دوبامين-Dopamine✨

مافي زول فينا عشرتو ساهلة بالكامل وكلنا عندنا حاجات بتتعب الزول البتعامل معانا ، ومهما فتشنا ما حانلقى زول كامل وبرضو مهما حاولنا ما حانكون كاملين بس في ناس وجودهم في حياتنا بخلينا نتجاوز حاجات ما كنا حانتجاوزها لغيرهم وبالمقابل هم كمان بيتحملوا مننا حاجات كتيرة لأنهم شايفين جوانبنا السمحة قبل أخطائنا وخليك عارف انو العلاقات بتستمر بالمودة و الصبر و الرغبة الصادقة ما بالكمال ، والمحبة بتخلينا نتصالح مع النقص البشري ونفهم إنو كل زول فينا محتاج مساحة يتقبل فيها بكل عيوبو ويتحسن فيها بدون ما يُدان في كل مرة🌸 كلنا محتاجين اشخاص نتعامل معاهم برحمه وتفهم ونهون على بعض، ونلتمس الأعذار، ونركز على الحاجات السمحة أكتر من الوقوف عند كل غلطة وكل نقص.. في النهاية اتذكر إنو المحبة الصادقة هي البتسهل العِشرة وبتخلي الحياة أخف وأجمل..💙

بطبعي لما أزعل من زول بلقی نفسي لا شعورياً إخترت إني أسكت وأكتم زعلي تجاهو من دون حتى أي توضيح لحدي ما ألقى إنو فجأة نفسي قفلت من الزول المُعين دة وببقی ما عندي أي إستعداد إني أتقبلو في حياتي تاني ودا أسوأ شيء فيني بالمناسبة.. إني بزعل بسرعة وقفلتي صعبة شديد، بشوف أحسن الواحد يبرر يتكلم.. يناقش ويوضح عشان ما يصل لنقطة زي دي بس أنا ببقی عاجزة تماماً من إني أبين أسباب زعلي للزول المزعلني)!. 💙

‏التعدد ثم التعدد ثم التعدد نصيحة لأي راجل مصدر دخل واحد ما كفاية في الزمن ده فحاول تعدد مصادر دخلك عشان تعيش ربنا يفتح علينا وعليكم أبواب الرزق..

حتفضل الأحكام بالظاهر من أسوأ الاتهامات الممكن يتعامل بيها أي انسان مع غيرو.. عمرها تعابير الوش ما كانت دليل كافي على الجوانا أنا معاك انو في مشاعر ما بنقدر نخبيها وبتظهر على طول، بس بي نفس القدر في مشاعر مكانها جوة، تخاف لو تطلع.. مشاعر هلامية بس صادقة، تعابير الوش براها ما بتعكسها.. عاادي بنضاري وعاادي نظهر العادية واحنا زعلانين فاا كونو ما اتمرمرنا واتمردغنا في الأرض دا ما بينفي حقيقة وجعنا من موقف معين فاا لذا، الأحكام المبنية على تفسيرات فردية ما بتخصنا، بتخصك انت بس لأنو باختصار احنا ما مسؤولين عن شكل مشاعرنا الانت راسمو لينا بناء على معطيات سطحية .. الفرح والحزن عمرهم ما اتقاسو بي ملامح الوش أو ردات الفعل عشان كدا حكمك علي كفيل جدا انو يخليني أعتبرك مجرم في حقي لو بقى عكس الحقيقي، ويبقى ماف داعي لوجودك في حياتنا طالما انك ما قادر تميز حقيقية شعورنا. 💙

محتاجة إنك تكون فيها زول صنديد وقوي ما تبقى رهيف والريح تكسرك ولا تبقى فاضي من جوة فتعيش ميت وأنت بتتنفس. لما ربك يختار ليك درب هو بيحبه أقبض فيهو بـإيديك وسنونك، وما تقيف في نص الطريق. كل ما تحس إنك فترت أو يدك بدت تفك اتذكر الحاجات الصعبة المريت بيها وخت في بالك حلاوة الوصول.. وقتها قلبك بيبرد وبيرتاح. عارفين إنه الانضباط ما ساهل! ما ساهل إنك تلزم نفسك كل يوم وكل دقيقة وكل لحظة بالتعب والجهد ده كلو. وما ساهل إنك تعاين حولك وما تلقى زول واقف معاك وما ساهل تداوي جروحك بالشغل وتغالب ألمك بالأمل. لكن.. مع كل دقة قلب ذكر نفسك إنّو احلامك غالية وعالية.. وما بليق بيها إنك تقيف في نص الطريق. 💙

كُل ما هو لطيف🌸🌿

* توعيه * اناشيد * احاديث * تفسير * مواضيع دينيه * بوستات ظريفه * فيديوهات * تبادل +شير * رسائل جبر خاطر * تصحيح مفاهيم * عقيدة وتوحيد _ممنوع الࢪجال مِـن فضلِك🫸🏻🌿🌸_ _حللتِ أهلاً يا غالية🌸🌸🌸🥹🌿_ https://chat.whatsapp.com/HG79uvQuZamFt6bYTbuJF1

ضرب شديد😂😂😂😂😂

ضربو ي حكم 😂😂😂

جيت ع نفسي كتير عشان خاطر غيري ،، عديت حاجات كتيرة زعلتني بس عشان خاطر المركب تمشي ! راعيت مشاعر غيري بس للأسف مافي زول راعى لمشاعري !! كل مرة كنت بحاول اتمسك فيها بالحاجات العزيزة على قلبي عشان ما اخسرها = ما كنت بلاقي منها إلا التخلي والإفلات ! في اللحظة الحسيت فيها إني هُنت = هي اللحظة القررت إني أرجع فيها لنفسي. ووسط كل الحاجات الحصلت دي خلاص جاء الوقت البقول فيه كفاية محاولات فاشلة ✅ إتذكرت كمان إني غالي شديد شديد و استاهل يتعبوا عشاني واستاهل اتحبا واتقدر صح واتشال في الرأس وإتّدلع واتراضى وخاطري يطلع غالي وزعلي ما يهون ❤️ فا خلاص أعلن استسلامي ورفع الرأية البيضاء والإنسحاب من كل المعارك الكنت بحارب فيها براي ✅❤️ كنت اعتني بالأشياء وأصب عليها كامل صدقي على أمل البقاء .. أما اليوم فيجب على الأشياء التى تود البقاء أن تعتني بي أولاً .. 💙

ح يمر عليك وقت تلاقي نفسك اتعلمت الكتمان في حين إنك كنت أكتر زول بيعرف يفضفض ويتكلم ! في حاجات بتمر عليك بتخليك تبقى إنسان هادي .. كتوم .. وتختار إنك تكون براك إكتشتفت إنه نحن بنسكت مش عشان ما عاوزين نحكي أو ما لاقين زول نحكي ليه مشاكلنا ! بنسكت لأنه بنشوف مافي زول ح يحس باللي نحن حاسين بيه ! في كلام ما بيتقال وفي مشاعر ما بتترجم ! ما كل زول بينفع إننا نحكي حاجاتنا قدامه ونكشف دواخلنا ليهو ! عادي ممكن تلقى زول ما متوقع في نص الزحمة الحوليك هو الوحيد اللي يقدر يرتبك ويرجعك لنسختك القديمة. نحن بنبقى قادرين نرجع لنسختنا الأولى لما نلقى قلب يحتوينا .. كتف يسندنا .. يد تتمسك بينا. عشان كدا فتش عن الزول البخليك تحس إنك ما كنت غلطان لما لجأت ليه وفي النهاية تحس إنك اخترت السكات في أكتر وقت أنت مليان فيه بالكلام..💙