OneStop Etnews

ለሥራ ወደ ውጭ አገሮች ለሚሄዱ ከ500 ሺሕ በላይ ለሚሆኑ ዜጎች የመድን ዋስትና መስጠት ተጀመረ ወደ ውጭ አገሮች በሥራ ስምሪት ለሚጓዙ ከ500 ሺሕ በላይ ለሚደርሱ ኢትዮጵያውያን የሕይወት የመድን ሽፋን አገልግሎት ለመስጠት፣ ከሥራና ክህሎት ሚኒስቴር ጋር ለሁለት ዓመታት ውል የተፈራረመው ኒያላ ኢንሹራንስ አገልግሎቱን በይፋ መጀመሩን ገለፀ። በዚህም ኒያላ ኢንሹራንስ ኩባንያ ወደ ተለያዩ አገሮች ተጉዘው የሥራ ቅጥር ውል ለሚፈጽሙ ኢትዮጵያውያን ዜጎች ለሚደርስባቸው የሞት፣ የአካል ጉዳት፣ የአዕምሮ መታወክና ሌሎች ተጓዳኝ ጉዳቶችን የሚሸፍን መሆኑን ሪፖርተር አስነብቧል። ለእነዚህ የመድን ሽፋኖችም ተጠቃሚዎች በዓመት እንዲከፍሉ የሚጠበቅባቸው 500 ብር ብቻ መሆኑ ሲጠቆም ይህ የመድን ሽፋን በአንድ ክፍያ ሰው እስከ 1.35 ሚሊዮን ብር ድረስ የሕይወት መድን ሽፋን አገልግሎት የሚሰጥ መሆኑንም ተነግሯል። TikvahethMagazine

በመላው ሃገሪቱ የነዳጅ ማደያ ፍቃድ ላልተወሰነ ጊዜ መታገዱ ተገለጸ አሁን ላይ የነዳጅ ማደያ ማስፋፊያ ፍቃድ መታገዱን የነዳጅ እና ኢነርጂ ባለስልጣን ለመናኸሪያ ሬዲዮ አስታውቋል፡፡ መንግስት የነዳጅ ማደያ ማስፋፊያን የትኩረት አቅጣጫ አድርጎ ሲሰራ መቆየቱን የነዳጅና ኢነርጂ ባለስልጣን ዋና ዳይሬክተር ወ/ሮ ሳህረላ አብዱላሂ ናቸው የተናገሩት፡፡ መንግስት የነዳጅ ማደያዎችን በሀገር ውስጥ ለማስፋፋት በርካታ ስራዎችን ሲሰራ መቆየቱን ያስታወሱት ዋና ዳይሬክተሯ አሁን ላይ ግን ባልተፈለገ አቅጣጫ እየሄደ መሆኑን ባለስልጣኑ በማረጋገጡ ፍቃዱ ላልተወሰነ ጊዜ እንዲታገድ ተደርጓል ብለዋል፡፡ በጉዳዩ ዙሪያ ባለስልጣኑ ጥናት እያደረገ እንደሚገኝ የገለፁት ወ/ሮ ሳህረላህ የማደያዎች ፍቃድ አሰጣጥ እና ተደራሽነት ላይ የሚስተዋሉ ችግሮች መፍትሄ ካገኙ በኋላ ፍቃድ የመስጠቱ ስራ ዳግም እንደሚጀመር ተናግረዋል፡፡ ችግሩ ከተፈታ በኋላ በተለይም የነዳጅ ማደያ ተደራሽ ባልሆኑባቸው አካባቢዎች በስፋት የሚሰራ ይሆናል ነው ያሉት፡፡                 የነዳጅና ኢነርጂ ባለስልጣን ዋና ዳይሬክተር ወ/ሮ ሳህረላህ አብዱላሂ የነዳጅ ማደያ ፍቃድ አሰጣጥ ብዙ ጥናት ማድረግን የሚፈልግ ስራ በመሆኑ መቼ ይጀምራል የሚለውን አሁን መግለጽ አይቻልም ብለዋል፡፡ መናኸሪያ ሬዲዮ

ዓለም አቀፉ የድፍድፍ ነዳጅ ዋጋ ጭማሪ ማሳየቱ ተሰማ በዋናነት ነዳጅ አምራችና ላኪ ሃገራት ላይ በታየው ፖለቲካዊ አለመረጋጋት ምክንያት ዛሬ ማለዳ ላይ ጭማሪ ማሳየቱን ሬውተርስ በቢዝነስ ዘገባው አስነብቧል። አንድ በርሜል ድፍድፍ ነዳጅ በትንሹ የ0 ነጥብ 5 በመቶ የዋጋ ጭማሪ ማሳየቱንም ዘገባው አመላክቷል። የኢራኑ ፕሬዚዳንት ኢብራሂም ራይሲን ጨምሮ የሃገሪቱ ከፍተኛ የመንግስት ባላስልጣናት በሄሊኮፕተር አደጋ ለህልፈት ከተዳረጉ በኋላ ጭማሪው መመዝገቡንም ዘገባው ጠቅሷል። በተጨማሪ የሳዑዲ አረቢያው ንጉስ ሳልማን የጤና መታወክ ያጋጠማቸው ሲሆን፥ ዜናው ከተሰማ በኋላም የዋጋ ጭማሪው ታይቷል ነው የተባለው። Arada_Fm

ግብርና ሚኒስቴር ፀረ ተባይ እና የግብርና ኬሚካሎችን የሚረጩ አውሮፕላኖችን በኪራይ ሊያቀርብ ነው ተባለ የግብርና ሚኒስቴር ተጨማሪ የገቢ ምንጭ ለማግኘት በማሰብ እርሻዎች ላይ ፀረ ተባይ እና ሌሎች የግብርና ኬሚካሎችን ለመርጨት የሚያስችሉ አውሮፕላኖችን በኪራይ ሊያቀርብ መሆኑን ሪፖርተር አስነብቧል። ሚኒስቴሩ በሀገሪቱ በምስራቅ እና ሰሜን የአንበጣ ወረራ መከሰቱን ተከትሎ 5 አውሮፕላኖች መግዛቱን ሲገልፅ የኢንሹራንስ እና የጥገና ወጪዎችን እንዲሁም ተባዮችን ለመቆጣጠር የሚያስችል አቅም ለማዳበር አውሮፕላኑን ለግሉ ዘርፍ ሊያከራይ እንደሆነ ገልጿል። የግብርና ሚኒስቴር ግርማ አመንቴ እነዚህን አውሮፕላኖች ለግሉ ሴክተር እና ለትልልቅ እርሻዎች አገልግሎት እንዲሰጡ የሚያስችለውን አሰራር ለመዘርጋት መመሪያ መዘጋጀቱን የገለፁ ሲሆን አገልግሎቱ በቅርቡ ይጀምራል ብለው እንደሚጠብቁ ገልፀዋል። @TikvahethMagazine

በአዲስ አበባ በዓመት ከ80 ሺ ቶን በላይ የፕላስቲክ ቆሻሻ ይመነጫል ተባለ በአዲስ አበባ ከተማ በዓመት ከ80 ሺ ቶን በላይ የፕላስቲክ ቆሻሻ ይመነጫል ሲል የአዲስ አበባ ከተማ አስተዳደር የአካባቢ ጥበቃ ባለስልጣን አሰታወቀ። ይህም በከተማዋ ከሚመነጨው ቆሻሻ 13 በመቶ የሚሆነዉ የፕላስቲክ መሆኑ ሲነገር የሀገሪቷ የፕላስቲክ ፍጆታ ከ 2007 ከነበረበት 43000 በ 2022 ወደ 224000 አድጓል። ይህም በሰዎች ጤና፣ የአካባቢ ውበትና የውኃ ኃብት ላይ አሉታዊ ተፅዕኖ እያሳደረ ስለመሆኑም ተጠቁሟል። በዚህም አካባቢን የሚበክሉ የፕላስቲክ ምርቶች ውፍረታቸው ከ0.03 ማይክሮ ሜትር በታች ሆነው እንዳይመረቱና አገልግሎት እንዳይሰጡ ማድረግ፣ በፕላስቲክ ምርቶች ላይ ከፍተኛ የሆነ ታክስ መጣል ተግባራዊ መደረግ ያለበት መሆኑን የዘገበው ካፒታል ነው። @TikvahethMagazine

ሀገሪቷ ከወጪ ንግድ ከ2.5 ቢሊዮን በላይ የአሜሪካን ዶላር ገቢ ማግኘት መቻሏ ተገለፀ የንግድና ቀጠናዊ ትስስር ሚኒስትር እንደገለፀዉ በበጀት ዓመቱ ዘጠኝ ወራት ከወጪ ንግድ ከ 2.5 ቢሊየን በላይ የአሜሪከን ዶላር ገቢ መገኘት ችሏል ብሏል። ሚንስትሩ እንደገለፀዉ በዘጠኝ ወሩ 3.56 ቢሊዮን የአሜሪካን ዶላር ለማግኘት ታቅዶ 2.511 ቢሊዮን ዶላር ወይም 70.49 በመቶ ገቢ ማግኘት ተችሏል፡፡ ከተገኘው ገቢ የግብርና ምርቶች 73.6%፣ ማኑፋክቸሪንግ ዘርፍ 51.54%፣ ማዕድን ዘርፍ 66.53% እዲሁም ኤሌክትሪክና ሌሎች ምርቶች 71.25% ዕቅድ አፈፃፀም ማሳየት ችለዋል በማለት በሪፖርቱ ገልጿል ። የንግድና ቀጣናዊ ትስስር ሚኒስቴር ክትትል የሚደረግባቸው የቅባት እህሎች፣ የጥራጥሬ ምርቶች፣ የብርዕና አገዳ ሰብሎች፣ የጫት ምርት፣ የቁም እንስሳት እና የደንና ደን ውጤቶች እንዲሁም የቁም እንሰሳት መኖ 811.13 ሚሊዮን ገቢ ለማግኝት ታቅዶ 699.11 ሚሊዮን ዶላር ገቢ መገኘት ችሏል ማለቱን ካፒታል ዘግቧል።

አየር መንገዱ ከሰኔ 1 ጀምሮ ወደ አክሱም ዳግም በረራ ይጀምራል ተባለ ከመጪው ሰኔ 1 ቀን 2016 ዓ.ም ጀምሮ ወደ ትግራይ ክልል አክሱም ከተማ ዳግም በረራ እንደሚጀምር የኢትዮጵያ አየር መንገድ ግሩፕ ገለጸ። የአየር መንገዱ የንግድ ዘርፍ ዋና ኃላፊ አቶ ለማ ያዴቻ፤ አየር መንገዱ ወደ አክሱም ዳግም በረራ ለመጀመር የሚያስችሉትን ቅድመ ዝግጅት ሲያደርግ ቆይቷል ብለዋል። በመሆኑም ከመጪው ሰኔ 1 ቀን 2016 ዓ.ም ጀምሮ ታሪካዊ የቱሪዝም መዳረሻ ወደሆነችው አክሱም ከተማ ዳግም በረራ እንደሚጀመር ገልጸዋል። በረራው መጀመሩ ዓለም አቀፍ ቱሪስቶችና የሀገር ውስጥ ጎብኚዎች ወደ ሥፍራው የሚያደርጉትን ጉዞ ለማሳለጥ እንደሚያስችልም ተናግረዋል። በረራው በሣምንት ሰባት ጊዜ የሚደረግ መሆኑንም መጠቆማቸውን የዘገበው ኢዜአ ነው። አየር መንገዱ የደንበኞችን ፍላጎት መሰረት በማድረግ በረራውን በቀን ወደ 3 እንደሚያሳድግም ገልጸዋል። የበረራው መጀመር የትራንስፖርት እንቅስቃሴውን ለማሳለጥና ማኅበራዊ መስተጋብርን ለማጠናከር ያስችላል ብለዋል።

50 ሚሊዮን ዶላር ወጪ የተደረገበት የሀገር ዉስጥ የመንገደኞች ማስተናገጃ ተርሚናል ማስመረቁን የኢትዮጵያ አየር መንገድ አስታወቀ አየር መንገዱ 5ዐ ሚሊዮን የአሜሪካ ዶላር መዋዕል ንዋይ ፈሰስ ያደረገበትን የአገር ዉስጥ መንገደኞች ተርሚናል በዛሬው ዕለት አስመርቋል ። በተርሚናሉ ላይ የተሰራዉ እድገት እና ማስፋፊያ የመሰረተ ልማቱን ይዞታ ከሁለት እጥፍ በላይ በማድረግ ወደ 25,750 ስኩዌር ኪሎሜትር ማሳደጉን ገልጿል ። ሲሲሲሲ በተሰኘዉ የቻይና ኩባንያ የተገነባው ተርሚናሉ 4 ከግዙፉ አዉሮፕላኖች ጋር ተገጣጣሚ የሆኑ መሳፈሪያ በሮችን ጨምሮ ከአለም አቀፍ የመንገደኞች ማስተናገጃ ህንፃ ጋር እንዲገናኝ ሆኖ ተገንብቷል ተብሏል። ካፒታል

በተለያዩ ምክንያቶች አገልግሎት መስጠት ያቆሙ የነዳጅ ማደያዎች በአዲስ መልክ ስራ ሲጀምሩ ለኤሌክትሪክ ተሽከርካሪዎች ኃይል የመሙላት አገልግሎት እንደሚሰጡ ተገለጸ በመዲናይቱ 132 የነዳጅ ማደያዎች ቢኖሩም በኮሪደር ልማቱ እና በሌሎች ችግሮች ምክንያት አገልግሎት መስጠት ያቆሙት ከኮሪደር ልማት ግንባታው መጠናቀቅ በኋላ ለኤሌክትሪክ ተሽከርካሪዎች ኃይል የመሙላት አገልግሎት እንደሚሰጡ የአዲስ አበባ ከተማ አስተዳደር ንግድ ቢሮ ለመናኸሪያ ሬዲዮ አስታውቋል፡፡ አዲስ አበባን ስማርት ሲቲ ለማድረግ እየተሰራ ባለው የኮሪደር ልማት ስራ ሙሉ ለሙሉ የፈረሱ 5 የነዳጅ ማደያዎችና በሌላ ብልሽት ምክንያት አገልግሎት መስጠት ያቆሙ 7 ማደያዎች በሙሉ አቅማቸው ስራ ሲጀምሩ አሁን ላይ ሃገር ውስጥ እየገቡ ያሉትን የኤሌክትሪክ ተሽከርካሪዎች ታሳቢ እንደሚያደርጉ የቢሮው ምክትል ኃላፊ ቅድስት ስጦታው ተናግረዋል፡፡ የኤሌክትሪክ ተሽከርካሪዎች በብዛት ሃገር ውስጥ እየገቡ መሆኑን ተከትሎ ለተሽከርካሪዎቹ አገልግሎት መስጠት የሚችሉ የሰለጠኑ ባለሙያዎች እንደሚመደቡ ነው ሃላፊዋ የገለጹት፡፡ የኤሌክትሪክ ተሽከርካሪዎች በኢትዮጵያ ብሎም በአለም አቀፍ ደረጃ እየጨመረ ያለውን የአየር ብክለት ለመቀነስ እንደሚረዱ የተናገሩት ሃላፊዋ ለነዳጅ ግዢ የሚወጣውን ከፍተኛ የውጭ ምንዛሬ መጠን እንደሚቀንሰው አስታውቀዋል፡፡ በመዲናይቱ መግቢያ ካሉት ማደያዎች ያላግባብ ነዳጅ ሲወጣ እየተስተዋለ ነው ያሉት ምክትል የቢሮ ኃላፊዋ፤ ችግሩን ለመቅረፍ ከሸገር ከተማ አስተዳደር ጋር በጋራ እየተሰራ ስለመሆኑ ገልጸዋል፡፡ መናኸሪያ ሬዲዮ

ዳሸን ባንክ የዓለም ባንክ አካል ከሆነው ዓለም አቀፍ የፋይናንስ ኮርፖሬሽን (IFC) ሽልማት ተቀበለ። ዓለም አቀፉ የፋይናንስ ኮርፖሬሽን (IFC) የላቀ ዓለም አቀፍ የንግድ ፋይናንስ አገልግሎት በሚሰጡ ባንኮች ዘርፍ ለዳሸን ባንክ "Outstanding Global Trade Finance Program Issuing Bank" ሽልማት መስጠቱን ስናበስር በደስታ ነው ብሏል ባንኩ፡፡  ሽልማቱ የተሰጠው ኮርፖሬሽኑ  8ኛ ዓለም አቀፍ ጉባኤውን በስፔን ሀገር ባርሴሎና  ከተማ ባደረገው ጉባኤ ላይ ነው፡፡  በተያያዘ ዜና ዳሸን ባንክ በሀገሪቱ ለሚገኙ ጥቃቅን፣ አነስተኛና መካከለኛ ተቋማት የፋይናንስ አገልግሎት የመስጠት አቅሙን ይበልጥ ለማሳደግና የፋይናንስ ተደራሽነትን በተሻለ ሁኔታ ለማቅረብ የሚያስችለውን ስምምነት ከዓለም አቀፍ የፋይናንስ ኮርፖሬሽን  ጋር ተፈራርሟል፡፡  ስምምነቱን ሩዋንዳ ኪጋሊ ተገኝተው የፈረሙት የባንካችን ዋና ስራ አስፈጻሚ አቶ አስፋው አለሙ ናቸው፡፡ ስምምነቱ ዳሸን ባንክ የፋይናንስ ተደራሽነትን እና አካታችነትን ይበልጥ እውን ለማድረግ አቅም የሚጨምርለት ሲሆን በጥቃቅን፣አነስተኛና መካከለኛ ኢንተርፕራይዞች እንዲሁም በግብርና ላይ ለተሰማሩ ባለሀብቶች በተለይ በሴት ባለቤትነት የሚመሩትን ይበልጥ ተጠቃሚ ያደርጋል ተብሏል ።