الطلاب المئة الأوائل_ Top 100

اطلع صوت🤣الناس بقت شغاله ليه براحه براحه🤣اقسم بالله احلى من اللقطات الي بتجي في المسلسلات، لي يوم الليلة لما اتذكر اللحظة دي برجف، هسي وانا بكتب قاعدة ارجف،بقيت كل شوية كأنو شريط حياتي الدراسية كلها بيكر من قدامي...كيف إنو أبوي كان بيضحي بكل حاجة حرفيا عشان يوفر لي إحتياجاتي...في وقت كانت فيهو الظروف أكثر من صعبة!إحساس إني بقدر أقول لأمي وأبوي (مع إني عارفة إني ما بقدر أوفيكم حقكم..لكن دي حاجة بسيطة مني)وقتها كنت بقول بس ياريت لو اقدر أخلي اي زول يحس بالاحساس دا، بتحس انك بقيت ..... يخ والله ولا بكضب عليكم الاحساس ما بينوصف🤣 أظن لي بعد يوم النتيجة دا أنا 3 يوم كل ما أتذكر الحصل ببكي ويكون حاسة إني حلم حلم كدا وبحاول أرجع للواقع عشان أتأكد الحاجة دي حصلت ولا لا(الإحساس مخيف شديد) وحاجة تانية صغيرة النتيجة فرحتها بفرحة الأهل والأصحاب...مهما كانت نسبتك كم مهما كان إلي يكون! الفرحة دي هي إلي بتدي النتيجة قيمتها ،الحاجة دي حتلقى إنها قاعدة في حياتك مهما كبرت ،الفرحة دي هي إلي بتعوض كل التعب،حتى لو ما كنت ممتحن وعندك زول ممتحن ما تخليهو☝🏼أقيف معاهو وأفرح ليهو وصبرو وثبتو وذكروا يحمد ربنا مهما كان إلي هيحصل،لأنو بالنهاية كل البيكتبو لينا ربنا خير،وأي(لو) هي بعيدة تماما عن الخير !حتى لو كانت في ظاهرها خير! ♡•إنَّ ﷲ لا يضـِيع أجْـر مَـن أحسَـن عملاً•♡ والسلام عليكم ورحمة الله وبركاته 🤍..، --- آية عوض بشير محمد المركز : ال ٤٩م النسبة : 94.1% المساق : علمي /حاسوب ----- #الطلاب_المئة_الأوائل_2024 #Top_Hundred_students_2024 #دفعة_الأمل #كلنا_أوائل #مفاجأة_النتيجة