የመካሽ አስራት እይታወች ፩

ተስፋ እንዳትቆርጥ: ተስፋ እንዳትቆርጪ! በ17 ዓመቷ ከኮሌጅ ተባረረች። በ25 ዓመቷ እናቷ በሞት አጣች። በ27 ዓመቷ አገባች። ባሏ ክፉኛ ያሰቃያት ነበር ይህ ቢሆንም ሴት ልጅ ወለደችለት በ28 ዓመቷ ከባሏ ተፋታ እንዲሁም ከባድ የመንፈስ ጭንቀት አጋጠማት። በ29 ዓመቷ በድህነት ልጇን ለብቻዋ ታሳድግ ጀመረ። በ30 ዓመቷ በዚህ አለም መኖር እስኪያንገሸግሻት እራሷን ለማጥፋት እስክታስብ ድረስ ተፈተነች። ነገር ግን በስተመጨረሻ መክሊቷን አገኘች፣ ከማንም በተሻለ ልታደርገው የምትችለውን አንድ ነገር ተረዳች ያም ነገር መጻፍ ፃሀፋ ደራሲ መሆን ነበር። በ 31 ዓመቷ በመጨረሻ የመጀመሪያውን መጽሃፏን አሳትማለች። በ 35 ዓመቷ, 4 መጽሃፎችን አውጥታለች, እናም የዓመቱ ደራሲ ተብላ ተጠራች. በ42 ዓመቷ፣ በተለቀቀችበት የመጀመሪያ ቀን 11 ሚሊዮን ኮፒ የተሸጠ መጽሐፏን አሳተመች። ይህች ጀግና ሴት ጄ.ኬ. ሮውሊንግ ነች፡፡ ዛሬ ሃሪ ፖተር ከ15 ቢሊዮን ዶላር በላይ ዋጋ ያለው ዓለም አቀፍ የንግድ ምልክት ነው። ተስፋ እንዳትቆርጥ፡ ተስፋ እንዳትቆርጪ. መክሊትህን ፈልግ፡በራስህ እምነት ይኑርህ፡ ጠንክሮ መስራት ዘግይቶ አያውቅም ዛሬ እርምጃ ይውሰዱ፡፡ ከፌስቡክ መንደር

በሰው ተስፋ አትቁረጥ _____________ “You must not lose faith in humanity. Humanity is an ocean; if a few drops of the ocean are dirty, the ocean does not become dirty”—Mahtama Gandih _____________ ምናልባት ሰዎች በድለውህ፤ አልያም አስከፍተውህ ሊሆን ይችላል። ማን ያውቃል ያመንከው ከድቶህ፤ የጠበቅከው እረስቶህ፤ ተስፋ የጣልክበት ጥሎህ ሊሆንም ይችላል። _____________ ወይም ደግሞ የእለቱን ዜና ስትሰማ፤ ሰው በሰው ሲጨክን ስታይ እውነት መልካም ሰዎች ይኖሩ ይሆን ብለኽ አስበህ ሊሆንም ይችላል። _____________ ማን ያውቃል ከልብህ ወደህ ልብህን የሰጠኸው ሰው፤ ልብህን የጣለበት ጠፍቶት ሌላ መውደጃ ልብ አጥተኽ ይሆናል። _____________ በእለት ተእለት ኑሮዋችን የመገናኛ ብዙሃን የሚያሰሙን ዜናዎች፤ እውነትም በሰው ልጅ ተስፋ እንድንቆረጥ ያደርገናል። _____________ መልካም ሰዎች እና ምግባሮቻቸው እየመነመኑ የመጡ ይመስለንና እራሳችንን ከማህበረሰቡ እየነጠልን እንመጣለን። _____________ ሰው ለመውደድ ሁለቴ እናስባለን፤ ልባችንን እንዳይሰበር በመስጋት። ደግ ለመስራት ግራ ቀኙን እናያለን፤ በበጎነታችን እንዳንጎዳ በማሰብ። _____________ ሰው ማመን ፈተና ሆነብን። በዚህ መሃከል ግን መልካም ሰዎች እያሉ እንደሌሉ ተቆጠሩ። የክፋት ወሬ አለምን ሲያዳርስ፤ መልካም ዜና ግን ከቤት አልፎ ጎረቤት መሰማት አቃታት። _____________ በሰው ልጅ ተስፋ መቁረጥ ያለብን አይመስለኝም። አንዴ ስለተከዳን ሁሉም ሰዎች ከሃዲዎች ናቸው ብለን መደምደም የለብንም። _____________ መጥፎ ዜናዎች ከፍ ብለው ስለተሰሙ፤ መልካም ስራ የለም እያልን በሰብዓዊነት ላይ ተስፋ ባንቆርጥ መልካም ነው። _____________ አለም ልክ እንደ ውቂያኖስ ናት፤ ጥቂት የክፉ ሰዎች ጠብታ ስላለባት ብቻ ውቂያኖሱ ተበክሏል ብለህ ተስፋ አትቁረጥ። _____________ ደግመህ ለመውደድ አትፍራ፤ ደግመህ ይቅር ለማለት አትስጋ፤ የዋህ መሆንህን አትጥላው።አለምን በርቀስ አርገን ብናያት፤ ማመን ከሚከብደን በላይ መልካም ሰዎች አሏትና። _____________ “አለም ልክ እንደ ውቂያኖስ ናት፤ ጥቂት የክፉ ሰዎች ጠብታ ስላለባት ብቻ ውቂያኖሱ ተበክሏል ብለህ፤ ተስፋ አትቆረጥ።” _____________ #ሼር

ችግርህን በማሰብ ጊዜ አታጥፋ! አሁን ባለህ ሕይወት ግራ ግብት ብሎህ ስትጨነቅ የምትታየው የመፍትሔ ሃሳብ ማመንጨቱን ትተህ ችግሩን በማሰብ እዛ ላይ ጊዜህን ስለምታጠፋ ነው። ነገር ግን በችግርህ ማለቃቀስህን ትተህ ችግርህን በማወቅ መፍትሔው ላይ ብታተኩር ስኬታማና ድንቅ ሕልሙን ያሳካ ሰው ትሆናለህ። ስለዚህ በፍፁም በችግርህ አታልቅስ፤ ከእዛ ችግር ተማርበት እንጂ!                                          Mak man

እያደረሰህ ነው! ፨፨፨//////፨፨፨ ህይወት ከ "ሀ" ጀምራ እስከ "ፐ" ስትጓዝ በእያንዳንዱ ሰው ውስጥ የእራሷ መልክና አሻራ አላት። የፈተናን ፅንፍ፣ የደስታን ጥግ፣ የችግርን መዓት፣ የሃሴትን መዓቀፍ በአንድላይ እያፈራረቀች ማሳየት የሚትችል መልከ ብዙ፣ ገፀ ብዙ ትልቅ ዠንጉርጉር መሃደር ነች። በእያንዳንዳችን ምርጫ ውስጥ ህይወት የምትመራን አቅጣጫ ይኖራል፤ አቅጣጫዎቹም ምቾትን ወይም ስቃይን፣ ደስታን ወይም ሃዘንን፣ እረፍትን ወይም ድካምን ሊያስከትሉብን የሚችሉ ናቸው። አብዛኛው ሰው የሚኖረው ህይወት የግዳጅ ሳይሆን የምርጫ ህይወት ነው። ከሆነው ሰው፣ ከማንነታችን ጀምሮ እስከ ከበቡን ሰዎች፣ አስከምናውቃቸው ጉዳዮች፣ እስከምንከተላቸው ሰዎች ድረስ መርጠንና ፈልገን የምናደርጋቸው ናቸው። የትኛውም ምርጫ ደግሞ ውጤትን ያመጣል፤ ለውጤቱም ሃላፊነት መውሰድ ይጠይቃል። ለእያንዳንዶቹ ምርጫና ውሳኔዎችህ ደግሞ ሃላፊት ካልወሰድክ አንድ እርምጃ ልትራመድ ትችላለህ፣ ሁለተኛውን ግን አትደግመውም። አዎ! ጀግናዬ..! እያደረሱህ ነው! ምርጫዎችህ ወደ ግብህ እያቀረቡህ ነው፤ ውሳኔዎችህ ወደ ህልምህ እያቀረቡህ ነው፤ እርምጃዎችህ ወደ መዳረሻህ እያቀረቡህ ነው። ከምቾትህ ስትወጣ፣ የህይወት ክብደት ሲሰማህ፣ ግራ መጋባት ሲወርህ፣ ጨለማው ሲመጣ፣ ፈተናዎች ሲደጋገሙ፣ ፍረሃት ሲቆጣጠርህ፣ ስጋት ውስጥ ስትወድቅ፣ ድፍረት ስታጣ ህይወት እየፈተነችህ ነው፤ ልኬትህን እየፈለገች ነው፤ አቅምህን እየለካች ነው፤ ፅናትህን፣ ትግስትህን፣ ብርታትህን እየመዘነች ነው። የዚህ ሁሉ ክስተት ዋናው መንስዔ መርጠህ የተጓዝክባቸው የህይወት መንገዶችህ፣ ውሳኔህና እርምጃዎችህ ናቸው። ነገር ግን በፅናትህ ልክ፣ በብርታትህ መጠን ስታሸንፍ ህይወት የምትሰጥህ ህልም አለ፤ ስትሻገራቸው የምትሸልምህ ዋንጫ አለ፤ ስታልፋቸው የምታበስርህ የድል ዜና አለ። አዎ! ፊትህ የቆመው መሰናክል ከግብህ የሚያደርስህን መንገድ የሚከፍት ነው፤ ብርታት የሚያድልህ፣ ጥንካሬን የሚያጎናፅፍህ፣ የሚሰራህ ነው። እንቅልፍ የነሳህ ችግር በረከት የሚያመጣ፣ ትሩፋትን የሚያድል፣ ጥበብን የሚያጎናፅፍ፣ ደስታን የሚያስከትል ነው። ተስፋ ለመቁረጥ አትቸኩል፤ አቅምህን ለማጣት፣ ከጥንካሬህ ለመለየት አትጣደፍ። የደበዘዙ የህይወት ገፆች እንዳሉ ሁሉ የፍካትና የደስታ ጊዜያትም ይኖራሉ፤ የሽንፈትና የስንፍና ወቅቶች እንደመኖራቸው የአሸናፊነት፣ የጥንካሬና የብርታት ጊዜያትም አሉ። ህይወት ገና ስንቱን ታሳይሃለች? መዓቱን፣ እልፉን ታስጎበኝሃለች፤ በብዙ ውጣወረዶች ትፈትንሃለች፤ መዓቱን ታወርድብሃለች፤ ያለህን ታሳጣሃለች። ከፈተናህ ጀርባ ግን ሃሴትን ታድልሃለች፤ ከመዓቱ ቦሃላም በበረከት ትሞላሃለች፤ ያለህን ወስዳም አትቀርም በምትኩ የተሻለውን ትለግስሃለች። በተስፋህ አትደራደር፣ ሃላፊነትን ውሰድ፣ ኮራ ጀነን ብለህ በፍጥነት ከመዳረሻህ ለመድረስ ወደፊት ተራመድ። ከሰው ምንም አጠብቅ ጉዋደኞችህ ያንተን ህይወት አይኖሩልህም የቀረበህን ቅረብ የራቀህን አርቀህ እራቅ ምክንያቱም ሲመለስ ካንተ የሆነ ነገር ፈልጎ መሆኑን አትርሳ!!! ግሩም ምሽት ይሁንልን! 🌘🌒✨💫 Mak man

መጠጋትህን ቀጥል! ፨፨፨፨/////////፨፨፨፨ አዎ! የቻልከውን እያደረክ፣ ከቻልከው በላይም እየጣርክ፣ እየለፋህ፣ እየተጋህ፣ በአዳዲስ መንገዶች እየሞከርክ ህይወት ላላትሞና የታሰበችውን ያክል ላትሆን ትችላለች። ያዝኩት ስትላቸው የሚበተኑ፣ ደረስኩ ስትል የሚርቁህ፣ አገኘዋቸው ስትል የሚበኑ አያሌ ጉዳዮች ይኖራሉ። ጭራዉን አጥብቀህ መያዝህ እንኳን ላሰብክበት መዳረሻ ዋስትና ላይሆንህ ይችላል። ብዙ ዋጋ ከፍለህ የገነባሀው የፍቅር ህይወት የከፈልክለትን ዋጋ ያክል ሳይሆንልህ ሲቀር፤ ለዘመናት የለፋህበት ትምህርት ምንም ሳይጠቅምህ ሲቀር፣ የተማመንከው ስራ ውጤቱ አልባ ሲሆን፣ ተስፋ ያደረከው ሰው እየሸሸህ ሲመጣ፣ ነገሮች በተገላቢጦሽ መጓዝ ሲጀምሩ የተለየ ግንዛቤ፣ የተለየ አረዳድና ከወትሮው የላቀ ጥረት እንደሚጠበቅብህ አስተውል። በአንዳንድ የህይወት አጋጣሚ አንዳንድ ጉዳዮች ከሚጠቅባቸው ላነሰ እርካታ ይዳርጋሉ፣ ደስታ መስጠት ላይ ችግር ይኖርባቸዋል፣ የተሻለ ነገር ለመፍጠር አቅም ሲያንሳቸው ይስተዋላል። አዎ! ጀግናዬ..! ውጤትህ ከጠበከው በታች በመሆኑ፣ የጓጓህለትን ያክል እርካታ ስላልሰጠህ፣ ስሜትህን ስላልቀየረ ብቻ ካመንክበት ተግባር እንዳትገታ። መጠጋትህን ቀጥል! የህይወትህ ትልቁ ሚስጥር ልታቆምበት ከነበረው አንድ እርምጃ ቦሃላ ሊሆን እንደሚችል አስብ፤ አንተነትህን የሚለካው፣ አቅምህን የሚያሳየው፣ ጥረትህን የሚያስመለክተው ውጤት በቅርብ ሊሆን እንደሚችል አስተውል። ምንም እንኳን የተጓዝከው አጭር መንገድ፣ በፅናት የታገልከውም ለተወሰነ ጊዜ ቢሆንም የሚቀርህና የሚጠበቅብህ ግን ካለፈው ጥረትህ በእጅጉ ያነሰ ነው። ስትነሳ በነበረህ ተነሳሽነት፣ ስትጀምር በነበረህ እውቀት፣ በጠዋቱ በነበረህ ሰሜትና ብቃት ላይ አይደለህም። አንድ በሞከርክ ቁጥር ምንም ካለመሞከር ተሽለህ ትገኛለህ፤ ወደጓጓህለት ግኚት በአንድ እርምጃ ትቀርባለህ፤ የሚቀርህን መንገድ ታሳጥራለህ። አዎ! ያለዋጋ የሚገኝ ጠቃሚና ዋጋ ያለው ነገር የለም። መሃበራዊ ግንኙነትህ ያድግ ተዘንድ ተግባቢነት ላይ፣ ሰዎችን መረዳት ላይ፣ የእርስ በእርስ ግንኙነት ላይ መስራት ይኖርብሃል። የፍቅር ህይወትህ እንዲያድግ፣ ትርጉም እንዲሰጥህ፣ እንዲረጋጋና ሰላማዊ የደስታ ምንጭ እንዲሆንህ እለት እለት በመታደስ፣ በአዳዲስ ማራኪ ክስተቶችና ትርጉም ሰጪ ክንውኖች መሞላት ይኖርበታል። ሙያዊ አቅምህ እንዲዳብር፣ በብቃትህ የመተማመን ደረጃ ላይ እንድትደርስ፣ ተፈላጊነትህ እንዲጨምር፣ ያንተም ዋጋ ጎልቶ እንዲወጣ የበዛ ጥረት ከማያቋርጥ መስተጋብር ጋር ይጠበቅብሃል። የዛፉ ፍሬ ላይ ሳይሆን መወጣጫው ላይ አተኩር፣ በእርሱ ተማረክ። በስተመጨረሻ ከምትጎናፀፈው ድል በበለጠ ከትግሉ ጋር በፍቅር ውደቅ፣ በስሜት ተገናኘው፤ ከሂደቱ ጋር ተሳሰር፣ ከልብህ ውደደው። እንደ መዓድን አውጪው መዓድኑን ለማግኘት የመጨረሻው አንድ ቁፋሮ ሲቀርህ ጥረትህን እንዳታቆም። Mak man