💮💯Japanese Language Materials

အင်တာနက်ပေါ်မှာပဲအာချောင်နေတာမျိုးထက် လက်တွေ့လှုပ်ရှားမှု action ရှိမယ့်သူများသာ လက်တွေ့ ကမ္ဘာကြီးမှာလိုအပ်တယ်။ ကျွန်တော်ကတော့ ၅၀၀၀၀ ယန်း လွှဲထားပေမယ့်၊ တစ်ယောက်ကို အားလုံး ၁၀၀၀ ယန်းပဲ လွှဲပေးကြရင်တောင် သူတို့အဆင်ပြေကြမယ်ထင်ပါတယ်။ မြန်မာလူမျိုးအချင်းချင်း အဓိကကျတယ်ဆိုတဲ့အချိန်အချင်းချင်းထောက်ပံ့တတ်ကြပါတယ်။ Link ↓↓ https://sapporo-general-union.net/myanmar2026_1/ --- ↓↓ Sapporo General Union (SGU) ↓↓ ရဲ့ Message “မြန်မာလူမျိုး အလုပ်သမား ကိုအကြမ်းဖက် ကိုယ်ထိလက်ရောက်လှုပ်မှုကို လုံးဝဆန့်ကျင်သည်။ အလုပ်သမားတွေ စိတ်အေးချမ်းစွာ အလုပ်လုပ်နိုင်မယ့် community သို့ဦးတည်မည်။" မြန်မာအလုပ်သမားများအတွက် ကူညီထောက်ပံ့ရေး အလှူငွေများ လှူဒါန်းပေးကြပါရန် မေတ္တာရပ်ခံအပ်ပါသည်။ လက်ရှိ အကာအကွယ်ပေးထားသည့် မြန်မာနိုင်ငံသား ၆ ဦးအနက် အများစုမှာ ယခုနှစ်အတွင်းမှ ဂျပန်နိုင်ငံသို့ ရောက်ရှိလာကြသူများ ဖြစ်ပါသည်။ ၎င်းတို့တွင် လုံလောက်သော စုဆောင်းငွေများ မရှိသေးသည့်အပြင် ရုတ်တရက် အလုပ်အကိုင်နှင့် နေထိုင်စရာအိမ်တို့ကိုပါ ဆုံးရှုံးခဲ့ရသည့် အခြေအနေဖြစ်ပါသည်။ ထို့အပြင် ယခုကိစ္စတွင် အလုပ်ခန့်ထားသည့် စိုက်ပျိုးရေးကုမ္ပဏီကိုယ်တိုင်က မှတ်ပုံတင်ထားသော နိုင်ငံခြားသားကူညီထောက်ပံ့ရေးအဖွဲ့အစည်း (登録支援機関) အဖြစ်လည်း တာဝန်ယူထားသည့်အတွက် ၎င်းတို့ကို သီးခြားကူညီပံ့ပိုးပေးမည့် အဖွဲ့အစည်း မရှိသည့် အခြေအနေဖြစ်နေပါသည်။ လက်ရှိ ဂျပန်နိုင်ငံတွင်လည်း ယခုကဲ့သို့ အခက်အခဲကြုံတွေ့နေရသည့် နိုင်ငံခြားသားအလုပ်သမားများ၏ နေထိုင်စားသောက်ရေးအပါအဝင် ဘဝရပ်တည်မှုအားလုံးကို အစိုးရဘက်မှ အပြည့်အဝ ကူညီပံ့ပိုးပေးနိုင်သည့် စနစ်တစ်ခု မပြည့်စုံသေးပါ။ ထို့ကြောင့် လက်ရှိတွင် ဆပ်ပိုရိုဒေသ အလုပ်သမားသမဂ္ဂ (札幌地域労働組合) မှ ပေးအပ်သော ထောက်ပံ့ငွေများ၊ ဘုရားကျောင်းများ၊ Food Bank များ၊ စကားပြန်များနှင့် အခြားလူပုဂ္ဂိုလ်များစွာ၏ စေတနာနှင့် ကူညီပံ့ပိုးမှုများဖြင့် အဆိုပါ ၆ ဦး၏ နေ့စဉ်ဘဝကို ထောက်ပံ့ပေးလျက်ရှိပါသည်။ ၎င်းတို့အား ရေရှည်တည်တံ့စွာနှင့် စိတ်ချရစွာ ဆက်လက်ကူညီပံ့ပိုးနိုင်ရန် အားလုံး၏ ပူးပေါင်းကူညီမှု လိုအပ်နေပါသည်။ အလှူငွေ ပမာဏအနည်းငယ်ဖြစ်စေကာမူ ၎င်းတို့အတွက် အလွန်အရေးပါသော အထောက်အပံ့တစ်ခု ဖြစ်လာနိုင်ပါသည်။ ဤကူညီထောက်ပံ့ရေး၏ ရည်ရွယ်ချက်ကို နားလည်သဘောတူပေးနိုင်ပါက၊ မြန်မာအလုပ်သမားများအတွက် ကူညီထောက်ပံ့ရေး အလှူငွေထည့်ဝင်ပေးကြပါရန် လေးစားစွာ မေတ္တာရပ်ခံအပ်ပါသည်။ “ ဝေးလံသော မြန်မာနိုင်ငံမှ ဂျပန်နိုင်ငံသို့ ရောက်ရှိလာကြသည့် လူငယ်များသည် “ဂျပန်နိုင်ငံမှာ အလုပ်လုပ်ပြီး မိသားစုကို ထောက်ပံ့ချင်တယ်”၊ “ကိုယ့်ရဲ့အနာဂတ်ကို ကိုယ်တိုင် တည်ဆောက်ချင်တယ်” ဆိုသည့် မျှော်လင့်ချက်များကို ရင်ဝယ်ပိုက်ပြီး ရောက်ရှိလာခဲ့ကြပါသည်။ အကြမ်းဖက်မှုနှင့် ကြောက်ရွံ့မှုများကြောင့် ၎င်းတို့၏ မျှော်လင့်ချက်များကိုပါ ဆုံးရှုံးစေခြင်းမျိုး လုံးဝ မဖြစ်သင့်ပါ။ စိတ်ချလုံခြုံစွာ အလုပ်လုပ်နိုင်ခြင်းနှင့် စိတ်အေးချမ်းသာစွာ နေထိုင်နိုင်ခြင်းသည် နိုင်ငံသားဖြစ်မှု၊ လူမျိုးမရွေး အလုပ်သမားတိုင်း ရရှိသင့်သည့် အခြေခံအခွင့်အရေး ဖြစ်ပါသည်။ ဆပ်ပိုရိုဒေသ အလုပ်သမားသမဂ္ဂ (札幌地域労働組合) သည် အဆိုပါ မြန်မာနိုင်ငံသား ၆ ဦး ပြန်လည်စိတ်ချလုံခြုံစွာ နေထိုင်နိုင်သည့်နေ့ ရောက်ရှိလာသည်အထိ ကူညီပံ့ပိုးသူများအားလုံးနှင့်အတူ ဆက်လက်ရပ်တည်ကူညီပေးသွားမည် ဖြစ်ပါသည်။ ”