Kampuchea Thmey TV

អ្នកវិភាគ៖ ការវាយកម្ទេចផ្ទះខ្មែរ និងឈូសឆាយដីធ្វើសំណង់យោធា គឺជាការរំលោភដែនអធិបតេយ្យកម្ពុជា និងបំពានច្បាប់អន្តរជាតិ លោក យឿន យឿត អ្នកតាមដាន និងវិភាគនយោបាយ លើកឡើងថា សកម្មភាពរបស់យោធាថៃ ដូចជា ការវាយកម្ទេចផ្ទះប្រជាពលរដ្ឋខ្មែរ ការឈូសឆាយដីត្រៀមសាងសង់ហេដ្ឋារចនាសម្ព័ន្ធយោធាអចិន្ត្រៃយ៍ ព្រមទាំងការនាំអ្នកសង្កេតការណ៍អាស៊ានប្រចាំប្រទេសថៃ និងអ្នកសារព័ត៌មាន ចុះពិនិត្យទីតាំងស្ថិតក្នុងទឹកដីកម្ពុជា ដោយគ្មានការអនុញ្ញាត គឺជាការរំលោភបំពានលើអធិបតេយ្យភាព និងបូរណភាពទឹកដីកម្ពុជា និងជាការបំពានលើគោលការណ៍ច្បាប់អន្តរជាតិ។ លោកបញ្ជាក់ថា បញ្ហានេះមិនគួរត្រូវបានមើលរំលង ឬបង្វែរទៅជាបញ្ហានយោបាយធម្មតានោះទេ ព្រោះសកម្មភាពនៅលើដីជាក់ស្តែង អាចបង្កើត ស្ថានភាពថ្មីនៅតាមព្រំដែន និងធ្វើឱ្យភាពតានតឹងរវាងប្រទេសទាំងពីរកាន់តែធ្ងន់ធ្ងរ។ ——— 📲 JOIN Kampuchea Thmey TV