Kdr

الحمد الله لي متفرجتش 🤍

أبناء نوفمبر لا يخسرون نهار الفوط 🔥

في زمن ولى فيه الناس يطالبو برخصة لكل شيء تقريبًا، من السياقة إلى بعض المهن، ظهر سؤال مثير للجدل: هل من المفروض يكون هناك نوع من التأهيل قبل تحمّل مسؤولية تربية إنسان كامل؟ فالفكرة ما جاتش من فراغ، بل من واقع نشوفو فيه أطفال يدفعو ثمن أخطاء ما كانوش سبب فيها. رخصة الإنجاب تبدو في ظاهرها فكرة منطقية، لأن الطفل ما يختارش واش من عائلة يتزاد فيها، وأي تقصير من الوالدين يقدر يخلّي جروح نفسية تبقى معاه سنين طويلة. بصح كي نتعمقو أكثر، نلقاو بلي المشكل ماشي في حق الإنسان باش يجيب أولاد، بل في غياب الوعي والمسؤولية. كاين ناس ما عندهمش شهادات ولا تكوينات، ومع ذلك ربّاو رجال ونساء صالحين، وكاين لي عندهم أعلى المستويات الدراسية وفشلوا في التربية. لذلك القيمة الحقيقية ما تكمنش في رخصة تمنحها جهة معينة، بل في ضمير حيّ، وقلب رحيم، وإدراك أن الطفل أمانة ماشي مشروع شخصي ولا وسيلة لتحقيق الرغبات. فالمجتمعات ما تنهضش كي تتحكم في من ينجب، وإنما كي تزرع الوعي فيمن أصبح أبًا أو أمًا.

السرقة تاع التلفونات كثرت بغيت نمدلكم حيلة صغيرة بلاك تنفعكم في حالة تعرضتوا لسرقة تلفوناتكم. طلعوا تطبيق اسمه " Crook catcher " يطلع في الأندرويد وفي الآيفون تاني واقيلا. ايا تفعلوه وتربطوه بالجيمايل تاعكم ايا كون شخص يحل تلفونكم ويدير كود خاطئ يصوره تم تم ويرسلكم التصويرة في الجيمايل + مايحلبهش ومايديرش ڤاع الحس تاع التصوار. وأهم حاجة تكونوا مسجلين و كاتبين الجيمايل تاعكم والكود باش تنجموا تدخلوا تدوا التصاوير ذوك وتبلغوا في حالة السرقة وتتعرفوا على الشخص.

نفس فصل نفس لوقت في عام مضى ..

ايماجيني غدوة الفوطو و الشعب كامل ناسي عليهم ماشي مبرونشي معاهم دارو حملة فاسكات جاتهم مع ليماتش تاع الجزائر.. وكاينة وحد الرومارك فهذا الفوط ترشحو بزاف النساء العزبات حابين يطلعو بقوة للبرلمان بارسكو كملو ليشوا راهم دخلينها بوليتيك

ماصر إذا فاتت لوسطرالي راح تلعب مع لارجونتين في الثمن نهائي و حنا إذا ربحنا لاسويس راح نقابلو الرابح من ماتش كولومبيا و غانا في الثمن النهائي شخصيًا نفضل غانا بسك خصم إفريقي و متنبأ به على الورق ايا إذا رحبنا الماتش تع غانا نقابلوا الرابح من ماتش الأرجنتين و مصر و تخيل برك لوكان لوكان في سيناريو خيالي أشبه بالمستحيل ماصر تربح الأرجنتين و نلعبوا معاها أم درمان 02 على التأهل لنصف نهائي تاريخي تحت شعار إما الانتصار و اما الخسارة بشرف و الإحترام هذه مجرد قراءة alternative لسيناريو متخيل

Respect 🇲🇦👏🏼

منتزوجش معليش 🤷🏻‍♂️

المريض يغسلون كليته 30 مرة خلال شهرين ويكاد يُجن من الألم، والمعافى تغسل كليته طبيعياً 32 مرة يومياً دون أن يشعر ﴾‏ وَإِن تَعُدّوا نِعمَةَ اللَّهِ لا تُحصوها ﴿

روح درك في هاد سخانة نخدم ورقة الفوط 🙈

كنت نقرا على مفهوم في علم النفس يسمّوه "الإرضاء القهري"، ولفتني كيفاش يفسروه من ناحية علم الأعصاب. كاين دراسات تڨول بلي الرفض الاجتماعي يقدر ينشّط في الدماغ نفس المناطق تقريبًا اللي ترتبط بالألم الجسدي، يعني المخ أحيانًا يتعامل مع الرفض وكأنه خطر حقيقي وماشي غير موقف عابر. ويمكن لهذا السبب بعض الناس يرضاو الآخرين حتى كي يكون هذا على حساب راحتهم ونفسيتهم. بصح الإرضاء القهري ماشي غير طيبة زايدة ولا حب المساعدة، بل هو نمط أعمق يكون دافعه الخوف أكثر من الرغبة. تلقى الواحد يقول "نعم" وهو باغي يقول "لا"، ويوافق على أمور ما يبغيهاش، ويعطي أكثر من طاقتو، ماشي لأنه مقتنع، بل لأنه يخاف يتبدل نظر الناس ليه ولا يفقد قبولهم. ومع الوقت، يولي يقدّم راحة الناس على راحتو بشكل تلقائي، ويتنازل على احتياجاتو وهو يظن بلي راه يدير الصح، بينما في الحقيقة راه يرهق روحو باش يربح رضا الآخرين. وهنا نتفكر كلام شيخ الإسلام ابن تيمية رحمه الله: «كل من علّق قلبه بالمخلوقين أن ينصروه أو يرزقوه أو يهدوه؛ خضع قلبه لهم بقدر ذلك». لأن الإنسان كي يولي محتاج لقبول الناس أكثر من حاجتو لرضا ربي، يلقى روحو أسير لنظراتهم وكلماتهم، يفرح إذا مدحوه ويتألم إذا رفضوه. أما كي يكون قلبه متعلق بالله، يتحرر من هاد الخوف، ويعرف يقول "لا" وقت يلزم، بلا ذنب وبلا خوف من فقدان رضا البشر.

وش فهمتو ؟

وش عادي مزال متفرجش حتى ماتش ؟ مع حبي لكرة القدم و متتبع وفي لها ، لكن باش نڨعد ساهر على جالها يعني امر غير منطقي بنسبة ليا طبعا نوض نصلي و نعاود نرقد (مش كل يوم طبعن)، باسك ديجا نقرا 8 مهم مبروك علينا التأهل 🇩🇿🤍

ما تسمعوش بزاف لقصص المشاكل العائلية والخيانة. ما تقراوش التعليقات لمعمرة كره وسلبية حتى إذا ما كانتش عليكم. ما تڨعدوش فمجالس الغيبة والنميمة، حتى ولو ما كنتوش تشاركو فيها. ما تكثرش من مشاهدة المحتوى لي فيه حزن وجريمة وكآبة. وتعلّموا تحطّوا حدود للناس لي ما يعرفوش غير الشكوى والتذمّر. الإنسان يتأثر بالجو لي يعيش فيه، والراحة النفسية ما تجيش بالصدفة. حافظوا على سكينتكم، اختاروا واش تسمعوا، واش تشوفوا، ومع من تقعدوا، خاطر القلب كيما يتغذّى بالكلام الطيب يمرض عاود بالسلبية المتواصلة. 🌿

تصميم بوستر مباراة اليوم الجزائر ضد النمسا. الفكرة مستلهمة من لوحة اغتيال ولي عهد النمسا الأرشيدوق فرانز فرديناند عام 1914 و الذي تصادف ذكراه نفس يوم المباراة 28 جوان. أصداء المباراة تشهد بعدا تاريخيا نظرا للحدث الرياضي البارز الذي يجمع المنتخبين في مونديال 1982 .

6 سوايع طريق و شوفور يزيد يڨاري بيك في شلف شفت سخانة ورڨلة و سخانة تڨرت سمحلي شلف سطاج لخر تاع سخانة و لي يغيضو بزاف ولاد صغار مساكن يبيعو ماء و ماكلة فطريق و لڨايلة ربي معاهم و الله اللهم هون علينا شدة الحر، وبارك لنا في أوقاتنا وأبداننا، واجعل هذا الحر تذكرةً لنا بنار جهنم، وارزقنا النجاة منها برحمتك يا أرحم الراحمين.