MATEMATIKA FAKULTETI RASMIY KANALI®

Vazir o‘rinbosari akademiklar bilan uchrashdi Bugun, O‘zbekiston Milliy universitetida faoliyat olib borayotgan akademiklar bilan Oliy ta’lim, fan va innovatsiyalar vaziri o‘rinbosari Otabek Mahkamov ishtirokida uchrashuv o‘tkazildi. Mazkur tadbirda ishtirok etgan O‘zMU rektori Inom Madjidov o‘z kirish so‘zida, ilm-fan sohasini rivojlantirish, fan-texnika taraqqiyotini yangi bosqichga ko‘tarishda akademiklarning hissasi katta ekanini ta’kidlab o‘tdi. Vazir o‘rinbosari akademiklar bilan suhbatlashib, ularning ilm-fan va oliy ta’lim sohasini rivojlantirish qaratilgan taklif va tashabbuslarini tingladi, uchrashuvda ko‘tarilgan masalalar yuzasidan yechim berib, munosabat bildirdi. Batafsil 👉 nuu.uz На русском In English Biz shu yerdamiz: 🌐 Veb-sayt 🕊Telegram 📱Facebook 📱Instagram 📺YouTube ✅Talabalar kanali

#MirzoUlug‘bek_630 O‘zMUda Mirzo Ulug‘bek tavalludining 630 yilligi munosabati bilan xalqaro ilmiy-amaliy anjuman o‘tkazilmoqda O‘zbekiston milliy universitetida buyuk olim va davlat arbobi Mirzo Ulug‘bek tavalludining 630 yilligi munosabati bilan “Mirzo Ulug‘bek – buyuk mutafakkir olim va davlat arbobi” mavzusida xalqaro ilmiy-amaliy anjuman bo‘lib o‘tmoqda. Xalqaro anjumanda so‘zga chiqqan O‘zbekiston milliy universiteti rektori Inom Madjidov, Oliy ta’lim, fan va innovatsiyalar vazirining birinchi o‘rinbosari Shohrux Daliyev so‘nggi yillarda buyuk allomalarimiz qoldirgan ma’naviy merosni o‘rganish va targ‘ib qilish muhim ahamiyatga ega ekanini ta’kidlab, Mirzo Ulug‘bekning davlat arbobi va qomusiy olim sifatidagi faoliyati haqida to‘xtalib o‘tishdi. Konferensiyada 10 dan ortiq xorijiy mamlakatlar, xususan, Yaponiya, Xitoy, Rossiya, Ispaniya, Germaniya, Turkiya, Tojikiston, Qirg‘iziston, Qozog‘iston, shuningdek, respublikaning oliy ta’lim muassasalari professor-o‘qituvchilari, ilmiy-tadqiqot institutlari va boshqa ilmiy tashkilotlarning xodimlari, tadqiqotchilar ishtirok etmoqda. Batafsil... 👉 На русском 👉 In English

Bizni kuzating

Facebook | X | YouTube

🧑‍💻IT-Park rezidenti MAAB Innovation IT kompaniyasi BI yo‘nalishini o’rganish uchun “Talant” dasturini e’lon qiladi “MAAB Academy”ni shu kungacha mazkur dastur orqali O‘zbekistonda 300 dan ortiq, Amerikada DIS nomi bilan 400 dan ortiq talabalar muvaffaqiyatli tamomlagan va ularning barchasi ish bilan ta’minlangan. Shuningdek, ushbu dastur doirasida Amerika va O‘zbekistonda ham bitiruvchilarni ish topishlariga yordamlashiladi. Bitiruvchilar orasida Google, Microsoft, Meta kabi dunyoning gigant kompaniyalarida faoliyat yuritayotgan yoshlar mavjud. 📌 Siz ham bu imkoniyatdan foydalaning. 👉 Batafsil ma‘lumot va ro‘yxatdan o‘tish ☎️ Murojaat uchun: +998781139669 ___

Bizni kuzating

Facebook | X | YouTube

Iqtidorli Talabalar bilan tanishtirishda davom etamiz. Jo'rabek Nazarov - Matematik injenering 4-kurs bitiruvchi talabasi. 2024 yilning yanvar- mart oylarida "ENTER Engeering" kompaniyasida amaliyot o'tagan. Hozirgi kunda Yashnabod tumanidagi "Texnopark" (Texnopark metro bekatida joylashgan) ishlab chiqarish korxonasida - Injener mexanik. Ilmiy rahbari: dotsent, Nazarov Farrux. Qiziqishi: Ishlab chiqarish, avtomatlashtirish va modellashtirish. @mexanik_uzmu

#Talabalar_diqqatiga “KARYERA KUNI” MEHNAT YARMARKASIDA ISHTIROK ETING! Ertaga, soat 9.00 da O‘zbekiston Milliy universitetida “Yangi O‘zbekistonni birgalikda barpo etamiz!” shiori ostida o‘tkazilayotgan “Talabalar bahori — 2024” an’anaviy festivali doirasida “Karyera kuni” mehnat yarmarkasi start oladi. Mehnat yarmarkasida universitetning asosiy buyurtmachi tashkilotlari hamda 100 dan ortiq boshqa korxona va tashkilotlar (tijorat banklari, sug‘urta kompaniyalari, xususiy sektor tashkilotlari, uyushmalar) ishtirok etishi kutilmoqda. Ular o‘zlarining 10 mingdan ortiq bo‘sh ish o‘rinlari va tashkiloti haqida ko‘rgazmali hamda tarqatma materiallari orqali ma’lumot berishadi. Biz shu yerdamiz: 🌐 Veb-sayt 🕊Telegram 📱Facebook 📱Instagram 📺YouTube

Тошкентда ёшлар учун катта лойиҳага старт берилмоқда Май ойидан бошлаб “Битирувчи ва талаба ёшлар-2024” лойиҳасига старт берилмоқда. Тошкент шаҳар ҳокимлиги, Олий таълим, фан ва инновациялар вазирлиги ташаббуси билан ташкил этилаётган ушбу лойиҳадан мақсад, ёшларнинг ўзлари қизиққан соҳада таълим олишлари учун тегишли ОТМларга йўналтириш, иш излаётган ёки хорижда таълим олмоқчи бўлган ёшларга зарур шарт-шароитларни яратишдан иборатдир. Шу мақсадда турли тадбирлар, олий таълим муассасалари вакиллари билан учрашувлар ўтказилиши режалаштирилган. Бундан ташқари, лойиҳа доирасида спорт мусобақалари, турли кўнгилочар дастурлар, табиат қўйнида талабалар сайллари, кўргазмалар, концерт ва шоу-дастурлари ташкил қилиниши кутилмоқда. Лойиҳада сизни қизиқтирган бўлса, қуйидаги бот орқали рўйхатдан ўтишингиз мумкин: @talaba_bitiruvchi_bot

#Уч_авлод_учрашуви Бугун Механика ва математик моделлаштириш кафедраси профессори, Абу Райхон Беруний номидаги Ўзбекистон Давлат мукофоти лауреати, физика-математика фанлари доктори, таниқли механик олим, “Меҳнат шуҳрати” ордени соҳиби Абдували Бегматович Бегматов таваллудининг 85 йиллигига бағишланган анжуман бўлиб ўтди. Анжуманда таниқли олимлар, фан арбоблари, ЎзР ФА академиклари, кўплаб олий таълим муассасаларидан профессор-ўқитувчилар, ЎзР ФА Математика ҳамда Механика ва иншоотлар сейсмик мустаҳкамлиги институтлари олимлари, докторантлар ва талаба-ёшлар иштирок этди.

#Маълумот_ўрнида: А.Б.Бегматов Тошкент давлат университетини тамомлаган, меҳнат фаолиятини шу университетда бошлаган. Кейинчали ЎзР ФА В.И.Романовский номидаги Математика институтида давом эттирди. У ерда дифференциал тенгламалар бўлимининг катта илмий ходими (1971-1975), амалий математика бўлимининг мудири (1975-1980) лавозимларида фаолият кўрсатди. А.Бегматов 1975 йилда докторлик диссертациясини муваффақиятли ҳимоя қилди. А.Бегматов ТошДУ ректори академик Т.А.Саримсоқов таклифи билан университетнинг амалий математика ва механика факультети декани (1980-1985, 1992-1994) ва умумий математика кафедраси мудири лавозимида меҳнат фаолиятини давом эттирди. Туташ муҳитлар механикаси кафедраси мудири (1984-1997), университетнинг ўқув ишлари бўйича проректори (1985-1986), Назарий ва татбиқий механика кафедраси мудири (1997-2010) лавозимларида самарали меҳнат қилган. 2010 йилдан буён кафедрада профессор лавозимида фаолият олиб бормоқда. А.Бегматов нафақат кафедра мудири, профессор сифатида механика ва амалий математика йўналишлари бўйича кадрлар тайёрлашга катта ҳисса қўшиб келмоқда.