هُــدنَـــــــــه 🪐

جوايا شخصية متزنة عارفة الصح من الغلط و بتجاهد ، و شخصية تانية بتجري وراء هواها واللي متعلقة بيه ، و للأسف مبقتش عارف أنهي شخصية هتغلب التانية ، طلع المرء لا تشقيه إلا نفسه فعلا

أتجنب إظهار مشاعري،لأنها فيّاضة و اندفاعية وصادقة ، ولأنني في قرارة نفسي أعرف أن لا أحد يستحق كل هذا الاندفاع.

﴿وَمِنْ ذُرِّيَّتِنَا أُمَّةً مُسْلِمَةً لَكَ﴾🤍

ربنا سبحانة وتعالي ف سورة الاسراء بيقول ﴿وَلَقَدْ كَرَّمْنَا بَنِي آدَمَ﴾ مقالش: وكرّمنا الناجحين، ولا الأغنياء، ولا الصالحين فقط. قال: «بَنِي آدَمَ».يعني أصل الكرامة الإنسانية سابق على إنجازك. وده معنى إحنا محتاجين نفتكره في زمن الإنسان بقى بيقيس نفسه بما يملك وما يحقق. لو خسرت شغلك، مش معنى كده إنك خسرت قيمتك. لو فشلت في حاجة، مش معنى كده إنك بقيت إنسان فاشل. لو حد رفضك، مش معنى كده إنك بقيت أقل. الإنجاز يضيف لك، والفشل يعلّمك، والناس ممكن تقبلك أو ترفضك.. لكن كل ده لا يخلق قيمتك من الأساس. لأن فيه فرق بين قيمة الإنسان، وبين تقييم الناس لأدائه. والمشكلة إن الإنسان لما يخلط بينهم، بيعيش عمره كله يحاول يثبت إنه يستحق قيمة هو أصلًا مولود بيها. عشان كده أغلى ما يملك الإنسان هي كرامته؛ هي رأس ماله الحقيقي وستر النفس وعزّتها، والشيء الوحيد اللي لو اتسحب منك اللي لو خسرها ما بتعوضهاش كل مكاسب الدنيا.

إنّ الصلاة على النّبيّ وسيلةٌ ‏فيها النّجاة لكلّ عبدٍ مُسلمِ.. متنسوش سورة الكهف والدعاء لأموات المسلمين💗

لا أعرفُ بماذا أدعوك، لكنني آتيكَ باكيًا، ولا يسعُ لساني إلا أن يقول: "وانظر لِحالي."))

حَسبِـي مِـن العُمـر أن يَمـرَّ، وفِيـهِ منـكَ نَصيـبِ♥)؛ .

والمَرءُ لا تُشقيهِ إلاّ نَفسهُ حاشا الحياة بأنّها تُشقيهِ ويظنُّ أنَّ عدوَّهُ في غَيرهِ وعَدوَّهُ يُمسي ويُضحي فيهِ

لأول مرة بحس فعلًا بمعنى كلمة "ربنا أفرغ علينا صبرًا" الموضوع مش محتاج جرعة صبر ولا شوية يتحملوا بيومين وخلاص إحنا محتاجين سِيل صبر ينزل علينا، يغسل الوجع من جوا، ويقوّي القلب، ويوقفنا على رجلينا من تاني صبر يخلّيك ثابت قدّام كيد الظالمين، وصبر على فراق الأحباب، وصعوبة الطريق، وفتن الدنيا اللي بتاخد القلب، ووسواس النفس اللي بيهدّ العزم. ‏{رَبَّنَا أَفْرِغْ عَلَيْنَا صَبْرًا وَتَوَفَّنَا مُسْلِمِينَ}

مفيش إنسان سوي متربي خارج من بيت طيب؛ هيستحمل يبقى مصدر ضرر أو قلق أو تعب أو أذى لغيره الإنسان النضيف دايمًا هترعبه فكرة إنه يكون نقطة سوداء في حياة حد.

عَزيزي المُشكلة ليست في العودَة المُشكلة فيمَا بعد إن عُدت هل أعود لدَارِي الآمِن؟ أَمْ أصبَح الدارُ غريبًا عنّي.

حوار انك في كل ركعة وفي كل فرض تقعد تدعي بدعوة معينة ، لدرجة انك ممكن تصلي عادي لكن لسانك بيردد تلقائي لوحده يارب كذا، يارب كذا، وقلبك خايف طول الوقت متتحققش ، فـ يارب اجعل كل دعواتنا نصيب لينا ، واجعل فيها الخير والقبول ، وإن كانت شر ارضى قلوبنا باليقين والرضا والإقتناع إنها مش لينا.

ياربّ السنة الجاية في الوقت ده أكون في وسط ناس تشبهني وفي أماكن أنتمي ليها ، ووسط دعواتي اللي ألحيت عليك بيها كتير .. ياربّ أكون متطمنة وراضية ومبسوطة♡.

النفسية هي مُحرِك الإنسان الرئيسي ، اللهُم إنّا نعوذ بك من الهم و الحزن .

مرحلة اللامبالاه🤩

قابلت جُملة عجبتني أوي بتقول: "اللي في قلبه حنيّة عِشرته فيها الأمان." أهم وقت في أي علاقة -أيًّا كان مُسمّاها- هو وقت الخِلاف آه والله بجد، عارف ليه؟ لأن اللي قلبه فيه حنيّة مش هيقسى عليك أثناء الخلاف، مش هيهون عليه يقول كلمة تزعلك، مش هيقدر يعمل فعل يضايقك أو حركة تخوّفك وتخليك تسأل: يا ترى احنا افترقنا ولا متخاصمين؟ الإنسان الحنيّن بيكون مُريح في كُل وقت وليّن في التعامُل وقلبه بسيط مش جامد..

والله أنا بعاملك بالأسلوب اللي يناسبك ويناسب أفعالك معايا لا أنت مجبور تتحملني ولا أنا مجبور أجاملك علي حساب نفسي

شوفت فيديو تمثيلي امبارح عن راجل بيتريق على الأسئلة اللي بتسألهاله مراته زي "انت بتاكل؟" "انت نازل؟" وعامل فيديو كوميدي وبيرد على الاسئلة دي اللي هو "ايه الاسئلة دي؟!" فسبحان الله افتكرت آية في غاية الجمال والابداع والحكمة، ربنا بيقول في كتابه المجيد : { وَمَا تِلْكَ بِيَمِينِكَ يَا مُوسَىٰ } هل ربنا (خالق السماوات والارض) مش عارف اللي في ايد سيدنا موسى؟! فيه خواطر سمعتها في الآية دي إنه ربنا قاله كده على سبيل الإيناس له، شوفوا بقى رد سيدنا موسى.. { قَالَ هِيَ عَصَايَ أَتَوَكَّأُ عَلَيْهَا وَأَهُشُّ بِهَا عَلَىٰ غَنَمِي وَلِيَ فِيهَا مَآرِبُ أُخْرَىٰ } يعني مكتفاش بانه يقوله "هى عصاي" ، ففضل يوصف.. المشكلة عندنا في الوقت ده إن أغلبنا مبقاش عندهم "ثقافة الإيناس" .. يعني لما الست تطلب من زوجها وتقوله " تحب تاكل ايه النهاردة؟" .. يرد يقول "اي حاجة".. الوقت ده هى بتبقى نفسها تتكلم معاها وتإنسها لأنها بتحبك .. نفسها تشكر في الاكل بتاعها .. وعشان كده كمان تلاقيها بتسألك "ايه رأيك في اكل النهاردة؟" بيبقى نفسها ترد عليها وتمدح في اي حاجة بتعملها.. ولو عايز تعدل وتقول "إن الملح ناقص" .. تقول مثلا "الله، الاكل حلو اوي، بس لو يزيد عليه شوية ملح بسيط، هيبقى مالوش حل" .. لما بتسألك روحت فين؟ وعملت ايه؟ وجيت منين؟ والأسئلة من النوع ده مبيبقاش قصدها تخنقك، هي بس بتبقى عايزة تتونس بيك وبكلامك وتحس إنك مشاركها كل تفاصيلك .. اتعلموا "ثقافة الايناس" وكفّوا بيوتكم منه ..

‏يارب يكون جوزي أحن عليا من رمش عيوني. ‏لإن معنديش طاقة نهائي ان زواجي يكون بلاء ‏يارب يا وهاب يكون هين لين لا اشقي به.. ‏لأني شوفت من الدنيا اذي كفايه، فيارب ‏يارب مرة ومليون يكون هو عوض الصابرين🥹❤️❤️❤️

متقترحش لحد اسم مُسلسل. متقترحش لحد اسم فيلم. متقترحش لحد اسم أُغنية. "كِفّاية عَليك ذُنُوبَك."