" فَأَحْيَيْنَاه " 🌸✨

. صدقة الجمعة قدِّموا بين يدي نجواكم صدقة 🌸

أنتظر ليلة الجمعة كل أسبوع بفارغ الصبر لأعلن استسلامي ونفاد حيلي وأسبابي، ورفع راية "وألجأت ظهري إليك".. أصنع قهوتي.. اليوم اصنعها بماء زمزم متبركة بها ألتمس فيها أن تكون سبب لشفاء بدني ونفسي.. وأتمسك بالصلاة على النبي صلّ الله عليه وسلم كحل أول وأخير لكل شيء وأيّ شيء.. والله إن الصلاة على النبي؛ لهى النعيم. وإنها لدعوة مجابة لا تُرد. يا رب صلَّ على محمد وآل محمد! - رانيا حسن

في بت معروفة وعندها شيء معين بتعمله هي وتبيعه ، معروفة في وسط البنات بتظهر بحجابها في الفيديوهات البت دي أنا يعني لمن أشوفها بحس بالبهجة زولة لطيفة وخفيفة على القلب وتتحب وجميلة فعلا الله يحفظها يوم تفاجأت إنها نزلت كلام بتحكي قالت إنها قضت سنين من عمرها بتتعرض لتنمر من حولها بسبب شكلها وسنين من عمرها شايفة إنها ما جميلة ومتعقدة من الحاجة دي.. حقيقي أنا اتصدمت من الكلام يعني كيف زول يشوف البت دي ما جميلة! بياتو مقياس البت دي زول يشوفها ما جميلة! قلت يمكن أنا نظرتي فيها شيء والموضوع حيرني فعلا بتذكر وريتها لكم بت معاي قلت ليهم لو شفتو البت دي لأول مرة انطباعكم عنها شنو وما سألتهم هل أنها جميلة أو ما جميلة عشان أشوف الناس براها بتشوف شنو أو حتعلق على شنو كان الكلام شكلها لطيفة وجميلة وملامحها حلوة وكم وحدة علقت على شيء معين في وجهها أنو جميل جدا وأجمل شيء فيها اللهم بارك والغريب الشيء ده تحديدا البت حكت أنه كان سبب تنمر كبير من الناس.. الاتفاق من كل الآراء كان إنها جميلة حقيقة ما مجاملة. فسبحان الله.. الموقف ده خلاني أتذكر موقف تاني في وحدة كنت معاها وكان في وحدة تالتة ، فالبت دي علقت على التانية بشيء عكس الظاهر أنا استغربت وعارضتها على التعليق وبعداك مع استمرار الكلام تبين لي انو التعاليق دي وراها غيرة واضحة من البت دي.. المواقف دي بتورينا إنه آراء الناس في جوانب كتيرة في حياتنا وراها حاجات كتيرة جدا خصوصا لو كان فيها تعمد أذى.. في أشخاص بيكونوا مرضى فعلا وما بيرتاح إلا يأذي ويعكنن على الزول القدامه في ناس اتأذوا هم في روحهم وبعدها تحولو لمؤذيين لغيرهم في غيرة أو حسد أو حقد أو غِل حاجات كتيرة جدا بتوريك إنه رأي الناس ده فعلا ما حاجة أنت تاخدها كحاجة حقيقية وتسمعها وتأثر فيك.. والفكرة رأيك في نفسك يكون واضح ، تكون حابي نفسك وصفاتك ، تسعى للتحسين بالشكل الإنت حابيو وعشان إنت حابي كده مامن حتة ضغط بكلام زول.. والشيء الأهم تتعلم تخت حد لأي شخص مؤذي الشخص البيتنمر يتم التنمر بيه مباشرة وإحراجه بشدة في لحظة التعليق زاتو ومرة عن مرة حيتأدب ويعرف حدوده ويعرف إنه الناس حتأذيك زي ما أنت بتأذي.. عشان الشخص المؤذي ده بيتغذى ويكبر ويزيد في تماديه بإنه الشخص القدامه ده إتحرج وما حيقدر يرد عليك فحتى لو الشخص ما قدر يرد لو في زول تاني حضر الموقف يرد ويحرج المؤذي بدون رحمة ولا خوف وتحتسب الأجر عند الله.. الحياة دي فيها حاجات أهم ومساحات أجمل من أنه تسمح لشخص مريض أو غير سوي يعكننها عليك وتعيش سنين في مشاكل نفسية بسبب تأثرك بتعليق وراه كل شيء غير أنه حقيقة.. وفيها ناس جميلين و قادرين يطلعوا كل جميل فيك حتى لو أنت ما شايفو فنركِّز مع الجزء ده ، ونسيب أي شخص مؤذي في المكان اللي هو اختار إنه يكون فيه من الإيذاء والقبح وتحمي روحك بكل ما أوتيت من قوة.. # فأحييناه

.. وصلت التبرعات 300 ألف يسر الله امرها

طالبة كفيفة بكلية علم النفس التربوي تستعد للعودة إلى الدراسة الحضورية بداية سبتمبر، وتريد بعض الإحتياجات الأساسية التي تعينها على مواصلة تعليمها: - هاتف بذاكرة جيدة وبطارية تتحمل الاستخدام؛ لتتمكن من تسجيل المحاضرات والإستماع لها - ورق برايل - عصا بيضاء تساعدها على التنقل باستقلالية وأمان - التكلفة المبدئية: 1.000.000 للمساهمة: 2870559 باسم : ملاذ علي حسن

طولنا من الحوجات ❤️‍🩹 باب خير جديد ومختلف ❤️‍🩹

هذه ليلةٌ ونيسة.. من أراد الفتوح، والبركات، وتخطي الصعوبات فعليه بالإكثار من الصلاة والسلام على رسول الله صلى الله عليه وسلم؛ لذا تعد هذه الليلة ويوم غد فتح وجبر وطوق نجاة.. وأنت أعانك الله غريق هم وذنب ..فلا تتأخر.. اللهم صلِ وسلم على نبينا محمد وعلى آله وصحبه أجمعين.

الكراسي بعد التنجيد جزاكم الله خيرا وبارك فيكم ورزقكم سُرر الجنة وحريرها 🌸

.. بعد تمام الحوجة بإيام أرسلوا لنا صورة الكراسي بعد التنجيد ..

الله يديم علينا نعمة الاجتماع وصُحبة الأشخاص الحقيقين في هذه الحياة ، من يكون الأساس عندهم عيش الحياة حقيقةً لا الكتابة عنها ولا الدلالة عليهم بأي شكل.. تجارب حقيقية على أرض الواقع لا يعرفهم إلا من صَحِبهم محاولات حقيقية ، تجارب مثمرة ، نقاء صدق وجهاد يعيشون الكر والفر مع الحياة بقلب المؤمن الثابت.. رزقنا الله البصيرة لنعيش الحياة حقا بحلوها ومُرِّها وأعاننا عليها وثبتنا..

"إنَّ مَن قال ما لا يفعَلُ فقد مَكَر، ومَن أمَرَ بما لا يأتَمِرُ فقد خَدَع، ومَن أسَرَّ غيرَ ما يُظهِرُ فقد نافَقَ. وقد رُوِيَ عن النَّبيِّ صلَّى اللهُ عليه وسلَّم أنَّه قال: (المكرُ والخديعةُ وصاحِباهما في النَّارِ). على أنَّ أمْرَه بما لا يأتَمِرُ مُطَّرَحٌ، وإنكارَه ما لا يُنكِرُه مِن نفسِه مُستقبَحٌ". (أدب الدنيا والدين) (1/77).

قبل أيام عايشت مع صحبة قريبة لي قصة مَكر حصل ليها من أطراف هي شغالة معاهم ، الموضوع كان أشبه بالفيلم عديل من كثرة التشابك وكثرة الكذب والتمثيل وتغيير الحقائق وتفاصيل كانت سيئة.. في جانب من الدنيا لازم الواحد يُدركه ولازم يُدرك برضو كيف يتعامل معاه سيدنا عمر كان بيقول: " لست بالخِبُّ ولا الخِبُّ يخدعني " يعني أنا ما شخص ماكر ولا مخادع ولا بستعمل الأساليب دي لكن كمان لو في شخص مخادع أو ماكر تعامل معاي ح أقدر أكشفه وما حيقدر يلعب علي أو يخدعني.. ده الأساس تكون عارف كيف تتعامل مع الشخصيات الماكرة ومتهيء لكل الأساليب من قصة صحبتي دي بس شفت معاها كمية من الأساليب دي من كذب وخداع وتمثيل وقلب للحقائق وتشويه صورة والاستماتة في أنه يصف الناس حوله وهو مظلوم وهو صادق وشفت معاها قدر شنو في ناس حقيقي هم والشيطان واحد بتكون مذهول عديل من قدرته على الانتصار وبتحزن فعلا على الطرف الضعيف وانا شايفاها حاجات كتيرة ما قادرة تثبتها من شدة التلاعب لكن سبحان الله من سنن الله في الكون لا يحيق المكر السيء إلا بإهله قلت ليها في قصص كتيرة في الحياة دي المكر ده بتشوفي عاقبته قدامك أي زول مهما عمل فيها شِفت ولعيب وهو انتصر فالله القهار المنتقم فوقه قلت ليها بعد ما وصل الأمر لمراحل بعيدة من السوء ارفعي الراية البيضاء واعترفي ليهم عديل انو براڤو عليكم وانتصرتو علي وانشغلي بالله وحده.. وتعبها في الإثبات وكأنه الزول ده شوية وحيجن من حاجات هو متيقن منها ولكن تم التلاعب بها باحترافية عالية ففي المواضع دي مافي شيء بينفع غير التسليم وكفى بالله شهيدا وكفى بالله سميعا بصيرا.. " ويمكرون ويمكر الله والله خير الماكرين" المريح والجميل في مكر الله ليس كمكر أحد ولا في طريقته ولا في قدره حاجة مختلفة بتكون ، قاصمة جد جد وفي الاخر برضو قد ربنا ما يشاء تشوف المكر بهم في الدنيا ، وفي الحالة ولعذاب الآخرة أشق في كل الأحوال توكيل الأمر لله ورفع الملف له والاكتفاء به وكيلا وشاهدا هو الحل وذكر : حسبي الله لا إله الا هو عليه توكلت وهو رب العرش العظيم رب العرش العظيم قادر ونواصي الخلق جميعا بيده " وأفوض أمري إلى الله والله بصير بالعباد " الله بصير وسميع بكل الآلاعيب التي تمت ، بصير وسميع بكل الكذب يعلم خائنة الأعين وما تخفي الصدور مرات في مواقف لمن تسمع بيها برغم شدة البلاء فيها لكن بتزيد يقينك بالله وتزيد يقينك بالآخرة .. #فأحييناه

لاقاني فيديو لسيّدة بتحكي إنها لمن جات ماشة للحج سألت أولادها عن دعواتهم يعني عايزنها تدعي ليهم بشنو في الحج قالت مطالبهم كانت مختلفة ، عربية معينة ، فيلا ، زواج ، قروش ، واحد عايز يبقى يوتيوبر قالت عندها واحد من أولادها كان نايم فما سألته قالت تعليق عنه لمن جابت سيرته قالت : " هذا الوحيد من أبنائي اللي زابطة معه الأمور" فالمهم قالت اتذكرته وهي في الطريق للمطار رسلت ليه مسج بتسأله عايزني أدعي ليك بشنو قالت رد ليها أنه تدعي ليه ب : To make my iman stronger يعني تدعي ليه إيمانه يبقى قوي! قالت ليه ما عايز شيء دنيوي؟ فقال ليها : إذا إيماني بقى قوي ما عايز حاجة تانية ح آخد كل شيء.. عبارة " ح آخد كل شيء " ذكرتني بحديث النبي صل الله عليه وسلم : " من كانت الآخرة همه جعل الله غِناه في قلبه وجمع له شمله وأتته الدنيا وهي راغمة " " وح آخد كل شيء " وراءها معاني كثيرة وأحوال ومقامات لمن تفكّرها.. والمؤمن القوي أحبُّ إلى الله.. #فأحييناه

هذه ليلةٌ ونيسة.. ونيسة بسلوى القلوب محمد صلى الله عليه وسلم..جددوا الحب وأنتم تكثرون الصلاة والسلام عليه هذه الليلة وغدا هذا حبٌ يجعلك معه صلى الله عليه وسلم في الآخرة إن شاء الله تعالى ووفق اللهم صلِ وسلم على نبينا محمد وعلى آله وصحبه أجمعين.

" سبحانك تمَّت لك المحامدُ كلُّها، فلا يزيدك حمدُ الحامد شيئًا، ولا ينفعك ثناء المثني، ولا يضرُّك جحود الجاهل المغتر، بأنَّك الغنيُّ الحميد المجيد ذو الجلال والإكرام! سبحانك، بأنَّه ما كان عطاؤك محظورا، يا من لك دعوة الحق في الدنيا والآخرة وفي السماوات والأرض، أنت الذي في السماء إله وفي الأرض إله، تباركت وتعاليت يا ذا الكبرياء والعظمة. سبحانك لك الحمد، لا يرحم كرحمتك أحد، ولا يعلم كعلمك أحد، ولا يقدر كقدرتك أحد، بأنَّه ليس كمثلك شيء، الحيُّ القيُّوم الأحد الصمد، الذي لم يلد ولم يولد ولم يكن له كفوًا أحد، جلَّ جلالك وعزَّ سلطانك، نسألك من فضلك ورحمتك بأنَّه ليس لنا من دونك من وليٍّ ولا نصير، وبأنَّا نشهد أنك أنت الله ربنا، لا إله إلا أنت "

شاركتني وحدة أنها أهدت شخص مصحف ونست الأمر مرت 15 سنة وتفاجأت أنه المصحف لازال موجود مع الشخص ده بعد مرور المدة دي ماشاء الله تبارك الله نتخيل كم الحسنات! نسأل الله من فضله ويوفقنا لمثل هذه الأجور

‏صورة من ~Malaz Ali

جرأة الناس على الحكم فيما لا تعلم، والشهادة فيما لم تره=مذهلة، مخيفة! احفظ لسانك، بالله، ولله، وصن سمعك وبصرك؛ فإنهما بوابتان لقلبك، وقلبك هو موضع نظر الرب سبحانه وبحمده، وميدان القبول والرد! ورضي الله عن مُطَرِّف بن عبد الله، أحد السادة الكبار من التابعين؛ فإنه قال: لأنْ يقول الله لي يوم القيامة: هلَّا فعلتَ=أحبُّ إليَّ من أن يقول لي: لمَ فعلتَ! وإنَّ في نفسك لشُغُلا!

من مدة طويلة وصلت لقناعة أنه في بعض الأحيان الشخص بيكتب شيء وينصح بشيء في موقف معين وهو في الحقيقة على خلاف ذلك.. لاقتني كتابات لشخصية بتنصح انو ما نحكم على شخص بدون ما نتثبت وأنه الحكم ده قد يكون ظالم وخاضع لأهواء النفس وووو وأنا أعلم موقف على أرض الواقع لهذه الشخصية الكاتبة للنصيحة ده على خلاف ذلك .. وأعلم تفاصيل الموقف كاملة فسبحان الله.. الدنيا علمتني من مواقف كتيرة جدا أنه شيء حدث بين طرفين ، فحقيقته الكاملة عند الطرفين ديل فقط.. وليس كل من تكلم فهو معتدي وليس كل من سكت فهو الحكيم صاحب الحق! فكم من ساكت متلبس بلبوس الحكمة والرُّقي والحق وهو ظالم متلاعب وكم من متحدث مجاهر بالعداوة كان نضيفا في عداوته وكان جهره بعداوته من باب فمن اعتدى عليكم فاعتدوا عليه بمثل ما اعتدى عليكم.. وبينهما ينحاز البعض بسبب أهواء النفس ولأسباب كثيرة خالية من التثبت والنفس البشرية عجيبة وأسبابها أعجب.. عموما من الحاجات الاتعلمتها في الدنيا أنه ما تدخل في الحكم في شيء حصل بين اتنين ولا عندك دخل ومهما حصل ما حتعرف حقيقة الحصل بينهم.. وكم من عداوة زادت بمناصرة ظالمة وكل من أعان على شيء سيُسأل عنه يوم القيامة.. وتعلمت أيضا لو وُضعت في أي موقف مشابه فاختار الموقف المناسب لي وما سأقف به أمام الله وأعمله بدون الالتفات للتحزيب والمناصرات من أطراف جانبية لأنها أبعد الاشياء عن حقيقة الموقف وعن من يستحق النصرة الحقيقية.. خُذ موقفك الذي تريده دون التفات لأي شيء جانبي وهي صحيفتك وربك أعلم بك.. #فأحييناه