Forward Channel [RANGOON]

⭕️ FCR Store is Back! FCR Store အကြောင်း နည်းနည်းရှင်းပြပါရစေ 🤠 FCR Store ဆိုတာက နွေဦးတော်လှန်ရေးကာလမှ ရောင်းချနေတဲ့ Ticket တွေ နဲ့ ၂၁ ရာစုမှာ လူတိုင်း အသုံးပြုနေကြတဲ့ Digital Item တွေကို ဈေးသက်သာစွာနဲ့ ရောင်းချပေးမယ့် Store တစ်ခုဖြစ်ပါတယ်။ ဒါ့အပြင် NUGPay, SDB Payment လဲပေးတာတွေနဲ့ KPay, WavePay ငွေလဲလှယ်မှုတွေကို လုံခြုံရေးအထူးဂရုစိုက်ပြီး ပြုလုပ်ပေးသွားဦးမှာ ဖြစ်ပါတယ်။ မကြာခင် ရရှိနိုင်မယ့် Service တွေနဲ့အတူ Digital Item တွေနဲ့အတူ ပြန်လာခဲ့ပါမယ်! See you guys ⛅️ @FCRSTORE

လုပ်အားခ တိုးတောင်းလို့ အလုပ်ထုတ်ခံရတဲ့ အလုပ်သမားတွေ အလုပ်သစ်ပြန်ရဖို့ ခက်ခဲနေ 🌐 FCR Dec 10 🌐 လုပ်ခလစာ တိုးတောင်းလို့ဆိုပြီး အလုပ်ထုတ်ခံလိုက်ရတဲ့ ရန်ကုန်မြို့၊ လှိုင်သာယာစက်မှုဇုန် - ၄ က Yangon Nadia-Pacific အထည်ချုပ်စက်ရုံ အလုပ်သမားတချို့ဟာ ပြီးခဲ့တဲ့ နိုဝင်ဘာလကုန်ကတည်းက စလို့ လက်ရှိအထိ အလုပ်အသစ် ပြန်ရဖို့ ခက်ခဲနေတယ်လို့ စုံစမ်းသိရှိရပါတယ်။ သူတို့ဟာ နိုဝင်ဘာလကုန်မှာ နစ်နာကြေးနဲ့ တရားဝင် အလုပ်ထုတ်ခံရတဲ့ သူတွေ ဖြစ်ပေမဲ့ Yangon Nadia-Pacific အထည်ချုပ်က အလုပ်သမားတွေလို့ဆိုကာ အလုပ်မခန့်တာမျိုးတွေ ရှိတယ်လို့ ကိုယ်တိုင်ကြုံတွေ့ခဲ့ရသူ တချို့က ဆိုပါတယ်။ ဆက်လက်ဖတ်ရှု့ရန် ⬇️

စစ်ကောင်စီတပ်၏ ဒုတိယဗိုလ်မှူးကြီး အဆင့်မှ ဒုရဲမှူးအဆင့်အထိ အပါအဝင် စစ်ကောင်စီတပ်မှ ၄၇၅ ဦး ၁၁ လအတွင်း အလင်းဝင်ဟု NUG ပြော 🌐 FCR Dec 10 🌐 မြန်မာအကြမ်းဖက်စစ်တပ်မှ ဒုတိယဗိုလ်မှူးကြီး အဆင့်မှ ဒုရဲမှူးအဆင့်အထိ အပါအဝင် စစ်ကောင်စီတပ်ဖွဲ့ဝင် ၄၇၅ ဦး ယခုနှစ် ၁၁ လအတွင်း အလင်းဝင်လာကြောင်း NUG အမျိုးသားညီညွတ်ရေးအစိုးရ၊ ဝန်ကြီးချုပ်ရုံးပြောရေးဆိုခွင့်ရှိသူ ဦးနေဘုန်းလတ်က ပြောဆိုသည်။  NUG ၏ ပြည်သူလူထုနှင့်နိုင်ငံတကာသို့ သတင်းစကားပြောကြားခြင်း (Press Briefing) အစီအစဉ် ၄/၂၀၂၄ တွင် ၎င်းက အထက်ပါအတိုင်း ပြောဆိုခြင်းဖြစ်သည်။  ဆက်လက်ဖတ်ရှု့ရန် ⬇️

တိုက်ပွဲအတွင်း သေဆုံးသွားတဲ့ စစ်သည်တွေကို အလောင်းမပြနိုင်ပါက ဘာခံစားခွင့်မှ မပေးဟုဆို 🌐 FCR Dec 10 🌐 နိုင်ငံအနှံ့ စစ်မြေပြင်အသီးသီးမှာ တပ်မမှူးအဆင့် အပါအဝင် အရာရှိစစ်သည်များစွာ ဖမ်းဆီးခံရပြီး တပ်ဖွဲ့ဝင်တွေ ရာနဲ့ချီ သေဆုံးကာ အကြီးအကျယ် စစ်ရှုံးနေပေမဲ့ အာဏာသိမ်းစစ်ခေါင်းဆောင် မင်းအောင်လှိုင်က အမျိုးသားအားကစားပွဲတော် ဖွင့်ပွဲကို တက်ရောက်ပြီး တည်ငြိမ်အေးချမ်းမှုဖော်ထုတ်တဲ့ပွဲလို့ ဒီဇင်ဘာ ၉ ရက်မှာ ပြောကြားသွားပါတယ်။ အကြမ်းဖက်စစ်ခေါင်းဆောင် မင်းအောင်လှိုင် နဲ့ ဇနီးက ပျော်ပွဲရွှင်ပွဲအခမ်းအနားတွေကို အပြုံးမပျက်တက်ရောက်နေကြချိန်မှာပဲ မောင်တောမြို့ နခခ ၅ တပ်ရင်းမှ ပိတ်မိနေတဲ့ စစ်ကောင်စီတပ်ဖွဲ့ဝင်တွေရဲ့ အကူအညီတောင်းခံတဲ့ ရုပ်သံတခုပေါ်ထွက်ခဲ့ပြီး စကခ ၁၅ တပ်မမှူး ဗိုလ်မှူးချုပ် သူရိန်ထွန်း ကိုလည်း အာရက္ခတပ်တော် AA က အရှင်ဖမ်းဆီးနိုင်ခဲ့ပါတယ်။ ဆက်လက်ဖတ်ရှု့ရန် ⬇️

မဲနှိက်ခြင်း၊ ပိုက်ဆံပေးခြင်းကို ခွင့်မပြုတော့ဘဲ ရန်ကုန်တွင် လူငယ်အမျိုးသားများ မှန်သမျှ မဖြစ်မနေ စစ်မှုထမ်းရမည်ဟု စစ်ကောင်စီ အကျပ်ကိုင်လာ 🌐 FCR Dec 10 🌐 ရန်ကုန်တိုင်းဒေသတွင် အသက် ၁၈ နှစ်မှ အသက် ၃၅ နှစ်အတွင်းရှိ လူငယ်အမျိုးသားများ မှန်သမျှ မဖြစ်မနေ စစ်မှုထမ်းရမည်ဟု စစ်ကောင်စီခန့် ရပ်ကျေးအုပ်ချုပ်ရေးမှူးများက မိသားစုဝင်များကို ခေါ်ယူ ပြောဆိုနေသည်။ ယခင်ကဲ့သို့ မဲနှိက်ခြင်း၊ ပိုက်ဆံပေးခြင်းများတို့ဖြင့် စစ်မှုထမ်း ကင်းလွတ်ခွင့် ခွင့်ပြုတော့မည် မဟုတ်ကြောင်း ရပ်ကျေးအုပ်ချုပ်ရေးမှူးများက ပြောသည်။ ဆက်လက်ဖတ်ရှု့ရန် ⬇️

စစ်ကောင်စီက နိုင်ငံပေါင်း ၁၆ နိုင်ငံသို့ မြန်မာအလုပ်သမားများ တင်ပို့ စေလွှတ်နေပြီး ရုရှား အပါအဝင် နိုင်ငံသစ်များသို့ပါ အလုပ်သမားများ စေလွှတ်တင်ပို့နိုင်ရန် ကြိုးပမ်းညှိနှိုင်းနေဟုဆို 🌐 FCR Dec 10 🌐 အကြမ်းဖက် စစ်ကောင်စီက နိုင်ငံပေါင်း ၁၆ ခုသို့ မြန်မာအလုပ်သမားများ စေလွှတ်နေပြီး ရုရှား အပါအဝင် နိုင်ငံသစ်များသို့ပါ အလုပ်သမားများ တင်ပို့နိုင်ရန် ကြိုးပမ်းနေကြောင်း အလုပ်သမားဝန်ကြီးဌာန သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ လက်ရှိတွင် စစ်ကောင်စီက ၂၀၂၁ ခုနှစ် စစ်အာဏာသိမ်းပြီးချိန်မှ စတင်၍ မြန်မာအလုပ်သမားများကို နိုင်ငံပေါင်း ၁၆ နိုင်ငံအထိ တိုးချဲ့တင်ပို့ခဲ့ကြောင်း၊ လတ်တလော စစ်ကောင်စီက မြန်မာအလုပ်သမားများ တင်ပို့နေသော နိုင်ငံများမှာ မလေးရှား၊ ဂျပန်၊ စင်ကာပူ၊ ထိုင်း၊ ကာတာ၊ ယူအေအီး၊ ဂျော်ဒန်၊ ကူဝိတ်၊ တူရကီ၊ ဟန်ဂေရီ၊ တောင်ကိုရီးယား၊ လာအို၊ ဘရူးနိုင်း၊ တရုတ်နိုင်ငံ၊ အယ်လ်ဘေးနီးယားနိုင်ငံနှင့် ကမ္ဘော ဒီးယားနိုင်ငံတို့သို့ မြန်မာအလုပ်သမားများ တင်ပို့နေကြောင်း၊ ယခုအခါ ရုရှား အပါအဝင် နိုင်ငံသစ်များဆီသို့ပါ မြန်မာအလုပ်သမားများ တင်ပို့နိုင်ရေး ကြိုးပမ်းလျက်ရှိကြောင်း သိရှိရသည်။ ဆက်လက်ဖတ်ရှု့ရန် ⬇️

NUG နှင့် PDF များ၏ ရန်ပုံငွေရှာ Campaign များသို့ ပြည်တွင်းပြည်ပ ငွေကြေးလှူဒါန်းမှုနှင့် ငွေကြေးစီးဆင်းမှုများကို ဖိဖိစီးစီး စုံစမ်းဖော်ထုတ် အရေးယူရန် စစ်ကောင်စီက အရေးပေါ် ညွှန်ကြား 🌐 FCR Dec 09 🌐 အမျိုးသားညီညွတ်ရေးအစိုးရ-NUG နှင့် PDF များက လုပ်ဆောင်နေသော ရန်ပုံငွေရှာ Campaign များသို့ ပြည်တွင်းပြည်ပ ငွေကြေးလှူဒါန်းမှုနှင့် ငွေကြေး စီးဆင်းနေမှုများ ဆက်လက်တည်ရှိနေသည်ကို  ဖိဖိစီးစီး စုံစမ်းဖော်ထုတ် အရေးယူရန် စစ်ကောင်စီက အရေးပေါ် ညွှန်ကြားလာကြောင်း နေပြည်တော်စစ်ဘက်သတင်းရင်းမြစ်က ပြောဆိုသည်။ ဆက်လက်ဖတ်ရှု့ရန် ⬇️

တောင်ကိုရီးယား သမ္မတကို ပြည်ပသွားခွင့်ပိတ်ပြီး ကာကွယ်ရေးဝန်ကြီးကို ဖမ်းဆီးထိန်းသိမ်း 🌐 FCR Dec 09 🌐 ■ တောင်ကိုရီးယားနိုင်ငံမှာ စစ်အုပ်ချုပ်ရေး ကြေညာခဲ့တဲ့ ကာကွယ်ရေးဝန်ကြီး ကမ်ယုန်ဟွန်း ကို ဒီဇင်ဘာ ၈ ရက် မနေ့က ထိန်းသိမ်းလိုက်ပါတယ်။တရားရေးဝန်ကြီးဌာနကလည်း သမ္မတ ယွန်းဆွတ်ယိုးလ်ကို ပြည်ပထွက်ခွင့်ပိတ်လိုက်ပါတယ်။တိုင်းပြည် စစ်အုပ်ချုပ်ရေး ကြေညာခဲ့တဲ့အပေါ် စစ်ဆေးစရာရှိတဲ့အတွက် ပိတ်လိုက်တာလို့ ဆိုပါတယ်။ ရဲတပ်ဖွဲ့၊ အစိုးရရှေ့နေတွေနဲ့ လာဘ်စားမှုတိုက်ဖျက်ရေးဌာနတို့က သမ္မတကို စစ်ဆေးမှာပါ။စစ်ဆေးတွေ့ရှိချက်တွေ ပေါ်ပေါက်ရင် သမ္မတကိုလည်း ဖမ်းဆီးထိန်းသိမ်းမယ်လို့ အမျိုးသား ရဲတပ်ဖွဲ့ရဲ့ ထိပ်တန်းအရာရှိက သတင်းဌာနတွေကို ဒီနေ့ ပြောပါတယ်။[RFA][FCR] တောင်ကိုရီးယားနိုင်ငံ၊ ကာကွယ်ရေးဝန်ကြီး ကမ်ယုန်ဟွန်းအား ၂၀၂၄ ခုနှစ်၊ အောက်တိုဘာလ ၃၀ ရက်နေ့က တွေ့ရစဥ်။ (AFP Photo) @Forwardchannelrangoon

ရန်ကုန်မှတ်တမ်း (ဒီဇင်ဘာ ၂ - ဒီဇင်ဘာ ၈၊ ၂၀၂၄) •••••••••••••••®••••••••••••••• ယခုသီတင်းပတ် ရန်ကုန်မှတ်တမ်းတွင် ဒီဇင်ဘာ ၂ ရက်နေ့မှ ၈ ရက်နေ့တွင်းဖြစ်ပွားခဲ့သည့် ရန်ကုန်ဖြစ်စဉ်များအနက် ထူးခြားဖြစ်စဉ်များကို ⚠️ မြို့ပြစစ်ဆင်ရေး 🔴 အဖမ်းအဆီး ဧည့်စစ် လူရှာ 🔖 စစ်မှုထမ်း 💒 ရုရှားဘုရားကျောင်း 🇮🇳 အိန္ဒိယစစ်တပ် ကျောင်းအုပ်အဖွဲ့ 🌆 ရန်ကုန်မြိုသစ် စီမံကိန်း ⚡️ လျှပ်စစ်မီး ပိုမိုပြတ်တောက်လာ ဟူသည့် ခေါင်းစဉ်ငယ်များဖြင့် ခွဲ၍ဖော်ပြထားသည်။

... 🌆 ရန်ကုန်မြိုသစ် စီမံကိန်း ရန်ကုန်မြိုတဖက်ကမ်းရှိ ကြည့်မြင်တိုင်၊ ဆိတ်ကြီးခနောင်တိုနှင့် တွံတေးမြိုနယ်ထဲမှ လယ်ယာမြေအများစု၌ လုပ်မည့် ရန်ကုန်မြိုသစ် စီမံကိန်းကို စတင်အကောင်အထည်ဖော်ဖို အကြမ်းဖက်စစ်ခေါင်းဆောင် မင်းအောင်လှိင်မှ တရုတ်နိုင်ငံသို သွားရောက်စဉ် ကမ်းလှမ်းခဲ့ကြောင်း ...

အောက်ပါ Link တွင် အပြည့်အစုံ ဖတ်ရှုနိုင်ပါသည်။ ⬇️ RSN WEB: https://t.me/rsnweb/23065?comment=5553 #RangoonScoutNetwork

❐ စစ်အုပ်ချုပ်‌ရေး အသက်သွင်းရန် ကြိုးပမ်းသည့် တောင်ကိုရီးယား ကာကွယ်ရေးဝန်ကြီးဟောင်း ဖမ်းဆီးခံရ။ 🌐 FCR Dec 09 🌐 ပြီးခဲ့သည့် ဒီဇင်ဘာလ (၃) ရက်နေ့တွင် တောင်ကိုရီးယားသမ္မတ ယွန်းဆော့ယောက စစ်အုပ်ချုပ်ရေးအမိန့် ထုတ်ပြန်ရာတွင် မာရှယ်လောကို အသက်သွင်းရန် ပူးပေါင်းပါဝင်ခဲ့သည့် တောင်ကိုရီးယား ကာကွယ်ရေးဝန်ကြီးဟောင်း ကင်ယောင်ဟွန်းကို ယမန်နေ့ ဒီဇင်ဘာ (၈) ရက်နေ့တွင် အစိုးရရဲတပ်ဖွဲ့က ဖမ်းဆီးခဲ့ကြောင်း တောင်ကိုရီးယားသတင်းဌာနများမှ သိရသည်။ ကင်ယောင်ဟွန်းသည် မာရှယ်လောကြေညာပြီး နောက်တနေ့တွင် ကာကွယ်ရေးဝန်ကြီးရာထူးမှ နုတ်ထွက်စာတင်ခဲ့သူဖြစ်သည်။ စစ်အုပ်ချုပ်ရေးကြေညာမှုကြောင့် သမ္မတယွန်းဆော့ယောကို အတိုက်အခံပါတီအမတ်များက ပြီးခဲ့သည့် ဒီဇင်ဘာလ (၅) ရက်နေ့မှ (၇) ရက်နေ့အထိ စွပ်စွဲပြစ်တင်သည့်အဆိုတင်သွင်း မဲပေးခဲ့ကြရာ အတည်ပြုနိုင်သည့် မဲအရေအတွက် မပြည့်မီ၍ သမ္မတယွန်းအနေဖြင့် သက်သာရာ ရခဲ့သည်။ ဆက်လက်ဖတ်ရှု့ရန် ⬇️

စမ်းချောင်းမြို့နယ်မှာ Power Bank ဖြင့် ဖုန်းအားသွင်းရာမှ တိုက်ခန်းမီးလောင်ပြီး အမျိုးသားတစ်ဦးသေဆုံး 🌐 FCR Dec 08 🌐 ရန်ကုန်မြို့  စမ်းချောင်းမြို့နယ်၊ အောင်ချမ်းသာရပ်ကွက်၊ သီရိမင်္ဂလာလမ်းရှိ တိုက်ခန်းတစ်ခုမှာ   ဒီကနေ့ မနက် သုံးနာရီခန့်က  Power Bank အားသွင်းရာမှ မီးလောင်ကျွမ်းမှုဖြစ်ပွါးခဲ့ပြီး အမျိုးသားတစ်ဦး သေဆုံးခဲ့တယ်လို့ မြန်မာနိုင်ငံမီးသတ်ဦးစီးဌာနက ဒီကနေ့ ထုတ်ပြန်လိုက်ပါတယ်။ သီရိမင်္ဂလာလမ်းရှိ သုံးထပ်တိုက်ခန်းတစ်ခုရဲ့ ပထမထပ်အခန်းမှာ  မွေ့ယာပေါ် အားသွင်းထားတဲ့ Power Bank မှ အပူလွန်ကဲပြီး မီးစတင်လောင်ကျွမ်းခဲ့တာဖြစ်တယ်လို့ ဆိုပါတယ်။ အဆိုပါ မီးလောင်ကျွမ်းမှုမှာ မိနစ် ၃ဝ ခန့်ကြာမြင့်ခဲ့ပြီး မီးလောင်ကျွမ်းမှုကြောင့် အသက် ၃၄ နှစ်အရွယ် အမျိုးသားတစ်ဦးသေဆုံးပြီး ၄င်းအဆောက်အအုံရှိ အတွင်းပစ္စည်းများ မီးလောင်ဆုံးရှုံးခဲ့ရတယ်လို့ သိရပါတယ်။ ရန်ကုန်မြို့မှာ လျှပ်စစ်မီးပုံမှန်မရရှိမှု နဲ့  လျှပ်စစ်မီးရရှိပါကလည်း မီးအားပြည်ဝမှု မရှိတာတွေကြောင့် အခုလို မီးလောင်ကျွမ်းမှုများကို  ပြည်သူများက မကြာခဏ တွေ့ကြုံခံစားနေရပါတယ်။[AAMIJ][FCR] @Forwardchannelrangoon

စစ်ကောင်စီက အမျိုးသားသဘာဝဘေးအန္တရာယ်ဆိုင်ရာရန်ပုံငွေဖြင့် ရဲစခန်းများတည်ဆောက်မည် 🌐 FCR Dec 08 🌐 သဘာဝဘေးအန္တရာယ် အကြီးအကျယ်ခံစားခဲ့ရသော တိုင်းနှင့်ပြည်နယ်များတွင် ပြန်လည်ထူထောင်ရေး ကောင်းစွာဆောင်ရွက်နိုင်ခြင်းမရှိသေးသည့်  စစ်ကောင်စီအနေဖြင့်  အမျိုးသားသဘာဝဘေးအန္တရာယ် ဆိုင်ရာရန်ပုံငွေဖြင့် ရဲစခန်းများ တည်ဆောက်ရန် စီစဉ်နေကြောင်း သတင်းရရှိသည်။ ယခုနှစ် ၂၀၂၄ - ၂၀၂၅ ငွေလုံးငွေရင်း( ဖြည့်စွက်) နှင့် အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုရန်ပုံ ငွေဖြင့် ရဲစခန်း၊ အကျဉ်းစခန်းနှင့် ထွေအုပ်အဆောက်အဦးများ တည်ဆောက်ရန်အတွက် စစ်ကောင်စီလက်အောက်ခံ ပြည်ထဲရေးဝန်ကြီးဌာနက တင်ဒါခေါ်ထားကြောင်း သိရသည်။ နေပြည်တော်အပါအဝင် မန္တလေးတိုင်း ရန်ကုန်တိုင်း၊ ဧရာဝတီတိုင်း၊ စစ်ကိုင်းတိုင်း၊ ပဲခူးတိုင်း၊ မကွေးတိုင်းနှင့် မွန်ပြည်၊ ကရင်ပြည်တို့တွင် ရဲစခန်းများတည်ဆောက်ရန်အတွက် တင်ဒါခေါ်ထားခြင်းဖြစ်ပြီး ယင်းကဲ့သို့အသုံးပြုခြင်းသည် သဘာဝဘေးအန္တရာယ်ရန်ပုံငွေ ညွှန်ကြားချက်များနှင့် မကိုက်ညီကြောင်း စီဒီအမ် လူကယ်ပြန် ဝန်ထမ်းများက ပြောသည်။ ဆက်လက်ဖတ်ရှု့ရန် ⬇️

မြန်မာရေလုပ်သား ၂၇ ဦးကို အမြန်ဆုံး ပြန်လွှတ်ပေးရန်လိုကြောင်း လူ့အခွင့်အရေး လှုပ်ရှားသူများ ပြော 🌐 FCR Dec 08 🌐 ကပ္ပလီပင်လယ်ပြင် မြန်မာရေပိုင်နက်ထဲကို ဝင်ရောက်လာသည်ဟုဆိုကာ ထိုင်းငါးဖမ်းလှေတစင်းကို စစ်ကောင်စီရေတပ်က ပြီးခဲ့သည့်ရက်ပိုင်းက ဖမ်းဆီးခဲ့သည့် ဖြစ်စဉ်တွင် ထိုင်းငါးဖမ်းသမား လေးဦးကို ပြန်လွှတ်ပေးလိုက်ပြီဖြစ်သော်လည်း တလှေတည်းပါ မြန်မာငါးဖမ်းသမား ၂၇ ဦးကိုတော့ ဆက်လက်ဖမ်းဆီးထားသည့်အတွက် ၎င်းတို့ကိုလည်း အမြန်ဆုံး ပြန်လွှတ်ပေးရန် လိုအပ်ကြောင်း လူ့အခွင့်အရေး လှုပ်ရှားသူများနှင့် အလုပ်သမားအရေး ဆောင်ရွက်နေသူများက ပြောကြားလိုက်သည်။ ထိုင်းနိုင်ငံအခြေစိုက် လူ့အခွင့်အရေးလုပ်ငန်းများကို လုပ်ဆောင်နေသည့် New Myanmar Foundation တာဝန်ခံ ဒေါက်တာ စန်းအောင်က “ ဒါမဖြစ်သင့်ဘူး။ မြန်မာပြည်မှာ အကုန်လုံးငတ်နေကြလို့ ရရာစားစားလုပ်နေကြရတာ။ ဒီငါးဖမ်းသမားတွေဆိုတာကလည်း သူတို့ဘာမှ သိတာမဟုတ်ဘူး။ သူတို့လည်း ထိုင်းမှာဝင်ပြီးအလုပ်လုပ်ကြတယ်။ အကုန်လုံးကိုပြန်လွှတ်သင့်တယ်။ ခုက အစနပျောက်နေတာ”ဟု ပြောသည်။ ဆက်လက်ဖတ်ရှု့ရန် ⬇️

သံအမတ်ကြီး ဦးကျော်မိုးထွန်းကို မြန်မာကိုယ်စားလှယ်အဖြစ်ဆက်ထားဖို့ ကုလဆုံးဖြတ် 🌐 FCR Dec 08 🌐 ကုလသမဂ္ဂမှာ မြန်မာနိုင်ငံ ကိုယ်စားလှယ်အနေ နဲ့ သံအမတ်ကြီး ဦးကျော်မိုးထွန်းကို ဆက်လက်ထားရှိဖို့ UN Credential ကော်မတီ က ဆုံးဖြတ်လိုက်ပါတယ်။ ဒီဇင်ဘာ ၆ ရက်နေ့ အမေရိကန်ပြည်ထောင်စု၊ နယူးယောက်စံတော်ချိန် မနက် ၁၀ နာရီမှာ ကုလသမဂ္ဂနိုင်ငံကိုယ်စားပြု ကိုယ်စားလှယ် စိစစ်ရေးကော်မတီ Credential Committee ရဲ့ ဆုံးဖြတ်ချက်ကို GA Plenary Meeting က အတည်ပြုခဲ့တာကြောင့် သံအမတ်ကြီး ဦးကျော်မိုးထွန်းက လက်ရှိတာဝန်ထမ်းဆောင်နေတဲ့ မြန်မာကိုယ်စားပြုနေရာမှာ ဆက်ရှိသွားမှာ ဖြစ်ပါတယ်။ ဆက်လက်ဖတ်ရှု့ရန် ⬇️

အမ်းလေဆိပ်၊ စစ်ကောင်စီ တပ်ရင်းများအားလုံး၊ ဌာနဆိုင်ရာရုံးများအားလုံး အပါအဝင် အမ်းမြို့နယ်တစ်ခုလုံးကို AA က တိုက်ခိုက်သိမ်းပိုက်လိုက်ပြီး အနောက်ပိုင်းတိုင်းစစ်ဌာနချုပ် တစ်ခုတည်းသာ သိမ်းပိုက်ရန် ကျန်တော့  🌐 FCR Dec 08 🌐 ရခိုင်ပြည်နယ်၊ အမ်းမြို့နယ်ရှိ အမ်းလေဆိပ်၊ စစ်တပ်တပ်ရင်းများအားလုံး၊ ဝန်ကြီးဌာနဆိုင်ရာရုံးများ အားလုံး အပါအဝင် အမ်းမြို့နယ်တစ်ခုလုံးကို AA က တိုက်ခိုက်သိမ်းပိုက်လိုက်ပြီး အနောက်ပိုင်းတိုင်းစစ်ဌာနချုပ် တစ်ခုတည်းသာ သိမ်းပိုက်ရန် ကျန်တော့ ကြောင်းAA က တရားဝင်သတင်းထုတ်ပြန်သည်။  ရခိုင်ပြည်၊ အနောက်ပိုင်းတိုင်းစစ်ဌာနချုပ်ရှိရာ အမ်းဒေသအတွင်းမှ စစ်ကောင်စီ၏ ဗျူဟာဌာနချုပ်များ၊ ကာကင်းစခန်း ကြီး၊ စခန်းငယ်၊ တပ်ရင်းဌာနချုပ်များ၊ တပ်ခွဲအသီးသီးအပါအဝင် အခြားသောနေရာတို့တွင် တပ်စွဲစခန်းချ၊ ခုခံစစ်ဆင်နွှဲနေကြသော တပ်စခန်းနေရာ ၃၀ ကျော်ရှိသည့်အနက်မှ အမ်း နပခဌာနချုပ် တစ်ခုတည်းသာ ကျန်ရှိတော့ကြောင်း၊ အမ်းမြို့၏ နောက် ဆုံးလက်ကျန် အနောက်ပိုင်းတိုင်း တိုင်းစစ်ဌာနချုပ်အား အပြီးသတ် သိမ်းပိုက်ရရှိနိုင်ရေးအတွက် ဆက်လက် ထိုးစစ်ဆင် တိုက်ခိုက်လျက် ရှိကြောင်း သိရှိရသည်။  ဆက်လက်ဖတ်ရှု့ရန် ⬇️

မှော်ဘီလေတပ် ရှော့တိုက်ဒုံးဖြင့် ပစ်ခတ်ခံရပြီးနောက် စစ်တပ်က ကျေးရွာများ ဆက်တိုက် စီးနင်းနေပြီး လေတပ်အနီး ညအချိန် ဖြတ်သွားသည့် ကားများကို ပစ်မိန့်ပေးထား 🌐 FCR Dec 08 🌐 ရန်ကုန်တိုင်း၊ မှော်ဘီမြို့နယ်ရှိ မှော်ဘီလေတပ် ရှော့တိုက်ဒုံးဖြင့် ပစ်ခတ်ခံရပြီးနောက် အကြမ်းဖက် စစ်တပ်က ကျေးရွာများကို ဆက်တိုက် စီးနင်းနေပြီး လေတပ်အနီး ညအချိန် ဖြတ်သွားသည့် ကားများကို ပစ်မိန့်ပေးထားကြောင်း တပ်တွင်း သတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။ ဒီဇင်ဘာလ ၆ ရက်နေ့ ည ၉ နာရီ ၄၃ မိနစ်ခန့်တွင် ရန်ကုန်မြို့၊ မှော်ဘီလေတပ်စခန်းအတွင်းရှိ Y -12 တိုက်ခိုက်ရေးစစ်လေယာဥ်များထားရှိရာ လေယာဥ်ရုံ (Hangar) ကို Brave Warriors for Myanmar (BWM) အဖွဲ့က ပစ်မှတ်ထား၍ ၁၀၇ မမ ရှော့ တိုက်ဒုံး ၅ လုံး ဖြင့် ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။ ဆက်လက်ဖတ်ရှု့ရန် ⬇️

ရန်ကုန်မြို့တွင် ပျူစောထီးများနှင့် ရဲများက လူငယ်များပစ်မှတ်ထား ဖမ်းဆီးငွေညှစ်မှုပိုလုပ်လာ 🌐 FCR Dec 08 🌐 ရန်ကုန်မြို့တွင် စစ်ကောင်စီလက်ပါးစေ ပျူစောထီးများနှင့် ရဲများပေါင်း၍ လူငယ်များ ပစ်မှတ်ထား ဖမ်းဆီးငွေညှစ်မှုများပိုမိုပြုလုပ်လာကြောင်း အဆိုပါဖြစ်စဉ်သိရှိသူများက ပြောသည်။ နိုဝင်ဘာနောက်ဆုံးပတ်နှင့် ဒီဇင်ဘာပထမပတ် အထိ အင်းစိန်၊လှိုင်သာယာ၊အရှေ့ဒဂုံနှင့် တောင်ဒဂုံမြို့နယ်များတွင် လူထုနွေဦးက စုံစမ်းသိရှိရသော ဖြစ်စဥ် ငါးခုထက်မနည်းရှိခဲ့သည်။ ဆက်လက်ဖတ်ရှု့ရန် ⬇️

မြန်မာကို ICJ ၌ တရားစွဲခံရသည့်အမှုတွင် ဂမ်ဘီယာဘက်မှ ဆလိုဗေးနီးယား ပါဝင်ဆောင်ရွက်ရန် လျှောက်ထား 🌐 FCR Dec 06 🌐 ဥရောပသမဂ္ဂအဖွဲ့ဝင်နိုင်ငံဖြစ်သော ဆလိုဗေးနီးယားသည် အပြည်ပြည်ဆိုင်ရာတရားရုံး(ICJ)၌ ရိုဟင်ဂျာလူမျိုးတုန်းသတ်ဖြတ်မှုဖြင့် တရားစွဲဆိုခံထားရသည့် မြန်မာအမှုတွင် ဂမ်ဘီယာဘက်မှ ပါဝင်ဆောင်ရွက်ရန် ဒီဇင်ဘာ ၄ရက်တွင် လျှောက်ထားလိုက်သည်။ ပြီးခဲ့သည့်နှစ်က ဂမ်ဘီယာဘက်မှ ကနေဒါ၊ ဒိန်းမတ်၊ ပြင်သစ်၊ ဂျာမနီ၊ နယ်သာလန်၊ ဗြိတိန်နှင့် မော်လ်ဒိုက် စသည့် ၇နိုင်ငံက ပါဝင်ဆောင်ရွက်ရန် ရုံးတော်(ICJ)သို့ လျှောက် ထားပြီး ယခုနှစ် ဇူလိုင်တွင် ရုံးတော်မှ ယင်း ၇နိုင်ငံအား ပါဝင်ဆောင်ရွက်ခွင့်ပြုခဲ့သည် ဆက်လက်ဖတ်ရှု့ရန် ⬇️

မင်္ဂလာဒုံမြို့နယ်ရှိ စစ်တပ်၏ အမှတ် ၁ဝ၆ ခြေမြန်တပ်ရင်းဌာနချုပ် အဝင်ဂိတ်ကို ၇၉ မမ ဗုံးပစ်လောင်ချာဖြင့် ပစ်ခတ် တိုက်ခိုက်မှု စစ်တပ်ဘက်မှ ထိခိုက်မှုရှိ 🌐 FCR Dec 05 🌐 ရန်ကုန်တိုင်း၊ မင်္ဂလာဒုံမြို့နယ်ရှိ အကြမ်းဖက် စစ်တပ်၏ အမှတ် ၁ဝ၆ ခြေမြန်တပ်ရင်းဌာနချုပ် အဝင်ဂိတ်ကို ၇၉ မမ ဗုံးပစ်လောင်ချာဖြင့် ပစ်ခတ် တိုက်ခိုက်ရာ စစ်တပ်ဘက်မှ ထိခိုက်မှုရှိကြောင်း Rangoon Urban Column (RUC) စစ်ကြောင်း တာဝန်ခံ ရဲခေါင်က ရန်ကုန်ခေတ်သစ် သတင်းဌာနထံသို့ ပြောဆိုသည်။ ဒီဇင်ဘာလ ၃ ရက်နေ့ ည ၇ နာရီ ၂၅ မိနစ်ခန့်တွင် မင်္ဂလာဒုံမြို့နယ်၊ ထောက်ကြန့် – လှော်ကား တာဆုံအနီးရှိ အကြမ်းဖက် စစ်တပ်၏ အမှတ် ၁ဝ၆ ခြေမြန်တပ်ရင်းဌာနချုပ် အဝင်ဂိတ်ကို Rangoon Urban Column (RUC) စစ်ကြောင်းမှ တော်လှန်ရေး ရဲဘော်များက ၇၉ မမ ဗုံးပစ်လောင်ချာဖြင့် ပစ်ခတ် တိုက်ခိုက်ခဲ့ကြောင်း သိရသည်။ ဆက်လက်ဖတ်ရှု့ရန် ⬇️

မြန်မာနိုင်ငံအနှံ့ ဝေဟင်နှင့် မြေပြင်ထိုးစစ်များရပ်ဆိုင်းပေးရန်တောင်းဆိုချက်ဖြင့် MNDAA က တွေ့ဆုံဆွေးနွေးရန် အသိပေး 🌐 FCR Dec 05 🌐 နိုင်ငံခွဲထွက်ခြင်းမပြုလုပ်ဆိုသည့်အချက်အပါအဝင် တရုတ်၏ ကြားဝင်စေ့စပ်မှုဖြင့် ပြည်တွင်းရေးပဋိပက္ခကို နိုင်ငံရေးနည်းဖြင့်ဖြေရှင်းမည်ဟု မြန်မာအမျိုးသားဒီမိုကရက်တစ်မဟာမိတ်တပ်မတော် MNDAA က ယနေ့ ၂၀၂၄ခုနှစ် ဒီဇင်ဘာလ (၃)ရက်နေ့တွင် ထုတ်ပြန်သည်။ စစ်ဘေးဒုက္ခဒဏ်ကို ပြင်းထန်စွာခံစားနေရသည့် ပြည်သူလူထုအကျိုးကို ငဲ့ညှာထောက်ထားရန်၊ တရုတ်-မြန်မာ နယ်စပ်တည်ငြိမ်ရေးကို ကာကွယ်ထိန်းသိမ်းရန်၊ ပြည်တွင်း စစ်ရေးပဋိပက္ခများကို နိုင်ငံရေးနည်းလမ်းဖြင့် ဖြေရှင်းနိုင်ရန်နှင့် ဒေသတွင်းငြိမ်းချမ်းရေးကို လက်တွေ့ကျကျဖော်ဆောင်ရန် ယင်းသို့ကြေညာခြင်းဖြစ်သည်ဟု ဆိုသည်။ ဆက်လက်ဖတ်ရှု့ရန် ⬇️