🌷Далбар Хотун🌷

🌺🌿🌺🌿🌺🌿🌺🌿🌺 *ЧЭПЧЭТИИЛЭЭХ СУРУТУУНУ МҮЛЧҮ ТУТУМАҤ!* *Алтынньы 16-с күнүгэр диэри "Далбар Хотун" сурунаалы 2027 сыл бастакы аҥаарыгар чэпчэтиилээх суруттарарга тиэтэйиҥ!* ✅ *Почтаттан ылыы* - 9️⃣1️⃣1️⃣ солк ✅ *Дьиэҕэ дьиэри илдьэн биэрии* - 9️⃣3️⃣2️⃣ солк ✅*Санатабыт, сурунаал сылга аҕыста тахсар. Ол аата сыл аҥаарыгар түөрт нүөмэри (1-4) тутаҕыт*. ✅*Барыстаах түгэни мүлчү туппакка бу сигэнэн киирэн суруттарыҥ*➡️➡️➡️ https://podpiska.pochta.ru/press/ПР842 ✅*Эбэтэр бу нүөмэргэ ➡️➡️➡️ 89142520254 суруйуҥ, көмөлөһүөхпүт*🙌 _Видеоҕа: "Далбар Хотун-2007" күрэс кыайыылааҕа Лидия Афанасьева_

“Далбар Хотун” күрэх биһиги дьиэ кэргэҥҥэ биэрбитэ олус элбэх”  ❤️❤️❤️ Диир  быйыл 15 төгүлүн ыытыллыбыт Саха сирин араас улууһугар тыа сирин уйгутун түстүү сылдьар Ийэлэргэ ананар Күрэхпит “Айыы Хотун” номинациятын хаһаайката Парасковья Петрова.   Биэс оҕо амарах ийэтэ күрэх элбэххэ үөрэтэр, оҕолорго иитэр суолталааҕын бэлиэтиир. “Күрэххэ  өрөспүүбүлүкэ күүстээх дьахталларын кытары кыттаммын, бэйэбин наһаа күүстээхтик санаммытым, бэйэбинэн киэн туттубутум. Уолаттарым эмиэ киэн туттууу өрөгөйүн билбиттэрэ.   Күрэх  кэнниттэн уолаттарбыт: “Ийээ, сахалыы таҥнар наһаа үчүгэй эбит, олус сөбүлээтибит, мантан инньэ ыһыахтарга сахалыы таҥастаах сылдьар эбиппит”, -- диэбиттэрэ ийэ киһиэхэ истэргэ олус үчүгэй.   Ытык Күөл биир дьоһун-мааны ыалын, Петровтар олохторун укулаатын туһунан салгыы бу сигэнэн киирэн ааҕыҥ: https://dalbarhotyn.ru/main/dalbar-hotun-k%d2%afreh-bi%d2%bbigi-die-kerge%d2%a5%d2%a5e-elbe%d2%95i-bierbite/

*Сахалыы итэҕэллээх ыал* *Бырама Айыыта* ☀️🙌🏻🌿  Уус киһи хаһан даҕаны туос иллэҥ буолбат. Николай Иннокентьевич үрүҥ тунах Ыһыах саҕана күн солото суох буолар. Ыһыахха мастан оҥоһук, тутуу өрүү элбэх, онон кини сэргэтигэр тиийэ уһанар. Олоҥхо ыһыаҕар улуустан улууска көһө сылдьан туттарыллар Ытык Дуоҕаланы кини оҥорбут эбит. Нам улууһугар киирэргэ баар бэлиэни  *Николай Суздалов* уус тарбахтарынан, кыраҕы хараҕынан чочуйан эмиэ оҥорбут. Талааннаах киһиэхэ бииртэн биир санаа киирэн иһэр. Николай Егорович пирамиданан интэриэһиргээбитэ ырааппыт.   Пирамиданы мээнэҕэ туппаттар, ураты туругу биэрэр, киһини сааһылыыр, эмтиир, ыраастыыр күүстээх буоларын элбэх литератураны  ааҕан билэн, ону тутар туһунан санаа киирэн баран арахпатах. Дьэ ол ыра гыммыт пирамидатын, куһаҕан үчүгэйдээх диэбиккэ дылы,  аан дойдуну аймаабыт  хамсык кэмигэр тутан саҕалаан баран, быйыл бүтэрбит. Саха сиригэр, арааһа,  ханна да суох  “Үс куту ситимниир Бырама Айыыта” (пирамида) дьон болҕомтотун хайы-сах тардыбыт.  *Кулан хаан* анаан-минээн кэлэн көрөн-истэн баран улаханнык сэргээбит. “Куйаар ситимиттэн  нэгири киэҥ баҕайытык ылар эбит”,- диэн бэлиэтээбит. Ыал аҕата бу курдук эмиэ саҥа туппут балаҕаныгар сыһыары оҥорбут пирамидатын хабыллар хаба ортотугар Аал Кудук маһы туруорбут. Дьиктитэ диэн, күүстээх нэгир дьайыытыттан маһа  тута ортотунан хайдан хаалан, сир уонна куйаар аһаҕас ситиминэн буолбут. “Бу хайдыы тыыннаах телескопическай антыанаҕа кубулуйан маһы  халлаан куйаарын кытта быһа сибээстиир. Холобура Аал Луук мас күҥҥэ тардыһар күөх чыпчаала “Уруй-Айхал” диэн буолар. Бу Аал Кудук мас таһыгар Алгыс этэр буоллаххына быһа үөһээ эпиир куйаарыгар көтүтэр. Ол эрээри, бу ытык Аал Кудук мас хайдыбыт таабырына, ис сакральнай кистэлэҥэ киһини үрдүккэ, сырдыкка тардара күүстээх буолар”, - диэн быһаарар маастар.   Николай Иннокентьевич  сахалыы итэҕэллээх киһи кут-сүр үөрэҕин билэр буолан, ийэ, салгын, буор куттары кытта үлэлииргэ диэн, үс анал олбохтоон, уруһуйдаан, ойуулаан-бичиктээн,  мастан кыһан оҥорбута чахчы ураты көстүү. Ханнык куккун күүһүрдүөххүн баҕараргынан анал олбоххо олороҕун, ол эрээри аһара күүстээх нэгирдээх буолан, тута уһуннук олорор сатаммат диир кини. Сиһилии бу сигэнэн киирэн ааҕыҥ: https://dalbarhotyn.ru/news/satyyrdaah-yal-suzdalovtar/

*“Баара эрэ Балбаара...”* 🖋️📝📖 Бүгүн, ыам ыйын 13 күнүгэр, саха дьахталлартан бастакы поэппыт *Варвара Потапова төрөөбүтэ 80 сааһын* бэлиэтиибит. Былырыын биһиги сурунаалбытыгар саха норуодунай поэта *Наталья Харлампьева* “Баара эрэ Балбаара...” диэн ааттаах истиҥ-иһирэх, урут ханна да бэчээттэнэ илик ахтыыта тахсыбыта. Тоҕо бу курдук төбөлөөҕүй диэн дьиктиргии саныаххыт, баҕар. Ону суруйууну толору аахтаххытына билиэххит. “(...)Варяттан миэхэ тиксибит биир туохха да кэмнэммэт бэлэх баар -  ол *Анна Ахматова* хоһооннорун кинигэтэ. Кини суруйааччылар делегацияларын кытта Францияҕа барса сылдьан, Москваҕа “Книжная лавка писателя” диэн маҕаһыынтан ол бэрт сэдэх кинигэни атыыласпыт этэ. Мин ылымаары гыммытым – олус күндү бэлэх диэммин. Варя  күүһүнэн кэриэтэ биэрбитэ уонна суруйбута:  “Наташаҕа – баара суоҕа Балбаара...”  Кэлин саныыбын, кини ити тыллары дьүөрэлээн эрэ суруйбатах буолуохтаах, Варвара бэйэтин талаанын, аналын билинэр киһи этэ.  Ол бу строкаларга кистэнэр. (...)” Салгыы бу сигэнэн киирэн ааҕыҥ: https://dalbarhotyn.ru/main/baara-ere-balbaara/

🔥🔥🔥🔥🔥🔥🔥🔥🔥 *ЧЭПЧЭТИИЛЭЭХ СУРУТУУ САҔАЛАННА!* *Алтынньы 6-тан 16-с күнүгэр диэри "Далбар Хотун" сурунаалы 2027 сыл бастакы аҥаарыгар чэпчэтиилээх суруттарарга тиэтэйиҥ!* ✅ *Почтаттан ылыы* - 9️⃣1️⃣1️⃣ солк ✅ *Дьиэҕэ дьиэри илдьэн биэрии* - 9️⃣3️⃣2️⃣ солк ✅*Санатабыт, сурунаал сылга аҕыста тахсар. Ол аата сыл аҥаарыгар түөрт нүөмэри (1-4) тутаҕыт*. ✅*Барыстаах түгэни мүлчү туппакка бу сигэнэн киирэн суруттарыҥ*➡️➡️➡️ https://podpiska.pochta.ru/press/ПР842 ✅*Эбэтэр бу нүөмэргэ ➡️➡️➡️ 89142520254 суруйуҥ, көмөлөһүөхпүт*🙌

Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

Эбээ Тааҥка кэпсээнэ🪶                 Бэҕэһээ баай, бүгүн...  Айах атан кэпсэппэтэх ырааҕынан аймах ыаллаах этим. "Этим" диирбэр тиийэбин. Ол ыалтан билигин ким да хаалбата. Киһи аатыттан ааспыт кыыстарыттан ураты.  Ол айах атан кэпсэппэтэҕим  мин буруйум буолбатах, кинилэр бэйэлэрин майгылара оннук этэ.  Дьиэлэригэр кими да сырытыннарбат, билсибэт дьон этэ буоллаҕа. Биирдэ эмит улахан тэрээһиннэргэ ыраахтан көрөрүм. Бэйэлэрин  кэмнэригэр чыын-хаан буолан, тыыллаан-хабыллан ахан олорбуттара. Этэргэ дылы "өҥнөөхтөр-түүлээхтэр" эрэ куодарыһар дьоно этилэрэ.  Олордохторо дии сол курдук. Кинилэри хаһан даҕаны тылбар хоннорон саҥарбытым да суоҕа. Кырдьаҕас эдьиийим барахсан арай  "итиччэ тахсыбыт киһи биир да аймаҕар көмөлөспөтө"  диэн тастыҥ быраатыгар хом санаалааҕын хам-түм быктарара.   Олох кылгас эрээри эмиэ да уһун. Ол тойоммут ойоҕун биирдэ бородуукта маҕаһыыныгар көрөн бараммын  итинник санаабытым. Урут   хараҕын халтарытан ааһар бэйэтэ билэн ахан, чугаһаан кэлэн дорооболосто.   Хата мин кинини тута билбэтим. Кырдьан, кыччаан хаалбыт. Саһархай хараҕа өһөн, бороҥурбукка дылы. Хайаа, Тааҥка, дорообо! Көрсүбэтэхпит күтүр өр буолла дии! Биир куоракка олоробут да билсибэппит. Биир да аймах маннык киһи баар диэн миэхэ биллибэт. Дьахтарым саҥата уруккутун курдук кытаанах. Кэм да дьону буруйдаахтыр буоллаҕа. Ол кими аймаҕым диигин? Оттон бу эн даҕаны бааргын дии. Оҕо-уруу бөҕө буолуоҥ. Улахан дьиэбин ким миэхэ кэлэн өрө тардан биэриэй...Оҕонньорум өлүөҕүттэн соҕотохсуйан бүттүм. Тыый, туох диэн эттэххиний. Хаһан ол эһиэхэ сылдьан, билсиэхпитий? Этэбин дии, улахамсыйан эрдэххит диэн. Хайа, оттон бэйэҥ кыыһыҥ, күтүөтүҥ, сиэннэриҥ? Бииргэ төрөөбүт да балтылардаах этиҥ буолбат дуо? -Ээ, ол мин кыыһым манна суох, арахсыбыттара ыраатта. Өллөхпүнэ биирдэ  баайбын-дуолбун күн-ый ыһыаҕа оҥороору кэлэллэр ини. Балтыларым буолуохсуттар эдьиийдээхпит диэбэттэр. Чороҥ соҕотох олоробун. Хата эн кэлэ сылдьаар эрэ. Биир эмит оҕоҕун кытта дьиэбин сууйуо да этигит. Дьахтарым өсө да уһуннук тутан туран аймахтарбытын ааҕа ыйыталаста. Мин, хайыамый, билэрбинэн кэпсээтим. Дьэ, бары олоххут табыллыбыт. Урут холоон этигит дии. Наар биһиги баайбытыгар ымсыыраргыт. Оттон миэхэ кэлэ сылдьыҥ ээ, баҕар, тугу эмит биэриэм да этэ. Чэ, ити курдук... - тымныы баҕайытык диэн баран, аны туохтан эрэ өһүргэммиттии туттан, хааман бара турда. Мин кэнниттэн көрөн хааллым.   Ити хобдох кэпсэтии кэнниттэн кини уһаабатаҕа. Ыарахан ыарыыга ылларан баран сылдьыбыт эбит. Саҥарбыта  оруобуна  туолбута. Барбытын  кэннэ  40  да хонугар тиэрдибэккэ, кыыһа  дьиэтин-уотун атыылаабыт. Ханна даҕаны үлэлээбэтэх ол эдэр дьахтар хаамаайы дьону батыһыннара сылдьан, үбүн-харчытын тута ыспыт сураҕа иһиллэр. Дьонтон эрэ ордук сананан олорбут дьон бааллара да...  Бу орто туруу дойдуга киһи чугас дьонунаан  ис сүрэҕиттэн арыллан олоруохтааҕын, баай-дуол, дуоһунас, туһалаах билсиилээхтэр истиҥ сыһыаны солбуйбаттарын  бу ырааҕынан аймах дьахтарым олоҕо туоһулуур. Киһи олоҕун хайдах туппутугар  эппиэтэ кырдьарыгар кэлэр эбээт. Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

Дөлүһүөннээх мүөт 🍒🍯🍒 "Сахабыт сиригэр үүнэр дөлүһүөн С битэмиинэ соҕурууҥҥу дөлүһүөнү хас эмит төгүл куоһурдар",- диир биһиги сурунаалбыт үтүө доҕоро, төрүт аһы тарҕатааччы Виктория Петрова. Кини хайа баҕарар отоҥҥо саахар оннугар мүөтү туттар эбит. Холобурга, дөлүөһэнтэн барыанньата маннык: Дөлүһүөн аһыттан сиэмэлэрин хостоон мүөтү кытта ньыһыйан сиибит, пропорцията 1:1, эбэтэр аһын арыый элбэх гынабыт. Ол курдук ханнык баҕар отоммутун гынабыт. Булкуйан баран дьиэ температуратыгар 2-3 күн туруорабыт, күҥҥэ биирдэ булкуйабыт. Ол кэннэ сиэн саҕалыыбыт уонна син биир күн аайы булкуйа турабыт. Киэһээ-сарсыарда 1-2 ньуосканы айахпытыгар өр тутан сиэтэхпитинэ туһата өссө күүһүрэр, тылбыт хааммытыгар тута тириэрдэр биир дьикти уорган буолар. Ити курдук 10-14 күннээх курс оҥоһуннахпытына туһаттан атына суох буоллаҕа 🍒🍒🍒🍯 Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

Бу ааспыт өрөбүллэргэ Үөһээ Бүлүү ыалдьытымсах дьоно *1976-1996 сылларга оскуоланы бүтэрбиттэр бэстибээллэрин* үрдүк таһымнаахтык тэрийбиттэрин сылдьыбыт эрэ бэлиэтээтэ. 🫶Сомоҕолоһуу 🤝бэстибээлэ дьон санаатын бөҕөргөтөр, эрэли-кэскили эрэ саҕар буоллаҕа. Биир дьикти хамсааһын баар буолбут 👏🏻👏🏻👏🏻 ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

Эбээ суората Киһи туругар аһыыр ас улахан дьайыылаах. Этэргэ дылы, эн тугу аһыыргыттан хайдах киһи буоларыҥ тутулуктаах. Саха төрүт аһа туһатын туһунан биһиги өрүү суруйабыт,  араас сүбэни биэрэбит. Билигин маҕаһыын суоратын буолбакка, бэйэ суоратын хайдах оҥостор туһунан ытыктыыр киһибит Иннокентий  Тарбаахап суруйан хаалларбыт эрэсиэбин үллэстэбит. Биһиэхэ наада 1 л. үүт (ыаммытынан бэйэ үүтэ төһө эрэ үчүгэй!), 100 мл сүөгэй. Халыҥ түгэхтээх иһиккэ үүтү мөлтөх уокка оргуталлар. Ыаммытынан үүт курдук буолуор диэри сойуталлар. Ол кэннэ үүккэ аһыы сүөгэй кутан, күүгэн тахсыар диэри ытыйаллар, онтон көстүрүүлэни хаппахтаан, таҥаска суулаан баран бүрүллүөр диэри ичигэс сиргэ туруораллар. Төһөнөн сылаас сиргэ турар да, оччонон түргэнник бэлэм буолар. Суорат холбоһон хойдубутун кэннэ сөрүүн сиргэ ууруллар. Иккистээн суорат бүрүйэргэ анаан 1 ыстакаан суораты хаалларар ордук. Бу ньыманан суоратта оҥостон,  киэһээ аайы сиир буолуҥ.  Куртах-очоҕос үлэтигэр олус туһалаах. Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

🌶️🫑🌶️🫑🌶️🫑🌶️🫑🌶️🫑🌶️ ТУОЛБАЛААХ БИЭРЭС АСТЫАХХА Олус минньигэс уонна судургутук астаныллар туолбалаах (фаршированнай) биэрэс ырысыабын үллэстэбит. Астаата Сардана Пестрякова. ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

🍀🍀🍀 САХАҔА ИЙЭ УУҺУН СУОЛТАТА Ийэ, аҕа ууһа диэн хайа баҕарар омукка, киһи аймахха бүтүннүүтүгэр ытык өйдөбүллэр. Биһиги курдук былыр-былыргыттан ийэ, аҕа уустарынан олорууну өрө тутар, уруум сах омук аҕыйах буолуо… Халыҥ уонна кыахтаах ийэ эбэтэр аҕа ууһа кыамматын-кыратын харааннаан харыстаан, хонноҕор-быттыгар хорҕотон, хайа да дьыл-күн тирээтэр баардарын-суохтарын тэҥинэн үллэстэн, ылсан-бэрсэн, өрө тардыһан, күһэҥэ быстыах айылаах күчүмэҕэй кэмнэри син этэҥҥэ туорууллара. Ол да иһин омук быһыытынан эстэн симэлийэн хаалбаккабыт, баччаҕа тиийэн кэллэхпит. Салгыы ➡️➡️➡️https://dalbarhotyn.ru/main/sahaҕa-ije-uuһun-suoltata/ ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

Туойдьут — Төлөйдөр Быйыл Чурапчы улууһа бу кистэлэҥнэрин арыйан көрдөрөргө «Туойдьут — Төлөйдөр» Төлөйгө-Дириҥҥэ Россия үрдүнэн бастакы күөсчүттэр фестивалларын ыыттылар. Салгыы ➡️➡️➡️https://dalbarhotyn.ru/news/tuojdut-tөlөjdөr/ ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

💍💍💍💍💍💍💍💍💍 *ҮРҮҤ КӨМҮҺҮ ЫРААСТЫЫР НЬЫМА* Үрүҥ көмүһү ыраастыырга Сардана Мона ыыппыт албаһын үллэстэбит. Олус судургу уонна туһалаах ньыма. Онон тускутугар туһаныҥ! ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

🌿🌿🌿*"Якутия" хаһыат үлэһитэ ууттан киһини быыһаата* Бүгүн, атырдьах ыйын 20 күнүгэр, "Сахабэчээт" таһаарар "Якутия" хаһыат дизайнера Олеся Чабыкина ууттан киһини быыһаабытын туһунан сырдатар тэрээһин буолан ааста. Манна СӨ ыччат дьыалатыгар уонна социальнай коммуникацияҕа миниистирэ Петр Шамаев, "Сахабэчээт" генеральнай дириэктэрэ Ньургуйаана Стручкова, "Якутия" хаһыат бас эрэдээктэрэ Матрена Кондратьева уонна суруналыыстар кыттыыны ыллылар. Ол күн хайдах ааспытын туһунан киһи эрэ барыта ылсыбат хорсун быһыыны оҥорбут эдэркээн кэллиэгэбит Олеся Чабыкина бу курдук кэпсээтэ:_"Оҕолорбун кытта даачабытыгар айанаан испиппит. Ол күн иннинэ ардах түһэн уу таһыма тахсан ахан турар этэ. Быһылаан тахсыбыт сирэ олус күүстээх сүүрүктээҕэ. Оҕолорум онно сөтүөлээри гыммыттарын, сэрэхтээх диэммин көрдөрөөрү гыммытым. Тиийбиппитин кэннэ биир дьахтар сүүрэн кэлэн дьон ууга баран эрэрин туһунан тыллаабыта. Мин уһуну-киэҥи толкуйдуу барбаккабын тута ууга ыстаммытым. Ол дьоҥҥо чугаһаан истэхпинэ эр киһи кыыһы ууттан таһааран эрэрэ. Оттон тэйиччи соҕус дьахтар ууга баран эрэрин көрөммүн, киниэхэ харбаан тиийбитим уонна баттаҕыттан соһон кытылга таһаарбытым. Сэниэм дэлби эстэн нэһиилэ кытылы булбутум. Ол сылдьан аны оҕолорум миигин быыһыы ууга ыстаналлара буолуо диэммин куттаммытым. Кытылга тахсан тыыммын ылан, дьахтарга бастакы көмөнү оҥорон баран, суһал көмөнү ыҥырбыппыт. Дьиэбэр нэһиилэ тиийэн сытан сынньанан баран биирдэ уоскуйбутум"._ Салгыы ыччат дьыалатыгар уонна социальнай коммуникацияҕа миниистир, АБДь кыттыылааҕа Петр Шамаев: _"Хорсун санаалаах эрэ дьон киһи олоҕун быыһыыллар. Ону АБДь-га сылдьыбыт киһи буоламмын эппинэн-хааммынан билэбин. Олоххор саатар биирдэ атын олоҕу быыһаабыт буоллаххына, олоххун мээнэ олорботоххун диэн этэллэр дии. Онон Олеся хорсун быһыыта үгүс дьоҥҥо холобур буолуо диэммин эрэнэбин. Олеся бу түгэҥҥэ биир эрэ киһи олоҕун буолбакка, бүтүн ыал олоҕун быһаабыт. Тоҕо диэтэххэ, ийэ дьиэ кэргэн туллар тутааҕа буоллаҕа",_- диэн эттэ уонна СӨ ыччат дьыалатыгар уонна социальнай коммуникацияаҕа министиэристибэ аатыттан Махтал суругу туттарда.

Дьэдьэнтэн сэниэлэниҥ, саллааттар!🙌🏻 🍓🍓🍓 Сахабыт сирин дьэдьэниттэн ордук минньигэс туох баар буолуой? Дойдуларыттан ыраах баар уолаттарбыт ахтар-саныыр астарын амсайдыннар диэн Ытык Күөл олохтооҕо, саллаат ийэтэ *Мария Егоровна Бондарева* быйыл иккис сылын бааһырбыт уолаттарга анаан Таатта дьэдьэнин хомуйан ыытар. "Бу соторутааҕыта Дэбдиргэ нэһилиэгин олохтоохторо үтүө дьыалаҕа кыттыстылар. Хомуллубут күндү ас - дьэдьэн барыанньата - Москваҕа, Санкт-Петербурга байыаннай госпиталларга эмтэнэр байыастарга тиийиэҕэ. Амарах санаалаах Таатта дьонугар барҕа махтал!",- диир биһиги сурунаалбыт дьүөгэтэ, биир идэлээхпит *Светлана Диодорова-Лаврентьева*. Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

*Ыраах айан суоппара, эн ыарахан үлэҕин сыаналаан*🚍🚍🚍 Саха сирин ыарахан кыамталаах массыыналарын суоппардарын холбоһугун кытта “Далбар Хотун” сурунаал бииргэ үлэлиир.  Холбоһук салайааччыта *Евдокия Дьячковская*  тыа сиригэр олорор үлэһит, элбэх оҕолоох ийэлэргэ анаан тэрийэр күрэхпитин ис сүрэҕиттэн өйүүрүн астынан туран бэлиэтиибит.  Бииргэ үлэлээһин чэрчитинэн биһиги бу атырдьах ыйын 14 күнүгэр ыытыллыбыт уһун айаннаах, таһаҕас тиэйэр улахан кыамталаах массыыналар суоппардарын  күрэҕэр ситиһиилээхтик кыттыбыт,   өр сылларга үтүө суобастаахтык үлэлээбит ыал аҕаларыгар  *Владимир Романовка*, *Петр Федоровка*   сурунаалбыт туоһу суруга туттарыллыбыта.  Кинилэр олохторун туһунан сурунаалбыт кэлэр нүөмэрдэригэр  ааҕыаххыт.   Ыраах айан суоппардарын Холбоһуга  тэриллибитэ онус сылыгар анаммыт үбүлүөйдээх күрэҕэ туох да үрдүк таһымҥа ыытыллыбытыттан үөрэн туран, үтүө санаалаах, кытаанах дьаһаллаах  салайааччытын Евдокия  Кимовнаны уонна бары суоппардары "Далбар Хотун" элбэх ахсааннаах ааҕааччыларын аатыттан кэрэ-бэлиэ үбүлүөйдэринэн эҕэрдэлиибит! Сыралаах, сындааһыннаах ыарахан үлэҕэ табыллыыны, көнө суолу, күөх уоту баҕарабыт!🙌🏻☀️🌿 Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

🌊🌊🌊 *Дьокуускай куорат олохтоохторо "Вода России" аахсыйаҕа кытыннылар* Бүгүн, атырдьах ыйын 18 күнүгэр, Дьокуускайга 202-с түөлбэҕэ баар сөтүөлүүр сиргэ, "Вода России" диэн эбэ кытыл ыраастыырга анаммыт Бүтүн Россиятааҕы аахсыйа ыытылынна. Эко бэстибээлгэ куорат тэрилтэлэрин үлэһиттэрэ, биллэр-көстөр спортсменнар, артыыстар, ыччат, волонтердар биир сомоҕо буолан күргүөмүнэн тахсан Өлүөнэ эбэ кытылын ыраастаатылар. Ил Дархан Айсен Сергеевич Николаев эмиэ кыттыыны ылла. _"Бу аахсыйа көрдөрүүтүнэн эрэгийиэннэр ортолоругар Саха сирэ куруук уон бастыҥнар кэккэлэригэр киирэр уонна быйыл бастакытын ыытаар чиэскэ тигистибит. Бүгүн манна сүүһүнэн киһи кэлбитэ олус хайҕабыллаах. Дьон айылҕаттан ыларын эрэ буолбакка, айылҕа туругар эппиэтинэһи сүгэрин өйдүүр буолбута көстөр",_- диэн Ил Дархан эттэ. Маннык аахсыйа республика бары улуустарыгар ыытыллар. Санатар буоллахха, былырыын Саха сирэ "Общий сбор" диэн федеральнай куонкуруска бастаабыта.