһи дууһатын кылын таарыйар олохтон кэпсээннэр, хараҕы сымнатар өбүгэ хаалларбыт мала-сала, иһитэ-хомуоһа, киэргэлэ  ... *барыта “ДАЛБАР ХОТУН” сурунаалга баар!* “*Далбар Хотун” сурунаал суруйууларын атын хантан да булбаккыт.* Бэл диэтэр, “Сандалыбытыгар” тахсар ас ырысыаптара бэйэбит эрэ киэннэрэ. Эргэрбэт суруйуулаах, сыта-тура ааҕыллар дьоһун сурунаалы дьоммут-сэргэбит сөбүлээн хамаҕатык атыылаһан тута бүтэрэн кэбиһэр. Ол иһин, сурунаалы куоттарбат туһугар суруттарыҥ! Билигин сурутуу бара турар! Бу сигэнэн киирэн суруттарыҥ. Эбэтэр сурунаалы улуус хаһыатын редакциятыттан ыларга, куорат олохтоохторо Бэчээт дьиэтиттэн ылыаххытын баҕарар буоллаххытына 8-924-176-66-45 нүөмэргэ эрийэн билсиҥ!   “*Далбар Хотун” сурунаал хайа да түгэҥҥэ бэртээхэй бэлэх!* https://podpiska.pochta.ru/press/%D0%9F%D0%A0842

*Сахалыы итэҕэллээх ыал* *Бырама Айыыта* ☀️🙌🏻🌿  Уус киһи хаһан даҕаны туос иллэҥ буолбат. Николай Иннокентьевич үрүҥ тунах Ыһыах саҕана күн солото суох буолар. Ыһыахха мастан оҥоһук, тутуу өрүү элбэх, онон кини сэргэтигэр тиийэ уһанар. Олоҥхо ыһыаҕар улуустан улууска көһө сылдьан туттарыллар Ытык Дуоҕаланы кини оҥорбут эбит. Нам улууһугар киирэргэ баар бэлиэни  *Николай Суздалов* уус тарбахтарынан, кыраҕы хараҕынан чочуйан эмиэ оҥорбут. Талааннаах киһиэхэ бииртэн биир санаа киирэн иһэр. Николай Егорович пирамиданан интэриэһиргээбитэ ырааппыт.   Пирамиданы мээнэҕэ туппаттар, ураты туругу биэрэр, киһини сааһылыыр, эмтиир, ыраастыыр күүстээх буоларын элбэх литератураны  ааҕан билэн, ону тутар туһунан санаа киирэн баран арахпатах. Дьэ ол ыра гыммыт пирамидатын, куһаҕан үчүгэйдээх диэбиккэ дылы,  аан дойдуну аймаабыт  хамсык кэмигэр тутан саҕалаан баран, быйыл бүтэрбит. Саха сиригэр, арааһа,  ханна да суох  “Үс куту ситимниир Бырама Айыыта” (пирамида) дьон болҕомтотун хайы-сах тардыбыт.  *Кулан хаан* анаан-минээн кэлэн көрөн-истэн баран улаханнык сэргээбит. “Куйаар ситимиттэн  нэгири киэҥ баҕайытык ылар эбит”,- диэн бэлиэтээбит. Ыал аҕата бу курдук эмиэ саҥа туппут балаҕаныгар сыһыары оҥорбут пирамидатын хабыллар хаба ортотугар Аал Кудук маһы туруорбут. Дьиктитэ диэн, күүстээх нэгир дьайыытыттан маһа  тута ортотунан хайдан хаалан, сир уонна куйаар аһаҕас ситиминэн буолбут. “Бу хайдыы тыыннаах телескопическай антыанаҕа кубулуйан маһы  халлаан куйаарын кытта быһа сибээстиир. Холобура Аал Луук мас күҥҥэ тардыһар күөх чыпчаала “Уруй-Айхал” диэн буолар. Бу Аал Кудук мас таһыгар Алгыс этэр буоллаххына быһа үөһээ эпиир куйаарыгар көтүтэр. Ол эрээри, бу ытык Аал Кудук мас хайдыбыт таабырына, ис сакральнай кистэлэҥэ киһини үрдүккэ, сырдыкка тардара күүстээх буолар”, - диэн быһаарар маастар.   Николай Иннокентьевич  сахалыы итэҕэллээх киһи кут-сүр үөрэҕин билэр буолан, ийэ, салгын, буор куттары кытта үлэлииргэ диэн, үс анал олбохтоон, уруһуйдаан, ойуулаан-бичиктээн,  мастан кыһан оҥорбута чахчы ураты көстүү. Ханнык куккун күүһүрдүөххүн баҕараргынан анал олбоххо олороҕун, ол эрээри аһара күүстээх нэгирдээх буолан, тута уһуннук олорор сатаммат диир кини. Сиһилии бу сигэнэн киирэн ааҕыҥ: https://dalbarhotyn.ru/news/satyyrdaah-yal-suzdalovtar/

"ДАЛБАР ХОТУН - 2026" САЙЫЫНА ГРИГОРЬЕВА ОЛОҔУН АРГЫҺЫН СЕРГЕЙДИИН УОННА 13 ОҔОЛОРУНААН БЭРТЭЭХЭЙ КИЛИИБИ УСТУБУТТАР👏🏻👏🏻👏🏻😍😍😍❤️❤️❤️ Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

Күндү ааҕааччыларбыт! Дьиэ кэргэн күнүнэн ис сүрэхтэн үөрэн туран эҕэрдэлиибит! Саха өбүгэ саҕаттан ыал буолан, бур-бур буруону унаарытан, оҕо-уруу тэнитэн баччаҕа тиийэн кэллэҕэ. Үгэс буолбут сиэрбитинэн ыал тиэргэнин ахсын хороҕор муостаах күрүөлэннин, алаас аайы сыспай сиэллээх туругурдун, алаһа дьиэ барыта  оҕо-аймах чуораанчыктанар саҥатынан, дьолунан-соргунан толору буоллун! Эһиги "Далбар Хотуҥҥут"

Суолтата — үүнэр күүһү көрдөрүү. Иэйэхсити өйдөөһүн. Иэйэхсит билиитин иҥэриммит киhи айылҕаны таптыыр буолар. Бэйэтин олоҕун айылҕаны үтүктүү суолунан ыытар — ити Айыы суола. Иэйэхсит билиитин Айыыбыт билиитин ылбыт эрэ киhи иҥэринэр. Ити аата кими эмэ таптааhын айылҕаны таптааһын төрдө эбит. Ити аата дьиэ-кэргэни тэринии айылҕалыын сибээстэһии төрдө эбит. Дом! Иэйэхсит тойуга Дьээ! Күөгэл-нусхал! Күн Иэйэхсиппит Халлаанын киэлитин Сэттэ ыалын Холбуур олугун Саргылыаҕын. Утум-ситим Тускутун олохтуоҕуҥ! Айылҕабытыгар Үтүө майгыбытын Иҥэриэҕиҥ. Айыы санаанан Чөл буоларбыт туһугар Ийэ куппутун Бөҕөргөтүөҕүҥ, Салгын куппутун Өрө көтөҕүөҕүҥ. Буор куппутун Чэгиэн- чэбдик оҥоруоҕуҥ! Күөгэл-нусхал! Күөгэл-нусхал! “Айыы үөрэҕэ”(Тэрис) кинигэтиттэн суруйда Анна Холмогорова. Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi